دارت لجيهتو بلعات ريقها:عصام
عصام:شكا ديرو هنا
عائشة:حسيت بدوخة،وجيت للحمام
عصام شاف فجعفر
عائشة:يلاه هنا مشيت
يلاه ادير جوج خطوات وهب تلقات قدامها:شكا ديري هنا
عائشة قلبها ولا كيضرب فلمية وهي كتشوفو مخنزر فجعفر:كنت فلحمام وعصام..
عصام:كتدوي مع خوها لي هو انا فيها شي حاجة
يوسف:عائشة رجعي لبلاصتك
مشات.وهو قرب لعند جعفر وشدو من الكول ديالو ولصقو مع الحيط:انا راه تاشي حاجة ماكاتفوتني سمعتيني وايلا مابعدتيش من طريقها اجعفر غنرجعو ليامات زمان
جعفر بتاسم:مالك ازعيم ديما معصب
عصام :شنو واقع بعد عليه
جر يوسف:مالك معاه
يوسف تنتر منو:كان كيحسابلي نت دكي اعصام ولكن غالط فيك ..هدا ماشي من النوع لي ديرو صاحبك
عصام:مامحتاجلكش توريني شكون صاحبي وشكون لي يصلاحلي نت غير ديها فراسك
يوسف:من جيهتي يعطيك الحبس نت وياه حاجة وحدة
وشاف فجعفر:ماتقربش لحاجتي سمعتيني.حيت كنقسم ليك اجعفر باقي ماشتي مني والو
ومشا وخلاهم
عصام:مالك نت ويات علاياش ثيدوي
جعفر كيقاد السوميج:انا وياه من يامات لافاك فلميريكان وحنا هكا ماشي شي حاجة جديدة .ماتعمرش راسك يلاه نمشيو
ورجعو للقاعة
كانت واقفة حتى كتشوفو طلع للمنصة ووقف حدا الميكرو ..من ايمتا وهو هنا ومن ايمتا كان كيعطي كلمة فبحال هاد الحفلات ..رجعات اللور باش تشوفو وهو مايشوفهاش..تبرع بمبلغ كبير وعطا الكلمة ديالو يحساب ليها اينزل ولكن فقزات فاش سمعات اسمها:امينة
كلشي دار كيقلب عليها تخبات مور ناصر وهي كتسمع لكلامو:امينة عارفك كتسمعيني بغيت نعتادر منك قدام كاع الناس..بغيت نقولهم انا واحد من دوك رجال لي ماكايقدروش المرة لي كتبغيهم..انا واحد من داك رجال لي كتحاربو هاد الجمعية ..امينة دابة عاد عرفت بقيمتك وعرفت انني واحد ماكايسواس حيت كنت انضيعك من يذي على قبل وحدة حقيرة..ماعرفتش شنو داكشي كنت فيه ..كنت بحاليلا مرفوع وكنتوهم اني كنبغيها ..وماكنتش باغي لكلمة ديال واليدة نطبقها وزيد ماكنتش باغي نعتارف لراسي اني ماكانبغيهاش وانك نتي بدلتي فيا شي حوايج.،كنت عايش كدبة ومتيقها..سمحيلي بزاف وانا كنواعدك غنعوض لك كاع ليام لي عشتيهم معايا خايبين ..انخليك تنسايهم..غير ماتسمحيش فيا وسمحيليي..من نهار خرجتي من الدار ماوليت رجعت ليها ونتي ماكايناش..بغيت نقولك اني كنبغيك ونتي احسن حاجة وقعات ليا فحياتي
ناصر بعد ودار شاف فيها منزلة راسها وكتصنت ..علات راسها لقات كلشي كيشوف فيها ..نزلو دموعها ودفنات راسها فحضن باها ماباغة تاشي واحد يشوف دموعها..عنقها وهي كتبكي.نزل من المنصة ومشا لعندها:امينة
زادت دفنات راسها فحضنو بغة يمد يديه وهو يحس بشي حد جرو كان يوسف:بعد عليها
محمد:بغيت غير ندوي معاها
يوسف :عرفتي كون فراسي هدشي لي وقع كون قتلتك شحال هادي ..سير من لهنا حيت ماغانبقاش متحكم فراسي
محمد ماجاوبوش بحاليلا مادواش اصلا ورجع لعند امونة جرها من دراعها :امينة خليني غير ندوي معاك
ماجا فين يكمل كلامو تا لقة راسو طايح فالارض من اللكمة لي جابهالو فالوجه:قلت ليك سير بحالك ونت زايد فيه
