خرج للبالكون كيدوي فتليفون :صافي مانبغي تنقص تاشي حااجة
وقطع وهو كيشعل سيجاروو ..سلاه ورجع دخل للشمبر قرب لعندها:عائشة
عائشة:هممم
يوسف:شوية دابة
حلات عنيها:اه
يوسف حيد من عليها لغطا :نوضي تلبسي عليك
هزات راسها باه وناضت معاه وقفها حدا لمراية وهز سوشوار كينشف ليها فشعرها وهي غير واقفة وكتشوف فيه من لمراية ومبتاسمة عجبها هاد التغيير لي ولا فعلاقتهم مرتاحة بزاف وفرحانة وكتطلب من ربي يدوم عليهم هاد السعادة ..سلا ليها من شعرها شافتو غيحل لبلاكار باش يجبد ليها حوايجها:هاهوما حوايجي وجدتهم وماقديتش نلبسهم
شافهم فوق لكرسي قرب وهزهم وقرب لعندها وهو مبتاسم:نتي غير رتاحي انا ندير كلشي
بتاسمات وهي فاتحة يديها:خد راحتك احياتي
قرب ونزل ليها لفوطة من على جسمها تا ترمات فالارض بقات حداه بجسمها لعاري ميل راسو كيتفحص جسمها وهي مراقباه تا شاف ليها فعنيها قرب وطبع قبلة طويلة على شفايفهاا وبدا كيلبس ليها فحوايجها تا سلا :دابة مزيان
قربات وعنقاتو:كنبغيييك بزاااف
غطس راسو فعنقها وباسها:الله يخليك ليا
عائشة بعدات على صوت الدقان:امييين
مشا حل لباب كانت دينيس:خاص نمشيو عند لكوافيرة فين عائشة
طلات عليها:هنا دخلي
ودخلات:صابحة نااعسة ياك لاباس
عائشة:والو غاعيانة شوية مع سفر
دينيس:رتاحيتي دابة
عائشة:وي دابة مزيان
دينيس: مزيان ايوا يلاه نمشيو
عائشة:واخة سبقيني هاني هابطة
دينيس وهي غادة:ماتعطليش
لبسات منطوها وصباكها وهزات ساكها:غادي ندي معايا جوهرة وهارون ايبقة معاك صافي
هز راسو باه وقربات باستو على خدو:يلاه هاني مشيت
جرها من يديها :تسناي
جبد من جيبو لكارط بونكير ديالو وحطها ليها فيديها:سيري دابة
عائشة:مايحتاجش راه عندي ديالي
ميل راسو كيشوف فيها:هدشي كان شحال هدا دابة راني كاين ومانعاودش نسمع بحال هاد الهضرة
خشات داك لكارط فساكها وبتاسمات:صافي واخة
عاد جرها وباسها:تهلاي فراسك
هزات راسها باه:يلاه هاني مشيت
وهبطات لعندهم ركبات فطموبيل
سارة:هدشي كامل وماستخيتيش بيه
دينيس:راه حاسة بيهم هوما لعرسان ماشي فاتي ويحيى
سارة:ههههه ولهيلاا واخة ماباغاش تعاود لينا اش واقع ضاربين الطم
دينيس:ويااه فدباز كلشي ساق ليهم لخبار ودابة ساكتين
عائشة:ساليتو من فاتي وضرتولي اناااا غا رتاحو راه ماغاندويش
دينيس:عارفاك راسك قاصح
عائشة:وقعلو شكا تسناو
دينيس:يحيى غيصيفط شي مرا فلسطينية غتورينا شي حوايج ها حنا كنتسناو
حتى كيشوفو فاتي نزلات وكتهضر مع شي مرا وقفات بطموبيلتها شوية رجعات طلعات وهضرات مع شيفور:صافي قلع
ومشاو كيتساراو شوية فشوارع ديال احد مدن فلسطين لمرا لي سيفط كتعرف لبلايص وينزلو مرة مرة لاعجباتهم شي بلاصة حتى وصلو للكوافيرة
المركز التجميل كان عامر غا بيهم دايرين روبلة فيه
خداو حماام فيه ولبنات ضايرين بيهم ومتبعين معاهم بعض الوصفات الفلسطينية ومستحضرات تجميل خاصة بيهم...
