جيهة لوخرا
وصلها لحدا دار:عيطي لواليديك باش يوجدو راسهم فهاد السيمانة انا غنصيفط ليهم تقدية وكاع داكشي ل ايحتاجو ..
زينب:وتخة لهلا يخطيك علينا.وشغا نديرو فزواج ولاكط وحنا مزوجين ديجا
بدر:انا غنتكلف بكلشي كوني هانية
هزات راسها باه:صافي يلاه تصبح على خير
وقربات باستو على خدو ونزلات .تادخلات عاد مشا ورجع للدار صافي ايبدا حياة جديدة
فالجناح دعائشة
بدلات عليها وتكات فوق النموسية وحاطة هارون قدامها كتلعب معاه..يوسف ما ولاش طلع زعمة يكون معاها تنهدات
لتحت كان جالس هو وباه كيهضرو على التجارة
ناصر:دابة راسي كيضرني بغيت نعرف غا شكون صحاب داك الهجوم الحد الان مابغاتش تفهم لي وماغانرتاح تانعرف شكون
يوسف:يقدر يكون بالغلط
ناصر:ماكانضنش
يوسف،:حيت مارجعوش كون كنا حنا الهدف كانو غيرجعو وغيصيفطو شي تهديد ولا شي حاجة
ناصر:شي حاجة فهاد الموضوع
يوسف وقف:المهم تصبح على خير
تم غادي وهو يوقفو صوت ناصر:يوسف خفف من عصبيتك شوية
يوسف:ان شاء الله
وكمل طريقو صادفها فطريق
نرجس:يوسف بغيت ندوي معاك
يوسف:داكشي دوينا فيه لبارح
نرجس:علاش كتعاقبني انا وهي ماكاتعاقبهاش تاهي غلطات
يوسف دارلها ابتسامة جانبية:حمدي الله ماتعاقبتيش كيف تعاقبات هي ماكنضنش كنتي اتستحملي
نرجس:نت عارف انا ماكانديرش الاغلاط غير لا وصلات ليا العظم ماكانبغيش نغلط معاك ولكن قلبي كيتحكم فيا ولغيرة ايوسف
وشافت ليه فعنقو ونزلو دموعها:لبارح مانعستش وانا كنفكر فداكشي..ونتوما عايشين الحياة
تنهد:نرجس انا عيان وماشي وقت هاد الهضرة
وكمل طريقو كون يعاقبها بالضرب وماينخلهاش هكا..اقسى عقاب هو هدا
شافتو دخل للجناح عندها وسد لباب تنهدات وطلعات للجناح ديالها تلاحت فوق النموسية كتبكي
دخل لقاها حاطة هارون فوق كرشها وكتلعب معاه..قرب وهزو ليها من فوق كرشها:ماتبقايش تحطيه فوق كرشك
غوبشات:كنلعب معاه وصافي
تكا حداها وحط هارون فوق صدرو:وداكشي لي فكرشك
عائشة:صافي
بقاو متكين شحال حتى كتشوفو ناض فاش وصلاتو رسالة فطليفونو التاني ..خرج للبالكون قرا الميساج كان بالانجلش فيه خاص يرجع الاسلحة ولا الاندار تاني ايكون حياتو هو .ماجاوبش عليه ولكن كيطلع ليهم راه قرا المساج..خرج ودخل للحمام يدوش ..خاص يسالي هاد المهمة على خير حيت داخلة فيها ابزاف ديال الدول وايلا مانجحاتش كلشي غيرجع ليه ويقدر يتعدم ولا يتقتل على يد الاسرائيليين والميريكان ..ويقدر تا عائلتو تدخل فهاد المعماعة عليها خاص مايدير تا غلاط وينفد داكشي لي فراسو..خرج من الدوش لبس عليه ورجع تكا حداها..شافها نعسات هارون جرها تكات على صدرو وبدا يلعب ليها فشعرها:عائشة ايلا شي نهار ماعرفت مشيت ولا وقعات شي حاجة خليك كيفما هكا دافعي على راسك.هدشي في حالة ماكنتش .هارون وهدا لي جاي ايكونو محتاجين ليك ونتي قوية
علات راسها وشافت فيه:وعلاش هاد الهضرة نت فين اتمشي
يوسف:انا غير قلت
عائشة:واش ناوي تمشي وتخلينا حيت هدشي مايمكنش نت مستحيل ديرها وتخليلي لولاد .نت هارون وخديتيه لي عاد اتمشي وتخلينا .
