نرجعو للمغرب
المول مقلوب بيهم دايرين فيه الضجيج وساشيات فيديهم وعاد جوج خدامات هازين معاهم
فاتي لاحت ساشيات لي فيديها فالارض:حق الرب تا بزاااف صافيي ماغانلبسش هادشي كامل راه ديجا شاريلي حوايج معمرهم فلبلاكار اواه زدتو فيه يلاه نمشيو بحالنا
عائشة قربات لعندها:هدشي كلو غيتلبس كوني هانية السي يحيى ماغايزكلك تاشي سوميج ابب كل ليلة وحدة
دينيس :تي شمن كل ليلة وحدة تي راه يقدر يلبسها 3فليلة وحدة سوليني انا
عائشة:ههههههههههه يديرها خويا وانا عارفاه
سارة:حمدو الله نتوما كتلبسو سوميجات شنو نقول انا لي كيبغيني نبقة صولووو كيبغي يدخل فالموضوع ديريكت
شافت ففاتي لي غي حالة فيهم فمها:راه عندك الحق يقدر ماتحتاجيش هدشي لاكان السي يحيى كيدخل فالموضوع ديريكت
بقاو كيضحكوو وهي تزنكات عاضة على شفايفها جمعات الوقفة :غا لي بغة يعاندكم نمشي نقود بحالي
سمحات ليهم فداك ساشيات وتمات غادة وهوما كيضحكو ويعيطو ليها:اغا اجييي ههههههههه راه يقدر يلبسك غا لبيجامات
فاتي وقفات وشافت فيهم وعلات يديها على شكل فااااك
دينيس تبعاتها وجراتها كضحك:اجييي يا لهبيلة غا ضاحكين معاك اناري
عائشة:دغية كتقلقيي ولكن غا صبري تساليو شهر لعسل وايرجعك مفورماطية غتزول هاد الحشمة
دينيس:ماكاين غا سيكس ههههههه
فاتي:قودووو علياااا اخر مرة نشد مع جد بوكم طريق كون خرجت لراسي ولا غا انا ونرجس وزينب نتوما الله يستر كتشدكم الزملة على غفلة فيين هومااااا
دورات وجها كتقلب عليهم وهوما كيضحكوو عليها
فاتي:سكتوووووووو ولا غنمشي وماتعرفوني فين مشيت
عائشة:ههههه غنلقاوك عند يحيى فين عندك ماتمشي
فاتي شافت نرجس وزينب خارجين من واحد المحل :اجيييو نمشيو بحالنا
زينب وقفات حداهم:مالك ياك لاباس
فاتي:يلاه نمشيو هادو ماصالحة معاهم خراجة
نرجس شافت فيهم:اش درتو ليها
عائشة غمزاتها:والو ياختي شرينالها لي سوميج بالاشكال والانواع وعطيناها واحد اامقتطف من داكشي لي كيتسناها وهو يطلع ليها الدم هدشي قلنا ليها غا راه يقدر يلبسك كتر من سوميج فليلة وحدة ولا يخليك صولووو ويدخل فالموضوع ديريكت هههععع
نرجس شافت ففاتي:وقلتو ليهاا راه ليامات اللولة ماغايتفكش معاها وموحال تعتب باب لبيت ههههههههه
عائشة:ههههههه هدشي لا خلاها تنزل من النموسية
نرجس:لا اصاحبتي ضاروري يضربو شي دوش خفيف بجوج هههههه
زينب:هههههههه هااء نسيتو تقولو ليها راه كل سوميج عندها بوزيسيوون خاصة بيهاا
سارة:هههههههه لبوزيسيوناات خليوهم لي انا نعلمهم ليهااا
كاملين طلقوها بضحكة موحدة خلاو لي غادي ولي جاي يشوف فيهم
فاتي شوية وتنفاجر هي من نوع لي ماعندهاش مع هاد اامواضيع ابدا وكتحشم بزاف مازادت معاهم تاشي كلمة وتمات غادة كطير وهوما هزو دوك ساشيات وتبعوها كيضحكوو
نرجس:اجيييي ياك قلتي اتمشي معايا
