💔ااجزء 181💔
رجع اللور فاش سمع شي طليفون كيصوني..كان طليفونها...دور عنيه فلبيت وشاف فساك حلو وهز الطليفون شاف اسم المتصل (طبيبة) ضغط على قبول:الو عائشة من صباح وانا نصوني..المهم هاد لعشية ماغانكونش غدا فصباح اجي باش ديري عملية الاجهاض صافي..الو..واش كتسمعيني..عائشة
قطع عليها وهو مصدوم..بنات ليه واحد لبرية هزها وحلها وشاف صور الجنين(ايكو)..بقة واقف ومصدوم
دور وجهو فاش خرجات من الحمام..نزلات عنيها لداكشي لي فيديه بلعات ريقها ورجعات اللور
حطات يديها على فمها وهي كتشوفو جاي لجيهتها بخطوات تقال وعنيه فعينيها تبلوكات فبلاصتها .صافي عرف راها حاملة..وزيد باغة،طيحو من الفوق..كتشوف فيه وكتبكي وشوية بشوية كيزيد يتسمع شوق شهقاتها..حتى وقف اونفاص معاها هز لايكو اونفاص مع عنيها وهضر وهو عاض على سنانو:شهادشي
بقات غير كتشوف وكلها كترجف
غوت:شهااااااااد شيييي..حاملة اعائشة ومخبية عليا..وباغة طيحييه..دوي شهاد المرض الجديد لي وليتي ديري
نزلات عنيها لتحت غا كتبكي وكتقفز مع كل كلمة كينطقها..وكتسنة شي عقااب ينزل عليها ..شافت فيه فاش شدها من الفك ديالها..شافت فعنيه حومر و شحال معصب وفهاد اللحضة يقدر يقتلها مافيهاش..عروق وجهو باينين.وشوية ويسحق ليها كفها بين صبعانو لي شادو بيهم:كنقوووولك اعائشة هاد التبرهيش ديالك هو لي مضيع علاقتي بييك هو لي مخلينا نوصلو لهادشي لي حنا فيه
لسقها مع لحيط ومازال كيدوي :عممرك غتبدلي واخة يوقع لي يوقع اتبقاي ديما هكا برهوشة ..عمرك اتحملي المسؤولية.وديري عقلللك
وقرب تا لوجها:وماحدك كديري هكا ماغاتشوفيش مني الزويييين كااع اعائشة ..يا اما انقتلك ولا
وسكت وكمل وهو عاض على سنانو:ولاا انقتلك
عائشة بلعات ريقها وجاوباتو:نت هو السباب ماشي غا بوحدي ....نت لي اناني بزااااااف وهامك غا راسك وغرورك لي مابغاش يتسالا..نت احقر واحد شفتو فحيااتي كاملة .خديتي ليا ولدي وانا عايشة اينا نوع من البشار نت..راك كتحرق ليا فقلبي غير بالمهل تا وليت كنحس بيه كيدوب كون غييير قتلتيني بصاح داك نهار وماتخلينيش نعيش هدشي لي كنعيشو داابة ...
شدات ليه فيديه وحطاتها على كرشها:زدتيني عداب اخوور بهاد الجنين لي فكرشي راه ماغانستحملش تولي تاخدو لياااا.غنحماق داك سااع والله تا نحماق ورحعتي حرمتيني منو تاهو وعطيتيه ليها.تولي تعطيه لوندة حاولات تقتل ولدنا..وكدبتيني اناا وتيقتيها هيي.شنو كتسناني ندير غا قولي ..ايلا كان هدشي لي ايوقع واخة نعرف نطيحوو بيدي ومايجيش لهاد الدنيا ايووسف.
