فجيهة لوخرا
قطعات من المرافقة قالتلها راه داها باها ..تنهدات خليها تبقة مع باها شوية ..شافت فهارون وبتاسمات:شنو بان ليك تمشي معايا للخديمة ديالي فشريكة نقضيو شي غراض تماك ونرجعو
هز راسو باه وهو فرحان:بصااااح
هزات راسها باه:اه
بدا كينقز فرحااان:اه اه نمشيو
جراتو من يديه كضحك:ايوا يلاه نلبسو ونمشيو..لبسات ليه ولبسات تاهي وخرجو ركبات فطوموبيل نيشان لشريكة..غير دخلوو كاع الموضفين كيسلمو عليه ويرحبو بيه ..دخلو للمكتب وهو فرحان كيتمنضر بعنيه حتى شاف فماماه:بابا ماكانش كيبغي يديني للخدمة
عائشة كتحيد منطوها وتهز واحد الملف بين يديها خاصو يتسنة:انبدا نجيب ولدي معايااا صافي راك كبرتي
قرب لعندها وهو مبتاسم:اه كبرت
مسحات ليه على راسو وبدات كتقرا فلوراق وتوقعهم وهو كيتسارا فالمكتب
داز الوقت
سلات خدمتها فالمكتب وشافت فهارون كيلعب فطابليط ديالوو وقدامو كاس دلعاصير:ولدي كمل كاسك باش نوضو نمشيو
هز راسو باه وهبط عليه فدقة وشاف فيها:ساليت اماما
بتاسمات ليه ولبسات منطوها:يلاه نمشيو
يلاه اتهز ساكها وهو يوصلها ميساج قراتو وتنهدات كان من كريم المجاهد كيأكد ليها على الموعد لي وعداتو بيه ..تنهدات وكتبات ليه ميساج:صافي نتشاوفوو من دابة ربع ساعة فكافي...
وخشات طليفون فساك وشافت فهارون:مشينا
هز راسو باه:مشينا
وخرجو ركبات فالطموبيل نيشان للعنوان لي عطاتو خاص تهضر معاه وتعرف اش باغي ولاكانت شي حاجة تحيدهالوو من بالووو
ركبات فلوطوو
هارون:فين انمشيو
عائشة وهي كديماري:انمشيو نشوفو واحد سيد اولدي
هارون:شكون هاد السيد
عائشة:كيخدم معايا اولدي
هارون هز راسو باه وهي كملات طريقها
وصلات للكافي هي وولدها
استقبلها سيرفور منعت ليها فين جالس كريم لي سبقها لتماك ..غير شافها وقف وقرب لعندها مدات ليه يديها باش تسلم ..بتاسم وشها وطلعها لفموو باسها :واخيرا مرحبا
جمعات يديها لعندها
كريم فتح ليها الكرسي:تفضلي
جلسات ..شاف فهارون وتحنة لعندو:مرحبا بالزعيم صغير لاباس عليك
هارون هز راسو باه:لاباس
مسح ليه على راسو وشدو من يديه وجلسو فوق لكرسي..وجلس تاهو ..داك ساع جا سيرفور طلبو اش غيشربو
كريم ملي جلسات وعنيه عليها مانزلوش
شافت فيه:هنا حداك فاش بغيتي تهضر معايا
يلاه ايهضر وهو يجي سيرفور حط ليهم الطلبات ..شرب شوية من قهوتو وشاف فيها:انا عارف قصتك كاملة وسنين هادي وانا مراقبك وحدة دازت من كاع دوك المشاكيل لي مايقدروش يستحملوهم تاناس لكبار لا حراك وحدة عندها 17 قدرات توقف على رجليها ودير بلاصتها فالمجتمع لي ماكايرحمش وتربي بنتها وتقوي راسها براسها شي حاجة صعيبة وماشي اي واحد كينجح ..هدشي لي خلاني نزيد نراقبك ومانملش نتي مختالفة بزاف وهدشي لي عجبني فيك وانا طبعي مغاير ماشي اي حاجة كتعجبني حتى شفتك نتي اعائشة
كانت غير كتشوف فيه وهو كيهضر
كمل كلامو:وانا من النوع ماعنديش مع لف والدوران وداكشي ديال المراهقين انجيك نيشان بغيت نقولك الماضي ديالك ماكايهمنيش انا شااريك اعائشة وبالغالي لا قبلتي عليا باغيك فداري وام ولادي لاكتاب وقدام كاع الناس .ولي عليا عمرك تشوفي مني الخايب اتكوني اميرة فدارك
عائشة تنهدات وشافت فيه :للاسف ختاريتي الشخص لغلاط اسي مجاهد قلتيها بفمك دازو عليا مصائب ديال الدنيا ودين حتى مرض ليا قلبي ووليت عايشة بدوايات وهظشي اتر تا فشخصيتي كرهت شي حاجة سميتها زواج ولا العلاقات صافي داكشي دزت منو وماشفت منو غا الخايب انا مابقيت صالحة لا ليك لا لغيرك داخل ديالي برد بزاف من جيهت هدشي وزيد عليها..
