و لعشقك لن انحني 💔
فالفيرمة
كانت جالسة حدا العتبة دلباب دايرة يديداتها على حناكها وكتشوف لبعيدة
حنان وقفات حدا الباب:نوضي ابنتي دخلي لداخل جلسي
عائشة شافت فيها:غا خليني
حنان جلسات حداها:مالكي
عائشة هزات كتافها بحال شي بنيتة صغيرة :والو
حنان:توحشتي ماماك
هزات راسها باه ونزلو دموعها:بزااف وتوحشت خويا عصام وختي مريم وسارة هادشي بزاف عليا بعاد عليا وانا بوحدي هنايا جاتني صعيبة
حنان عنقاتها:صافي ابنتي ماتبكيش دابة يدوز هدشي
عائشة بعدات عليها شوية:هدشي كلو درتو بيدي كون درت عقلي وتبت كوراني مع عائلتي فدارنا
حنان:وتنا ماشي بحال ماماك ياك اعائشة
عائشة:ماتديش عليا غير الوحش ومادار فيا انا مامولفاش نبعد عليهم جاتني صعيبة بزاف
حنان:دابة تشوفيهم وتشبعي منهم فكري دابة فراسك وفولدك لي كيكبر نهار على خوه
عائشة حطات يديها على كرشها:هو سباب المشاكيل اخالتي
حنان:ماتقوليش هكا الولاد راه نعمة ربي عطاه ليك ماتعرفي يكون من موراه الخير
عائشة قلبات وجها:شمن خير اخالتي غا قوليلي
حنان تنهدات:نوضي دخلي من لباب
ناضت ودخلو لداخل كتشوف الخدامات كيقادو فدار ويبدلو طلامط ويوجدو فلماكلة غادين جاين هدشي كامل على ود مجد لي غيجي هو وخطيبتو
حنان:جلسي راك ماواكلة والو نجيب ليكي كاس دلعاصير شربيه صافي ابنتي
عائشة هزات راسها باه
حنان مشات قدات ليها عصير بيديها وجابتو ليها:شربي أبنتي شربي وجهك ولا صفر
عائشة خداتو وبدات كتشرب منو
نمشيو لجيهة لوخرا
يلاه سلاو تسياق ديال الدار قادو لفراش فبلاصتو وكل حاجة داروها فبلاصتها من 6دصباح وهوما واقفين باش يساليو دغية
سارة لابسة بيجامة مطلعاها مع جناب وشادة لكراطة ملوية عليها جفاف كتجفف:ها حنا سالينا
الزاهية شادة منديل وكتمسح زاج دشراجم:قتلتك هاد النهار بتمارة سمحيلي ابنتي
سارة:الله يهديك شكون ايعاونك لاماعونتكش انا
سمعو دقان مشات سارة حلات لباب كان عصام :افين اسارة راكي خدامة
بتاسمات :ايوا شغا ندير وجهي وجه تمارة