شهقات بالجهد فاش هز يديه تا لسمااا وضربها مع الحييط تا نفرعات يديه:غااااا جربي وديريها اعائشة،قتليييه وغتشوفي ..والله تانمحي لمك لاتاار ماغانقتلكش بسهولة ..انفيييك لابعد بلاصة فهاد لعالام ..تبقاي بوووحدك تاتموتي..وعمرك تحلمي تشوفي الضو ولا السما كيف دااايرة .وعمرك تولي تشوفي هارون ..اتموتي ونار شاعلة فقلبك
بقات غير كتشوف فيه :نت ضااالم ..والضالم عمرو يعيش تاني..وانا عمري نسامحك ليووم الدين ايوسف
بغة يهضر وهي طيح ليه بين يديه شدها وهزها وحطها فوق النموسية ..حس براسو كلو كيغلي وغينفااجر..كلشي تجمع عليه ..حط يديه على صدرو كيضروو بزاف ..تنهد بصوت مرتافع وشاف فيها..هز الفيكس ودوز النمرة دطبيب وخرج من الجناح..نزل لتحت كي شي عجاجة
لقاها كتبكي على طاهرة
غير شافتو ناضت لعندو كتبكي:يوووسف غير سمعني
دفعها تا كانت اطيح :نرجع ونلقاااك هنا ماتلومي غا راسك
وشاف فطاهرة:الطبيب جاي طلعيه لعائشة
وخرج بلا مايزيدو تا كلمة ركب فطوموبيل وكسيراا ومشاا
طاهرة شافت فنرجس لي غير كتبكي وكتقولها هضري مع يوسف مايجيريش عليا .ومابغات تعاود ليها والو:صافي ابنتي طلعي لبيت وحبسي لبكة تايجي ونشوف معاه
نرجس:واعديني اخالتي توقفي معايا انا مانقدش نعيش بلا بيه
طاهرة شدات ليها فيديها:كوني هانية ابنتي ..راه مراتو وديري لي درتي مايمكنش يخليك.غا ساعة غضب..طلعي دابة للجناح ترتاحي .خليني نشوف عائشة مالها
طلعات طاهرة لعند عائشة ..جلسات حداها شافت فوجها اتار الدموع تنهدات :مافهمتش شنو واقع ياربي مانكونوش غلطنا.ومانكونو ضلمنا تاشي واحد
سمعات دقان كانت الخدامة ومعاها الطبيب..دخل وفحصها وشاف فالطاهرة:نزل ليها الضغط ديالها ومع الحمل راه صعيب عليها خاص ترتاح نفسيتها وتاكل مزيان فهاد الفترة اللولة دالحمل..هنا كتبت ليها شي فيطامينات تبعهم..وخاص تبع عند الطبيب تاهو باش يراقب حملها
خدات طاهرة الورقة ووصلات معاه للباب ورجعات عندها كانت شاكة انها حاملة...جلسات حداها وبتاسمات:غيجينا حفيد تاني
بقات جالسة حداها شحال من بعد ناضت وهبطات التحت
لقات امونة جالسة..جلسات حداها:اجي نتي
امونة:هنا
طاهرة:ماحدنا حنا ساكتين وتانتي ساكتة ماناوياش تعاودي لينا اش واقع مالك مع راجلك..كيجي ماكاتبغيش تشوفيه ..اش دار ليك
امونة تنهدات:ماما..
قاطعاتها:غتعاوديلي ماتفلسفيش عليااا
امونة نزلو دموعها:مابقيتش باغاه اماما.انا وياه راه مستحيل نكملو بجوج
وسكتات
طاهرة:وعلاش
امونة:حيت هو فقلبو مرة وحدا خراا هدشي لي بغيتي تعرفي..من ليلة زواجنا صدمني وقالي كيبغي وحدا خرا وزواجنا غا على الوراق ..وداك نهار جاي كيبرد فيا الفقصة ديالوو حيت واليديه مابغاوهاش قالي انا لي كنحرشهم
طاهرة:واش ضربك
بقات ساكتة كتبكي
طاهرة:دويي واش ضربك شنو دار ليك
امونة:واااالو مادار لي والوو غا هضرتو جرحاتني .ماعندي لاش نبقة معاه اماما
طاهرة عنقاتها:صافي ابنتي صافي مايكون غا خاطرك..غنهضر معاه ونشوف لاش كيجي وهو باغي وحدا خراا..انا غنتكلف بيه ونوريه يجرح ليا بنتي
امونة:مابغيتش نرجع ليييه
طاهرة:صافي كوني هااانية صافي
بقات جالسة مع بنتها شحال ..وقررات هي لي توقف فوجه محمد مايمكنش تسكت ليه على هدشي
ناضت وطلعات الفوق يلاه اتدخل لبيت دينيس وهي تشوف اكرام خارجة من لبيت:اجي نتي
اكرام:وي ماما
طاهرة:مالك غير شادة عليك فهاد البيت..شنو واقع بسلامة مالكم فهاد دار وليتو دايرين مابغيتو شي كيخبي من شي ..ودايرين الاسرار السيبة ولات فهاد الدار
دينيس كانت خارجة من لبيت وهي توقف على صوت مها
طاهرة:وحدة شادة عليها فلبيت ربعيام هادي تقريبا كنشوفوها غا فاش كترشق ليها..وعنيها ولاو منفوخين بلبكة وتقولك ماكاين والو..وواحد غير غابر ماعرفناهش فين وساكت ماعرفناش اش عندو..دابة فين هو غا نشوفوه (كتقصد بدر)
اكرام:ماما راه بصاح ماكاين والو
طاهرة:انا ماكانرضعش فصبعي كلشي كنشوفوو
اكرام:هنا مشيت للخدمة
طاهرة:ملي غترجعي غنتفاهو
اكرام مشات كطير
دينيس بغات دخل دغية وهو يوقفها صوت الطاهرة:فين غادة
دينيس:النعس
طاهرة جراتها من يديها ودخلات للبيت:اشنو واقع تانتي ماتقوليليش والووو
دينيس بلعات ريقها ونزلات راسها لتحت:والو اماما
طاهرة:ها لي ماكانحملش..راه انا لي ربيتكم ماشي نتوما لي ربيتوني راني كنعرف فاش كتوقع ليكم شي حاجة وتخبيوها
دينيس:اشنوو بغيتيني نقول اماما راه ..
