هزات راسها بلا غاطسة راسها فعنقو كتستنشق ريحتوو لي كتعشقها بلا واللوو وزاد دابة كمل لوحم :لا بقة معايااا
يوسف كيمسح ليها على شعرها:غنمشي ونرجع صافي
هزات راسها بلا:لااا خليييك بغيتك تبقة معايااا
يوسف:عائشة ضاروري خاص نمشيي راه غنرجع منين نسالي
ترخات وبدات كترجع اللور عضات على شفايفها وعنيها غرغرو بالدموع:صافي سير
بقة غير كيشوف هز ليها راسها لعندو:كتبكي!!
عائشة مسحات عنيها:لا صافيي سييير
وتلاحت فوق النموسية غاطسة راسها فالمخدة وكتبكي مقهورة علااش ايمشي ويخلييها الخدمة اهم منها زعمة خاص يبقة معاهاا...تنهد وبتاسم وجرها من دراعها لعندو وعنقها:هنا معااك ماعندي فين نمشي غا ماتبكيش
بتاسمات وسط دموعها:بصااح
هز راسو باه وهو كيبوسها على شفايفها:مانقدش نشوفك كتبكي
بتاسمات وباستو بالجهد على شفايفو:يخلييييك ليااااا ياربي
يوسف:وليااا
وتكة وتكات تاهي على صدرو غمضات عنيها مبتاسمة وهي كتسمع دقات قلبوو ..وهو كيمسح ليها على شعرهاا داير ليها خاطرها..وتا هاد النهار ايدوزو معاها وايسمح فالخدمة وايلغي الاجتماع لي كان تابعو على ودها
دازو ساعات
خرجات هي وياه وباها وخوها من مكتب عقد القران صافي ولات ديالو مراتو وحلالو بجوج كانو فرحانين..وكيف بغات هي كان عقد قران عادي جدا فمكتب لعدول ..الفرحة كانت باينة فعنيهم بجوج
يحيى:سمحولي اناخدها ليكم واحد ساعة دلماكانة بغيت نوريها الدار وتشوف واش هي هاديك
عماد:دابة بيناتكم مابقاتش ديالنا هانت ها مراتك
عصام جر عماد:يلاه الواليد بحالنا راه تابعنا شغالنا
وغمز فاتي لي ولات حمرة:اجيو فين غادين
عصام جار عماد:لخدمة
يلاه اتدوي حتى كتشوفهم ركبو فطوموبيل وعماد كيدير ليها باي باي من شرجم ويضحك عارف انه يحيى مايمكنش يدير معاها شي حاجة زعمة يدخل بيها قبل العرس..عضات على سنانها وهي كتبلع ريقها
يحيى كاتم ضحكتو من شكلها كيف ولات حمرة وكتشوف مع جنابها قرب وشبك يديه مع يديها وباسها وجرها معاه:صافي يلاه نمشيو حل ليها باب طموبيل وركبات وركب تاهو وديمارا وهو مبتاسم خايف يضحك بالجهد ويزيد يحرجها هو فعلا بغاها تشوف غير دار يقدر شي حاجة ماتعجبهاش يبدلها
فاتي غير ساكتة وكتلعب بصبعانها وكتفكر شغا يديرو فدار وقلبها كيضرب فالمية ملي كتفكر انهم صافي تزوجو ومن حقو يبغي ينعس معاهاا فلحضة ندمات علاش وافقات يضربو لاكط هو لول ..يحيى شاف فيها:مالكي
فاتي:هااا
يحيى رجع شاف فالطريق:واش خايفة مني
فاتي:لا ماشي هاكة اصلا ماكانخافش علاش انخاف ايوا صافي بقالي غا نخااف صوك صوك
يحيى تفرشخ بالضحك بالجهد من صوتها لي كيرجف بالخوف وكتقول ماخايفاش
زادت تزنكات مع هي بيضة دغية كيبان عليها عضات لسانهااا من هاد تخربيق لي قالت
يحيى:هههههههه اربييي الله يصبرني على هاد القطة لي عطيتيني
تنهدات بالجهد ودورات وجها لجيهة لوخرا عاد جاوبات:علاش الضحك نت اصلا واعدتيني ماغايوقع بيناتنا والو قبل العرس
