ناضت جالسة:كي درتي عرفتيي فهاد البيت
يوسف :تاحاجة ماصعيبة
نزلات لعندو وهي مقوسة حجبانها:لا بزااف مستحييل..واش عندك الحاسة السابعة ولا شنووو هاد البيت كوما وراتوليش الخدامة ماكنتش انعرفو
يوسف جرها لعندو:واش كتلعبي معايا قاش قاش
بلعات ريقها:شوية وصافي نكاسيو الملل
قوس حواحبو وهي تكمل:ماغا يوقع بيناتنا والو حتى نقادو الامور
رجعات اللور:عطيني شوية دلقيمة ..عتابرنا مازال ماتزوجنا راه حرام
بغة يجاوبها وهو يصوني ليها الطليفون قرب وهزو فاش شاف الاسم ديالها:الوليدة
شهقات:شكادير مع عائشة
يوسف:هادي فلتاتلك
طاهرة:بغيت غا نفهم كي كدير ليها..اش داك ليها فهاد الليل غا قولي
يوسف:سولي ناصر يجاوبك
طاهرة تزنكات:يوسف زدتي فيه دوزلي عائشة
يوسف مد لعائشة الطليفون:الوو..لاباس..اه صافي كوني هانية
وقطعات وشافت فيه:يوسف غنطيح بالنعاس ومازال عيانة من داكشي دصباح
مشة جيهت لباب وحلها مايمكنش يدير شي حاجة بلا ارادتها وتبعاتو:انشوف هدشي ديالكم فين ايوصل..وهدشي كامل انخرجو منك
بتاسمات ليه وشدات لباب وتخشات فبلاصتها وهي كضحك..من بعد نعسات
ا نهار جديد
فاقت بقات فبلاصتها كتفكر وهي تبعد لفراش شافت فهارون فايق دخلات للحمام غسلات وجها وهزات هارون وهبطات..لقاتو يلاه داخل كانت كيكتاشف الفيرمة:صبااح الخير
قرب وخدا منها هارون وباسو بلا مايدوي معاها :صافي عندي واحد الحل
شاف فيها وكملات:اليوم انعرض عائلتي وعائلتك كلهم يجيو للمزراعة ونديرو عشاء عائلي ونجيبو شي صحافي يحضر تاهو يصور ويمشي وصافي اشنو قلتي
ماجاوبهاش تنهدات وهزات الطليفون عيطات لطاهرة قالت ليها هدشي عجباتها الفكرة ..شافتو ناض وهي تبعو:فين غادي
يوسف ببرود:حيدي من طريقي
بعدات وخرج ركب فطوموبيلتو ومشا
رجعات دخلات لدار عيطات لمها وخوها وعلماتهم..
عائشة:وانا شنو غادي نلبس ..ماشي مشكل حتى نشوف
داز الوقت
عصام:صافي الواليدة غنجي انا ومهدي كوني هانية
الزاهية:حيت عارفاك ايخرج ليك شي بلان كتنسة كلشي
عصام:صراحة راه ماباغيش نتلقة مع داك خونا وهدشي كامل ماعاجبنيش
الزاهية:غير على قبل ختك اولدي
تنهد:واخة
الزاهية:اه جيب معاك صاحبك لي كنتي قلتيلي ماعندوش عائلة..مسكين يحضر تاهو
عصام:ااه جعفر صافي واخة ..يلاه بسلامة
وقطعات
سارة:هاد عويشة ماسويهلاش مامشات تا طيحاتو على زنافرو..المهم انمشيو نفوجو فالفيرمة لي قالتلي
الزاهية:غير الله يخرج هدشي على خير
فجيهة خرا
كانو كيفطرو
نرجس قطعات من عند طاهرة:هاد نهار انمشيو للفيرمة دناصر طاهرة عرضاتنا دايرين شي عشاء عائلي
امين شاف فيها:واش لي على لبحر
هزات راسها باه وبالهم مشة لديك ليلة لي ناصر ضرب طاهرة بالمسوط
حمزة:صافي نمشيو نفوجو..من فوقاش عمي ناصر عندو فيرمة
جنات:من شحال هدا ماكانش راد ليها لبال..المهم تانوجدو راسنا طاهرة كتأكد
نبدلو لبلاصة
امونة:هضري معاها بالعقل وقوليلها تاحاجة ما اتبدل اتبقة مراتو كيف كانت
طاهرة:اووف حرت..المهم نمشي ندوي معاها
وطلعات عندها للبيت
عند عائشة
كانت جالسة فصالة حتى كتشوف الخدامات داخلين وفيديهم شي صاشيات :شنو هدشي
الخدامة:صيفطهم السي يوسف ليك
عائشة:انشوف
حطوهم حداها حلات واحد صاشية وهي تحل فمها مصدومة من الكسوة لي صيفط ليها بتاسمات عجباتها بزاف..حلات ساشية خرا لقات صباط طالون كلو منبت ..وحلات ساشية خرا لقات فيه بواطات حلاتهم كان فيه عقد الماس كلو كيبري وحوالق :وينووو شحال زوينين كيحمقو
رجعات حلات ساشية دلكسوة حمقاتها..كانت اطير بالفرحة
#بناتي حد هنا رأيكم فالاجزاء وتوقعاتكم ..اه واحد الحاجة القصة راه اتقلب وتشقلب وجدو راسكم للصدمات...