زينب:هههههه اجي نعلي شيطان هدشي مامنوو هروب
فاتي:بعدييي منيييي انا راني حمقة والله كون عطيت الراحة لرااسي
عائشة:صافي الله يسامح والله مانعاودو
دينيس:اجيي راك مازال اتحتاجيناااا المسخوطة هههههه
خرجو لعلى برة وهي كتنتر منهم عارفين طبعها راه علاين كانت اتولي ولد غا جاب الله دخلااتها شوية دالانوتة فجأة
عائشة شداتها من يديها:صافي الله يسامح مالك اصاحبتي غا ضاحكين
فاتي:هداك ماشي ضحك
عائشة حطات يديها على فمها وشافت فلبنات:صافي ها حنا والله مانقولو شي حاجة
كلهم دارو يديهم على فمهم كيهزو راسهم بلاا
فاتي تنهدات:كلمة وحدة من داك الهضرة مانوليييش ندوي معاكم
دينيس:صافي كوني هانية
تنهدات:شحفتونيييي
سارة مدات ليها قرعة دلمة :هاكي بردي
خدات منها القرعة وشربات منها فدقة :ويلاه نمشيو
عائشة:انا غنمشي لداري عييت صافي
نرجس وصلها ميساج قراتو وشافت فيهم:عندي تانا مايتقدة
فاتي:فين اتمشي
نرجس:عندي موعد مع كريم دابة
عائشة:شكون هاد كريم
نرجس:المجاهد
عائشة قوصات حواجبها:ومنين كتعرفيه
نرجس:قصة طويلة من بعد ونهضرو المهم ماخاصش نتعطل بسلامة ومشات
عائشة شافت ففاتي:اشنو هدشي
فاتي:المهم كيعاونها فمشروعها جديد وصراحة على بان ليا كاين شي اعجاب خفييف
عائشة هزات راسها باه:اها المهم انا انمشي بحالي
سلمات عليهم وركبات مع شيفور ومشات
سارة:تاناااا خليت ولدي مع الخدامة بيزوو بناات
وركبات فطموبيلتها ومشات.
فاتي:وزيدو نمشيو تتحنا
دينيس و زينب :يلاه
وفرقو الجقلة كل واحد مشا لشغالوو
وصلات للشركة
نزلات وطلعات للمكتب ديالو استقبلاتها سكرتيرة ودخلاتها لعندو
وقف واستقبلها تاهو بابتسامة:المكتب نور ليوم
بتاسمات:بماليه طبعا
كريم جر ليها ااكرسي:تفضلي
جلسات :شكرا
كريم:شنو تشربي
نرجس:غير كاس دلما عفاك
هز راسو باه وعمر ليها كاس دلما وجلس حداها شربات وشافت فيه:لقيتيلي داكشي
هز راسو باه:لقيت ليك مجموعة دالاساتدة ونتي اتختاري منهم المهم شوفي بعنيك المعلومات كلها عندي
وفتح واحد الملف فيه بزاف دلوراق وكل ورقة فيها صورة داستادة وكاع المعلومات ديالو..تحمسات وهي كتقرا فدوك المعلومات ديال كل واحد ومرة مرة تسولو على شي حاجة وهو كيجاوبها..دازت نص ساعة ختارت ستة عجبها الضوصي ديالهم
كريم:بقات حاجة وحدة يوافقو وماكانضنش ايرفضو
نرجس:داكشي وشنو خصنا نديرو
كريم:انسافرو لعندهم سيمانة الجاية انديرو معاهم اجتماع وانقتارحو عليهم هاد المشروع ونعطيوهم التفاصيل
نرجس:ولكن كاين عرس فاتي مابقالو والو
كريم:شحال بقا ليه
نرجس:تلتيام
كريم:ايوا دوزي لعرس ومن موراه نسافرو
رجعات شافت فلوراق :صافي واخة مور ااعرس مباشرة نسافرو حيت مابقة والو
كريم:صافي مشات
نرجس:ماعرفتش كيف غنشكرك والله لهلا يخطيك
كريم بتاسم ليها وهو كيشوف فملامحها زوينين :ديجا قلت ليك ماعنديش مشكل ومرحبا فاي وقت
