من بعد ماكملو تركاب لخواتم ..تجمعو فطبلة عائلية مجهزة ومزوقة بجميع الاطباق والخدامات واقفين لا يحتاجو شي حاجة..كل واحد شد بلاصتو..جلسات تاهي حدا ماماها وسارة كانت غير ساكتة وغير دماغها لي خدام علات راسها شافتو جالس ونرجس حداه كتقاد ليه فالطبسيل وباينة الفرحة فعنيها علاش ما اتفرحش وولادها بجوج ايتكتبو بسميتها وراجلها ايبقة معاها وشكون لخاسر من غيرها هي عويشة ..هزات كاس دلما شربات منو فاش شاف فيها ماغاتسمحش بهادشي يوقع ولادها بوحدها ...دورات وجها كتقلب على هارون شافتو عند امونة كتلعب معاه هي وراجلها محمد كيحاولو يوكلوه وهو كيهرب وجهو ويضحك ..بتاسمات كيفاش اتسمح فهاد الطرف منها كيفاش تخليه ليهم ..تنهدات فاش سمعات صوت مها:كولي ابنتي
عائشة :واخة اماما
بدات كتاكل فصمت
اكرام كانت جالسة كتدوي هي وفاتي ومرة مرة كتشوف فيه كتحس باحساس غريب عليها فاش كتشوفو ..تفكرات هاد النهار وهي تبتاسم ...كملات كلامها مع فاتي وهي كتاكل...سارة شافت فدينيس وعصام لي جالسين حدا بعضهم والفرحة فعنيهم ..بتاسمات وهي كتزيد تدفنو فالاعماق ديالها صافي كلشي قدام عنيها غا لابغات تزيد فيه..شافت فحمزة رتاحت ليه بزاف وعارفة معاه اتنسة عصام ..وهدشي لي مفرحها واخيرا اتعيش حياتها بحال كاع لبنات بتاسمات تاني وهي كتفكر لميساج لي صيفطلها فاش كتبات ليه انا مووفقة:واخييييرا صافي هاد السيمانة غنجيو عندكم وجدي راسك
داز الوقت
كانو فصالة كيهضرو على التفاصيل والعرس وداكشي تافقو يديرو داكشي خفيف ضريف غا بيناتهم حيت فوقما كيديرو شي حاجة كبيرة كتوقع شي موصيبة كترت لباشار كتجيب غا لعين خخخخخ
ناضو باش كل واحد يمشي بحالو والاجواء دلفرحة مازالة
عصام خرج هو وياها لبرة سبقهم كان شاد ليها فيديها ..
دينيس:صافي غتمشي
باس ليها يديها بجوج:وماسخيتش
دينيس:تانا
عصام:مابقة والو وغتولي ديالي داك ساع
هزات راسها باه واخيرا غيتحقق حلمها:عصام داكشي لي وقع..
قاطعها:نساايه بحاليلا ما وقع والو فكري فلي جاي شحال ايكون زوين وحنا مجموعين
عنقاتو:الله يخليك ليا
باسها على راسها:ولياا
بعدات فاش شافتهم خارجين
مهدي:براكة زيد قدامي ونتي دخلي لدار لا يصدق خاطفك فهاد ليل..وليل خايب
عصام:ماكاتقاضاش دابة تجي نوبتك
دور وجهو وشاف فيها واقفة حدا لباب:اححح فوقااش وكان
دينيس:شكون هادي عتارف
مهدي:مفاجأة ماكاتقالش
دينيس:ايوا دابة نعرفو
مهدي جر عصام معاه:يلاه اصاحبي
تنتر منو:تسنة
سلم عليها تاني بالوجه:تصبحي على خير
ومشا وهي واقفة حاضياه
سارة كانت واقفة حتى كتحس بيه وقف قدامها شافت فيه وبتاسمات
حمزة:ماعرفتش كيف غندير نصبر
سارة:مابقة والو
حمزة:فهاد السيمانة غنطرقو المسمار
سارة:ان شاء الله يلاه تصبح على خير
ومشات تبعات الزاهية ركبو مع عصام وصلهم
خوات الدنيا كلشي مشة وشي طلع ينعس..
