زادت فالبكة وحاطة راسها على صدرو بسيف باش شادة راسها باش ماتعضوش عضات على سنانها بالجهد حتى كتحس بيه بعدها عليه ورجع ليها شعرها اللور:قوليلي مالك
عائشة كتحاول ماتبكيش:فيا جوع بزاف ايوسف
يوسف :هدشي لاش
عائشة:لواحد الدراجة كبيرة..لدرجة كنبغي نعض يدي ايوسف مافهمتش شنو هدشي..فهارون ماحسيتش بهاد شي كااع ماشي لهاد الدراجة.حاسة براسي بحال شي زومبي
وكملات بكاها
مسح ليها دموعها:صافي شنو بغيتي تاكلي
عائشة:ماعرفتش بغيت ناكل كلشي
بعد عليها ودوز يديه على راسو:ماكانعرف تاحاجة فلكوزينة ..اصبار
بغة يخرج وهي تشدو:فين غادي
يوسف:جلسي هنا جاي
خرج لصالة هز لفيكس هضر مع واحد من رجالو يجيب ليه الماكلة .داكشي ميكس لي عجبها تاكلو
ورجع عندها للكوزينة لقاها كتاكل فدفارها بعد ليها يديها:شكا ديري
عائشة بعدات يديها
يوسف:اجي
تبعاتو وخرجو لصالة جلسات حداه :ماغاديش ناكل
يوسف:صافي هاهو غيجيب لماكلة
تنهدات وهزات تليكوموند شعلات تلفازة على قناة سبايستون حطات راسها على صدرو وهي كتفرج #فالقناص يلاه كيبدا كتصنت للكنيريك ديالو كتحمقها بدات كدندن مع الاغنية بهمس عايشة معاها خخخ
قد لمعت عيناه
بالعزم انتفضت يمناه
في هدوء الليل
من هو الصامد المغامر في وجه السبيل
يبعد عن عينيه الراحة..يتحدى خصما في الساحة
يرمي ويصيب الاهداف..يسعى دوما لتحقيق الانصاف
وخيال ابيه في الاحلام..يوقض في القلب الحساس
حب الخير لكل الناس..مهنت كان التمن من الصعاب
سيضل البطل القناص
حسات على راسها وعلات راسها شافت فيه
يوسف:خليني ساكت حسن
بتاسمات ورجعات حطات راسها على صدرو:الرسوم كيمشيولي فالدم
رجعات بتاسمات على تنهيدتو وكملات الفراجة مركزة مع التلفازة..وهو مرة كيتبع مع التلفزة مرة كيشوف فيها كيف كيتغيرو التعابير دوجها مع الشخصيات لا ضحكو كضحك لا غوبشو كتغوبش
حتى كيسمع صوت لباب بعدها عليه بشوية وناض كان واند من رجالو فيديه شي صاشيات ..خداهم من عندو ودخل لعندها غير شافتهم ناضت جالسة نسات القناص وتريكتو ..حطهم فوق الطبلة وجلس:غا لابغيتي تبكي
بتاسمات وهي كتحل فلصاشيات..كتاكل منة وتاكل من لهيه ودوز بالعصير ..فمها كتعمرو كلو ومازال باغة تزيد تعمرو وفاش كتوحل كتهبط بالعصير..بحاليلا عمرها كلات ..كلشي عجبها وكلشي كلاتو بقا غا شي و شوية وهي تفكرو..هضرات معاه وفمها عامر بلماكلة:ناري نسيتك هاك لابغيتي تاكل
كان غير كيشوف فيها هز راسو بلا
هزات كتافها بمعنة على خاطرك وكلات داكشي لي بقة ..ورجعات اللور وهي كتنهد براحة وتشرب من العصير:عاد رجعات فيا الروح بحاليلا سيمانة ماكليت ..وانا نهار كامل وانا كناكل..هدشي ماكانش فهارون
هزات منديل كتمسح ففمها ويديها ومزال كدوي:دابة عاد مشات السخفة وطلع المورال .
شافت فالتلفازة:اووووف تسالا القناص تفووو .نسيت تا فوقاش كيعاودوه ..اه غدا مع طناعش .تا نصوني لماما ونسول مريم ونتأكد..
