ماجاوبتهاش وطلعات للجناح حلات الحمام ودخلات ردات..وخرجات تكات فوق النموسية كترتاح:تانت كتعصب معايا ولكن هانا غنهنيك من هدشي
بقات شحال فاش رتاحت ومشات الدوخة ناضت بغات تجيب ولدها مستحيل تخليه ليها..مشات نيشان للجناح حلات لباب بلا مادق ..مالقاتهمش فلبيت ايكونو فالحمام..حلات لباب لقاتها كدوش ليه وتلعب معاه وهو كيضحك عاجبو لحال
نرجس:هنا مامااا..هوباا ههههه..وليد ديالي كيعجبو لما هوبااا...
عائشة:عطيني ولدي
نرجس شافت فيها ورجعات شافت فهارون كدوش ليه:وليد لحبيب دماماه ياك..نت ولدي حبيبي
عائشة :نرجس اريليي هارون
نرجس شافت فيها وبتاسمات ورجعات شافت فهارون .وباستو شوية خشاتو تحت لما بكامل جسمو حتى من راسو كان تحت لما
عائشة شهقات:شكا ديريي
وقربات لعندها
نرجس:تزيدي تقربي غنقتلوو
عائشة نزلو دموعها وهي كتشوفو كيفركل تحت لما مخلوعة ماعارفاش اش دير:نرررجس ولدي غيموت
نرجس:هاد الولد لي نتي شادة بيه راجلي غنتهناااو منوو
عائشة قربات وشداتها من يديها كتجرها وتغوت:بعديليييي من ولدي غيمووت
نرجس:خليييه يموت ونتهنة مننكم
عائشة هزاتو بين يديها كيكح ولما خارج من فمو ونيفو وكلو كيرجف مسكين..وكيحاول يتنفس ..
عنقاتو وهي كتبكي:نتي ماشي بشااااار هارون شنو داار ليك ..نتي حمقة
ورجعات طلات على ولدها بدات كترجع فيه الروح ..وبدا يبكييي ومازال كيكح:انقوولهم هدشي لي درتيييي..عرفتي وتوقع لولدي شي حاجة بيدي نخنقك انرجس والله تانقتلك
بغات تخرج وهي تشدها:فييين غادة
عائشة:رخيي مني
على صوتهم دخل يووسف:شنو واقع هنايا
عائشة:يووسف..
قاطعاتها نرجس بصوت باكي:يوووسف مافهمتش انا شنو درت ليها ..كنت كندوش ليه جات فكاتولي كتقولي مانعاودش نقرب ليه وكتسب فيااا.تاطاح ليها وسط لما كون ماعتقتوش كان غيمووت...حرام عليك اعائشة والله تا حرام عليك
عائشة بقات غير كتشوف فيها مصدومة..:كداابة علاش كتكدبي
شافت فيوسف وعنيها دامعين:والله حتى كتكدب بغات تقتل ليا ولدي وانا كنشووف..كدااابة ايوسف كنقسم ليك بالله حتى كتكدب.
نرجس:ومازال كتكدبي واش عارفاني نقدر نديرها..انا تحرمت من ولدي وهارون عوض ليا داك الفراغ كيفاش غنقتلوو واش عارفة راسك شكا تقولي..ماغانديش عليك حيت حاسة بيك
عائشة حاسة براسها:كداااااابة نتي
يوسف غوت:اري داك الولد
فكو ليها من يديها:غبري من وجهي
عائشة بصوت باكي:ولدي ايوسف..والله حتى كتكدب
يوسف بالغوات زعزعهم:قلت خرجيييي يلااه..مانشوووفكش قداميييي تحركييييييي
خرجات كتبكي حاسة بالقهرة والحكرة...دخلات البيت وطاحت كتبكي فالارض:ولدييييي غيقتلووه لي ويحرمونييي منووو..الله ياربي ..حفضلي ولدي ..راه نموت لا وقعات ليييه شي حاااجة
حط هارون فوق النموسية كيبكي جابت ليه نرجس حوايجو لبسهم ليه بيديه ..بقة معاه تا سكتو
يوسف حط هارون فوق النموسية كيشوف من بعد ما تأكد راه بيخير دار وشاف فنرجس يلاه اتهضر وهو يجمع معاها بصقلة تا طاحت فالارض وقفات بالزربة:يووسف غير نشرح ليك
زادها كف تاني قوة من لي سبقو تا تزدحات مع الحيط وجها تغطة بالدم كانت غطيح وهو يجرها لعندو.. شدها من عنقها لسقها مع الحيط وزير عليها تا تهزات لفوق وقرب وهو كيهضر على سنانو:الاااا ولدي انرجس..كلشي الا هووو..راه نقتلك وندفنك فبلاصتوووو..كيحساب ليك انا مكلخ ماكانفهمش
تخنقات مابقاتش قادرة التنفس رخة منها وطاحت فالارض كتكح وتنفس بصعوبة..تحنة لعندها: هضري وقولي شنو وقع
بقات ساكتة كتبكي..وكترجف اول مرة اتشوف يوسف هكاا..اول مرة شي حد يضربها
يوسف:هضريييي
نرجس:كنت بغيت غير نخلعها انا مانقدش نقتلووو..وليد عزيز عليا بحال ولدي ماعرفتش كيف وقعلي..والله ماكنت قاصدة..انا...
قاطعها وهو عاض على سنانو:جربي وقربي ليهم وغتشوفي وجهي تاني انرجس ..
وقف وخلاها طايحة فالارض :جمعي حوايجك غتمشي من لهنا
شهقات:لااا ايوووسف عفااك لااا
وهز هارون وخرج هو وياه ..نزل لتحت عطا هارون لطاهرة وطلع عندها للجناح..كانت فلحمام دق عليها:عائشة
سمع صوتها كتبكي:بععععد منييييييي...انا والله ماكانكدب كنكرهكم..لاوقعات لولدي شي حاجة والله تانقتلها ونقتل راسي
يوسف:دابة حلي نهضرو..غنلقاو حل
عائشة:لااااا بعدوو مني مابقيت باغة نشووف تا واحد منننكم
رجع اللور فاش سمع شي طليفون كيصوني..كان طليفونها...دور عنيه فلبيت وشاف فساك حلو وهز الطليفون شاف اسم المتصل (طبيبة) ضغط على قبول:الو عائشة من صباح وانا نصوني..المهم هاد لعشية ماغانكونش غدا فصباح اجي باش ديري عملية الاجهاض صافي..الو..واش كتسمعيني..عائشة
قطع عليها وهو مصدوم..بنات ليه واحد لبرية هزها وحلها وشاف صور الجنين(ايكو)..بقة واقف ومصدوم
دور وجهو فاش خرجات من الحمام..نزلات عنيها لداكشي لي فيديه بلعات ريقها ورجعات اللور
