❤الجزء 218❤
عصام تنهد وهو كيمسح على راسو صافي مشات شاف فيهم:يلاه نخليكم اناا عندي مايتقضى
يوسف:تقدر توصل معاك دراري لدار الزعيم ..عندنا رونديفو مع طبيبة
عصام شاف فهارون وجوهرة :مرحبا
عائشة:شوف شي طريقة حيت جوهرة موحال تبغي باغة تبقة معانا وراك عارف رونديفو عندي مع طبيبة
عصام:كوني هانية
قرب لعندهم :الاميرة جوهرة
شافت فيه ودارت وقيفة بحال الاميرات:الامير عصام
عصام مد ليها يديه بحال داكشي دالامراء:تقدري تفضلي معايا غنوصلك انا شخصيا لقصر الزعيم
بتاسمات و وحطات يديها فيديه:اكيد شرف ليا
باس ليها يديها:شرف ليا انا نوصل لاميرة
جوهرة اطير بالفرحة عاجبها الحال بقة غادي بيها حل باب طموبيل اللوراني:تفضلي
ركبات وهي مبتاسمة:شكرا امير عصام
عصام:العفو اميرتي
وسد لباب وشاف فعائشة كضحك هي ويوسف غمزهم وشاف فهارون جاي بكل هدوء من بعد مادوات معاه عائشة انه ايمشيو لدار الزعيم مازادش معاها فالهضرة سيد كبير فعقلو هههه
عصام :رئيس ل اف ب اي شخصيا ايركب معيا
هارون:هههه اه
عصام:نت اتركب حدايا
وحل ليه باب القدامي دطوموبيل ركب وسد موراه لباب
وقرب سلم عليهم وركب فطموبيل ومشا
عائشة تنهدات عاضة على شفايفها ماسخاتش بختها وبالها معاها عارفة شحال قاصحة عليها ولكن خاصها تبعد لا بغات تنقد راسها تنهدات فاش حسات بيه شبك يديه مع يديها:نمشيو
عائشة هزات راسها باه:واخة
شاف فيحيى:يلاه تانتشاوفو
يحيى لوح ليه بيديه:تهلا
جرها معاه وركبو فطموبيل وكسيرا باش يدوزو عند طبيبة ليوم عندها رونديفوو معاها
يحيى شاف ففاتي واقفة قرب لعندها وشبك يديه مع يديها تاهو وباسها:مالكي
بتاسمات ليه وهي كتشوف فعينيه لي كيدوبو لحجر بداك سواد لي فيهم ونضرتهم الحادة:والو
بتاسم ليها تاهو:بقات فيك ختك ياك
هزات راسها باه:اه كونت بغيتها تحضر غتبقة بلاصتها والله
يحيى جرها معاه لطموبيل:مستقبالها هو اللول دابة نمشيو نشوفوها وتجي تاهي
حل ليها باب طموبيل ركبات وسدها موراها ومشا ركب تاهو ديمارا وهضر:ولكن ضاروري ماغادي تحضر لسبوع اول وليد غنجيبوه
حناكها حمارو دورات وجها لجيهة لوخرا وهي مبتاسمة وكتافات بالصمت عاضة على شفايفها
يحيى كيسوك وهو مبتاسم:ماتخافيش ماشي من الضربة لولة تاندوزو شوية دلوقت شنو قلتي
شاف فيها عارفها اتكون حشمانة وهو كيعجبو يشوفها حشمانة:مالك ساكتة
فاتي شافت فيه:هاا ..امم.من لهنا لتماك يكون خير
يحيى:ان شاء الله ماحدك معايا ماغايكون غا الخير
فاتي بتاسمات ليه:فرحان معايا ياك
يحيى:فرحان ومرتاح واي حاجة زوينة كنحسها معاك شنو بغيت كتر..ونتي؟
فاتي قربات وشدات ليه فيديه وزيرات عليها:كتر ماكاتصور نت راك شي حاجة زوينة فحياتي
يحيى:الله يخليك ليا
فاتي:وليا تا انااا
فجيهة خراا
نزلات من فوق البياص من بعد ما طمأنو على توينز وانهم مزيانين وكلشي هو هداك
عونها لبسات المونطو ديالها كانت مبتاسمة وكتشوف فيه:ايكونو كيحمقوو
باسها على راسها من بعد ما طلع ليها سنسلة دلمونطو:بحالك
طبيبة:ماتبغيوش تعرفو شنو ااجنس ديالهم من دابة تلت شهور
عائشة شافت فيوسف:ماعرفتش كنضن بلاش نخليوها تايتولدو
يوسف:ماعنديش مشكل من الاحسن كيف قلتي
طبيبة بتاسمات كتشوف فيهم عارفة قصتهم واخة نوضو الحرب وكاع داك المشاكل لي دازو منها كيبانو ليها دابة بحال شي كوبل كيحماقو على بعضهم وعمرهم دوزو داكشي لي داز عليهم ..:كلشي مزيان كملي على نفس السيسطيم لي غادة عليه فيطامينات فالوقت ودواك تاهو حافضي عليه ومايكون غا الخير ان شاء الله
عائشة:ان شاء الله نقدرو نمشيو دابة
طبيبة:اه
عائشة:شكرا
طبيبة:العفو اي حاجة حتاجيتيها انا فالخدمة
عائشة:ربي يخليك
حط يديه مور ضهرها وخرجو من طبيب ركبو فطموبيل وديمارا
عائشة:فين اتديني
يوسف:لدار ترتاحي شوية