الفلسطينة لي صيفط يحيى فيديها واحد لعلبة فتحاتها:هدا خاص بالعروس لجسمها بيخلي فيه ريحة جميلة تدوم ليومين تقريبا
فاتي خداتو وشماتو عجباتها ريحو:واو زويين بزاف باش مصيب
الفلينية:مجموعة من الاعشاب مطهرة وفنفس الوقت ريحتها حلوة
كلشي تجمع عليهم
عائشة:دهنولي تانااا يوسف غتعجبو
سارة:تانا تانااا وحمزة ماعليهش الله
دينيس:وانا كمان عصام كيعجبوه لعشوب
فاتي خبات داك العلبة:تحركووووو من حدايا قالت خااص بالعروسة ماشي بالمتزوجات
الفلسطينية كضحك:ايه يابنات بس للعروس عشان تكون ريحتها متميزة
عائشة قبحات وجها:متميزة قتللك حيدي علياا عندي كريماتي حسن ليااا داكشي سيكسيي
بقاو كيضحكووو
الفلسطينة:ادا خلصتي حمامك ادهني جسمك عشان تبدين فتجهيزات
فاتي:واخة واش خاص نشلل جسمي ملي ندهنوو
الفلسطينة:شو يعني
فاتي:اممم يعني شكا تقولو ليها زعمة اه أنضف جسمي فاش نستعملو
اافلسطينة:لا لا ادهنيه وخليه ولبسي تيابك
فاتي:واخة
داكشي لي ظارت دهنات.جسمها ولبسات دوبياس بويض ودارت فوقهم بينوار خفيف ..وفهاد اللحضة كانو كاملين فصالون باش يبداو فالمكياج والشعر
الفلسطينية وجدات لبخور المعطر الخاص بالشعر ريحتو زوينة وقربات عند فاتي من بعد مانشفو ليها شعرها بسوشار:قربي
قربات لعندها وبدات تبخر ليها شعرها :مارح تسوي تسريحة شعر..شعرك رح يضل مفتوح على طولوو ولازم تكتري لكحل فعيونك
وحبدات زاحد لقريعو صغيرة فيها لكحل الحر ومداتو لكوافورة
فاتي:الله على راحة داكشي لي بغيت ماعنديش مع لمشاطيي يزيرو ليا شعري
قربات لكوافورة ودارت ليها بروشينك لشعرها سرحاتو ليها مزيان وقادو ليها مكياج خفيف مناسب ملاميحها زوينين وبشرتها البيضة لكحل جا مع عويناتها زريرقين زوييين ....
داز الوقت كانو كاملات واجدات
عائشة واقفة حدا لمراية وكتشوف راسها كيف جات مع لكسيوة لباج لي لابسة مستورة بلكمام ولاسقة على جسمها وطويلة وكلها كتبري وشعرها جامعاه لفوق بحال كتشوفال ودايرة ليه بوكلي وماكياج برونزي وعكار فلمارو ..جات زوينة وحداها بنتها جوهرة بلغوب دلالميرات غوز وطالقة شعرها عىلى طولتو داروليها ليه بوكلي ..