يحيى:ههههههه وانا عند وعدي
سكتات مازال الخوف مسيطر عليها
يحيى :اندوزو مور مريم تمشي معانا
قبل يكمل كلامو جاوباتو:ااه راها غير فالدار
ضحك تاني بالجهد:ههههههههه
فاتي:مالك كضحك
يحيى:واالوو .نمشيو مور مريم الالة
قلب الدورة للدار غير وصلو صونات ليها
كانت مخشية فالفراش لي ماولاتش كتفارقو تا لمدراسة مامشاتش ليها ماعندهاش الجهد للي يقرا لي كيسولها كتقولو مريضة والدورة الشهرية وكيتيقوها حيت كتجيها بالوجع وكتولي نفسيتها مزفتة فكان ساهل يتيقو بيها. مرات تبكي ومرات تبقة غير ساكتة تا نعاس ولا يطير من عنييها وهاد نهار زاد كمل علييها لعافية شاعلة ليها فقلبهااا ليوم غيضربو لاكط وايتزوج بختهاااا صعيبة علييها تدفع النص فعمرها باش يحيد من قلبهااا وتفرح لختهااا ولكن ماقدرااتش...هزات راسها فاش سمعات طليفونها كيصوني شافت فاتي مكتوبة فشاشة فلول مابغاتش تجاوب ولكن تشجعات وجابات:وي فاتي
فاتي:تهزي لبسي حوايجك وهبطي لعندي لتحت على برى تمشي معايا
مريم:ولكن..
قاطعاتها:ضاروري تمشي معاياااا وانوضي
تنهدات:واخة شوية ونهبط
فاتي:وادغية راحنا على برى
مريم:صافي
قطعات وتنهدات ونزلات من النموسية دخلات غسلات وجها شاداها الدوخة من قلة الماكلة وكترت تفكييير والفقصة ..لبسات عليها بالخف ونزلات خرجات لعلى برة كتقلب على طموبيل فاتي حتى كتسمع لكلاكسون دورات وجها وهي تشوفهم تبلوكااات وهي كتقول مع راسها لااااااا فلحضة بغات تدخل كتجري للدار وتهرب ولكن رجليها فشلو عليها وهي كتشوفو ديمارا الطموبيل وقرب تاوقفو حداها
فاتي:ركبييي راه لبرد
بقات واقفة مبلوكية كتشوف فيهم
فاتي:اناري ركبيي
حسات على راسهاا مابقة ليها فين تهرب
حلات طموبيل وركبات اللور دغية تغلغلات ليها ريحو لباغفان ديالو فأعماقها..ديمارا وهي حاسة بروحها اتخرج تا سلام ماقلتهاش حتى مبروك لي خاص تقولها ماقدراتش تنطقها
يحيى كيشوف فيها من لمراية وهو مبتاسم:مريم لاباس عليك
شافت فيه مغرغرين عنيها بالدموع صوتو كيبورشها وابتسامتو كدوخها ..لسانها تبلوكة خايفة تدوي ويبان من صوتها انها غتبكي..
مريم دورات وجها فاش ماجاوباتش:مريم
مريم مسحات عنيها بالخف:سمحلي كنت ساهية الحمد الله ونت
يحيى:تانا بيخير قالتلي فاطمة الزهرا راكي مريضة شوية دابة
هزات راسها باه:دابة شوية الحمد الله شكرا
وسكتات
تا وصلو للدار هزات عنيها كتشوف فين هوما خانتها دمعة حاارة من عنيها غمضات عنيها باش يحبسو دموعهااا شافتهم نزلو نزلات تاهي..شافتو شبك يديه فيديها ومشاو سابقينها بقات واقفة شحال كتشوف فالدار لي كانت كتخايل راسها هي لي غتكون فيها ودابة كتشوف ختها لي اتعيش فيها معاااه عرفات راسها كانت مكللخة وغبية لواحد الدراجة كبييرة ودغية عطات قلبها وعلقات راسها فشي حاجة هي ماشي قدها ..وهو ماعرفش هدشي لي كدوز منو وماعارفهاش تا واش كتبغييه..تبعاتهم ودخلات لداخل لقاتهم كيتسناوها حدا لباب
