جا نهار جديد🌄
كانو كيفطرو
دينيس:ماما ماعرفتش علاش سافر ودا معاه عائشة وماشي نرجس مافهمتش
طاهرة:سكتي لاتسمعك نرجس..ملي يجيو دابة يشرح لينا..خلي القدية هكا عائشة عند مها
سكتو فاش شافو نرجس جاية وهازة معاها هارون لي بات معاها:ها حنا جينا
بتاسمو ليهم وجلسات تفطر.
نرجس:يوسف مسكين جاه هاد الاجتماع على غفلة ففرانسا.
طاهرة:ايوا الخدمة ابنتي
كملو فطورهم من بعد ناضت دينيس هي وفاتي مشاو يقراو..ونرجس مشات لافااك
طاهرة خاطرها ماهانيش لهاد التسافيرة
تنهدات:على الله يكون خير
نبدلو لبلاصة
كانت جالسة فصالة حاطة راسها على لحافة دلفوطوي وكتفكر..جلس حداها وشد ليها فيديها وباسها:مالكي
شافت فيه وتنهدات:ماعرفتش..تاحاجة ماهي هديك
عماد:كلشي غيتقاد
بتاسمات:واقلة خسرت ولادي بجوج اعماد..شوف دار شحال خاوية .فين هي بنتي وفين هو ولدي لي كيتهرب كل مرة كيقول هنا حاي وماكتيجيش..يوماين وانا كنعيط ليه وكيديني على قد عقلي..وفاتي مابقاتش حاملة تشوف وجهي ..فنضرك شنو لي غيتقاد غير قولي
عماد:تقي بيا كلشي ايتقاد ..تاجدين ماباغيش يرجع تا ترجع فاتي ..وفاتي راه واخة هكاك حنينة خاصها غير الوقت
ليلى:و ايلا طوال هاد الوقت
عماد بتاسم ليها:هنا معاك..ولا طلعت ليك فراس
بتاسمات ليه تاهي:نت راك حياتي ..ولكن بغيت ولادنا يتجمعو نعوضو داكشي لي فات وتانت نشوفك فرحان
عماد:غادي يرجعو وغنفرحو وغنساو هدشي كامل غا رتاحي وتيقي بيا
ليلى:كنتيق فيك
باسها على راسها وناض:انا غنمشي لخدمة
ليلى:الله يعاونك
ومشا ..
فجيهة خراا
سارة:علاش ماباتش فدارو
الزاهية:مهدي عندو شي شغال ماباتش فدار..ايوا قال تاهو يجي يبات هنا
سارة:اه ايوا مزيان
شوية سمعو صوتو فيه واحد البحة زوينة ديال النعاس:صباااحو
الزاهية:كملها بعدة صباح الخير
عصام جلس ونيشان بدا كياكل:الوااليدة كلشي ولا مختاصر فهاد الوقت
الزاهية:ايوا الله يستر
عصام:شحال توحشت المسمن ديالك الواليدة
الزاهية:هاد المرة ماشي دياالي..سارة تبارك الله عليها فاش عرفاتك بتي فدار ناضت بكري وصيباتهم على ودك ..ربي عطاك ربعة دلبنات خوتك..عائشة ومريم وفاتي وسارة شكون بحالك
عصام :اه
وكمل ماكلتو بلا تاشي كلمة
سارة ناضت ودخلات الكوزينة نزلو دموعها :نساايه اسارة نساايه
مسحات دموعها دغية فاش سمعات صوتو:غا خليها انا غنجيب القهوة رااا..
وسكت فاش شافها قدامو وعنيها دامعين
رجعات مسحات دغية دموعها وبتاسمات:خويا عصام بغيتي شي حاجة..
بقات كدور فالكوزينة غا بوحدها:هنا نوجد ليك القهوة..فين حطيتها ياربي..اه ها هي..لا هادا اتاي..اصبار نقلب..