وسكتات عاد كملات:يوسف الزعيم مازال ماطلقني
خرج فيها عنيه مصدوم:-كيفاش
هزات راسها باه وشافت فهارون واقف كيتفرج فواحد الحوض عامر بالحوت:اه مازال ماكلقني تانا عاد عرفتها ولكن غنرفع دعوة طلاقي
بغة يهضر وهي تقاطعو:هدا ماكايدلش انه كاين شي امل لا انا بغيت نتهنة ونعيش حياتي مع ولاديي بلا تاشي رجل فحياتي لا هو لا غيرو من الافضل تحيد هاد الفكرة من بالك وتخلي بيناتنا غا لخدمة
كريم لي فراسو فراسو:انا غنعاونك طلقي منو لابغيتي والموضوع ديالنا من بعد تاتفكري فيه على راحتك حيت ماغانتنازلش عليك اعائشة بهاد السهولة نتي ماعارفاش قيمتك عندي انا ماشي هو يوسف الزعيم وهدشي دابة تعرفيه بنفسك
وقفات:انا غنمشي وهاد الموضوع تسالا بالنسبة ليا
وقف معاها:عائشة فرصة وحدة وانبين ليك اني نستاهلها
عائشة:هارون ولدي يلاه نمشيو
قرب لعندها وشدات ليه فيديه
كريم:فكري مزيان ماغاتندميش
عائشة:بسلامة
وخرجات من الكافي راكبة فطموبيلتها وقلعات
كريم رجع جلس:ماغانرتاح تاتكوني معايا
كانت سايكة ودماغها خداام مع الهضرة دكريم المجاهد فعلا الف وحدة تمناه ومعروفة شخصيتو والكريزما ديالو شحال زوينة ولكن هي صافي مابقاتش ديال هدشي تنهدات وهي كتفكر تا وصلات للدار طلعو بدلات عليها هي لولا لابست سيرفت كحلة سامبل مزيرة عليها وغير سميطات طالعة شوية على لكريشة لا تحركات شافت فساعة تعطلو اتزيد شوية وتعيط ليه يجيب لبنت :حبيبة هارون نتفرجو فشي حاجة
هارون:واخة ولكن فوقاش اتجي جوهرة
عائشة:شوية وتجي اولدي
يلاه اتكمل كلامها وهو يصوني ليها طليفون جاوبات:الو ماما
الزاهية:من نهار دفنوه مازاروه ماغاتجيش تشوفيني ونشوف حفيدي لي ماشبعتش منوو
عائشة تنهدات وشافت فهارون:راني غا خايدة..عرفتي شنو هنا شوية ونجي عندك اماما
الزاهية:اجي ابنتي نيت راني بحدي كلشي خرج
عائشة:واخة اماما
وقطعات وشافت فهارون :ولدي انمشيو نشوفو جداك
بتاسم:واخة اماما
مشات دغية لبسات واحد لكاب دافي مقطن فلغوز زادتو من لفوق ولبسات واحد ميني بوط من نوع بالطوفة طالعة على رجيلاتها غوز تاهي :يلاه نمشيو
هزات سوارت وساكها وخرجات
مسافة طريق وكانت حدا الدار نزلات هي وياه ودخلوو الزاهية ستقبلاتهم .هزات هارون وكتبوس فيه:الله على وليدي شحال كيحمق اجي نجلسو
دخلو للصالة ..قربات ونقصات من تلفازة كانت متبعة مسلسالها هدشي لي ولات مقابلة عاد جلسات حداهم
الزاهية كتشوف فيه وهي مبتاسمة:تبارك الله كبر وزيان
عائشة غير مبتاسمة
الزاهية:كيشبه ليك فاش كنتي صغيرة هكا كنتي سبحان الله
عائشة:بصاح
الزاهية:والله
عائشة جراتو لعندها وعنقاتو:كنحمااق على ولدي كيشبه ليي
الزاهية:فين هي جوهرة
وشافت فساعة:خرجات قبيلة من لقراية فين خليتيها
عائشة :مع باها
الزاهية خنزرات
عائشة:ولدي نوض لابغيتي تلعب ماتبقاش غا جالس
هز راسو باه داكشي لي كان باغي نيت ناض كيدور فدار ويلعب هنا ولهيه
الزاهية متشوف فيه وهي مبتاسمة:الله يخفضك اولدي وياخد الحق فلي كان سباب
عائشة ساطت بالجهد مافيها مايتجبد الموضوع عاود:نتي لاباس اماما
الزاهية:الحمد الله ابنتي كيبقيتي نتي واش متبعة دواك بعدة.
