دقائق وهوما على نفس الوضعية حتى كينطق هو:عائشة كلشي غيولي مزيان غنعيشو فرحانين مع ولادنا..ونتي غتبراي وقلبك ايولي حسن من لول كنواعدك..ياك اعائشة
عائشة ساكتة ماكاتجاوبش
يوسف:عائشة
والو ماكاتجاوبش
يوسف بعد شوية كانت مرخية كلاها مزيان بيديه وقلبو كيضرب فلمية وهو كيشوفها هكاك مرخية ضرب ليها على وجها بشوية :عائشة جاوبينيي حلي عنيك
عائشة لا رد
يوسف يديه ولاو كيرجفوو خايف من داكشي لي كيضور فبالووو نطق:لا مايمكنش ..عائشة حلي عنييييك
ونطق تااني بلغوات:عائشة جااااوبينيييي
عنيها مغمضين ومرخية جسمها تقيل ::لا رد
دوز يديه على وجها كيتفحصها وعنيه مفيكسيين عليها حووومر بحال الدم وبصوت بااح:مااايمكنش تخليني
عنقهاا بالجهد حاس بروحو اتخرج وهمس:ماعندك فين تمشي سمعتينييي حنا عاااد بديينا مايمكنش ديريها بيااا هاد المرة
عائشة لا رد
يوسف بعدها عليه وشد راسها بين يديه كيشوف فيهااا وهو خاايف وقلبو كيضرب فلمية باس ليها راسها:راني قلت ليك مانقدش نعيش بلا بيك يعني بجوج خاص نبقاو ولا بجوج خاص نمشيييو ماغانسمحش ليييك
غوت بالجهد فاش ماسمع منها تاشي رد:عااااااااائشة
قفز فاش سمع شهقتهاااا حلات عنيها بالشوية بتاسمات وهمسات ليه بصوت عيااان:قلت ليك عنقنييي مالك ..بغيت نعس.. اول مرة كنحس بهاد الراحة بغيت نعس ونت معنقنييي هكاا حاطة راسي على صدرك وكنسمع لصوت دقات قلبك كنحس بيهم كينطقو سميتي لدرجة ترفعت من هاد العلام . ماتفيقنيش عفاك..ماشي حمقة باش نمشي ونخليك حنا عاد بديناااا
ورجعات حطات راسها على صدرو ودورات يديها على ضهرو وباستو على صدرو من جيهة دقلبو:كنبغييك انا فرحانة بزاف
حس بالروح رجعاات ليييه عروقو كانو بارزيييين وعنيه كانو حوومر ..دقات قلبو مجهدين بداو كينتاضمووو وبدا كيترخة شوية بشوية ..فلحضة حس بدنية كحالت بين عنيه ولكن دابة روحو رجعاات احساس صعيييب حط راسو على راسها وباسها وهو كيتمتم :الحمد الله
عنقها كتر وكتر وهو كيستنشق ريحتها هزها بين يديه بالخف ومشا بيها لبيت نعاس تكة هو وياها فوق النموسية هكاااك وجر عليهم لغطة هي متشبتة بيه ودافنة راسها فصدرو كي شي قطيطة لقات الامان والدفئ وهو مضور يديه على خصرها وليد لوخرا موور ضهرهاا مزير عليهااا كيحس بحرارة انفاسها على صدرووو مرتاح وهي بين يديه غمض عنيييه صافي كلشي تحل وداكشي لي كان مخبيه فقلبو صافييي عتارف ليها بييه مابقة مايتخبى...ونعسو❤
حلات عنيها بشوية وهي مبتاسمة بايتة كتحلم باحلام زوينة نعسات مرتاحة..بقات حاطة راسها على صدرو كتفكر احدات البارح فرحانة بزاف هزات راسها وشافت فيه مغمض عنيه وناعس..حطات يديها على وجهو كتحرك اطراف صبعانها بشوية على ملاميحو بحاليلا كترسمو وكلامو واعترافاتو دلبارح كيترددو فبالهااا خصوصا كلمة كنبغيك...حطات صبعها على شفايفوو وتهزات شوية وباستو بخفة بتاسمات وهي كتفكر لبارح فاش ترخات بين يديه مستمتعة بأحضانو وصوت دقات قلبووو كتسمعو كيهضر ولكن ماقدراتش تحل عنيها ولا تهضر ماسخاتش بداك الاحساس لي جاها فداك اللحضة وهي بين يديه...كانت كتسمعو وهو كيقولها حلي عنيك وانه مايقدش يعيش بلا بيها كلشي سمعاتو..وحسات بخوفو عليها..اول مرة اتحس بهدشي واتحس بيه بصاح خايف عليها وماباغيهاش تخليييه...
