جا الشيفور
ركبات :خالتي كوغا مشيتو معايا
طاهرة:من الاحسن نبقاو حيت فاش ايجي ايدير روينة ابنتي
عائشة هزات راسها باه
طاهرة قربات وهمسات ليها:راه ماغايطولش هاد لفراق كوني هانية من غدا تلقايه عندك..ووجدي شروطك وطلباتك من دابة..طلبي لغلا هههه
عائشة بتاسمات وهزات راسها باه
طاهرة:يلاه بسلامة
ومشا بيها شيفور
ناصر:يلاه نخلصو طبيبب ونمشيو
دخلو وخلصو فالاستقبالات..حتى كيشوفوه جاي..ما دواش معاهم
ناصر:يوسف
يوسف شاف فيه
ناصر:ماغاديش تلقاها
يوسف علا حاجبو بمعنى كيفاش
ناصر:عائشة ديتها من لهنا لواحد لبلاصة كنعرفها غير انا وصيفطت هارون لعندها
يوسف دار داك الابتسامة جانبية:كيفاش
ناصر :كيف سمعتي..لبارح هضرنا فهدشي وقسمت ليك انك لا مديتي يديك عليها عمرك تحلم بيها..راه تا انا كنوفي بالوعد ديالي..عطيتك فرصة تفكر
يوسف قوس حواجبو وهضر وهو مغدد:عائشة غترجع لعندي ومعاها ولدي لما رجعتيهاش نت انرجعها بطريقتي
ناصر:واقلة مازال ماكاتعرفني انا باك وكبر منك وسبق منك فهاد لدنيا..لادرت شي حاجة فراسي راه صعيب تحيدها..وعائشة لا مارجعتهاش انا بيدي راه عمرك تلقاها
يوسف جمع يديه على شكل لكمة كون ماكانش باه كان غيبرد فيه كاع اعصابو ..دور يديه وضربها مع اقرب حيط قدامو حتى سال الدم وشاف فباه وهو كيغلي:علاش كدخلو فشي حاجة ماسوقكمش فيها علااااااش..
وخرج كيشي عجاجة من سبيطار لي لقاه حداه كيدفعو حتى كيطيح فالارض..ركب فالطموبيل وكسيرا بالجهد وفنفس الوقت كيهضر فطليفون:بغيتكم تجبدوها واخة متحت الارض ..قبل تغرب الشمي بغيتها تكون عنظي
وقكع وبدا كيضرب فالدريكسون:علااااش اعائشة علاااش...غنقتلك عاد اترتاااحي
نرجعو عندهم
ناصر:يلاه نمشيو
خرجو وركبو فالطموبيل نيشان للدار..دوزو نهارهم كيتسناو شغا يوقع ويوسف مارجعش كاع لدار
عند عائشة
كانت متكية مازال كتحس بالعية هارون قدامها ناعس ..كتفكر يوسف شغا يكون كيدير دابة:ماسوقيش يطركق كااع يمشي عند مراتو
وتحنات بااست هارون على خدو:ياك احبيبي نبقة انا وياك بحدنا حسن مايكون معانا ومكرفس علينا
جابت ليها لخدامة تاكل:نتي قديمة فهاد الفيرمة
الخدامة:اه هدي اعوام ماجاو ليها من قبل تولد لالة طاهرة..جاو ليها مرة ..جلسو فيها شي يامات وماولاوش رجعو ليها
عائشة:علاش
الخدامة:كان وقع شي مشكل ومدام الطاهرة مابقاتش بغات تجي ليها..ايوا وبقات هكا مقابلاها انا وراجلي وشي خدامات
عائشة:مزيان
ومشات وخلاتها تاكل...شبعات ورجعات التكات راسها تقيل بالنعاس دغية نعسات
داز الوقت
طاهرة:ناصر صوني شوف فين هو لايمشي يدير شي فضيحة
ناصر:ماعندو مايدير دابة يرجع
طاهرة:ليل هدا بديت نخاف
ناصر:ماتخافيش دابة يجي
تنهدات
دازت هاد ليلة وجا نهار جديد
فاق على صوت الطليفون:شنو لقيتوها...