عائشة هزات هارون:مشا لحال خاصو ينعس تصبحو على خير
طاهرة:عائشة
شافت فيها
طاهرة"بنتي ليا ماشي هي هديك هاد ليام لاكانت شي حاجة نمشيو لطبيب غدا
عائشة:لا بيخير غير ليام كيتزادو والوحم كيصعاب
طاهرة:ايوا رتاحيي ابنتي
هزات راسها باه وطلعات للجناح
ناصر:نعسو تاحنا مشا لحال.
طاهرة تبعاتو:تصبحو على خير
وتبعاتو
بقة هو ونرجس شافت فيه:باينة فيك عيان
هز راسو باه ناضت وهي مبتاسمة مدات ليه يديها:يلاه نعسو شد ليها فيديها وناض طلعو للجناح ..كان بغة يطل عليها ولكن نفسيتها لي ولات فيها كتعصبوو من الاحسن يبقة بعيد تايشوف شغا يدير..بدل عليه وتكا فبلاصتو كيحس براسو بصاح عيان وتفكير كيكمل عليه..تكات حداه وحطات راسها على صدرو ..مد يديه طفا الضو ونعسوو
عند عائشة
نعسات هارون وبقات جالسة شحال عرفاتو ماغايباتش معاها تنهدات والافكار كتلعب فدماغها غيجي واحد نهار اتبقة غا بوحدها لا هارون لا هدا لي فكرشها لا راجلها ..هدشي لي مكمل عليها..وعارفة راسها ماغاتستحملهااش غتمشي فيها..ناضت وهزات الطليفون بقات كتشوف شحال وهي دوز نمرتو دغية جاوبها:عائشة
عائشة:جعفر بغيت نمشي من لهنا انا وولدي
بتاسم:واخيرا اديريها صافي كوني هانية كلشي ايكون واجد
عائشة:ماغايلقاناش يوسف ياك
جعفر:-عمرو يلقاك ونتي معايا
عائشة بلعات ريقها:فأقرب وقت عفاك حاسة براسي انحماق لابقيت هنا
جعفر:ماغايوقع والوو نتي غير تهدني وانا غنتكلف
بقات ساكتة ومن بعد نطقات:يلاه تصبح على خير
جعفر:تصبحي على خير
قطع وهو مبتاسم:وأخيرا اتجي بين يديا اعائشة تعطلتي بزااااف
💔الجزء 190💔
جا نهار جديد
كانت جالسة فلاتيراس كتفكر فهدشي لي ادير مرات كتقول لا ماديرش هكا ولكن كترجع تاني لقرارها مايمكنش تبقة غا كتفرج تا ياخد ليها ولادها ويرميها كيف قال ..نزلات عنيها لهارون لي حاطاه فلجليسة لي حداها عاجبو الحال والجو وكيشوف فيها وكيحاول يشد ليها شعرها طويل لي كيطيرو ريح تحنات لعندو كتبوسو وهو كيضحك وشاد فيها باغيها تهزو ..هزاتو بين يديها وهو متمسك فيها وفرحان حيت ولا فحضن ميمتو باستو على وجهو:ماتخافش عمري نتخلة عليك واخة يوقع لي يوقع فين مامشيت انديك معايا ياك اعمري
كيشوف فيها وفحركات شفايفها وبتاسم وهو كيبجغط
عائشة باستو بالجهد على حنكو:ياااااا مامي على ولد عندي كيحمق
حسات بشي حد موراهت بلا مادور عرفاتو هو ..شافت فهارون غير شاف باه بدا كيهرنن باغي يمشي عندو..قرب لعندهم تاكان مور ضهرها مباشرة حاوطها من خصرها جامعها هي وهارون فدقة وقرب باس ولدو وتحنة باسها تاهي ورجع شاف فهارون:غتكبر وماماك مازال مابغات دير عقلها
ماجاوباتوش كتشوف لبعيد ..رجع نطق تاني:وايتزاد خوك ويكبر تاهو وماماك مازال مابغات تكبر
عائشة ببرود:وهكا انبقة حتى نموت
دورها لجيهتو :نموت ونعرف شنو كيدور فراسك
شافت ليه فعنيه:ادن موت
يوسف:وتسخاي بيا
بقات كتشوف فيه ونزلات عنيها:ماكيهمنيش
علا ليها راسها :شوفي فيا وجاوبي
عائشة:شغا يوقع ايلا متي والو ايبقة كلشي كيف هو .زعمة دابة ملي نت حي راه كلشي مزيان راه ماغايتبدل والو من غير ولادي ايبقاو عندي وانضمنهم ديما معايا
يوسف بعد شعرها على وجها بغة يهضر وهو يسكت وخدا منها هارون ماشي وقتو هاد الكلام ..باسو على راسو وبدا يلعب معاه..هي بقات واقفة كتشوف فيهم كون ماكانوش هاد المشاكيل كون مادارش فيها هدشي كانت اتكون فرحانة مع هاد العائلة صغيرة وعمرها تقلقو ولا تخليه يغضب منها ..ولكن كلشي غادي بلمقلوب تاحاجة ماهي هديك هو اناني وعمرو ايتبدل
نمشيو لبلاصة خرا.
