الجزء 155💔
فالجيهة لوخرا
كلشي فرح...وعيطو لعماد كيباركو لييه لرابع مرة كتكون البطولة العالمية لصاليحوو ..كملو لفراجة فاللقاء الصحافي لي دارو مع مهدي
مهدي جالس وكيجاوب على الاسئلة وكي دازت المبارة
اخر سؤال:هاد الفوز لمن كتهديه شكون القدوة ديالك ضاروري ماغايكون موراك شي شخص عاونك
مهدي بتاسم:اه ضاروري
الصحفية:غتكون خطيبتك ياك
هظ راسو بلا :لا بالعكس صاحبي لي وقف معايا وخرجني من واحد الحالة كنت فيها.كنت ضايع ومستسلم كنتسنة فوقاش تكون النهاية ديالي بحالي بحال كاع دوك دراري لبيطالة لي تسلا وقتهم .صاحبي لي تاق فيا وفيقني من سهوتي وعاوني تاوقفت على رجليا وبسبابو انا جالس هنا وبسبابو وصلت لهادشي وخديت البطولة كوماكنش هو ماكانتش أنكون هنا
الصحافية:شكون هداا
مهدي شاف فعصام لي كان واقف اوفاص معاه:المدرب ديالي وصاحبي وخويا
كلشي ضار كيشوف فعصام والكميرة تاهي توجهات ليه..عصام مسح على راسو حشمو خصوصا ان كلشي ولا كيشوف فيه
الصحافية:اه ادن هو نت ..قلنا شي حاجة على بطال العالم لهاد العام باينة علاقتكم زوينة
عصام مسح على لحيتو حطاتو امام الامر الواقع خصوصا ان البت مباشر :احم مهدي كيف قال راه ماشي غير صاحبي راه خويا تعرفنا فضروف بجوج كنا فيها مدمرين ولكن تغلبنا عليها مهدي ولد طموح وتاهو كان باغي يوصل وهدشي لي هو عليه دابة راه بسباب العزيمة ديالو انا كنت مجرد سبب بسيط وصافي وفرحت ليك اصاحبي بزاف
مهدي ناض عنقو
الصحافية شافت لجيهة لكميرا و ختمات اللقاء
فهاد الاتناء كلشي كان فرحان بالفوز عماد حتافل بمهدي وعصام وغيرجعو بعد غدا على قبل غدا ايدوزوه كلو مؤتمرات صحفية
عائشة ناضت ملي هارون بدا يبكي خاص يرضع وينعس وتاهي فصباح اتفيق بكري :تصبحو على خير
يلاه اطلع لبيتها وهي تشوفو داخل من لباب
دينيس:خوويا مهدي خدا الابطولة
يوسف وعنيه على عائشة:شفت
طاهرة:نقولهم يحطو ليك لعشا
يوسف:لا تعشيت تصبحو على خير
كملات طريقها حتة كتحس بيه موراها مابغاتش دور لجيهتو وقفها صوتو:اريه
عائشة ضارت لجيهتو:خاص ينعس
خداه ليها من يديعا وطلع بيه للجناح ديالو خلاها واقفة:حيوان
وطلعات لبيتها
نرجس:تصبحو على خير
وطلعات تبعات راجلها