طفات التلفازة وشافت فيه..عنيه مفيكسين عليها وحاط يديه على دقنو..فهمات شوفاتو والحركة ديالو بمعنة كيتسناها فوقاش تسكت ..بلعات ريقها:نوض نجمع هدشي ونجي
ناضت كطير وجمعات داكشي حطاتو فالكوزينة غسلات وجها وحالتها بلماكلة ورجعات لقاتو واقف حدا التلفازة وفيديه شي سديات ..جلسات شافتو خدم واحد ورجع جلس حداها
عائشة:شنو هدا
يوسف:تفرجي وغتعرفي
جرها لعندو حاوط خسرها وراسها على كتافو ..وبدا الفيلم البوليسي دلمافيا..ماكاين غا تفرشيخ ولفرادة كيتيريو وجري عليا نجري عليك..ودمايات..
عائشة:اناري ايوسف شنو هدشي
يوسف:تفرجي وسكتي
سكتات وهي كتفرج معاه علات راسها تشوف فيه..كيتفرج ومركز وملاميحو هادئين..بتاسمات وقربات باستو على حنكو ..شاف فيها:ماغاترسايش
عائشة:صافي هنا
ورجعات للتلفازة..بقاو شحال تا داتها عنيها ونعسات..سلا الفلم شاف فيها لقاها ناعسة..هزها بين يديه وطلع بيها للبيت حطها فالفراش..يلاه ايتكة حداها وهو يفيق السي هارون..تنهد ومشا هزو قبل يزيد فلبكة ويفيقها خدا معاه رضاعة ..ودخل بيه للصالة وحطو على صدرو كيلعب معاه..عطاه الرضاعة مابغاش يشدها عرفو باغي لبزولة دماماه بقة كيبكي..حاول معاه تا سكتو وعطاه رضاعة شدها ونعس..بقة حداه تا داتو عنيه تاهو ونعس
جا نهار جديد
حلات عنيها وناضت دورات وجها مابان ليها لا هارون لا يوسف بقات جالسة فبلاصتها كتفكر اش وقع لبارح..نزلات من النموسية ودخلات للحمام كيف لعادة صباح ضاروري ماترد فيه ولفات.. غسلات وجها وخرجات..يلاه اتشوف شغا تلبس باش تنزل وهي تسمع شي اصوات فصالة عارفاتو هارون..دخلات ووقفات فاش شافت منضرهم شحال زوين وهوما ناعسين بجوج فوق الفوطوي وهارون على صدرو حال عنيه وكيبجغط عرفات انه بات معاه وباش مايفيقهاش ..دخلو للصالة ..رجعات هزات طايفونها وقربات لعندهم ضربات ليهم تصيورات بجوج وبتاسمات وتحنات تزات هارون بشوية باش مايفيقوش يلاه اتمشي وهي تسمع صوتو:وجديلي حوايجي ولحمام
شافت فيه:واخة
وخرجات حطات هارون ووجدات ليه داكشي لي بغة حطاتهم فلحمام وخرجات..شافتو فلاتيراس كيكمي..
عائشة:يوسف لحمام واجد
طفا لكارو ودخل نيشان للحمام عرفاتو ماناعسش مزيان بتاسمات وبدلات عليها وهبطات التحت هي وهارون من بعد ما رضع
صبحات عليهم وجلسات تفطر بتاسمات فاش شافتهم موجدين ليها لعصير لي كتبغي ولي كريب.
كلشي كيفطر فهدوء حتى كتشوفها جلسات..شافت فيها لقاتها مخنزة ماداتهاش فيها..هي لي جبداتها تحمل داكشي لي غيجيها وايلا مابعداتش منها اتوريها وجه اخور تاني..لعبات عليها يحساب ليها بصاح ندمات حيت حاولات تقتل ولدها ولكن من ليوم ايلا أداتها او قربات لولدها غتندمها
طاهرة:عائشة..شغا ديري فقرايتك
عائشة:ماعرفتش
سمعات صوتو من موراهم:تا لعام جاي تديها فراسها دابة
عائشة ماجاوباتش حيت بصاح كيف غتقرا وهي فهاد الحالة..لعام الجاي اتكمل قرايتها. ماغاترتاح حتى تشد الشهادة ديالها اصلا باقة صغيرة لي فسنها يلاه كيقراو لباك..المهم غدير شي حاجة فحياتها يا هاد لعام يا لعام لي جاي
الطاهرة:وجدو راسكم غدا عندنا حفل فالجمعية غيحضرو فيه كاع ناس المهمين ورجال اعمال وشخصيات بارزة..والصحافة..وطبعا وليداتي وراجلي غيحضرو وحفيدي تاهو.وليلى وراجلها وولادها العائلة اتكون مجموعة
قالتها وهي كتبتاسم
نرجس:غيكون ناجح ان شاء الله وغنجمعو فالتبرعات كتر من العام لي فات ان شاء الله
طاهرة:ان شاء الله..نرجس خاص تعاونيني ابنتي ليوم اتمشي معايا للجمعية صافي..نتي كتفهمي فهادشي..بحال لعام لي فات كلشي عجبو لحال
نرجس:واخة اخالتي كوني هانية
عائشة شافت فطاهرة:خالتي ديني معاك تا انا يقدر نعاونك
طاهرة يلاه اتهضر وهي تقاطعها اكرام:فاش اتعاونيها ونتي ماكاتفهمي فوالو مقابلة غا لولادة.ديها فولدك قالك تعاونها
نرجي شافت فاكرام وبتاسمات ليها عجبها لحال:خليها يقدر تعلم شي حاجة من غير لولاد ..
