عائشة شافت فيوسف وبتاسمات:شكرا بزاااف الخاتم زوين بلا قياس
وقفات ومشات لعندو:ولكن سمحلي انا ماموافقاش على هاد الزواج
كتهضر وعنيها فعينيه ومبتاسمة حيدات الخاتم ومداتولو:فكرت لقيت الزواج مامسلكنيش
علات حاجبها كتستافزو
كلشي تصدم وحلو فمهم..يوسف بقة غير كيشوف ولا كيغلي من لداخل لعافية شعلات فيه بالاعصاب
عصام نطق:من حقك اختي
ضارت شافت فيهم:سمحولي بزاف خالتي طاهرة وعمي انا عارفة هاد الزواج ماغايجي من موراه غا الصداع والمشاكيل وانا راه عييت منهم وتانتوما ماناقصينش ماشاكيلنا تاحنا لي عمرهم غيساليو غنعدبكم معانا
عائشة شافت فيوسف كيف كيشوف فيها كيشي لي ليصانص قابل للاشتعال خاص غيشي وقيدة باش يتشعل تحنات حطات ليه لخااتم فيديه..وهربات بروحها ومشات حدا خوها عاد شافت فيه :كنضن هاد القرار مناسبك حتى نت اولالا الخاتم رجعو لماليه وغيرجعولك فلوسك عادي
يوسف وقف وهو كيغلي رما داك الخاتم فالارض وعنيه مفيكسين عليها مشا نيشان اجيهتها كيشي عجاجة وقبل يوصل ليها لقا فوجهو عصام كيشوف فيه بتحدي :كنضن كلام ختي مفهوم مابقة مايتقال
يوسف ماشافش حتى فيه مزال مفيكسي فيها مايكرهش روحها يخرجها بيديه فهاد اللحضة نطق وهو عاض على سنانو غير بوحدها لي فاهمة وعارفة قمة الغضب لي هو فيها دابة قبل دير هدشي عرفات حالتو كيف غتكون:كنقسم ليك هدشي غنخرجو منك بالاضعاف
عصام شاف فيه وهو معلي حاجبو:عيب عليك وانا فين مشيت
يوسف شاف فيه :ليام كتلاقي
عصام:نيشان ليام كتلاقي هدي عندك
يوسف رجع اللور وشاف فمو وباه داك شوفات ديال عجبكم الحال دابة
مشا نيشان للبيت عند ولدو
طاهرة:عائشة شنو هدشي درتي
عائشة قربات لعندها:سمحيلي بزاف اخالتي انا ماكنتش قاصدة هدشي
طاهرة:حشومة كاع عليك
ناصر:يلاه نمشيو بحالنا
الزاهية ناضت حشمانة :سمحولينا الله يخليكم هنا غنسوف شنو تحت راسها هادي راه غا هبيلة ماعارفاش راسها شكا دير
سكتو فاش شافون خارج من لبيت وهارون فيديه ناعس:يلاه نمشيو
عائشة:كيفاش حط ليا ولدي بعدة
يوسف:ولدك عندو باه وبللصتو معايا
بغة يزيد خطوة وهو يتدخل عصام:ولدك؟ كيفاش ولدك الولد عندو باه لي هو انا شكا تخربق
يوسف شاف فيه بمعنة واش من نيتك
عصام:اولد ماغاديش يخرج من دار باه عائشة سيري جيبي داك الوراق
