💔الجزء 188💔
داز الوقت وطاحت الضلمة🌃
كانت جالسة وسرحانة بأفكارها ..مابغاتش تمشي معاه لدار بحجة تبقة مع دينيس..حيت فالاصل ماباغاش تنفارد بيه حيت عارفة ماغاتحكمش فراسها واتقول شي حاجة .وهي ماباغة تبين والو ..علات راسها فاش سمعات صوتو كيدوي مع طاهرة كتقولو دينيس غدا فصباح ايخرجوها وترجع للدار
قرب لعندها:صافي مابقة ليك ماديري هنا يلاه تمشي للدار
شافت فيه وناضت بلا تا كلمة شد ليها فيديها وجرها معاه
طاهرة:بنتي سيري رتاحي ليك شوية ونعسي راك مازالة عيانة وشربي دواك
عائشة هزات راسها باه وهو غادي بيها..خرجو على طبيب حل ليها لباب ركبات ..وركب تاهو وديمارا للدار ..طريق كاملة وهي غير ساكتة وكتشوف فالطريق..حتى وصلو للدار
طلعو نيشان للجناح ..غير دخلات هزات فوطة نيشان للحمام دوشات
نهار كامل وهو مراقبها غير ساكتة ومرة مرة كيلمح اتار الدموع على عنيها ..شي حاجة من غير انه دفعها بلا مايقصد وطاحت حيت كوكان هدشي ماغاتبقاش ساكتة كل شوية اتلوح ليه هضرة كيف لعادة ماشي اتبقة ساكتة بحاليلا مصدومة بحال هكا ..حيد التيشيرط.ودخل لبيت تبدال لبس شورط خفيف..هز طليفونو التاني من المجر وخرج لاتيراس.شعلو ودخل للكود وبداو يوصلوه الميساجات ..وحدين من رجالو كيعيطو ويأكدو ليه لقاء مع القبطان الفليسطيني..ليوم كان خاص يكون بدا المهمة وبداو ينزلو الاسلحة فالباطو مع هدشي لي وقع تعطل..شاف الميساجات من المافيا الاسرائيلية كلها تهديد ..تنهد ورجع عيط لواحد من رجالو:الو..عارف..غدا غنتلاقاه...نفد داكشي لي قلت ليك وماشي سوقك
قطع وهو كيدوز يديه على شعرو ..ودخل للشمبر شافها خارجة من بيت التبدال ببيجامة خفيفة يلاه اطلع فوق النموسية وهو يجرها من خسرها لعندو:مالكي
شافت فيه شحال وهمسات ليه:عيانة
يوسف:لا شي حاجة خرا..
هزات راسها بلا وعنيها فعنيه:ماكاين والو
يوسف:عنيك كيقولو العكس.قوليلي اش واقع شكا يدور فهاد الراس مخليك ساكتة
عائشة نزلات عنيها لتحت:قلت ليك والو ايوسف بغيت غير نعس ونرتاح..راسي غينفاجر ايوسف
رخا منها وهو كيشوف فيها تخشات فبلاصتها وجرات عليها ليزار وغمضات عنيها..بقة غير كيشوف فيها ..من بعد هز البيسي ديالو وجلس فوق الفطوي وبدا كيبحت فيه ..خاص يركز فهاد المهمة باغي يعرف بزاف دلحوايج ..بدا بالباطو معاياش كيقلع ومعاياش كيوصل ولبلايص لي كيدوز منهم ..وشكون لي مكلف بهدشي كامل ..وشي حوايج ماغايعرفهم تا يتلاقة الفليسطيني ..بحت فجميع الامور مابغة تفلت ليه تاحاجة..داز الوقت شاف فالساعة ربعة دصباح..طفا لبيسي وناض خرج للاتييراس وسيجار ديالو فيديه كيلعب بيه بين صباعو ..مابقاتش مسألة مافيا وصافي ولات قضية كبيرة لي يمكن يخسر فيها حياتو..عارف انه المافيا الروسية ماتقدش تأديه دابة ولا تأدي شي حد من عائلتو ماحد الاسلحة عندو ..نتر اخر نترة راسو بدا كيضرو بالتفكير رما باقي سيجار فالهوة ودخل تكا حداها..قلبها لجيهتو وخشاها فحضو باسها على راسها وغمض عنيه ونعس تاهو
جا نهار جديد
رجعات للدار كانو جالسين فصالة كيتسناوها غير شافوها ناضو كيتجاراو كيسلمو عليها ويحمدو ليها على سلامة ..جلسات معاهم فالصالة وهي غير ساكتة كيهضرو كتجاوب على قد السؤال
امونة جلسات حداها:وصافي ضحكي معانا كيف كنتي ماعجباتنيش هاد التغوبيشة
دينيس:عيانة
امونة بقات فيها ختها لي الضحكة عمرها كانت كتزول من وجها عارفين الجرح ديال القلب صعيب كيداوا بوحدو ..