عائشة:اه اماما متبعاه وكناخدو فالوقت
الزاهية:مزيان
عائشة:فوقاش اتجي تجلسي معايا شوية فدار
الزاهية:ايوا تاتكوني نتي كتجلسي ياك نهار وماطال ونتي فالخدمة وجوهرة فلمدراسة شغا نبقة كندير بوحدي
عائشة:لا اماما دابة غنقص شوية من الخدمة على ود ولادي
الزاهية:ايوا داكشي وتشوفي حياتك شوية
عائشة يلاه اتجاوبها وهي تقشع داك المنضر فالتلفازة خرجات عنيها وهي مصدومة كتشوف راسها فتلفازة
الزاهية شافت فين كتشوف وتصدمات تاهي
هزات تليكومونض وزادت فتلفازة كيسمعوو شكا يقولوو..هدي تقريبا نص ساعة وشي دقايقدغية وصلوها للتلفازة ناضت واقفة كتشوفهم كيقولو شي حاجة ماكايناش موعد غرامي وكيبوس ليها يديها وداك نهار خارجة من داروو وشي كلام لا علاقة ضربات رجليها مع الارض معصبة :شهااااااد المرض شكا يخربقو
هزات طليفونها كتعرف الصحاافي مول هاد الشوهة ديجا خدمات معاه فشي لقاءات..بقة كيصوني حتى جاوبها هضرات وهي عاضة على سنانها:كنقسم ليك بالله وماتحيد عليااا هاد زبل غتشوف مني شي حاحة ماكايناااش
بغة يهضر وهي تقاطعوو بلغوااات:كنحلف لييييك خدمتك انخرج ليك عليها لاماحبستييش هدشي
وقطعات ليه فوجهو كتغلييي وترجع فشعرها اللور مقاتلة معاه ومرة مرة كتشوف فتلفازة شكا كيقولو
رجعات دوزات نمرتو غير حاوبها نفاجرات فوجهو:لا كنتييي نت مور هدشي فكنقوولك طحتي لياا من عنيي ماحسابليش نت حقير لهاد الدراجة
كريم:من نيتك اعائشة انا غندير هدشي
تنهدات بصوت مرتافع وهي كتكالمي فراسها وماتخليش لغضب يعمي ليها عنيها:باش عرفوووني معاك وشكون قال ليهم على هاد الوعد دزبل شكووون
كريم:ماتنسايش هاد الايام كلشي عنيه عليك تامن صحافة هو رجع وكلشي ايبغي يعرف اش كاين
تنهدات كتمت بالسباان:زادوو فيه غنرفع دعوة علييهم كاملين
كريم:انا غنتكلف كوني هانية هدشي كامل ايحبس
عائشة كتلهت معصبة :يلاه بسلامة
وقطعاات مشات طفات داك التلفازة كتزيد غا تعصبها كيقولو شي حاجة ماكايناش .
الزاهية:دابة شنو هدشي وشنو بينك وبين هاد سيد
عائشة:ماتزيديش تانتي فيه اماما مابيني وبينو والو
زاهية قربات لعندها:كيفاش وهدشي لي كنشوف وكيبوس ليك يديك وداك نهار خارجة من عندو من دار لاكانت شي حاجة غا قوليلي راني مك زعمة
عائشة زادت عصباتها:ماما شكااا تخربقييي راه مابيني وبينووو واالووو ليوم تلاقيتو قالك باغي يتزوج بيا وصافي وضحت ليه اني ماغانتزوجش بيه
الزاهية:من نيتك واحد بحال كريم المجاهد كيترفض سمعيني لاضيعتيه من يديك راكي مكلخة
عائشة:صافي اماما سكتي الله يخليك
الزاهية:عطيه علاقل غا فرصة جربي شغا تخسري لما عجبكش لحال رفضي داك ساع
عائشة كتسوط معصبة:مامااااا صاااافي اويلي واش باغة تحمقينييي
الزاهية:نتي لي غتحمقينيي والله العضيم
عائشة بلغوااات:رااه ماطلقنييييش سمعتيني يوسف ماطلقنيش يلاه عرفتها فصباح انا باقة مراتو سيد سيد ماناويش يتفاك معايا ويخليني عليه
الزاهية بقات غا كتشوف فيها عاد نطقات:شتييي هدا ماغايرتاح حتى يقتللك وانا ماغانخبييهش يرزيني فييك من غدا اندفعو وراق طلااق سمعتيني
عائشة:بلا ماتقوليلي المحامي غدا ايدفع ليا طلااقي منو
الزاهية:شتي هاد كريم المجاهد هو لي ايليق ليك سمعتيني لا تزوجتي بيه من مور طلاق ماغايبقة عند داك الاناني مايدير
.يلاه اتدوي تجاوب مها وهي تقفز من بلاصتهاا قلبها مشا وجااا من داك زديييح لي فلباب شافت فلباب كتهز من بلاصتهااا عرفاتوو هو وشكون من غيييروو بلعاات ريقهااا مابغاش يحبس من زدييح ها لي مااابغاتش
