وصل للجناح ديالو حل لباب شافها جالسة فلاطراس وهارون قدامها كتلعب معاه..حيد التيشيرط ورماه فوق النموسية ووقف حدا لمراية كيتدكر داكشي لي وقع كيفاش جايين يخطبوها وغيديرو العرس من الفوق مسح على راسو بعصبية ..سمع صوتها من موراه:يوسف جيتي
دار لجيهتها قربات العندو وتعلات باستو على وجهو وعنقاتو:على سلامتك احياتي
رجعات شافت فيه:كي وصلتي
يوسف:الحمد الله..
وحط يديه على خصرها بعد شعرها لجيهة لوخرا وهو كيشوف فعنيها شحال فرحانة وهي كتشوف فيه:لاباس عليك
هزات راسها باه:بيخير ونت معايا
باسها على خدها
نرجس:نوجد ليك الحمام
هز راسو بات
دخلات للحمام وجداتو ليه وخرجات هزات فوطة وحطاتها فالحمام:راه واجد
دخل للحمام وهي وجدات ليه حوايجو
وخرجات عند هارون :واليد ديالي خليتك بحدك..باباك راه جااا
وباستو على خدو:ماماك كتبغيك ياك تانت كتبغيها
بقة كيضحك ليها تحنات وباست ليه يديداتو:يخليك ليااا
حسات بيه موراها .قرب وهزو باسو على راسو:ولدي
بدا كيلعب معاه ويقفزو لسماا وهارون كيضحك
نرجس ناضت وحطات راسها على دراعو:كيشبه ليك يوسف شاف فيه:اه ولد باباه
نرجس:راه خاص نسجلوه فالحالة المدنية
يوسف:هاد السيمانة غنسجلو
بتاسمات:اتسميه واليد ياك
يوسف:من لهنا لتماك يكون خير
لتحت
عائشة بدلات حوايجها :نمشي نشوف هاروني
لبسات صندالتها وخرجات ..تلاقات الخدامة:فين هو هارون
الخدامة:راه مع لالة نرجس
عائشة:واخة
طلعات للجناح ديالهم دقات ماجاوب حد رجعات دقات مرة وجوج والو .بغات تحل لباب ماتحلش..مسدود اوطوماتيكمو من لداخل..شافت واحد الجرس بركات عليه..تا تسمع لداخل
نرجس:اتكون الخدامة
بركات على واحد الزر حداها فلاطراس باش تحل لباب ورجعات حطات راسها على كتافو كيشوفو البحر قدامهم مع شوية دريح كيهز لموجات منضر زوين
عائشة غير تحل لباب دخلات ..مابان ليها تا واحد ..بقات كتسارا فالجناح كيعجبها بزاف..شافت تيشيرط ديالو فوق النموسية قربات وهزاتو شمات ريحتو نفس العطر باقي كيديرو ..دورات عنيها على الجناح..الجناح ديالهم بجوج كيتشاركو فيه كلشي لفراش بيت تبدال الحمام ..كلشي..تنهدات كتبعد هاد الافكار من راسها وشافت فلاطراس تماك فين اتلقاهم..دخلات وهي تشوفهم بتلاتة واقفين كيطلو على البحر وراسها على كتافو ..بقات غير واقفة،وكتشوف عاد كان معاها هي ..حسات بواحد الاحساس فشكل حطات يديها على قلبها وتنهدات :نرجس
دارت وشافت فيها:هادي نتي
عائشة:من صباح وانا كندق ..جيت ندي هارون ونمشي
وقربات لعندهم بغاتش تشوف ليه فعنيه عارفاه كيشوف فيه وقفات حداه:عطيه لي عفاك
مادار تاشي ردة فعل شافت فيه:عطيه لي توحشتو
ومدات يديها خداتو من عندو
نرجس:دابة ايكون جاه النعاس غيرنعسيه باش يرتاح
عائشة وهي غادة:واخة
نرجس:بسلاامة،ولييد
عائشة،وقفات وشافت فيها:هارون ماشي وليد عفاك
بقات كتشوف فيها وشافت فيوسف مراقبها بعنيه تا غبرات من حداه:واش فيها شي حاجة لا سميناه واليد انا ماقصديش ناخد ليها ولدها
يوسف:ماشي وقت هاد الهضرة
ودور وجهو لاونفاص للبحر وشعل سيجار ديالو كيكميه بصمت وهي واقفة حداه
عائشة دخلات لبيتها وهي كتنكر:قالتلك واليد سيدة رداتو ولدها وعايشة لحياة هي وراجلها وضرباتني بركلة..ولدي سميتو هارون
عنقاتو :نت ولدي اناا..ماماك هي عائشة
تنهدات:ماقدرش حتى يقولها اولد عندو سمية كيتفرج.اصلا ماداهاش تا في بحالبلا ماكناش بجوج لبارح..غير كيشوفها كينسة كلشي ..وانا دايرة فيه راسي
جلسات وهي معنقة هارون:عمري نخلييك اولدي ..نت هو حياتي
بعداتو عليها وحطاتو فوق النموسية حلات صدافات اللولين دلبيجامة وجبدات صدرها وهزاتو باش ترضعو:توحشتي لحلييب دماماك،ياك
هارون كيرضع وكيشوف فيها وهي كتهضر ومرة مرة كيبتاسم
داز الوقت
كانت فبيتها
لبسات وقادات ووقفات حدا لمراية كتشوف فراسها قاليها لبسي شي حاجة كلاس ومستورة..لبسات كسوة طويلة فالحمر ملبوسة عليها وكمامها قصار وعندها فتحة جيهت ااصدر ..ولي زيسطخاس ديال شواروسكي منبتين على الصدر بطريقة زوينة ..مع عكار حمر بارد وشريطة،خفيفة،وشعرها زعر بوكلي ..جات زويينة عجبها راسها حتى كتسمع طليفونها كيصوني:الو
عصام:فينك
دنيس:فدار
عصام:صافي هني قربت شوية وخرجي
دينيس:واخة
قطعات ورجعات شافت راسها هي هديك.. لبسات فيسط كحلة كلاس من لفوق و هزات ساكها وهبطات
لقات طاهرة جالسة فصالة:ماما
طاهرة شاغت فيها:نعام..فين غادة
دينيس:صاحبتي قالتلي نتعشاو هاد ليلة،فزنقة تحل واحد المطعم كلاس جديد ايجيبو ليه واحد المغني مافيها باس اماما
طاهرة:سيري وماتعطليش
دينيس:واخة ماما
طاهرة:كوغا ديتي معاك فاتي تفوج
دينيس:مابغاتش يلاه هاني مشيت
وخرجات ركبات فطوموبيلتها ومشات..لقاتو فلبلاصة لي تافقو عليها مور دار نزلات من الطوموبيل وركبات حداه:تعطلت
عصام:لا يلاه وصلت
وديمارا وهو مازال كيشوف فيها
دينيس:مالك
عصام:ماكاتسلمي ماوالو
بتاسمات ومدات يديها
عصام بتاسم وشد يديها وقربها لفمو وباسها:ماكانسلمش باليد
بتاسمات وقربات باستو على حنكو
ضحك وعنيه على الطريق:دابة مزيان
