فجيه لوخرا كانو مجمعين وكي لعادة كيهضر على الخدمة.. وأكرم مخشية معاهم جالسة حدا ناصر وحاطة رأسها على كتافو كترتاح وهي حداه.. حمزة جالس اونفاص معاهم وعينه غياكلوها حتى كيسمع صوت بأه همس ليه
امين:براكة من شوفان كليتيها بعنيك
بتاسم وشاف فيه:هداك الحب الواليد
امين:ههه غتمحنك
حمز/:نصبر
امين عارف ولو شحال كيبغي إكرام. اصلا علاقتهم قوية قراب بزاف لذرجة أن حمزة ماكيخبي على بأه والو
يوسف داير رجل على رجل وكيتصنت قليل فين كينطق شي كلمة لي يشوف من لبعيد يقول ماعلابالوش بيهم ولكن هو مركز مع أي حرف كينطقوه
جات الخدامة هضرات مع الطاهرة؛ لعشي واجد الآلة طاهرة
طاهرة؛ واخةشكرا
وناضت؛ لعشا واجد يلاه نتعشاو ناضو كاملين تجمع فوق الطلبة لكبيرة كيبانو عائلة زوينة
نمشيو لرياض
ملأت فبيتها طفات تلفاز من بعد ماكانت كتف فالاميرة ساندرلا.شافت ختها نعست ناضت خريجات من لبيت نيشان لبيت مها كانت لباب مردودة يلاه احبها وهي تحبس ملي سماعات الخضرة دمها مع سارة
الزاهية:شوفي هدشي مابغاتش يعرفو عصام ولا عائشة
سارة؛ ناري كتغامري اصاحبتي تصوري عصام يسيق ليك لخبار اتخدمي مع حكيم رآه ينتاحر
الزاهية:الله يستر ماعندو منين يعرف نتي غا خليك ساكتة
سارة :هاهي ساكتة
الزاهية :هدا هو الحل ماعنديش منين نجيب لفلوس بغيت نجمعها قبل يبدأ عصام الكومبات ومابغيتش عائشة تفقص باقة صغيرة على هاد المشاكل
سارة:ربي يصوب
عائشة رجعت لبيتها وهي كتحس برأسها مانافعة لوالو عائلتها كضيع قدامها وهي كتشوف تمنات كون قدرات تلقة شي حل ماكيعجبهاش لحال فاش كيقولو عليها باقة صغيرة بغات تبين ليهم انها تاهي قد المسؤولية تنهدات وجبدأت ببيسي دير مسلسل متبعاه برازيلي كانو كيديروه ف ام بي سي 4 سميتو (أسرار انجل) كتفرج ونفس الوقت كتفكر في شي حاجة ديرها باش تعاونهم. تبعات المسلسل عجباتها القصة.. ان البطلة فالسن 17 لعام ضحات براسها باش تعاون دارهم خدمات كعارضة ازياء. ونفس الوقت هاد المهنة مخبي موراها شي تاني. غير أن الكليان كيجيو ويتفرجو فلعارضات والأزياء كاينين كليان من نوع آخر كيجيو يتفرجو فالعارضات ويختارو منهم لي عجباتهم باش يدوزو معاها ليلة ويخلصوها... عائشة نساجمات مع المسلسل حتى وصلات للحلقة لي لبطل نعس مع البطلة وخلصها. من تماك ولا مدمن عليها. وكيحماق عليها ولا باغيها ليه غير هو و لا يبغيها وحتى هي كتبغيه..