امونة شافتو غيزيد يكمل عليه تشدو:عفااك ايووسف صافي براكة
يوسف شاف فيها:علاش ما قلتيليش هدشي من لول
بقات غير ساكتة وكتبكي
محمد وقف:اه عارف الضرب وقليل فيا ولكن ماغانمشي من لهنا تا تسمح ليا
يوسف زادو لكمة تانية على وجهو وبغة يزيد يضربو وهو يجرو ناصر :يووسف شكا دييير حبس
يوسف تنتر منوو:ايما غيمشي ولا هدشي ايكبر
قرب لعندو وهي تحبسو:صاافي ايووسف هدشي بيني وبينوو ماتوليش تمد يديك عليه
وسكتات وهي كتلهت:ونت سير بحالك عاجباك هاد الشوهة لي درتي
محمد:اتسمحيلي ياك
امونة:سييير من لهنا
طاهرة:سير اولدي الله يخليك ماخاصنا صداع
محمد:ماغانمشيش تا تسمحيلي
طاهرة جراتو من دراعو:صافي غدا واجي لدار نهضرو فهاد الموضوع..لاكنتي بصاح كتبغيها سير من لهنا
مسح فمو من دم وشاف فيها:ماغا نرتاح تاتسمحيلي
ومشا
يوسف بقة كيشوف فامونة مسحات دموعها وقربات لعندو بغات تدوي معاه وهو يعطيها بالضهر..تنهدات
طاهرة تنهدات شهاد الموصيبة بغات تسالي هدشي دغية قبل توقع شي كارتة كتر منها.عاود طلعات تاني للخشبة:نرجعو لموضوعنا المشاكل العائلية ماعندنا مانديرو بيها يااك
تصفيق👏👏👏
عائشة عيات من هاد الاجواء دارو ليها الخنقة شافت فيوسف:عييت ايوسف واش ماغانمشيوش
يوسف:شوية ونمشيو
تنهدات وحطات راسها على كتافو عيات بزاف شاف فيها:واش تشربي
هزات راسها باه وتحنة هز كاس ومدو ليها شرباتو فهاد اللحضة الانضار كانت عليهم ..كيشوفو وشي كيهمس لشي باش يشوفو
نرجس كانت واقفة حداه من جيهة لوخرا دورات وجها تشوفهم فين كيشوفو ..وهي طيح عنيها عليهم كيف متكية عليه ويديه على حنيكاتها بحاليلا كيقيس ليها الحرارة بلعات ريقها خصوصا فاش سمعات همس شي بنات انهم زوينين.وشحال متواتين معضور لا جابها التانية .حسات بالعافية شعلات فقلبها فهاد اللحضة
طاهرة شافت فاخر شيك بقالها بتاسمات:عروستي لعزيزة نرجس كيف لعادة مسانداني كتبرع بمبلغ 200مليوون الله يفرحك ابنتي
نرجس ناضت لعند الطاهرة وعنقاتها ووقفات مدا لميكرو:مجرد مساعدة بسيطة لناس لي محتاجين لينا
صفقو عليها وتي ثبتاسمة وعنيها على داك الجوج لي اونفاص معاها والغيرة كتنهش فيها :احم الممد لله تجمعنا هنا غير الناس لي فقلوبهم الرحمة ولي كيمسو بناس لي كيعانيو ..انا بدوري حاسة باي ام ارملة وام عازبة وام فقدات ولادها..وثدالك المراة لي كتعرض للضرب والمراة لي كتعرض الخيانة ..تانا عشت موقف من هاد الموقف من بعد ماكنت عايشة هانية انا وراجلي فرحانين وماعندنا تاشي مشاكيل حتى كنلقة ومدة دانلة بيناتنا وقلبالتلنا حياتها وروناتتا من باد ماكنت تايقة فيها وكنقول بنت باقة صغيرة وغير سن المراهقة ..ولكن لقيت انت كنت غالطة ونيتي الصافية لعبات بيا وتي لي وصلاتني لهادشي تا ولات مراتو تانية وام لطفلو لي تولد بدون زواج
كلشي بقة مصدوم
نرجس بابتسامة:ولكن هدشي ولا من الماضي وولينا عائلة،وحدة مايمكنش يبقة،وليد بلا اب .ودابة ولاو عندو جوج ديال الامهات ..