رما طليفون فاش سمع داكشي لي ماعجبوش..لبارح نهار كامل وليل كامل وهوما كيقلبو ومالقاو والو..هز سوارتو وخرج ركب فطوموبيل نيشان للدار..دخل:فين هو الوليد
الخدامة:فالمكتب
دخل عندو لقا معاه الطاهرة
ناصر:جيتي فوقتك
يوسف ماهضرش بقة واقف
ناصر:مالقيتيهاش ياك..ايوا راك عمرك تلقاها
يوسف غير ساكت
ناصر:هاد لوراق خاص تشوفهم ..ديال طلاق ديالكم عائشة سنات بقيتي غير نت
يوسف دوز يديه على شعرو:لاش باغي توصل
ناصر:لبارح دويت معاك بالعقل ونت راسك قاصح والبنت امانة عندنا ماحدك مازال مامعتارفش بيها راه ماعندك تاشي حق عليها..نهار تردها مراتك ديال بصاح دير لي بغيتي مراتك هديك..المهم لوراق هاهوما حتى ايلا ماسنيتيش انا غنكمل هاد الطلاق بطريقتي ..
يوسف بتاسم بسخرية تهد كتجي حتى لباه وكيحبس ويتسلاولو تمنى كون كان شي حد براني يقتلو بلا مايحس نطق ببرودة:فين هي
ناصر:راني دويت ..نت غتقولي دابة اشنو قررتي كلشي بين يديك ..حيت من مور طلاق انصيفطها تكمل قرايتها برة..وانا بيدي غنزوجها بالراجل لي يستاهلها ..دابة جاوبني بغتيها مراتك قدام ناس ولا طلاق وتنساها وعمرك تشوفها
طاهرة كتفرج ومتسنة شغا يقول
يوسف بقة ساكت شحال عاد نطق:مازال ماخلاقش هدا لي غيتزوجها من غيري
ناصر:ادن
يوسف كيشوف ليه فعنيه:تكون مراتي
ناصر بتاسم وقطع داك لوراق:دابة مزيان
يوسف:فين هي
طاهرة:لا مازال
شاف فيها وكملاات:عندها شروط
يوسف:شنا هوما
طاهرة:تا نشوف معاها ونتشاور معاها وغنرد عليك واي حاجة بغاتها غتنفد
يوسف وهو خارج:مابغيتش هدشي يطوال
وخرج وسد لباب
طاهرة بقات كضحك فرحانة
ناصر:رتاحيتي
طاهرة وهي كدوز شي نمرة:بزااف بزااف...الو سمعيني وجدي شروطك وما ترحميهش ..هههه اه..ولي بغيتيها غتنفد..قطعي وفكري وردي عليا
وقطعات
💔الجزء 177💔
هزات هارون وهبطات لتحت عيات بلجلاس فالبيت
تلاقات الخدامة:شنو كاين برة بغيت نبدل الجو
الخدامة:كاين لبحر وفالجيهة لوخرا اتلقاي واحد الاسطبل فيه العودان وبقعة كبيرة فيها الشجر وشي مغروسات خاصة بالفيرمة ..تاهو جاي على لبحر..وهاد لباب كتخرج للجردة ولابيسين
عائشة:صافي نخرج للجردة.ماعنديش مع العودان.عفاك واخة تجيبيلي لكروسة دهارون
الخدامة:واخة ابنتي
وخرجات للجردة عجباتها بزاف فيها جميع انواع الورود ملونين وجليسات مفرقين ولابيسين جاي فالوسط..ختارت جليسة ..وجلسات شوية جات الخدامة والكروسة فيديها وتابعاها خدامة خرا ببلاطو فيه العاصير والبيسكوي حطاتو ومشات
الخدامة:هاد العاصير طبيعي مصيب من الفواكه ديال الفيرمة .واش مشهية شي حاجة معينة تاكليها
عائشة:لا شكرا بزاف
الخدامة:نخليك ابنتي
ومشات..عائشة حطات هارون فبلاصتو وهزات العاصير كتشرب فيه وبالها مع هدشي لي واقع وفكلام طاهرة فصباح..ترسمات واحد الابتسامة على وجها وهي كتخايل وجهو كيف كان فاش قرر يعتارف بيها مراتو ..تنهدات وهي حايرة ..زعمة بهاد السهولة ولكن هو مستحيل يدبر شي حاجة ماباغيهاش.كون بغة يطلقها راه غيطلقها ويصيفطها..رجعات تنهدات وهي كتقول مع راسها ختارها مراتو علاش اتفكر كتر ..شافت فهارون:انا وباباك انوليو بحال اي جوج مجوجين ..اتولي عندك عائلة ديال بصاح
وشافت فالعصير لي فيديها:زوييين هاد العصير
ورجعات اللور :اشمن شروووط يا ربيي
بقات كتفكر ..جبدات طليفونها من جيبها كان طافي شعلاتو ودوزات النمرة ديال طاهرة جاوباتها
طاهرة:الو
عائشة:خالتي صافي لقيت الشروط لي بغيت
طاهرة:وشنو هوما
عائشة:...