بتاسمات ورجعات باستو على شفايفو وهبطات كتبوسو على عنقوو ..مور ودنيه صدرو وترجع تاني لشفايفو وتحرك صبيعاتها مور عنقو وتلعب بشعرو حتى كتشهق فاش شقلبها وجا فوقها
دورات يديها مور عنقو وهي مبتاسمة:كنتي فايق
تحنة وباسها على شفايفها:من لول
جراتو لعندها كتر:صباح لخير حياتي
بتاسم وجاوبها:صباح نور عمري وقلبي
عائشة :وينوووو هدشي زوين
غطس راسو فعنقها كيبوسها بشوية وينطق:نتي هي كلشي فحياتي
شوية بدا كيهرها بلحية ديالو على عنقها ويحرك صبعانو على جنابها وهي كضحك وتحاول تبعدو:ههههههه يوووسف صااافي عفاك ااااي صافي عفاااك يوووسف
يوسف :كنحمااق على حسسسك
رخف عليها وبقة غاطس راسو فعنقها كيبوسها بوسات خفاف
تنهدات وبدات كتلعب ليه فشعرو:يوسف
يوسف:اممم
عائشة:خايفة نكون غا كنحلم
هز راسو وشاف فيها:هدشي ماشي حلم هادشي راه اتبداي تعيشيه كل نهار
بتاسمات:واش هدا يوسف لي حاس براسو وصعيب مع راسو ولا كدبت
بتاسم وباسها على خدها:هدا يوسف على حقيقتو لي رديتيه بيديك هكااا
عائشة شدات راسو بين يديها وباستو بالجهد على شفايفووو:والله حتى فرحااانة ايوسف
يوسف:وغتبقاي ديما فرحانة ان شاء الله
نزل بكامل جسمو تا وصل لكرشها وباسها وحط يديه عليها:كي بقاو وليداتي
عائشة:فرحانين بزااف
يوسف كيشوف فكرشها ويحرك يديه بشوية:ماحضرتش لولادة هارون وجوهرة ماكنتش معاك باش نشد ليك فيديك ونقولك ماتخافيش هنا معاك ولكن كنواعدك غنعوضك على هدشي كامل
عائشة رجعو ليها دوك ليام لبالها دغية تغرغرو ليها عنيها بالدموع هضرات بصوت مهزوز:كنت محتاجة ليك بزاف فوق لوجع لي كنت كنحس بيه دلولادة كمل عليا وجع قلبيي كنشوف راسي غا بوحدي كنتقاتل ..هارون كنت ولدتو بوحدي ماكاينة لا ماما لا خوتي وحتى نت ماكنتيش سايق لخبار كاع كرهت راسي فداك ساع..وجوهرة لي ولدتها وسط عائلتي ولكن الكية لي كانت فقلبي من جيهتك نت وهارون ماخلاتنيش نفرح بيها كيف خاص يكون...تعدبت بزاف ايوسف احساس خايب بزاف مابغيتوش يتعاود مابغيتش نولي النتصدم حيت هاد المرة انموت والله
طلع لعندها وتكة وجرها لعندو مسح ليها دموعهاا :عائشة مابغيتش نولي نشوف هاد الدموع صافي براكة نساي لي فات انا دابة معاك وانبقة ديما معاك غير ايلى مت داك الساع هضرة خرة
شهقات وسط دموعها وهي كتحط يديها على فمو:ماتقولهاش عفاااك نموت ايلا متييي سمعتيني
بتاسم وهو كيبوس يديها لي على فمو وكمل كلامو:الاعمار بيد الله المهم ماحدي عايش عمر شي حاجة تأديك نتي وولادي بربعة ان شاء الله..غنعيشو ايام زوينة ..الماضي صافي سالة فكري فلي جاي واننا انبقاو ديما مجموعين ونزيدو ولاد خرين
ضحكات بصوت مرتافع وسط دموعها من القلب:ههههههههههه اويلي ربعة فين انزيدو