عائشة هزات راسها وشافت فيها وهي كتسمع لهمسات دناس ..خطافة رجال..حملات منو بلا زواج..دارت فيها لخير ما حسات براسها تا وقفات بقات كتشوف قدامها باغة دير شي حاجة باش تسكتها ونرجس مازال كتهضر..تحنات حيدات صباطها وشيرات عليها بيه نيشان لراس بداك طالون..كلشي شهق .ونرجس شادة فراسها دم كيسيل
عائشة:سكتييي عاودي لهم كلشييي قوليلهم اش وقع بالضبط واش درتيلي يا المنااافقة
سارة كانت واقفة حطات يديها على فمها كضحك على طريقة لي ضرباتها بيها
طاهرة طلعات كتجري عند نرجس ودمايات لي كيسيلو من راسها تجمعو عليها كيمسحو ليها بكلينيكس دمايات لي فراسها مع دمها كان سخون داكشي كيرشرش
عائشة ولات كلها كتركف باقي مابردات ليها
يوسف
شدها من دراعها وزير عليها وهو عاض على سنانو:شهادشي درتي
عائشة:انا راني قلت ليك لي جبدني ماغانسكتش ليه ..انا هدشي كامل طلع لي فراااس ايوسف..انا كنبغي نتفاداها وماكانبغيش نكون انا وياها فشي مشكل ولكن شوف اش دارت لي
يوسف دور وجهو كلشي كيتفرج فيهم عض على سنانو حتى كيسمع صوتها:اااي قصحتيني
رخف عليها:هدشي انتفاهموو عليه
عائشة:تفاهم معاها هي
يوسف:سكتيي
سكتات وهي كطل على نرجس نازلة من المنصة وكتبكي وحاطة يديها على الضربة ..
سارة مشات كتجري هزات لعائشة صباطها ورجعاتو ليها لبساتو :لبسي اعويشة دويبة لبسي
لبسات صباطها
سارة:غير سكتي راني حابسة واحد الضحكة طويييلة
عائشة:ماتزيديش تكملي عليا تانتي
فالجيهة لوخرا
عصام واقف هو ومهدي لي كيضحك:وناري اصاحبي هاد ختك علام دارت ليها بحال كيف دار المنتضر زيدي لرئيس امريكا لقديم جورك بوش ..ضربو بصباطو فواحد المؤتمر هههههه لا ختك بزاااف انبقة نضحك من دابة تا لغدة
عصام خنزر فيه:مهدي واش ماغاتسكتش
مهدي:هنا ساكت
وما قدش يصبر ههههه
لقاعة ترونات..وكلشي عرف انه من الافضل يمشيو بحالهم ويخليو هاد الاعائلة السعيدة تحل مشاكيلها
نساحبو الناس ومشاو وطاهرة واقفة وكتودعهم وتشكرهم واحد بواحد
بقات غا العائلة مجموعة
الطاهرة غير خوات القاعة هزات كاس وزدحاتو مع الارض:تبااارك الله عليكم درتو لناس لفراجة زعمة ماخليتولي مانقوول هدشي غا وصيتكم..انا عندي عائلة مشوهة ماتصلاحش معاهم الحفلات..كون جيت بوحدي تكلفت ومريضنا ماعندو باي انا لي جايباكم نستاهل
ناصر:صافي اجي تجلسي
طاهرة:لا خليني نهضر..ماكاتشوفش..واحد غا كيفرشخ فعباد الله فين ما مشينا خاص يدير لينا عرض دلمضاربة..ولوخرا شادة لميكرو وكتعاود لناس قصة حياتنا وماشاكيلنا وشوهة مع عباد داو مايعاودو..اما لالة عائشة ماكاتصبرش على وجهي ..دغية محيدة صباطها قدام ناس وكضرب..زعمة بااز لوجهكم.ماحتارمتوني ماحتارمتو الحفل دياليي ولادي والو واش بقاو دايرن لي عتبار كل واحد وكيدير لي قالو راسو...سي بدر عاد طاح عليه الحب من سما وقالك ايتزوج بلا مايعلم...قتلوني وتهناو