بتاسمات ليه وهي كترجع شعرها اللور :صافي انا غنمشي دابة
هزات ساكها وقفات ووقف معاها:بيناتنا طليفون لا كان شي جديد
هزات راسها باه:واخة
ومدات يديها :يلاه نخليك
شد ليها فيديها كانت باردة بزاف هز يديه تانية وجمع ليها يديها بين يديه بحاليلا كيدفيها ليها:يديك باردين بزاف
بلعات ريقها يديه شحال دافيين قرب لعندها كتر وهز يديها لشفايفو ونفخ عليهم بشوية كيدفيهم ليها نطقات :فلبرد قليل فين كيدفاو يديا
بتاسم وباس ليها يديها وبدا كيماصيهم بشوية وعنيه فعنيها:مزالة كيفما كنتي ونتي عندك 17لعام
بتاسمات وهي كتفكر وكترجع بداكرتها اللور وفالاوطيل لي كانو فيه فاش تلاقاها ففرانسا فالمصعد كانت كتحاول دفي يديها وكيف شافت فيه بعويناتها :لبرد بزااف ماعرفتش اش ندير باش يدفاو ليا يديا
قرب بلا مايقول تاشي كلمة وشد ليها يديها بين يديه وقرب كينفخ عليهم ويماصي باش يدفاو وهي مبتاسمة وكتشوف فيه وزادت بتاسمات فاش بداو يديها يدفاو:ماكرهتكش تبقة ديما معايا باش دفي ليا يدي
بتاسم وهو كينزل يديها ويخشيهم ليها فجيابها:خليهم هنا ايبقاو دافين ...وملي تبغيهم يدفاو ديري كيف درت ليك
هزات راسها باه وتفتح المصعد وخرجات وهي تسمع صوتو:عنداك تلفي عاود
نرجس شافت فيه:لا ماغانبعدش
بتاسم ليها وهو يتسد المصعد
رجعات للواقع فاش سمعات صوتو:دابة دفاو
بتاسمات وهي كتشوفو كيخشي ليها يديها فجيابها :باقي عاقل
هز راسو باه:ماكانسة والو
بقاو شحال كيشوفو فبعضهم حتى كتنزل عنيها:يلاه بسلامة وخرجات من المكتب وهي مبتاسمة...تنهد وجلس فالمكتب ديالو والابتسامة مافارقاتش وجهوو كيعجبو هدوئها والرقة ديالهاا
داز الوقت طاحت ضلمة
غير وصلات للدار تكات شوية حيت ولات كتعية بزاف لا تحركات بزاف.ولات كترد وتشدها دوخة كتر من لول.شافت فساعة مابقا ليه والو ويجي بدلات حالتها لبسات كابيتشو فلحمر بلقبية ديالو طويل تا لفخاد بحدو وجمعات شعرها سفينجة معنكشة ولبسات فرجليها بانطوفة طالعة على رجليها كحلة جات كيوت رشات عطير خفيف وقلوس غوز كيلمع بارد ..وخرجات كتقلب على وليداتها كانو فالبيت دهارون وقفات مراقباهم وبتاسمات وهي كتشوف هارون كيراجع مع ختو لماط وعاطيها الخاطر
هارون:جدول الضرب د5 ساهل خاص غير تركزي فيه صافي وسيري على طريقة لي علمتك فهمتيها بعدة
جوهرة هزات راسها باه:اه
هارون:انجربو..5×3شحال
جوهرة:اممم 10 نزيد عليها 5هي 15
هارون:برافو و 5×4
جوهرة مغمضة عين وحالة عين:10 زائد10 هي 20
هارون:برافووو هانتي تعلمتيي ليه
جوهرة قربات وعنقاتو وهي فرحانة:كنبغيك بزاف اخويا
بتاسم :تانا كنبغيك اختي
قربات لعندهم وجلسات فوق النموسية ناضو بجوج جلسو حداها مبتاسمين
هارون:صافي اماما رتاحيتي
مسحات ليه على راسو:اه اولدي رتاحيت
جوهرة:مشات ليك الردة
هزات راسها باه:اه ابنتي حيت شرب دوة وتميت شوية