طاهرة:صافي ابنتي لي بغيتي كتبقة حياتك ونتي عارفاها كتر مني
عائشة:هدا ماكان ..بغيت غا راحتي وراحة ولدي
وقطعو
عائشة تنهدات براحة وشافت فهارون وبتاسمات..ورجعات دوزات نمرة دسارة تدوي معاها
سارة:اهلان بالزين دلعلام صافا
عائشة:الحمد الله ونتي
سارة:بيخير ..شكا تعاودي كاين شي جديد
عائشة:هو لي كاين داكشي لاش عيطت
سارة:يا شيخة ديما الجديد عاودي هاني كنسمع
عائشة عاودات ليها كلشي
سارة:حق الله لا خاصك عقل جات لفرصة تا لبين يديك عطيه علاياش كيقلب
عائسة:سارة راه عارفة راسي شكا ندير
سارة:كون طلبتي بعدة غا العرس..ولا يدير ليك دارك بوحدك تعيشي بعيدة عليهم مهنية..يكتب ليك شي قلوة بسميتك ..يبغيك ويحتارمك وتكوني ديما نتي المفضلة عندو اييييه يا عويشة بقيتي جالسة وخورتيها
عائشة:من نيتك ندير عرس .ونرجس مسكينة شنو دنبها نجرحها ..كيفاش ندير عرس ووحدة خرا كتعدب حيت راجلها داير عرس مع وحدة خرا..وهي كان على بالها زواجنا غير على لوراق..لا اختي مانقدش نفرح انا باش وحدة خرة نجرحها يكفي داكشي لي جاها مني واخة ماشي لخاطري ولكن راه انا لي دخلت بينها وبين راجلها..مستحييل ندير عرس ..ومستحيل نقول ليه نسكن بوحدي..خالتي طاهرة باغة ولادها يبقاو مجموعين حداها ما نجيش انا وندير العكس وهي وقفات معايا مسكينة..اما باش يبغيني ونكون ديما انا المفضلة ..هدي راه ماغانبززهاش عليه اسارة لامابغانيش بخاطرو وبقلبو وفضلني على كلشي حيت باغيني راه ماغانربح والو ..هدشي ماكايتشرطش هدشي راه خاص يكون عن تراضي ..اه اما لفلوس وداك تخربيق ماعندي ماندير بيهم .بغيت غير راحتي وراحة ولدي براكة عليا..وشي لاخر ايجي بوحدو ...ماشي الشروط لي ايضمنولي حياتي وحياة ولدي
سارة تنهدات:ماخليتيلي مانقول اعويشة ..طلع عقلك كبر من عقلي والله .فين هي عويشة لي ماقبلة سبايستون ..بصاح عندك الحق
عائشة تنهدات تاهي:بغيت غير ولدي يضمن مستقبالو و حياتو مع عائلة بحالو بحال اي واحد..مع مو وباه ..ويعتارف بيه قدام ناس انه ولدو وانا مو..ويعتارف بيا مراتو ويعاملني كزوجة ...ويمضيلي ورقة انه واخة يوقع لي يوقع فالمستقبل هارون ايبقة عندي .هدشي لي بغيت والباقي ربي غيكملو من عندو
سارة:هدشي لي ايكون ان شاء الله..والشرط الاخيير قوليلي شنو هو
عائشة:هداك بيني وبينو
سارة:دابة راسي ايبقة ضارني
عائشة:وصافي اصاحبتي خليني على خاطري سارة:واااخة.احساسي داكشي دسفالة العفريتة احم..وفوقاش اترجعي
عائشة:ماعرفتش تانشوف مع خالتي ..عرفتي هاد الفيرمة شحال زوينة ..فيها واحد الهدوء وماتقنطيش.. جاية على البحر
سارة:ايااه باينة زوينة
عائشة:حتى نرجعو ليها واجي معانا نتي وماما
سارة:ان شاء الله
بقاو شحال كيهضرو ومن بعد قطعات ..وهزات هارون كتلعب معاه
