بتاسم:هي لولا ومشا
تكات براسها على يديها وهي حاضية شاريع ودماغها خدام حتى كيجيب ليها قهوتها بدات كتشرب منها شوية بشوية وجالسة كتفكر فهدشي لي هي فيه داز الوقت شتا حبسات وخرجات شميسة ولا الجو زوين شافت فقهوتها تسالات حطات لفلوس فوق الطبلة مع لبورفوار وناضت هازة ساكها وخرجات من الكافي خاشية يديها فجيابها وكتمشا خداوها رجليها للكورنيش حدا لبحر عاجبها ااجو بارد وشميسة دافية ولارض فازكة تمشات شحال ووقفات فاش شافت واحد الام كتغوت على ولدها وكتمد ليه واحد صندوق عامر بالباكيات دلكارو وباكيات كلينيكس ومجموعة ديال لورادي:سمعني مزيان مادرليش بحال لبارح بيع وماتنقص لتا واحد فتامان سمعتيني انا حاسبة كلشي راه نجبد ليك ودنيك لا لقيت شي حاجة ناقصة
هز راسو باه وشد داك صندوق بيديداتو صغار باردين
هدرات مع خوه لاخور:جري راه الضو لحمر بكي وشكي عليهم وقولهم ماعندناش ماناكلو تايعيطيوك لفلوس
مشا مسكين كيجري لطموبيلا فسطوب كيطلب منهم لفلوس كاين لي كيعطيه وكاين لي كيتجاهلو ويطلع زاج دطوموبيل وكاين ليوكيسبو كاع باش يبعد من طموبيل
لمرا شافت فعائشة وهمسات لولدها تاني ليه:جري عند هاديك باينة فيها لاباس عليها لسق فيها تا تشري منك هنا جالسة هناا
عائشة سمعاتها ..لوليد قرب لعندها باقي صغير يكون فداك سبع سنين:عفاك اخالتي شري من عندي ماما غضربني لاما جبتش لفلوس
بقات كتشوف فيه وفيديداتو وضرابي لي فيهم ولاطراس ديال شي حرااقي باينة كانت كتكويه بلعافية ضرها قلبها:واش هي لي دايرة فيك هاد الحالة لي فيديك
بقة ساكت نطق تلاتة كلمات:شري مني عفاك
تنهدات ورفعات صوتها باش تسمعها:ماغانشري والو
عائشة تحنات لعندو ولعبات ليه فشعرو:كتقرا
هز راسو بلا:لا ماما مابغاتش
عائشة:فين باباك
هز راسو:فدار
عائشة قطع ليها فقلبها جا فبالها غا ولدها كتشوف فيه وفحالتو وهضرات بصوت مرتافع:ماغانشري من عندك والو لا كانت غتاخد لفلوس وتخليك مكرفس لا قراية لا والو
سمعاتها وناضت قربات لعندها جرات ولدها:اه نتوما ناس لي لاباس عليكم ماغاتعرفوش هدشي لي كندوزو منو كاع لا تشري
عائشة بتاسمات بسخرية:دزت من شي حوايج مايطيحولكش على لبال
لمرا:اه متلا تكرد ليك ضفرك ولا مات ليك الكلب ديالك وحزنتي عليه
عائشة تنهدات لاش اتشرح ليها:علاش مكرفسة ولدك فهاد البرد شوفي حالتو
لمرا:كون كانو عندك لولاد اتحسي بيا وبهدشي لي كندير كون كانو عندك تلاتة دلولاد واحد مور واحد وتوحلي فيهم لا راجلل يعاون لا زمان راحمك ماغاتقوليش هدشي ماغاتحسيش بينا كون كنا بحالك لاباس علينا ماغانوصلوش لهاد الحالة
عائشة شافت فلولد:لهلا يعطيك هدشي لي انا فيه لهلا يحرمك من ولادك وتعيشي معدبة نعطي كاع فلوسي وداكشي لي كنملك مقابل يرجع ليا ولدي وصحتي وقلبي لي كيموت بالبطيئ