هارون:ماما ديما كنشوفك كتردي وكتنعسي بزاف واش مريضة بزاف خاص تمشي عندط طبيب
عائشة:لا اولدي هدشي عادي
هارون:كيفاش عادي
بتاسمات:امم نقولكم واحد المفاجأة ولكن واعدوني نبقة سر بيناتنا
بجوج هزو راسهم باه متحمسين:كنواعدوك اماما
عائشة:ماماكم كتوحم
مافهموهاش:كيفاش
جوهرة:كنسمعك نتي وبابا كتقولوها وماكانفهمهاش شنو كتعني
عائشة خدات ليهم يديداتهم بجوج وحطاتها على كرشها:هي ماماكم حاملة ايوليو عندكم خوتكم جداد
جوهرة شهقات حالة فمها:بصاااااح نتي عندك هنا بي بي
عائشة:اه جوج ديال لي بي بي
جوهرة زادت شهقات:جوووج
وهزات جوج صبيعاتها لفوق:يعني 1+1 تساوي 2
عائشة ضحكات:اااه عندي توام هنايا
هارون فرحااان :واااااااو انا فرحان بزاف
ونزل وحط راسو على كرشها باغي يسمعهم
جوهرة بدات كتنقز:واااو اماما عاجبني لحال بزاف ايوليييو عندي خوتي صغيورييين بحال صاحبتيي ماماها ولدات ليها ولكن انا عندي جووج
هارون:واش كيسمعوني
عائشة:اه
هارون :انا خوكم لكبير هارون انا فرحان بيكم
جوهرة:تانا تا انا بغيت ندوي معاهم
عائشة رجعات اللور :اجي
جوهرة حطات راسها تاهي:وانا جوهرة ختكم لكبيرة كنبغيكم بزاف فوقاش انشوفكم
عائشة:باقي بزاف ديال الايام ابنتي
جوهرة:واش بزااف بزاف
عائشة:وي شوية ولكن دغية كيدوزوو
جوهرة باست ليها كرشها:انتسناهم
بقات شحال متكية وهوما كيدويو مع خوتهم ..مبتاسمة ومراقباهم شحال فرحانين ومن دابة كيفكرو فسميات
عائشة:وليداتي كملو حفاضتكم انا غنوض للكوزينة صافي
هزو راسهم باه
جوهرة:ماما ممكن تبداي تخلينا ندويو معاهم باش يولفو بينا
عائشة:اه ابنتي ممكن
بتاسمات ليهم وخرجات مشات للكوزينة لقات الخدامة كتوجد فعشاا بتاسمات ليها وحلات طنجرة تشوف داكشي قبحات وجهاا فاش شمات ريحة لماكلة ورجعات شدات طنجرة :قاديتي صلاد ولا مازال
الخدامة:باقي يلاه لقيتيني انقادها
عائشة:هاني انصيبها انا نتي غير قادي طبلة شوية وايدخل يوسف
الخدامة:واخة امدام
وخرجات للصالة تقاد طبلة كيف طلبات منها
عائشة جبدات داكشي لي اتحتاج للصلاد اصلا مشهياها ومابقاتش كتقد على الماكلة صيباتها بالشهوة وكيف بغاها
لتحت
قبل ينزل من طموبيل جاتو ابل جاوب فاش شاف المتصل:وي...صافي مزيان بغيت فاش نرجع من فليسطين نلقة كلشي واجد كيف وصيت وتاحاجة ماتكون ناقصة...
وقطع ونزل من طموبيل وطلع لفوق حل لباب ودخل خدات من عندو لخدامة لمونطو وشانطة ديالو :فين هي عائشة
الخدامة:راها فلكوزينة اسي الزعيم
يوسف:ودراري
الخدامة:فبيتهم كيحفضو
هز راسو باه ومشا نيشان للكوزينة وقف كيشوف فيها من اللور كيف مشغولة مع داك صلاد طلعها وهبطها لكابيتشو جايها بحال شي كسوة ملبوس عليها ..قرب بشوية وجرها من خصرها لعندو وهمس ليها: توحشتك
بتاسمات وهي كتحس بيه كيطبع بوسات على عنقها :وانا كتر منك