طاهرة:اكرام واش ماكاتعرفيش تسكتي نتي زعمة خلاقيتي كتعرفي لكلشي
اكرام:ماشي هكا اماما..هي تربات فبيئة مختالفة علينا هدشي بعيد عليها خاص مازال تفورماطة باش عاد تبدل ههههههه
يوسف ضرب بيديه على الطبلة:تهزييي
اكرام:كيفاش
يوسف رجع ضرب بيديه فوق الطبلة:قلت تهزي
ناضت:هنا غاااادة هدشي كامل حيت قلت الصح
يوسف وقف:اكرام خليني معاك زوين قبل ماغا نقلب هاد الطبلة فوق راسك..اخر مرة نسمع بحال هاد الهضرة
اكرام شافت فناصر:باابي واش سمعتيه شكا يقول
ناصر:سيري ا اكرام زدتي فيه
اكرام:هدشي كامل على قبل وحدة عاد جات لبارح
عائشة وقفات باش غتمشي وهو يوقفها:جلسي
شافت فيه:ايلا بقيت جالسة كنقسم ليك ايوسف غنشير عليها بشي كاس
اكرام بتاسمات باستحقار:هااه تعلمتي تردي لهضرة نسيتي راسك اخطافات رجل
عائشة طارت على الكاس حداها وشيرات عليها بيه .كون ما هرباتش منو كون فرشخ ليها الراس
عائشة مدات هارون لدينيس..وطلعات فوق الطبلة كتزطم على كاع لماكلة ولكيسان وطارت ليها على شعرها جراتتا منو وبدات كتشتف عليها وهي كتغوت..كلشي بقة مصدوم وناضو كيتغاوتو..طاهرة كتفك :عاائشة نعلي الشيطان رخي منها
عائشة:خليييني نوريها انا شكا نسوة من شحال هدي وهي كتقلب عليا وتلوح فلهضاري..
نرجس حالة فمها مصدومة كيف دارت ليها
يوسف مشا كيجر عائشة وهي ملوية يديها على شعرها كيجرها وهي كتجرها معاها من شعرها :رخييييي مني خليني نقتلهااا انا حسن منكككك الكلبة
يوسف غوت:عائشة ررخي منهاااا
عائشة تمجنات عليها ديما كتبقة صابرة وفاش كتنوض صافي كتشعل ديال بصاح
يوسف شدها من صباعها كيفك شعرها منهم تا بعدها عليها هزها بكامل جسمها وهي كتفركل ليه بين يديه وتغوت:رخييييي منيييي
حطها حدا الدروج وغوت ليها فوجها:صاااافييي حبسييي
شافت فيه وهي كترجف قربات ليه تا لوجهو وغوتات تاهي:لااااااا اي واحد فهاد الدار بغة يقلل مني غنزطم عليييه
وشافت فاكرام لي كتبكي وكلها خباشي وشعرها طالع فسما:كنقسم ليك وتولي ضوري بساحتي نجفف بيك هاد دار
وطلعات كتجري فدروج
اكرام وهي كتبكي:هدشييي لي بغيتوو ضرباتني عمر شي حد ضربنييييي
طاهرة بغات تدوي معاها وهي تغوت:صااافي مابغيت نسمع والوو
ولات بحال شي حمقة كتغون بوحدها:والله تا ندمهااااا والله لا بقااات فيها عمر شي حد مد يديه علياااا
هزات ساكها وتمات خارجة
نرجس:فين غدا
اكرام:لجهنااام الكحلة
شداتها من يديها:اكرام ما ديريش هاد الحالة اجي غير نهضرو
ناصر:خليها تخرج
تنترات من نرجس وخرجات كي شي عافية ركبات فطوموبيل وكسيرات طريق كاملة كتغوت وضرب فدريكسون:وااخة المسخة والله لا بقات فييييك
وصلات للشريكة ديالها نزلات ودخلات كلشي كيشوف فحالتها
اكرام وهي كتبكي:هدشييي لي بغيتوو ضرباتني عمر شي حد ضربنييييي
طاهرة بغات تدوي معاها وهي تغوت:صااافي مابغيت نسمع والوو