طاهرة:قولي كلشي انا ماماك ابنتي لاما قلتيليش لمن اتعاودي
دينيس بدات كتبكي:خووويا دمرلي كلشي اماما يوسف اناااني بزاف
طاهرة:مالو اش دار ليك
دينيس:انا كنبغييه بزاااف ومانقدش نعيش بلا بيه اماما ويوسف هو سباب باش سمح فياا
طاهرة مصدومة:كيفاااش..شكون هدا
دينيس:عصام اماما ولد خالتي ليلى..كنبغيه بزاااف
طاهرة :عاوديلي من لول اش وقع
دينيس كتعاود ليها وكتبكي ..عاودات ليها كاع داكشي لي وقع:ماما راه مانقدش نعيش بلا بيه
طاهرة:قولي لي غا حاجة وحدة
دينيس شافت فيها بعنيها دامعين..طاهرة كملات:واش وقعات بينك وبينو شي حاجة..زعمة احم..
دينيس هزات راسها بلا:لا والله ماوقعات شي حاجة لا بغيتي نمشيو عند طبيب..عصام مايديرهاش ويسمح فيااا ..
قاطعاتها طاهرة:شتي كوكان كيبغيك غيوقف فوجه خوك على قبلك..ومايسمحش فيك ..ويقولك نساليو على حاجة تافهة بحال هادي..جمعي راسك ابنتي ماتزيديش طيحي راسك كتر من هكاا..خوك كيبقة خوك وكيفما كان داير ليك العز ماتنزليش بيه على ود واحد فأول مشكل بسيط طحتو فيه نكرك..شنو كتسناي منو.لي باعك بيعيه بما رخس.وايلا مشا يجي غيرو يستاهلك..علاش اتخسري خوك هلى ودو
دينيس زادت فلبكا ماكاتستحملش بحال هاد الهضرة:ولكن انا كنبغيه اماما.وتاهو..
قاطعاتها تاني:شمن بغيان هدااا..توكدي ابنتي ..وفيقي من هادشي لي دايرة فراسك..ودوري الهضرة فراسك وأتلقاي عندي الحق
وناضت وخلاتها مع راسها
دينيس عنقات الخدية كتبكي مابغاوش يفهموها.هي لي عاشت معاه وعارفاه مادايرش هكاك..ماتقدرش تكرهو وهو ساكن فقلبها لي معاندها
فبلاصة بعيدة عليهم
واقفة كتشد فالطاكسي من بعد ما شرات التقدية
كانت الشمس حارة..وطاكسيات كاع لي كيدوزو عامرين..تنهدات:والله تاندير اوطو سطووب يلاه
حطات داك تقدية فاللارض..وقادات الجلابة لي لابسة مزيان..لاسقة عليها..ووقفات فوسط الطريق ..بتاسمات فاش دارو ربعة،دطوموبيلات الصف حداها ..كلهم باغينيها تركب..بقات كتشوف وتختار بعنيها حتى كيطيرها صوت لكلاكسون دورات وجها وهي تشهق فاش شافتو بالرونج ديالو كيشير ليها بيديه وهو مبتاسم..رجعات دورات وجها:الله ياربي عنداك يكون شافني ويلي على فضيحتي
حرك الطوموبيل ووقف حداها:سارة
شافت فيه:حمزة لاباس
حمزة:شكا ديري فهاد الشمس
سارة:هانت كتشوف ..خرجت نتقدة وتقول شي طاكسي وقفات ..باش زوينة تكون كتعيش فحي شعبي كلشي حداك
بتاسم:ركبي نوصلك
سارة:بلا مانعدبك
بتاسم وشاف فطوموبيلات لي واقفين:واش كتعرفي شي حد فيهم
هزات راسها بلا:لا لا ..عرفتي شغا دير غا وصلني
نزل وهو كيضحك هز معاها تقدية ودارهم فلكوفر وركبو
سارة:ديما كنعدبوك
حمزة وهو كيسوك:لا هانية..حشومة نشوفك ونخليك
سارة:شكرا
حمزة:العفوو
شاف فيها:شنو كديري فحياتك اسارة
سارة:والو غا جالسة