كان طالع مع الدروج بخطوات تقال كيشوف فدار كاملة ويدوز يديه على الحيط وعلى اي حاجة داز من قدامها والابتسامة على وجهو نطق بصوت خبيت:هنا غنجيبك اعائشة هنا اتولي تعيشي ..هنا انوليو بجوج عايشين
سكت وهو كيهز تصويرتها من واحد لكوان:غتكوني لياا وبخاطرك هاد المرة غير ماتعكسيش وماتخويش بيا باش نبقة زوين معاك مابقاش بزاف دلوقت اعائشة
جلس فوق الفطوي فاش سمع طليفونو كيصوني جاوب:الو ..هنا جاي دابة
وقطع خرج من دار ركب فالطموبيل وديمارا ..ساعة ديال الطريق وكان حدا واحد المبنى مهجور نزل ودخل بخطوات تابتين وقف فاش بداو كيفتشوه خداو ليه السلاح وكمل طريقو لداخل لقاه هو ورجالو واقفين هضر بالانجلش:هنا جيت
الاسرائيلي:غنقتارح عليك واحد الاقتراح
جعفر:مرحبا
الاسرائيلي:انعطيك كاع المعلومات على الشخص لي خوة بينا ودا الاسلحة وهنا انعرفك واش قادر ترجعهم لينا كيف قلتي بلا مشاكيل ولا صداع
جعفر:وانا مازال عند وعدي حيت دابة وليت منكم ومصلاحتكم من مصلاحتي
الاسرائيلي جبد واحد تصويرة وقلبها لجيهتو:يوسف الزعيم
جعفر بقة مصدوم كيشوف فداك التصويرة لدرجة ماقدرش ينطق اسمو:يي..ووس..لا مايمكنش..يوو..سف
الاسرائيلي:اه قدر يلعب بينا ويخلينا نتيقو فيه وهو يتسيف علينا نا مابغيتش ينوض صداع ويتكشف هدشي ..وملي نت متحمس تبقة معانا وباغي دير بلاصتك هادي هي الفرصة فين انختابروك وتررجع لينا الاسلحة والمعدات الحربية كاملين باش يتصيفطو لايسرائيل
جعفر فاق من الصدمة بتاسم وهو كيخطط من دابة واخيرا طاح بين يديه:عتابر الاسلحة عندك وبلا مشاكيل من لفوق نت ختاريتي الشخص الصحيح ويوسف الزعيم بين يدينا
الايسرائيلي:بغيت نشوف بعيني ماشي نسمع بودني
جعفر:وغتشوف التطبيق بعنيك
الاسرائيلي:يمكن ليك تمشي وبغيت فاقرب وقت نسمع خبار زوينة
جعفر وهو غادي:كون هاني
خدا سلاح ديالو وطليفونو وخرج من اامبنى ركب فلوطو وديمارا كيضحك غا بوحدو
داز الوقت
سمعات طليفونها كيصوني بتاسمات وجاوبت :الو
بتاسم فاش سمع صوتها:شحال زوينة هاد الو عندك
سارة:لاباس عليك
حمزة:بيخير ونتي
سارة:تانا الحمد الله
حمزة:احم هضرت مع الوليد والواليدة عليك..الوليدة فرحات بزاف وقالتلي لاش تعطال وهاد نهار انجيو عندكم
شهقات:اناري راه ماواجد والو احمزة حالتي حالة لا لا غا خليها من بعد ويلي حشومة
حمزة:هههه الواليدة راسها قاصح من شحال هدي وهي باغاني نتزوج ودابة جات الفرصة ماغاتفاكش معايا..اصلا قابل عليك كيف مانتي ماشي مشكل
سارة ناضت واقفة:لا حشوومة ويلي احمزة
حمزة:ماتوجدو والو كلشي انصيفطولكم طايب وداكشي كامل لي ايتحتاج ايوصلكم تا لدار نتي غير كوني هانية