شافت فيها وكملات كلامها:نولي فقيرة وماكانكساب والو غير يرجع ليا ولدي لي ترزيت فيه داك ساع نفديه بروحي ونخرج ندمر ونتقاتل مع الزمان وعمري نخليه فهاد الحالة لي موصلة ليها ولادك نموت ومانخليهش يخرج يبيع لكارو ونحرمو من قرايتوو ونخليه يخرج يسعا يمد يديه للي يسوا ولي مايسواش نخدم ليل ونهار على ولادي ماتصوريش شنو ممكن ندير عليهم ..لهلا يعطيك هاد الاحساس لي كنحس بيه هادي سنين لهلا يحرمك من ولادك
لمرا بقات غير كتشوف فيها كيف نفاجرات فوجها حسات بيها شحال مقصحة من لداخل شافت فعنيها وجع كبير كينهش فيها كلامها وصل ليها عمق الجرح لي ساكن فيهت اتر فيها كلامها لي حساتو من قلبها شافت فيها ام كتعدب : واش ولدك مات
هزات راسها بلا:لا ولدي عايش بعيد عليا ماشفتوش هادي ست سنين وشي شهورة ودابة عندو سبع سنين ماتصوريش لعافية لي فقلبي تهلاي فولادك
لمرا هزاات راسها بحزن:شغا ندير و انا وحدة ماقارياش وراجلي مريض فالركنة شغا ناكلو لا مادرتش هكا انموتو بالجوع
عائشة شافت ليه فيديه :ولاش كضربيهم بهاد الطريقة وتحرقيهم اطلعيهم معقدين من صغرهم غيكبر ايكرهك وايتلاح لزنقة اتخرجي عليه
لمرا نزلات راسها نزلو دموعها:كنتعصب وكنتفقص ونبرد فيهم الفقصة لفقر صعيب بزاف
عائشة تفكرات ياماتهم فتكرفيس وكيفاش زاهية حاربات عليهم وتكرفسات وخرجات تخدم وهي باقة صغيرة وماحرماتهمش من قرايتهم وماخرجاتهمش يخدمو تنهدات:ديري جهدك وغتشوفي ربي كيسهل وكيعطي لبراكة لا شافك كتقاتلي مع زمان ماشي تبردي لفقصة فولادك باقين صغار وتعولي عليهم وتبقاي تفرجي
لمرا -شداتها من يديها باش تبوسها:-عاونيني الله يخليك نتي غتحسي بياا شوفي من حالي ومن حال ولادي وربي غيعاونك ويرجع ليك ولدكك
عائشة جمعات يديها لعندها:-لاشريفة ماديريش هكا
وشافت فالولد وبتاسمات:شنو سميتك
شاف فالام ديالو خايف
هزات ليه راسها باش يهضر ورجع شاف فعائشة:-هارون
غمضات عنيها لحرارة طلعات معاها ماحسات براسها تا نزلات لعندو وعنقاتو بحرارة دافناه فصدرها بالجهد كلها كترجف كتحس بيه ولدهاا ورجع ليها عضات على سنانها مقاومة دموعها هدشي قوى منها حسات براسها اتخنقو لا زادت شوية بعدات عليه كتبوسو على وجهو ويديداتو وراسو وكتمسح ليه على راسو بيديها لي كيرجفو وكتشوف فملاميحو وحروفو كتخايل ولدها فيه فهاد السن رجعات غمضات عنيها ماقدرات ترسم ليه والو من ملاميحو ماعارفاش شكلو كيف ولا ..رجع ليها تاني لوجع لقلبها حطات يديها على قلبها وتنفسات وهي كتشوف فيه كانت غطيح وهي تشد راسها
لمرا:ياك لابااس
عائشة هزات راسها بلا:والو انا بيخير
لمرا كتشوف فحالتها كيف ولات دغية وجها دبال ويديها كيرجفو وشوفاتها كيقطعو فالقلب:الله يكون معاك الله يجمع بولدك فاقرب وقت ومايحرمكش منو
همسات ليها وعنيها على هارون نطقات من كل قلبها:اميين ياربي
وسكتات من غير لعاصفة لي نايضة فلداخل ديالها تنهدات:عطيني العنوان ديالك انصيفط ليك غدا واحد سيد ايدي هارون وخوتو يتسجلو فالمدراسة كلشي على حسابي .ونتي غتبداي الخدمة من غدا