دخل شاف فيها جالسة غير شافتو نزلات راسها وزيرات على صبعانها
جلس تاهو بقة كيشوف فيها شحال وهو ينطق:اليوم غيجي عصام
علات راسها بالزربة شافت فيه
كمل كلامو:احم بغة يطلب يد دينيس
بقات كتشوف فيه مصدومة كلشي شاف فيها نزلو دموعها وشوية بشوية بدات كترسم على وجها ابتسامة حتى ولات كضحك وكتبكي وتشوف فيهم واحد بواحد:قلتلكم هو كيبغيني..قلتلكم هو ماشي خايب..قلتلكم عصاام مختالف.قلت ليكم ماغايسمحش فياا..
ناضت واقفة وهي كتبكي وضحك:كيبغينيييي ايووسف
شافت فماماها:ماسمحش فيا غيتزوج بيااااا اماما
شافت فأمونة:حاسة براسي انطير بالفرحة
ناضت امونة عنقاتها كتشاركها الفرحة وتبكي معاها حاسية بيها..دينيس عنقاتها بالجهد وهي كتبكي بالفرحة وتنطق بصوت متقطع باكي:عصام مختالف...عصام كيبغيني
كلشي بقة غير كيشوف فيها..كيشوفو قدامهم نوع من انواع الحب والعشق والهيام الحقيقي..كيشوفو قدامهم واحد القلب كيحب ديال بصاح ..يوسف نزل راسو وناض بغة يمشي وهي توقفو:خويا واش تقتي انه كيبغيني وماشي كيف كان على بالك
شاف فيها لقاها مبتاسمة:نهار اتحب اتعرفني علاياش داوية وعلاش انا فهاد الحالة واخة انا عارفة انك بديتي تغراق ..
ماجاوبهاش وكمل طريقو وطلع لفوق
حل الجناح
شافها فوق النمزسية ناعسة على كرشها وشعرها مسرح على المخدة وهارون فالكوشة ديالو ناعس ..باينة ماناعساش غير متكية ..قرب بشوية وجلس بالقرب منها دوز يديه على شعرها طويل تا وصل لراسها وغطس صبعانو وسط شعرها وبدا يحركهم بشوية سكوتها وهدوءها المفاجئ مامخليهش يرتاح كيشوف فعينيها واحد النضرة فشكل ماعاجبوش حالها ..قرب تا تكا حداها وحط راسو على كتافها قدام ودنيها بالضبط وهمس ليها:كون نعرف شنو كيدور ليك فهاد الدماغ
ماجاوباتوش .طبع قبلة على كتافها ورجع همس ليها:قوليلي مالك
عائشة بنفس الهمس:والو ايوسف غير عيت كنحس براسي مهدودة بحال شي جبل هازاه على قلبي ماشي على كتافي ..
باسها تاني على كتافها:نريب انا هاد الجبل لي مخليك فهاد الحالة غير ماتبقايش هكا
هزات راسها بلا وهي كتحس بانفاسو على عنقها:تقيل بزاف ايوسف ..