جوهرة:ماما ديريلي شوية دلغوج عفاك
عائشة بتاسمات وخدات عكار غوز ودارتو ليها فشفايفها:هناا
جوهرة عاجبها لحال كتشوف فلمراية:تانكيو ماميي
عائشة:يو ويلكوم بب
شوية تجمعو حداها باقي لبنات حدا لمرايا كيشوفو تاهوما راسهم كل وحدة فيهم كتشكر راسها ويضحكو وكل وحدة كتقول لوخرا جيت حسن منك خالقين الجو
نساحبت من حداهم وهي مبتاسمة جبدات طليفون وصونات على ختها والو ماكاتجاوبش نهار كامل وهي تصوني عليها او والو تنهدات بغات تخليها على راحتهاا عارفة اتجيها صعيبة
ضارت لعندهم فاش سمعات اصواتهم بداو يزغرتو ويصليو على نبيي..بتاسمات وهي كتشوف فاتيي بالكسوة البيضة جات كتحمق عروسة غزالة ..شعرها مطلوق ومجموع بالجناب بالطرحة دلعروسة مدلية من موراها واصلة حتى للارض كانت كسوة مستورة هو لي ختارها ليها
دينيس كتعنق فيها:الله ياربي شحال جيتي زوييينة خمس وخميس عليك لا نعينووك
نرجس:كتحمقي تبارك الله
كلشي كيشكر فيها ويعبر ليها شحال جات زوينة
وقفات كتشوف راسها فالمراية وتنهدات بداها سطريس ولخلعة
عائشة قربات لعندها :تبارك الله جيتي غزالة
فاتي:شكرا ليييكم
الفلسطينية تابعاها بالبخور وتقرا عليها المعودات
صونا طليفون دينيس جاوبات:وي عصام..صافي واخة
وقطعات وشافت فيهم:شوية وغيجيو مورانا وجدو راسكم
الفلسطينية هزات واحد طرحة حمرة مشبكة وقربات عند فاتي قداتها ليها فوق راسها وهبطاتها ليها على وجها:رح يضل نازل على وشك لحد ما يشيلو العريس
دازت ربع ساعة
طموبيلات كانو مستفين حدا المركز
خرجو كل وحدة ركبات مع راجلها بقات غا هي ونرجس
نرجس:زيدي نخرجو اصاحبتي راه بقينا غا حنا
فاتي كترجف هدشي وترهاا:واخة عرفتي شنو خليه يمشي انا نركب مع خويا
نرجس:اويلي حي تي هبلتي راه ضاروري تركبي مع لعريس زيدي راه هدشي عادي
فاتي عضات على شفايفها وهي كتقول بسم الله فنفسها:يلاه
وخرجو كانت طموبيل مرسديس كحلة مجبدة واقفة اونفاص مع لباب دالمركز ..عصام كان واقف غير شافها حل ليها لباب لقدامي:ركبي
ركبات وهي حانية راسها حشمانة سد موراها لباب وتحنة خاشي راسو من شرجم كيشوف فيها كيف حشمانة بتاسم:جاك هدشي زوييين كتحمقي
كتافات بالصمت مزيرة على يديها مابغاش يزيد يحرجها وبعد وحل للباب لنرجس اللوراني:تفضلي اختي
ركبات وسد موراها لباب ومشا ركب تاهو فطموبيلتوو ..
يحيى بكامل اناقتو التوب والغترة الفلسطيني جاو معاه ومع جسمو الرياضي ..جداب بلا قياس😍...كان مبتاسم ولفرحة باينة فعنيه وكيشوف فيها وماناويش ينزل عنيه ونرجس حاضياهم ماللور ومبتاسمة
يحيى:احم ماغانسمعوش صوتك
زادت نزلات راسها:هممم
يحيى ماكرهش يشوفها فهاد اللحضة اكيد اكون خدودها حومر ..طلعها ونزلها باغي يشوقها مزيان ماشافهاش بالكسوة كيف جات غير طلعات ركبات ووجها مدرق مكيشوف غا لبيااض
سمع لكلاكسون من موراه بتاسم وهو كيشوف عصام كيشير ليه بمعنى واش انبقاو هناا
ديمارا الطموبيل وتحرك نيشان للحارة فين ايدار العرس