شافت فلمرا:-عندي جمعية غتكلفي بتربية دراري صغار ماتبقايش غير جالسة انعاونك فمصاريف الدار وتهلاي فولادك وعطيهم حنانك ووقفي على رجليك ماتبقايش هكا
لمرا من بعد ماعطاتها العنوان:الله يكتر من متالك الله يكتر خيرك عمري نسا خيرك الله يريح قلبك ويهنيك فحياتك
عائشة وقفات وحلات ساكها جبدات واحد المبلغ:-دي ولادك من لهنا وسيري لدار قضي بهاد المبلغ علامن يجي غدا وكلشي ايكون مزيان وفوقاش ما حتاجيتي شي حاجة ها نمرتي
لمرا فرحات بزاف وهي كتشوف داك المبلغ لكبير يكفيها لشهر :شكراااا بزااااف
عائشة بتاسمات لهارون:اتقرا مزيان ياك
هز راسو وهو فرحان:اه مزياان
باستو على خدو ماصاخياش بيه:براافو هكا بغيتك كون شي حاجة زوينة
هز راسو باه.شافت فلمرا:واعديني ماتعاوديش ضربيه هو وخوتو واخة يوقع لي يوقع
لمرا:كنحلف ليك عمري نمد يدي عليهم
بتاسمات :هاني مشيت تهلاي فهارون عفاك
ومشات وهي كدير لهارون باي باي وهوما كيشوفو فيها
لمرا تنهدات:الله يكون معاك ويصلح ليك امورك ويفرحك كيف فرحتينا
عيطات لولدها لي واقف فالصطوب جا عندها كيجري تحنات عنقات ولادها بجوج وهي كتبكي عاد عرفات قيمة ولادها فاش شافت حالة عائشة:يلاه نمشيو لدار اوليداتي من ليوم كلشي ايولي مزيان
شدات ليهم فيديداتهم ومشاو يرجعو لدار
كانت كتمشى ويديها على قلبها تاني ولا كيضرها حابسة
دموع فعنيها فوقاش اترتاح من هدشي لي هي فيه
بغات ترجع لطموبيلتها وتشرب دوة ديالها حاسة بطريق طويلة ورجليها بداو كيخونوها وقلبها مزموت مامخليهاش التنفس..وقفات حانية راسها ومتكية على البوطو ديال الضو ويديها على قلبها ماغا يرتاح تا يوقف ليها شي نهار بدون شعور تمتمات وهي عاضة على سنانها:الله ياخد فيك الحق
مابقاتش قادرة تزيد توقف الدوة كان خصها تشربو فلغدة تعطلات عليه بلعات ريقها باغة تجبد طليفونها تعيط لعصام يجي موراها حيت صافي رجليها فشلو بقات مقاتلة مع الساك تا ترخات ليها يديها وطاح الساك .وتبعاتو تاهي طاايحة فالارض مزيرة على قلبها بقات كتشوف فسما تا غمضات عنيها مستسلمة دغية ناس تجمعو عليها
كان مراقبها من قبيلة غير شافها طاحت نزل من الطموبيل بخفة ودخل وصط الزحام كيبعدهم تحنة لعندها كيضرب على وجها بشوية باش تفيق تنهض وجمع ليها ساكها وهزها وتم غادي بيها مخلوع عليها ركبها فطموبيل وديمارا ومشا مرة مرة كيشوف فيها من لمراية تا وصل للطبيب عارفها متبعة معاه عارف كلشي كيخصها
هزها بين يديه ودخلها غير شافوه جابو لبياص دخلوها لغرفة الفخص وعلمو كبيب لخاص بيها
من بعد نص ساعة خرج لعندو طبيب:مالها
طبيب:هي بيخير تعطلات بدوة وزيد تقلقات من شي حاجة لي خلاتها توصل لهاد الحالة كنقولها وكنعاود قلبها ماغايستحملش كل مرة يتعرض لشي حاجة خايبة
هز راسو باه يمكن لي نشوفها
طبيب:دخل راها فايقة
دق وحل لباب ودخل شافها جالسة فوق البياص كتقاد فحوايحها وتلبس مونطوها سمعات داك:احم
نطقات بلا ماتشوف فيه:عصام انا بيخير غير..