قلبها تا ولات ناعسة على ضهرها وهو متكي على يديه ومهزوز عليها كيشوف فيها تحت منو ..دوز اطراف صبعانو على وجها وهو كيشوف فكل ملاميحها بحاليلا باغي يرسمها ولا ماغايعاودش يشوفها ..وقف فعويناتها لي نزلات منهم دمعة تا حبسات عند شفايفها ..قرب بشوية وحط شفايفو على شفايفها بالضبط فين وقفات الدمعة ..حس بملوحة داك دميعة فوق شفايفو .باسها بشوية و.نطق على نفس الحركة:مازال ماولفت نشوفك هكا مهزومة وساكتة
غمضات عنيها فاش زادت دمعة خرا حتى كتحس بقبلاتو دافين على شفايفها بسيف عليها ترخات ونساجمات معاه كتبوسو بنفس الريتم ديالو بشوية ..دقايق دازو حتى كتلقة راسها بجسم عاري هي وياه ماعرفاتش كيف وقع وكيف نساجمات معاه لهاد الدراجة وكيف خلاها ترخة ..شهادشي واقع ليها واش لهاد الدراجة ماقادراش تكرهو لهاد الدرجة هو ولا عايش فيها ..مابقاتش كتسيطر على راسها وهي بين يديه ولات انثى ديالو هو بوحدو ..كتحاول تتغلب على راسها باش دفعو وتقولو بعد عليا ولكن ماقدراتش كل جسمها واحاسيسها باغينه ..تنهدات بصوت مرتافع وهي كتستسلم ليه تاني ولقبولاتو لي على عنقها وحرارة انفاسو لي كتزيد تحرك احاسيسها .هو براسو ماعرفش كيفاش وصل لهاد المرحلة كان ناوي يشوفها هي وهارون ويرجع يخرج ولكن لقة راسو ماقدرش يقاوها ..ماقدرش يبعد فاش شفايفهم نستجمو ولا طامع فكتر ..معاها كيولي فشكل مستسلم كليا ليها ..عاشر شحال من وحدة ..وتزوج باش يبعد ومع دالك عمرو حس مع شي وحدة بهادشي لي كيحسو معاها هي..فهاد اللحضة كان الصمت من غير صوت قبلاتهم لي كيتسمع مع آهاتها لي كتعبر على النشوة لي كتحس بيها ...داز الوقت مدة فرغو فيها كاع رغباتهم لبعضهم..بعد عليها بشوية وهو كيبوسها وسط عنقها هز ليها راسها لعندو بغة يشوف فعويناتها ويقول ليها شي حاجة وهو يشوف الدموع محبوسين فعنيها وشوية بداو كيسيحو وحدة مور وحدة على خدها همسات ليه:بعد عليا عفاك
ودفنات راسها فالمخدة:علاش كدير فيا هكا علااالش ايوسف .ماعارفش راك كتعدبني خليني نكرهك غير شوية عطيني فرصة فين نخرجك مني ونرتاح...كنكرهني وانا هكا .كنكرهنيييي بزااف وماقدرتش نكرهك بعد منيييي
بقة غير كيشوف فيها حط يديه على كتفها تنترات منو:ماتزيدش تقيصني الله يخليك
عقد حواجبو وهز ليها راسها اونفاص معاه وهو عاض على سنانو:شهاد المرض عوتانييي شنو هاد الحماق لي ولا فيك..هضري قوليي ماللك
عايشة بصوت باكي:مامالييييش ماماااااليش انا واقلة انحماق ايوسف ..ونت لي اتحمقنييي ..انا مابقيتش كنفهمنيي كاع ..كرهت النهار لي عرفتك فيه
يوسف دفعها تا ترمات على المخدة وناض دخل للحمام طلق عليه لما بارد كون غير تهضر وتقول كون غير تحيد داكشي لي كيدور فراسها حيت عارف داكشي لي فراسها ماغايعجبووش عارف هاد الهدوء ديالها ماكايبشرش بلخير
خرج ملوي على خسرو فوطة شافها مازال دافنة راسها فالمخدة وكتبكي لبس عليه بالزربة خايف لا يتهور ويدير فيها شي حاجة ..عاد وهي بين يديه هي هديك ..وعاد وهوما بيخير هادي سيمانة تقريبا .ودابة كتسيف عليه ..شاف طليفونو كيصوني شاف المتصل قطع عليه هدا هو الوقت لي خاص يتلاقة بالفلصطيني..رجع شاف فيها وهضر بصوت حاد:ايلا مارجعتيش لدماغك انا لي غنرجعك بالسيف عليك
وخرج وزدح لباب موراه بالجهد وخلاها مع دموعها كتبكي