سكتات فاش سمعات صوتو:براكة اسارة
عطاتو بالضهر وبقات كتبكي
عصام مسح على راسو ماعارفش اش يدير ماباغيهاش تبكي..قرب لعندها وحط يديه على كتافها:سارة
غمضات عنيها وشهقات ماقدراتش تصبر....حطات يديها على فمها وبقات كتبكي
عصام ضميرو كيزيد يعدبو:سارة لاش كديري هاد الحالة فراسك..راه كنحس براسي أديتك ونتي عارفة غلاتك عندي
سارة بصوت باكي:ماقديتش اعصام
وسكتات وكملات بكاها
عصام :قوليلي شي حاجة نديرها والله حتى نديرها غير ماتبكيش
هزات راسها بلا
عصام بقة ساكت شحال وهو ينطق:تزوجي بياا
سارة دارت لعندو وهي مصدومة
بقة كيشوف فيها كتسناها تجاوبو
سارة مسحات دموعها:واش عارف راسك شكا تقول
عصام:عارف .انا ماشي ولد الحرام اسارة ماتربيتش هكا .داك ليلة ماكانش خاص يوقع فيها داكشي بجوج غلطنا وانا مستاعد نصحح الغلاط ديالي
سارة بقات كضحك وكتمسح فدموعها:واش بصااح باغي تزوج بيا وهاد الهضرة لي كتقول عليا
هز راسو باه
سارة :واش عارف علامن كتهضر هادي راه سارة لي فايتة طايحة مع كتر من واحد شمن غلاط اتصحح متلا غا قولي..شرفي وخسرتو هدي سنين كرامتي وزطمو عليها شمايت شحال من مرة ..شنو غتصلح راه اصلا انا كلي اغلاط..لا كنتي اترضاها لراسك انا ماغانرضاهالكش..شمن زواج وشمن زبل الله يهديك اعصام ..نسى الموضوع وحيد هادشي من بالك ..ياك انا لي بغيتك ماضربتينيش وقلتيلي بغيني اسارة ادن نت ماالك..كيف ما بغيتك انساكك..اصلا سارة مولفة ماديرش فبالك..وسير كمل فطورك
عصام:سارة داوي بصاح تانا عندي خوتي مانبغيش يوقعلهم هدشي لي وقع ليك..تانتي تستاهلي فرصة خرا ..وتنساي عليك لي فات ..نتي راك بحالك بحال خوتي لي دراتك دراتي
سارة:هانت قلتيها بحال خوتك..ادن خليني بحال ختك
عصام:سارة ماتعصبينيش
سارة:نت لي ماتعصبنيش ماتزيدش تكمل علياا الزواج رتداه مستحيل نتزوجو انا ويااك
عصام سمع مو كتعيط ليه:فكري مزيان وردي عليا
وخرج من الكوزينة
سارة :وانا كرهت نكون مراتك وتكون راجلي ولكن انا ماشي انانية تستاهل حسن مني
قدات القهوة وداتها ليه
نبدلو لبلاصة
كان راكب فطوموبيل باغي يدوز النمرة دعصام يسول فيه ..كيقلب عليها يلاه ايهز راسو وهو يتصدم بغة يبدل الطريق ولكن لي عطا الله عطاه دخل فالطموبيل لي قدامو
مهدي:ولد القحبة موقف الطموبيل فالطريق
نزل عوال يسبووو حيت ماشي منو الغلاط
مهدي:شها....