ناصر جرها وجلسها:هدشي كامل انتفاهمو عليه غير جلسي من ليوم كلشي غيتقاد
كلشي كان ساكت وكيتصنتو
عصام شاف القضية حماضت:الوليدة هنا مشيت
ليلى:واخة اولدي تا لغدة،ونهضرو
يلاه ايمشي وهو يسمع صوتها:عصام ديني معاك لدار
بغات تمشي ماتقدرش تستحمل شي كلمة خرا من عند شي حد اللهوما تمشي تبات عند مها تا لغدة عيات بزاف نفسيتها بلا والو مخربقة وتزيد تكمل بهادشي
عصام:يلاه
ناضت وهو يشدها:ماعندك فين تمشي
عائشة شافت فيه كترجاه بعنيها:خليني نمشي عفاك مانقدش نبقة مازال
يوسف:قلت ماعندك فين تمشي
عصام جرها من عندو:بغات تمشي معايا ..ماكاتشوفوش حالتها مازال باغين تزيدو تكملو عليها
يوسف:ونت اش دخلك فهادشي كمل طريقك ،وسير بحالك
عصام:ماغانمشيش تا تمشي معايا عائشة
يوسف دار ليه بتسامة جانبية:سير ليل هدا ماخصنا صداع
يوسف:كون جات عليا نديها من لهنا فمرا ومانخليهاش معاكم .نت واحد مايستاهلش ختي تبقة معاه وطال زمان ولا قصار غندي عائشة من عندكم فمرا وعمرك تحلم بيها
يوسف ماقدرش يتحكم فأعصابو كتر جمع معاه بكروشي تا طاح فالارض:هدشي علاياش كنتي كتقلب من شحال هادي
عائشة ناضت تبكي:صافي ايووسف عفاك انا غنبقة
عصام وقف كيمسح فمو لي سال بالدم جا عندو مهدي:يلاه اصاحبي بحالنا
عماد جر عصام:صافي اعصام
عصام تنتر منو رجع بحال شي عافية دغية رد ليه لكروشي :بغيتي غا هادشي واخة
بداو شي كيضرب فشي وكيحاولو يفكوهم وهوما بمال شي تيران هايجين..كاع طبالي تشخشخو ..رونو كاع لقاعة .ولغوات ،لبكة..بسيف باش فكوهم من بعضياتهم ومازال باغين يكملو
ناصر بلغوات:عماااد خرجوو ملهناا
جرو عصام خرجوه لبرة وليلى تابعاه كتبكي:الله ياربي شهاد ليلة
تنتر منهم:صاافي رخيو هنا غادي
ركب فطوموبيل وركب معاه مهدي وكسيرا طاير خلا لعجاجة موراه معصب
لداخل
كان واقف وكلو كيرجف بالاعصاب جابت ليه نرجس كاس دلما زدحو ليها مع الارض تا قفزات
طاهرة بغات تهضر وهو يغوت:صاااافي مابغيت نسمع والو
وشاف فعائشة لي جالسة فوق الكرسي وكتبكي بهستيرية تخلعات بزاف وكلشي غيقولها هي سباب..ناضت كتجري فاش طلعات ليها المعدة مشات لاقرب حمام وردات وكتحس بمصارنها كيتقطعو غسلات فمها وهي مزال كتبكي خرجات على صوت لغوات حتى كتشوفو جاي لجيهتها جرها من يديها وخرج هو وياها ركبها فطوموبيل وكسيرا بالجهد