باسها على راسها:ايوا نعسي باش ترتاحي
رجعات حطات راسها على صدرو وهي كتفكر فهضرتو ..بغات تسولو علات راسها لقاتو ناعس تنهدات وغمضات عنيها ونعسات تاهي
جا نهار جديد
كان فواحد الغرفة متكي فوق النموسية وحاط يديه على المخدة لي حداه بتاسم وهو كيتخايلها ناعسة حداه ..جا فبالو شعرها طويل غيكون سايح فوق هاد المخدة..ابتسامتها هضرتها العفوية:قريب غتكون بين يديا اعائشة هنا اتكون بلاصتك
تنهد:كون ما دخلش داك الحيوان كان هارون ايكون ولدي انا ماشي ولدو هو تا دابة ماشي مشكل مابقاش بزاف غير شوية اعائشة وتكوني معايا ونحرق قلب يوسف بيك ..غنوريه شنو معنة تخاد ليك شي حاجة ديالك..غنوريه معنى الحرمان ..من ديما لي بغاها كياخدها تا نهار حطيت عيني عليك سبقني ليك..ولكن غنرجعك ليا حيت نتي فالاصل كونتي ديالي
هز داك الخدية وعنقها .بحاليلا معنقها هي:صبرت عام غنزيد نصبر هاد الايام لقليلة لي بقات ..كيتسناوك بزاف دلحوايج اعائشة
كان طالع من لبيت باش يدوش فاق بكري وهبط لقاعة صبور لي عندهم ترينا بلحديد لمدة ساعتاين..تلاقاها نازلة شافت فيه :صباح الخير
قالتها بواحد الطريقة فشكل :مالكي
دينيس:والو
يوسف:وعلاش داوية هكا
دينيس:غير ماناعساش مزيان
هز رسو باه وكمل طريقو..دخل للجناح دوش ولبس عليه وخرج على صوت هارون كيضحك مع عائشة دور وجهو وهي تبان ليه لبرية مشات ليه من لبال..قرب وهزها فتحها يشوف اش فيها لقا شي تصاور هزهم بين يديه ودوزهم وحدة بوحدة .كانو بزاف وحدة داخلة معاه لدار..ووحدة خارجة من دار..ووحدة فطوموبيل..وحدة كيتبادلو القبل .ونار كتشخد فصدرو بالاعصاب ..عنيه حمارو بالاعصاب كمش تصاور فيديه ورماهم فاللرض وهز يديه مع سما دضربها فالحييط:علاااااش ادينيس علاااللللش
عائشة قفزات خايفة شافت فيه ولا بحالل شي تور ..حطات هارون ودورات بيه لخدادي وناضت عندو:يوسف شنو واقع
غوت ليها فوجها:بغيييتي تعرفي اش واااقع هنا انوريك اش واقع
وخرج كي شي عجاجة من الجناح..حنات راسها شافت تصاور شهقات وتبعاتو
كانت طالعة فالدروج هازة فيديها كاس دلحليب وصلات لبيتها وهي تقفز:دينييس
صوتو الغاضب زعزعها..طاح ليها لكاس من يديها
دارت لعندو قرب لعندها وجمع معاهت بصقلة تا دار وجها وجرها من يديها بالجهد ودخلها للحناح هز تصويرة من الارض ووراها ليها:هدشيييي ماكانسوااو عندك كضحكي عليناا
بغات تهضر وهو يشدها من شعرها وزدحها مع الحيط وزادها كف تاني تا قربات تغيب :نزلتيي بينااا .ادينيييس وسختي راسك ووسختينا معااك
دينيس غا كتبكي وهو شوية ويطير ليها شعرها من بلاصتو ..
عائشة كتبكي وكتحاول تجرو:صااافي عفاك رخي منها اتقتلها
غوت عليها:حيدييييي ولا غنشركك معاهاااا
شاف فدينيس:علااااش درتي هدشي دويييي وبودنيك سمعتيه داكك نهار اش قال ..انا كنهز بيك ونتي كتنزلي بيااا
همسات بيه من بين شهقاتها:كنبغيييه
ورفعات صوتها تاني:كنبغييييه عصام كنبغيييه ومانقدش نعيش بلا بيييه عرفتي عللش دابة انا كنبغييه ونت ماشي سوووقك
بقة غير كيشوف فيها مصدوم هز يديه تا لسما وجمع معاها تاني تا طاحت فالارض وتحنا هزها:هاد القلب لي كتبغيه بيه انا غنحيدوو ليييك وتهناي موتك حسن من حيااتك
عائشة شداتو من يديه:الله يخلييك شوف كيف ولاات رخي منها
شاف فيها وهو معصب:بسباااااب خووووك هدشي لي واااقع ..بغة يردلي الصرف ردو ليا بختي ولكن انا غندموو غنقتلو هو وياهااا
عائشة حطات يديها على فمها كتبكي وكتشوف فدينيس وفحالتها كيف ظتير
دينيس:اااه نموت معاه ماعنديش مشكل. بسبابك سمح فياااا بساب انانيتك وعصبيتك الزاايدة
عائشة غوتان:سكتيييي ادينيس سكتييي
ديني ناضت كتغوت وضرب فوجها:ضربنيييي يلاه ضربنيييي وغنبقة كنبغيه تانمووت
حط يديه على عنقها وزير عليها ولسقها مع الحيط:ادن غنقتلللك
عائشة ولات كلها كترجف عارفاه بعصابيتو يقتلها بدات كضرب ليه فيديه:رخيييي منها ايووسف اتمووت
كان معصب بزاف دفعها تا طاحت فالارض:بعدييي
شهقات فاش جات فالارض وحطات يديها على كرشها وهي مبلوكية من لحريق لي شدها:يوووسف كرشي
شاف فيها طايحة رخة من دينيس وتحنا لعندها بالزربة كتغوت ويديها على كرشها:اااااه كرشي ايووسف ..يوسف ولدي اتوقع ليه شي حاجة..يووسف كرشي
دينيس كانت كتكح وكتنفس بالجهد رجعات اللور وخرجات كتجري من الجناح هبطات فدروج كطير كلها دمايات .طاهرة كانت طالعة وهي توقف فاش شافتها فديك لحالة كتجري:دينييس مالك
دينيس بصوت باكي:غنمشي بحاالي من لهنا..عائشة اماما قتل ولدو اماما
وكملات طريقها كتجري وطاهرة مصدوومة :دينيييس دينييييس
تبعاتعا لقاتها طارت طلعات للجناح ووقفات مصدومة شافتو هازها ودم سايح فحوايجها فاقدة الوعي:اويليي شنو وقع
ماجاوبهاش وخرج بيها تبعاتو :يووسف شنو وقع الله ياربي شهادشي
شافت فالخدامة:طلعي الولد كيبكي
خرجو من دار ركبو فلوكو وركبات معاه طاهرة نيشان للطبيب
دينيس كانت فطاكسي كتبكي دايها لعنوان عصام