عائشة:ونت
يوسف شد ليها فيديها وهو كيسوك وعنيه على الطريق:راكي عارفة خاص نمشي للخدمة
تأففات ونفخات صدرها :عوتاني نبقة بوحدي
يوسف يلاه ايدوي وهي تقاطعو فاش تفكرات:اجي
يوسف:شنو
عائشة:داك خيتي مازال خدامة معاك تماك (كتقصد لينا)
يوسف تنهد:عائشة هاد الموضوع سلا ياك
عائشة:غنمشي معاك للشريكة راه مازال ماسالا شنو مازالة كدير تماك
تنهد مازادش معاها لكلمة حيت عارف راسها شحال قاصح قلب الدورة للشريكة وهي طريق كاملة وهي تهضر وتفكرو فداكشي لي قالت لينااا ..وصلو للشريكة ودخلو شد ليها فيديها وهوما كيتمشاو وسط الشريكة فاتجاه المصعد وكلشي كيشوف فيهم وهي عاجبها الحال حالين فيهم فمهم وكلشي كيوقف ليهم احترامااا..ركبو فالمصعد للايطاج لفوقاني فين كاين المكتب ديالو غير خرجو من المصعد وهي تجي عنيها فعنيهم عائشة زيرات ليه على دراعو وهي مخنزرة فيها كلامها مازال كيتردد فودنيها طلعاتها وهبطاتها كيف لعادة فكامل اناقتها زوينة ومقادة ولباسها كلاس دغية جا فبالها يوسف زعمة يقدر يميل ليها ماقدراتش تصبر وهي تنطق:مازال عندك الوجه لي تبقاي هنا
يوسف تنهد:صافي اعائشة
بغة يجرها وهي توقفو :تسنا شوية
وشافت فلينا لي غير واقفة وعاضة على سنانها:راكي مازال ماعارفانيش شنو ممكن ندير على شي حاجة كتخصنيي شتي عينيك نجبدهم ليك
لينا غير ساكتة وكتشوف فيهم حنات راسها وكملات طريقها مغرغرين عنيها بالدموع ودخلات للمكتب ديالها
عائشة :هادشي لاش كنتي كتجي للخدمة وسامح فيا فدار بوحديي
يوسف جرها ودخلها للمكتب:عائشة شهاد المرض عوتاااني صافي حبسي هدشييي
عائشة:كيفاااش شهاد المرض واش نسيتي اش قالت داك النهااار بغات تكون مراتك تانية ولا القحبة دياااالك وكتقولي شهاد المرض واش باغي تحمقني كيفاش مخليها مازال خدامة هنااا ولا عاجبك الحاال يااك ولفتي تشوفها هناااا داكشي لاش كتجي للخدمة اسيدي من لول ماتربطنيش بييك خلينا كيف كنااا وعطيني طلاقييي وكل واحد يعووم فبحروو سمعتينيي بغيتيها خليك معاهاا
مسح على راسوو خايف يتهور ويدير فيها شي مصيبة ولا يقول ليها شي حاجة تجرحهااا صبر راسو بالسيف:عائشة حنا فتنااا هادشي وراكي عارفة ما على بالي بتاشي قحبة من غييرك لينا راه من داك ليلة ماوليت شفتها تا الخدمة ماجاتش ليها يلاه هاد نهار جات
عائشة:ولاااااش جااية تمشييي بحالهاااا واش كتقلب عليا هادي اصبار انا غنتفاهم معاها طلعلييي هاد زبل فراسيي
شدها قبل تمشي:عائشة صااافي
فهاد اللحضة سمعو الدقان ومن بعد تحلات لباب دخلات وفيديها واحد لكارطون وورقة :سمحولي لا صدعتكم
وشافت فعائشة:جيت باش ناخد الوراق ديالي وشي تواشي ديالي ونعطي ليوسف ورقة الاستقالة ديالي وانمشي بحالي ماجيتش باش نخدم انا صافي فهمت راسي وغنبعد كوني هانية
وقربات حطات ليه الورقة فوق البيرو وهوما غير كيشوفو فيها :ربع سنين والصرف وانا معاشراك شي حاجة عادية نطيح فيك ونولفك ونسيييت راه فقلبك وحدة خرا الغلط مني ماشي منك وكيفما ختاريت نكون معاك وندخل لحياتك غادي نعاود نخرج منها المهم انا غنرجع لالمانياا نكمل خدمتي تماك
وشافت فعائشة:ونتي تهلاي فيوسف الف وحدة تمناه منهم انااا
وسكتات وكملات:ماتصوريش شحال كيبغيك اعائشة ربع سنين وانا معاه ماخليت مادرت باش نطيحو وعمرو داها فيااا ولا قرب ليااا كنتي ديما فبالووو وصبر ست سنين على ودك ورجع لييك راه عمرك تلقاي بحالو
وزادت جوج خطوات:بسلامة عليكم
وخرجات فاش حسات بدموعها ايخونوها شدات لباب موراه وخلات دموعها ينزلو هي لي ربطات راسها بيه واخة كان ديما كيردعهااا وهاهي دابة كتعانيي بوحدهااا كملات طريقها وخرجات من الشركة ركبات فطموبيل وبقات كتبكييي خاص تمشي من لهنااا وترجع لالمانيااا وتخوي راسها وقلبها منوو
