سارة مدات ليها طليفون تشوف عائشة تصدمات وهي كتشوف فتصاور :اويلي كيف وقع هدشي
الزاهية:هدا شي واحد هزها فيه حسيفة كان مراقب كلشي
عائشة حطات طليفون وهي كتنهد:اصلا تاهو فرعن ماعرفتش فين كان باغي يوصل ضاروري خاص يوقع هادشي هو راه باغي ياخد.مني الولد ويلوحني باغي يمرمدني ويديرني تحت الصباط وهدشي لي عمرو غيكون ضربة بضربة تانشوفو هادشي فين غيوصل
الزاهية:شغا نقولك ابنتي ربي كبير وكيشوف وهو لي قادر يحلها
سارة:وعصام شنو غنديرو معاه
عائشة :والله ماعرفت ولكن راه كان غيعرف ..ماكانش خاص يوسف يعرف الولد فمرااا عرف فوقت مامناسبش كنت باغة حتى نقاد اوموري ونوقف على رجلي وشلا حوايج ولكن كلشي وقع بالعكس
الزاهية:عصام مايتخافش عليه ولدي وقاد براسو من ليوم ماغانهزوش هم عصام
عائشة:خالتي طاهرة وراجلها غيجيو لعندها
سارة:ناصر الزعيم
عائشة:اه..عرفتي حشمت منهم بزاااف كون تشوفو دينيس كيف شافت فيا ..ماكنتش باغة نخسرهم دارو فيا غير الخير ونرجس عكري شفت منها شي عيب
الزاهية:هدشي مكتاب يوقع مانفكروش فيه نفكرو فلي جاي دابة
بقاو كيفكرو شغا يديرو مع الطاهرة وناصر لي غيجيو
فالمطار
كانو حدا طيارة كلشي واجد
كانت واقفة وكتبكي وهو واقف حداها خاشي يديه فجيابو وكيشوف فيها
نرجس شافت فيه:عمري نسا هدشي لي درتي فيا نت هو غلطة حياتي ايوسف
طلعات فدريجات دياال طيارة وشافت فيه:بغيت وراق ديال الطلاق يوصلوني فأقرب وقت
هو غير ساكت ركبات وجلسات فبلاصتها وهي كتشهق بالبكة كتطل عليه من شرجم كيف واقف وحاضي طيارة وهي كتقلع ..طيارة بدات كتهز وقلبها كيتهز معاها كتشوفو واقف جامد ماكرهاتش كون شدها من يديها وقالها سمحيلي انا غلطت وغنعوضك كنبغيك نتي وعمري نسمح فيك وماغانطلقكش..هو دار العكس دغية صيفطها لدار باها ماحاسش بقلبها لي كيتحرق رجعات راسها اللور ملي ولات طيارة فسما
يوسف ركب فطوموبيل ومشا شاد طريق ماعارفش فين كيفكر باغي يرتب افكارو باش مايغلطش
[21/11 23:18] بارت: الجزء 118💔
دازو ساعات
كانت جالسة فصالة من بعد مانعسات هارون :قالولي هاهوما فطريق
بقاو كيتسناو حتى سمعو لكلاكسون طلات من شرجم بانت ليها رونج عرفاتها دناصر:وصلو
سارة:مريم حبيبة هبطي لعندهم