داز الوقت
خرجات من خدمتها يلاه اتركب فطوموبيلتها وهي تحس بشي حد من موراها دورات وجها :هدا نت
بتاسم:كنت دايز من لهنا وقلت نشوفك
اكرام:وفين غبرتي
زاد بتاسم:توحشتيني
اكرام:حمزة هدشي لي ماكايعجبنيش فيك
حمزة:هههه صافي هنا..اش بان ليك نمشيو نشربو شي حاجة شحال ماجلسنا بجوج
اكرام:واخة ولكن بشرط
حمزة:اشنو هو
اكرام:داك الهضرة ديالك مانبغيش نسمعها
حمزة:كوني هانية غا زيدي
سدات الطموبيل وتبعاتو حل ليها لباب وركبات وركب تاهو
اكرام:ماقلتيليش فين كنتي غابر
حمزة وهو سايك:كنت ففرنسا مع شي جتماع عاد جيت هاد صباح
اكرام:مزيان
وصلو للكافي
نزلو ودخلو شدو بلاصة وطلبو شغا يشربو
حمزة ملي جلسو وهو كيشوف فيها والابتسامة على وجهو .ماعرفش علاش قلبو بغاها واخة هي متسلطة ومتكبرة ولكن عارف انه فلداخل ديالها راها فشكل
اكرام:اتبقة كتشوف فيا
حمزة:شغا ندير توحشتك
اكرام كتشرب من العصير:حمزة وصافي
بتاسم وشرب من قهوتو بقة ساكت شحال وهو ينطق:اكرام
شافت فيه:نعام
حمزة:خلينا نهضرو لمرة وحدة بالعقل بلا ماتهربي بحال ديما
سكتات خلاتو يكمل
هو فهمها وكمل كلامو:انا عارف ماكاين تاشي حد فحياتك وعمرك بغيتي شي حد وعمرك خرجتي مع شي حد ..ولا فكرتي دخلي فشي علاقة حياتي كاملة وانا مراقبك عمري شفت شي حاجة ماشي هي هديك فحياتك ..مالقيتش شي سبب يخليك ترفضيني طلبتك من عمي ناصر كتر من مرة وديما الرفض.مافهمتكش..شنو فيها لا عطيتيني فرصة كنقسم ليك ماغاتندميش ..انا كنبغيك ا اكرام وعمرك تشوفي لعيب مني.عطيني فرصة وحدة عفاك وغنبين ليك
اكرام حطات العاصير من يديها وشافت فيه:حمزة هدشي كامل عارفاه وانا ماكانكرهكش بالعكس عزيز عليا ..انا من النووع لي مانستاحقش شي حد يبغيني حيت انا عمري انبغي شي حد ..عرفتي لاعطيتك هاد الفرصة غير انضلمك حيت انعدبك معايا...انا ماكانحسش براسي بحال كاع لبنات..انا من نهار ماتو والديا حسيت براسي مت معاهم .مابقة كيهمني تاشي حد وماكانبغي تا واحد .انا راه عمري نكون ليك..وعمري نكون لشي واحد .انا خبيتة بزاف انانية .ماصالحة لتاشي واحد..شتي كلما بعدتي عليا ايكون حسن ..نت تستاهل ماحسن مني..قلبك خاصو وحدة لي تهتم بيه وتحافض عليه..اما انا غير انضمرو ونجرحو ..عفاك بعد عليا ونسانييي ..راه واخة تحاول عمري نكون ليك ولا لغيرك .انا هكا دايرة وهكا انبقة حياتي كاملة
وناضت وهزات ساكها حطات يديها على كتافو:نساني احمزة وعيش حياتك غيدوز الوقت وغادي تشكررني والله..
ومشات وخلاتو جالس .حط راسو على يديه وتنهد وهمس بصوت منخافض:وكي غندير ننساك
بقة غير جالس على نفس الوضعية تفكر اناها ماجابتش الطموبيل عيط ليها:فينك
اكرام:جا مورايا ااشيفور ماديرش فبالك
قطع بلا مايجاوبها