دورات وجها تشوف فيه وهي تصنم فاش شافتو نطقات:كريم المجاهد
كان واقف بطولتو وعرضو خاشي يد فجيبو وليد لوخرا شاد بيها ساكها وكيشوف فيها شوفاتو لحادين .بأناقتو رجولية ولباسو لكلاس الفاخر.وشخصيتو القوية لي حيرات الكل هو الرجل الاعمال لي متربع على عرش عالم البورصة متفوق فمشاريعو وداير بلاصتو عالميا ..قرب لعندها جوج خطوات ونطق بصوت موزون وتقيل:كي بقيتي
شافت فيه ونزلات من فوق النموسية كتلبس مونطوها :شكا دير هنا
كريم:انا لي جبتك لهنا
خرجات فيه عنيها طبيب قالها شي راجل يحساب ليها عصام
وقفات فاش حسات بدوخة قرب وحط يديه على خسرها رجعات اللور وهي كتنتر يديه :واش نتي لاباس
شافت فيه كتجمع قوتها مابقاتش كتحمل شي حد يشوفها ضعيفة:اه بيخير
وسدات صدافات لمونطو وخرجات شعرها سرحاتو لجيهة وحدة وخدات ساكها من يديه بخفة يلاه بغات تخرج وهو يوقفها صوتو رجولي:ماغاتقوليش شكرا
حلات لباب وقبل تخرج شافت فيه:لا حيت ماطلبتكش تجيبني لهنا
وخرجات وخلاتو واقف كيشوف فلباب بتاسم وهو كيدوز يديه على راسو وهو كيتنهد:غتحمقني
وخرج تابعها
خرجات من طبيب ووقفات فشاريع كتشوف تاكسي توقف ليها
وقف موراها كيشوف فيها كتنهد وتسوط تا طاكسي ما بغات توقف ليها كلشي كيقول لا ولا كيكون عامر قرب ووقف حداها:نوصلك
شافت فيه ورجعات شافت فطريق:لا
تنهد ووقف وسط طريق عارفها ماغاتركبش معاه
وقفات تاكسي فالسطوب تحنا وشاف فيها:فين غتمشي
عائشة شافت فشيفور بلا دوي معاه هو وعطاتو لعنوان
مول تاكسي هز راسو بلا:ماشي طريقي
خنزر فيه وهو كيشوف تاكسي خاوية حل لباب:ركبي
مول تاكسي:قلت ماشي طريقي
رجع سد لباب وجرو من لكول ديالو تا خرج راسو لعندو من شرجم دتاكسي:غتوصلها فين بغات ولا غنفرشخ لمك راسك على هاد تاكسي
مول تاكسي خاف على راسو:صافي صافي واخة
رخة منو وحل ليها باب تاكسي اللوراني:تفضلي
بقات كتشوف فيه وركبات سد موراها لباب ورجع اللور وقلع بيها تاكسي
بقة واقف شحال ومشا ركب فطموبيلتو وتحرك تاهو