حمزة:ماكاتخدميش
هزات راسها بلا:لا ماعنديش مع الخدمة هههه
بتاسم:ايوا رتاحي مع راسك ماعندك ماديري بيها
وصلو لحدا دار
سارة وهي نازلة:ربي يخليك عتقتيني..يلاه بسلامة
وقفها صوتو:خلي لي نمرتك..ديما كنتلاقاو مزروبين..نعوضوها بشي جليسة مقادة
سارة خدات طليفونو وقيدات نمرتها:واخة هاهي ..ولكن باش نقولك من دابة لجلسة معايا مملة حياتي مافيهاش شي حاجة لي تعاود
حمزة:هههه ماعنديش مشكل
بتاسمات:صافي واخة
وهزات تقدية يلاه اطلع وهي تشوف طوموبيل دعصام وقفات حدا دار..شافت حمزة نزل سلم عليه وهي كملات طريقها وطلعات للدار:اوووف لمووت ازاااهية
زاهية هزات معاها:لحرارة قلت ليك سيري بكري
سارة حيدات جلابة وبقات بسوميج قصيرة كانت لابساها..وصدرها مبندر:راكي عارفة ماكانحملش نفيق بكري
وهوما يشوفو عصام داخل
الزاهية:على سلامة
عصام شاف فسارة لي كتنش على راسها:شنو كنتي كديري معاه
سارة:كيفاش
عصام:راكي عارفة بلا ماتحيمقي عليا اش جابك لحمزة
سارة وقفات:مالقيتش طاكسي ووصلني اش فيها
عصام:جاتك عادية ولا شنو..سارة اخر مرة تولي ديريها حيدي عليك تخربييق من راسك
سارة:شنو كتقصد بهضرتك
عصام مسح على راسو:وااالو اسارة والو غير هدشي مايتعاودش ..لا حصلتي شي نهار عيطيلي نجي تا لعندك
سارة ماجاوباتوش ودنلات للبيت وزدحات لباب
الزاهية:مالك معاها شنو واقع
عصام دخل للكوزينة عمر كاس دلما وشربو:والو الواليدة
الزاهية:وعلاش قلقتي البنت..راه مانسمحلكش تبكيها..ماشتيش عنيها كيف غرغرو
عصام تنهد ومشا حل عليها لباب ودخل لعندها:دابة لاش لبكة
سارة مسحات دموعها:صافي اعصام
عصام جلس حداها:راه مانحملش نسمع عليك الهضرة اسارة راه والله تانقتل شي حد نتي دابة وليتي تحت مسؤوليتي ..وكلشي عارفك من جيهتي ..
سارة:وانا شنو درت
عصام:بنادم فيه الهضرة اسارة
سكتات
عصام وقف:واحبسي من لبكا ونوضي راه فيا الجوع
بتاسمات وهي كتمسح فدموعها وقفات وشافت فيه:شنو بغيتي
عصام:ماعرفتش اي حاجة عارفك كطيبي مزيان
سارة:هي لولا دابة نوجد ليك شي حاجة
بجوج دارو نفس الخطوة للباب قد قد تا دخلو فبعضهم كانت اطيح وهو يشدها من خسرها:عندااك
شافت فيه بغات تهضر وهي تسكت ..كاع دوك الاحاسيس لي حاولات تدفنهم رجعو ليها تاني وهو قريب ليها ..بقاو شحال هكا كل واحد و فاش كيفكر..مافهمش شوفاتها بغة ينزل عنيه ويبعد من عنيها وهوما يجيو على صدرها لي نص فيه بارز..رجع شاف فيها من الدهشة..تبعات قلبها ومحسات براسها تا بدات كتقرب ليه ..يلاه حطات شفايفها على شفايفو وهو يبعد:دينييس شكا ديري
بقات غير مصدومة من راسها اش دارت ومن اللحضة،ومن السمية لي نطق بلا ما يشعر
تنهد وخرج من البيت ومن دار كاملة..بقات غا مبلوكية جلسات فوق النموسية وهي غا كتشوف:شكااا تخربقيييي اساااااارة