سكت وهو كيشوفها قدامو مخنزرة:وااااش حمق دخلتيلي فطوموبيلتي
مهدي:هادي نتي اكرام الزعيم
اكرام عاد عرفاتو:هدا نت شهاد النهار المنحوس
مهدي:من نيتك ابنت العبد نتي راك النحس بعينيه
اكرام:بلاتي نعيط لبابي يتفاهم معاااك
خدا ليها طليفون ودارو فجيبو:لواااه نمي ماشي بابي
اكرام خرجات فيه عنيها:هااااا كتخسر الهضرة وقدااامي ..ارالي طليفوني نعيط للي يربيييك..عمر شي حد خسر حدايا الهضرة والله تاندمك.. عطيني طليفووونييي
مهدي:اسمعيي ازبي داك البجوق ديالك ماديريهش عليا صباااح هدا ...موقفة طموبيل فطريق كتقولي هنا دخلوو فيااا..ايوا ملي زمل عليك الضامير سيري نتتاحري فشي قنطرة ماتجيش فطريقي انا
اكرام شوية وتبكي:صااافي سكت ..ماتزيدش تهضر شهادشي كتقول الحيواان..
مهدي:ورااه مازال تزيدي تسمعي لما هضرتيش كي الناس..اطونسيووو راه نساا راني كنبغي الزعرات ونمد يدي عليك نوريك الضربة دلبوكسوور كيف دايرة
اكرام:نت ماكاتسواااااش .وغير جرب ومد يديك وتشوف شغا يوقع فيك
قرب لعندها:اهااه نجرب ماعنديش مشكل
رجعات اللور:شكا ديير
مهدي كيقرب:غنجرب
رجعات اللور تا لسقات فالطموبيل:ببعد راااك غتندم
حط يديه بجوج على الطموبيل وهي فالوسط جامعة يديها عندها وخايفة:شنو دابة ضربة الوجه ولا الكرش تقياي كاع داكشي لي كليتي
اكرام شوية وتسخف:واش حماقيتي بعد منييييي والله تانقولها لبابي يجي
مهدي زاد قرب كيقلدها:فين غيجي هاد بابي
اكرام صافي غتبكي:ايجي ليك
قرب وطبع بوسة على خدها:هادي فعاوط الضربة
اكرام ولات حمرة وخضرة وغوز شوية وغتنفاجر..المشكلة باقي مابعد:مرة خرا ماتعاوديش توقفي فالطريق حيت ندير شي حاجة خرا..نديك نغتاصبك ابابي راه نديرها
اكرام مابقاتش قادرة تصبر نزلو دموعها:ببعد منييي ماتقيصنيييش..طموبيلتي وقفات بيا تسالا ليها لمازوووط ماوقفتهاااش بلعانيييي..
بعد عليها:وا قوليها من اللول ماتمرضينيش
بعدات عليه وهي مازال كتبكييي:نت كتسب فيا وتعايرنيي وبايسنييي اش بغيتيني نقول.والله تاندمك والله تانقولها لبابي هو غيعرف ليييك...عطيني طليفوني
مهدي:لا حول.. على صباح
مد ليها الطليفون صونات ماشدلهاش وهي كتشهق بلبكة..رجعات صونات نفس الشي..والو ..كانو فواحد المنطقة خاوية مافيهاش الريزو
اكرام:شهاااد الزهر
مهدي:ركبي نوصلك دنيا خايبة هناا
اكرام :بعد منييي لااا
مهدي مشا حل باب طموبيلتها هز ساكها وخدا سوارت وسورت الطموبيل وجرها بالسيف عليها:زيدي قدامي راه يشدوك يختاطفوك ويديرو ليك مادار باك لمك باش جابوك
لاحها فالطموبيل وركب وهي مازالة كتبكي:عمر شي حد دارلي هكا..عمر شي خسر لي الههضرة..عمر شي حد تجرأ وتبسل علياااا
مهدي:واش سارطة كاسيطة عرفت الالة عرفت غا سمتينا..دابة فين غنحطك حيت صدعتيني فراسي
اكرام:ديني محطة طاكسي
وصلها للمحطة ونزلات زدحات ليه لباب بالجهد طل عليها من الشرجم:مامخلصهاااش بابي ديالك باش تزدحيها
ماجاوباتوش وركبات فطاكسي
مهدي بتاسم:ولكن حلوووة
وكمل طريقو كيضحك