بغات تهضر وهو يقاطعها:ماكاتعاود غا سلام عليكم
عضات على شفايفها حاسة بقلبها كيضرب فلمية:ايوا لي بغيتي احمزة
حمزة:انا باغيك ليوم قبل من غدا
بتاسمات وهي كتحل لباب وتخرج عند الزاهية:ايوا قطع راه تابعني شلا مايدار
حمزة:هههه واخة غا كوني على خاطرك يلاه بسلامة
سارة:بسلامة
وشافت فالزاهية:غنصدمك
الزاهية:اش واقع
سارة:حمزة ايجي هاد نهار هو وضارهم
الزاهية:اناري
سارة:والله مزروبين بزااف عييت معاه قالي والو مو دايرة فضيحة
الزاهية:ويلي ويلي نوضي نشوفو شغا نوجدو
سارة:لا هو غيسيفط كلشي واجد زيدي نقادو غا دار ونشوفو مانلبسو
الزاهية:شغا نقوولك الله يفرح ويكمل عليك بالخير
سارة عنقاتها:امييييييييين ياربي لهلا يخيطك عليا كيف وقفتي معايا ورديتيني منكم ربي عمرو يخيبكم
الزاهية:ربي كبيير
فجيهة خرا
خرجات من الكوزينة وفيديها صنية بتاسمات فاش شافتها جالسة فصالة كتفرج قربات جلسات حداها:بنتي فاتي
فاتي شافت فيها:نعام
ليلى:قاديت ليك هاد لي باط كيف كتبغيها
فاتي شافت فصنية اول مرة توجد ليها شي حاجة بيديها تقادات فالجلسة
ليلى:زوينة كولي
فاتي:علاش عدبتي راسك
ليلى:لا ماعداب ماولوو نتي بنتي بلفرحات علياا نوجد ليك شي حاجة كتعجبك
فاتي خدات الفورشيط وهزات شوية وكلاتو عجباتها
ليلى:كيف جاتك
فاتي:زوينة
وكملات ماكلتها وليلى جالسة حداها كتشوف فيها وهي مبتاسمة ..حتى سلات الطبسيل كامل .مدات ليها منديل تمسح يديها:بصحتك ابنتي
وقبل تنوض باستها على خدها وناضت دات داكشي لكوزينة
فاتي بقات غير كتشوف ملي رجعات وهي معاها هكا كاي ام وبنتها كتهتم باقل تفاصيل ديالها ..شافتها راجعة وجلسات حداها:اممم ديرينا شي فلم نضحكو شوية
فاتي:ختاري نتي
ليلى وقفات:اه انديرو واحد الفلم تفرجت فيه انا وباباك قبل يتزاد خوك عصام ناري شحال ضحكنا داك الليلة اصبار نقلب
تحنات كتقلب فالافلام ختى لقاتو:هاهو
ركباتو ورجعات جلسات حداها بدا الفلم ..وركزو معاه ..شوية بسوية بدا كيتسمع صوت ضحكاتهم .تا ولا تكركيير ووحدة كضرب فيد لوخرا مع الاحدات نساو راسهم فهاد اللحضة
حل لباب ودخل على صوت ضحكهم دخل لصالة ووقف وهو مبتاسم من المنضر لي قدامو هكا كان باغي يشوفهم هكا كان كيتمناهم يتجمعو كأي ام وبنتها واخيرا غيرتاح وايوليو عائلة كيف كان باغي قرب لعندهم:كتفرجو بلا بياا
فاتي وهي كضحك:هههه والوليييد جلس جلس واخة فيك عمرك وريتيني هاد الفيلم
جلس فوسطهم وعنقهم بجوج تكاو على صدرو وشاف فالتلفازة:هههههه اناري هاد الفيلم راه خطار نسيتوو عاود فكرتوني فيه عرفتي شغا يوقع...
فاتي قاطعاتو:الولييييد لااا ماتحرقليش الاحدات
بقة كيضحك:ههههه صافي صافي
وكمل معاهم لفراجة