ولات بحال شي حمقة كتغون بوحدها:والله تا ندمهااااا والله لا بقااات فيها عمر شي حد مد يديه علياااا
هزات ساكها وتمات خارجة
نرجس:فين غدا
اكرام:لجهنااام الكحلة
شداتها من يديها:اكرام ما ديرش هاد الحالة اجي غير نخضرو
ناصر:خليها تخرج
تنترات من نرجس وخرجات كي شي عافية ركبات فطوموبيل وكسيرات طريق كاملة كتغوت وضرب فدريكسون:وااخة المسخة والله لا بقات فييييك
وصلات للشريكة ديالها نزلات ودخلات كلشي كيشوف فحالتها شعرها مشعكك وسوميج مقطعة من جيهت الصدر ولخباشي فعنقها..غوتات على حر من جهدها:شكاااا تشوووفووو
لقات حداها غا واخد الموضفة:نتيييي مطروضة مانشوفش وجهك قدامي تحركيييي
وكلات طريقها كتغوت:ونلقة شي حاااجة ناقصة كلكم مطروضين..كتفرجو فياااا
ودخلات للبيرو وزدحات ليا وغوتات فبلاصتها:وااااااااااااااااع
طفج من بلاصتو وناض واقف كيشوف فحالتها
ضارت شافت فيه:شكااا دير هنا
مهدي طلعها وهبطها تت وصل لشعرها لمشعكك:واش ضربك الضو ههههههه ولا ضربك شي جن
زاد عصبها :خرررررج عليااااا دابة مابغيتش نشوفك قدامي
دخل زيكو كيجري مخلوع:الله على حبيبتي مالكي
اكرام بلغوات:خرررج عليا هدااا مابغيتش نشوفو
مهدي جلس ودار رجل على رجل وشاف فيه بمعنة اجي لعندي وتشوف
زيكو فهمو بلع ريقو:حبيبتي راه ليوم كان عندكم لقاء...
قاطعاتو:وااش ماكاتسمعش
مهدي وقف:خرج وسد موراك لباب
زيكو بقة واقف كيشوف فاكرام
مهدي :تحرك
زيكو خرج كيطير وسد لباب
اكرام قربات عند مهدي:خرج من لبيرو ديالي داابة
مهدي:مالكي شنو واقع ليك
اكرام:واش سووقك خرج عليا
مهدي:ماغاديش نخرج تا تقوليلي مالكي
اكرام بغات تعطيه بالضهر وهو يجرها من خسرها:اجي فين غادة.شكون دار فيك هاد الحالة
ماقدراتش تقاوم دموعها بدات كتبكي نزلات راسها وبصوت باكي:عفاك خليني بوحدي
هز ليها راسها:شكون بكة ليا القطة ديالي عاوديلي
اكرام زادو دموعها نزلو وحطات راسها على صدرو وهمسات ليه:تا واحد ماكايبغيني ضرباتني قدامهم وعمر شي حد ضربني
بقة كيمسح ليها على شعرها :شش صافي ماتبكيش
اكرام:كون غير كان عندي تا انا بابا وماما نلقة شكون يدافع عليااا..ويوقف معايا
سكتات ورجعات كملات:انا ديما كنحس بنقص واخة عندي كلشي ولكن بلا واليدين ماكانسوة والو مازال مامتقبلة اني يتيمة لا ام لا اب..كون كانو عايشين كي راني دابة كنبكي على صدر ماما وبابا قلب دنيا فوق راسهم حيت بنتو تضربات
تنهدات بصوت مرتافع وسكتات كتكمل بكاها على صدرو
بعدها عليه ومسح ليها دموعها:صافي راه حاس بيك.تانا كبرت بلا واليدين..نتي بعدة عشتي حياة زوينة انا تربيت فالخيرية تكرفست بزاف باش نوصل .تاواحد مالقاها كيف بغاها
بقات كتشوف فيه مسحات دموعها:وماتبناك تا وامد
بتاسم :هادوك لي تبناوني بغاوني نكون غا خدام عندهم فاش كبرت هربت ليهم ووليت عايش بوحدي..دابة قوليلي مالكي