مسافة دطريق وكانو فالحارة وصوت لكلاكسون دطوموبيلات قالب دنيااا..لحارة كانت مزينة كلها دواوات وخزانة كبيييرة دايرينها فزنقة بحال شي قاعة متنقلة .وصوت طبول والدبكة لفلسطينية طاغي وتزغريت ودنيا كطيح وتنوض كاع الحارة حاضرة بحاليلا عرس واحد من ولادهم دايرين كتر مافجهدهم عوضوه فقدان عائلتو وانه مقطوع من شجرة يكفي انه ولد بلادهم فلسطيني كيبقة ولدهم وهوما عائلتو...نزلوو من طمو بيلات هوما حالين فمهم من هاد الاجواء الزوينة والدبكة شابكة وناس كيطبلو يصفقو فرحانين
كانت ليلى وطاهرة وجنات واقفين فاستقبالهم ومعاهم اكرام كتصفق بيديها
دينيس كتسلم عليهم وتهضر بلغوات باش يسمعوها:مالك ماجيتيش معانا للصالون
اكرام:كنت عياانة ونيت بقيت معاهم قادينا شي حوايج
دينيس:اه..جيتي غزالة
اكرام:تانتييي
كانت واقفة حداه خاشية يديها فدراعو لابسة كاب مقطن طويل تا لتحت ودايرة لقبية ديالو فوق راسها وكتفرج وهي مبتاسمة وقدامهم هارون وجوهرة فرحانين وكيشطحو وينقزوو
نزل من طموبيل ومشا لجهتها حل ليها باب طموبيل ومد ليها يديه باش تنزل ..شدات ليه فيديه ونزلات حس بيديها كيرجفو زير ليها على يديها باش يطمأنها..قربو لعندوو شي رجال فلسطينيين من الحارة سلمو عليه وباركولو ومدو ليه لكلاطة بتاسم فاهم اش خاص يدير هزها لفووق بيدي وحدة وتيرا فسما تلاتة ديال طلقات حتى كيحس بيها لسقات فيه خاشية راسها فصدرو مخلوعة بتاسم ومد ليهم لكالاطة وقرب وهمس ليها:ماتخافيش هدشي من العدات ديالناا راه مازال اتسمعي اصواتهم
فاتي:واخة
رجعات قفزات فاش سمعات تاني صوت لكلاطات ..هكا كيحتافلو رجال ففلسطين فالعراساات ...جرها معاه ودخلو للداخل وسط لقاعة وكلشي داخل معاهم وقبل يجلسو فالكوشة قرب لعندها وحيد ليها طرحة لحمرااا وسط زغاريت دلعيالات ..كانت منزلة راسها..بتاسم وهزو ليها لفوق وهو كيشوف فيها وكيتفحصها عاد كيشوفها مزيان بعد شويا وطلعها ونزلها كيروي عويناتو وهي كتشووف فيه باغة تعرف ردة فعلوو..همس ليها:كتحمقيي جيتي
بتاسمات براحة:شكرا
قرب وباس ليها راسها :انا فرحان بزاف
بعد عليها شوية :لواحد دراجة كبيرة
هي كتافات بابتسامة وهي كتشوف التوب كيف جاه دوبهااا وابتسامتوو وريحت عطروو ووسامتو خلاوها تسهة حتى كتشوفو دور يديه على خصرها:تفضلي جلسي
جلسات وجلس حداها كانو الانضار عليهم كيشوفو لبنت المغربية لي خدات ليه عقلو وخلاتو مايديش وحدة من بنات بلادو الفلسطينيين ..كيشوفو فيها باعجاب ويتهامسو على.جمالهااا ...
كانت لداخل حيدات لكاب وقدات شعرها وخرجات للقاعة شافتو جالس ووليداتو حداه مشات لجيهتو حتى كيهز عنيه فيها وهي جاية بقة مبلوكي كيشوفها كيف جات وكيف وتاتها لكسوة لباج كتبري مبينة جمال جسمها ماحس براسو تا وقف باش يستقبلها قربات لعندو:هاني جيت
بتاسم :جيتي كتحمقي
بتاسمات:شكرا حبيبة
دور يديه على خصرها دايب فيها:كل نهار كنزيد نتأكد اني انا لي واخد الزين
ضحكات:هههههه يااك
جلسها حداه شابك يديه فيديها باسها عاد جاوب:اه
حطات راسها على كتافو لعراض :ربي يخليك ليا
يوسف:وليااا
وكملو فراجتهم كل وحدة جالسة حدا راجلها فرحانين كانو اجواء زوينين وكلشي ناشط وفرحاااان
الحب وداكشي😍
