فجيهة خرا
خرجات كتسارا فالمدينة غا بحدها توحشاتها راه ست سنين ماجات ليها تنهدات ودخلات لواحد لكافي تشرب قهيوة مع هاد الجو البارد مع واحد شميسة دافية طلبات لي بغات وختارت طبيلة معزولة كطل على المدينة حطات يديها على حنيكاتها وتنهدات كتفكر فأيامها والماضي ديالها لي عاشتو فهاد المدينة كانت كتعشقها ونهار لكبير هو فاش كانو كيجيو ليها .كانت كتفرح غير محيت اتشوفو ..فداك الوقت كانت كتفضل تجي لهنا على تسافر برى لبلاد بتاسمت على راسها وتفكيرها كيف كااان رجعات تنهدات الحب قد ما هو زوين قد ما هو خايب فاش كيكون حب من طرف واحد هنا كيتقلب لعداب وهي جرباتو وعاشتو وتعلمات انه الشخص لاكان ماكايبادلكش نفس الاحساس غا نساحب وبلا ماتسناه يبغيك ..وتعلمات انه ماتعطي قلبك كامل حتى تحس انه الطرف التاني تاهو قادر يعطيك تاهو قلبو ..تنهدات تاني براحة وهي كتحط يديها على قلبها لي ولا دابة خاوي تعالج فهاد ست سنين من داك الحب لي غيمرضها دابة ولات انسانة عادية كتعيش حياتها والحب ولا فكرة مأجلة بالنسبة ليها ماغاتقلبش عليه اتخليه هو يجي تا لعندها ..فاقت من افكارها وهي كتشوف القهوة تحطات حداها وصوت سيرفور:تفضلي انسة نرجس قهوتك
نرجس بابتسامة:شكرا
شوية قوسات حواجبها كيفاش عرف سميتها هزات راسها وهي تلقاه مبتاسم وكيشوف فيها:كريم
كريم:هو هدا
شافت فقهوتها ورجعات شافت فيه:كي درتي ليها
دور وجهو للبلاصة فين كان جالس:كنت جالس لهيه ومن قبيلة وانا مراقبك ونتي ساهية وفاش شفت سيرفور جاي لعندك بقهوتك فضلت نجيبهالك انا
بتاسمات كتعرفو مزيان شحال مراوغ:جات معاك خدمة دسيرفور صراحة
بتاسم تاهو:غا لناس لعزاز طبعا احم تسمحيلي نجلس
هزات رايها باه:تفضل
جلس اونفاص معاها ودار اشارة للسيرفور باش يجيب ليه قهوتو دقايق وكانت عندو رجع شاف فيها كيف كتشرب من قهوتها بهدوء وشمس دافية ضاربة ليها فعويناتها كيبريو مازالة نفس البنت الهادئة لمزيونة
كريم:كنت عارف لماضي دالزعيم كانو عندو جوج عيالات ولكن ماحسابليش نتي عمري بحت فهاد الموضوع جيت للمغريب هادي تقريبا ربع سنين كانت القضية عندكم مرونة
نرجس شافت فيه:هدشي كيف قلتي رجع من الماضي وتنسى ونرجس دابة ولات ديال راسها
ميل راسو كيشوف فعنيها شحال عاد نطق:نسيتيه زعمة خرجتيه من قلبك
داك ساع جاوباتو بكل هدوء وفنفس الوقت متأكدة من جوابها:اه بمرا قلبي ولا جديد
كريم بتاسم شاف الصدق فعنيها:حسن هدشي لي خاص يكون
وسكت وكمل :حيت نتي تستاهلي ماحسن يقدر هاد الهضرة سمعتيها بزاف..ولكن نتي فشكل ويوسف ماشي من نوع رجال لي يليق بيك
بتاسمات:وشنو نوع درجال لي يليق بيا
كريم :لي يفهمك ويقدر هاد الهدوء والحنان لي فيك
نرجس تنهدات:هدشي مابقاش كيهم دابة ولاو عندي حوايج خرين اهم من هدشي دالحب
كريم:الحب غيجي تا لعندك برجليه
نرجس:هههه ايوا داكشي ديال المكتاب..ونت
كريم:مالي انا
نرجس:ماعشتي لا قصة حب لا والو
شرب من قهوتو وشاف فيها:مازال ماعشت تاشي قصة حب ولكن كانت واحد التجربة شوية مخربقة لقيت راسي غا كنت كنخربق
نرجس:زعمة كنتي كتبغيها
سكت شحال عاد جاوب:ماشي حب حب ولكن شي حاجة فشكل يقدر اعجاب كتر من لازم وصافي
هزات راسها باه:كتوقع من بعد كتلقة راسك مامناسبش لداك الشخص وكتنساحب
كريم:داكشي لي وقع
بقاو ساكتين وهو يفتح موضوع اخور:هضري ليا على المشروع لي خدامة عليه
نرجس:امم مشروعي خفيف ضريف مدراسة خاصة بيا غيقريو فيها اساتدة من جنسيات مختالفة باش تلاميد يطلعو مبازين من كل مادة قراوها ..متلا مادة الفرنسية ايقريها استاد فرنسي..مادة الانجليزية ايقريها استاد انجليزي.مادة العربية ايقريها استاد عربي .بحال هكا فباقي المواد ايكون واحد التناسق وااتنوع فالمواد واللغات والاجناس.باش نيفو يكون طالع وايخرجو تلاميد بمستوى عالي بحال كيف كان شحال هادي فالمغريب التلاميد كيقريوهم اساتدة اجنبيين وعربيين كان نيفو طالع فلقراية هكا بغيت تكون المدراسة لي غندير
كريم عجبو تفكيرها :صراحة فكرة زوينة ودكية وخاصها الخدمة وتعرفي تختاري
نرجس:داكشي نيت لي خدامة عليه المدراسة مابقة ليها والو وتوجد وانا دابة كنحاول نختار الاساتدة لي غيناسبوني ولي غيقدرو يجيو للمغريب ..
كريم:وهاد المدراسة تا لشمن نيفو اتقري فيها
نرجس:من الابتدائي حتى ليسي من بعد كل تلميد حر فشنو باغي يدير من بعد
كريم:مزيان طبعا هاد المدراسة ماغايتسجلش فيها اي واحد وايكون تمن طالع
نرجس:تماما ولكن غنعطي فرصة للي مافستيطاعتهومش متلا فكل عام اناخد 10 دلاشخاص من كل مدينة ايقراو على حساب المؤسسة
كريم:تبارك الله عليك انا متأكد هاد المدراسة اتكون من بين احسن المدارس عالميا علاش لا
نرجس:ان شاء الله داكشي لي بغيت شكرا
كريم:امم يقدر نعاونك فهاد الموضوع دالاساتدة اجنبيين عندي علاقات من هاد النوع يقدر نفيدك
حطات لكاس من يديها:بصاح
كريم:اه ماعنديش مشكل
نرجس:ماكرهتش والله حيت هاد ااموضوع غادة فيه بحدي بابا وماما بعاد بزاف على هاد المجال
كريم:صافي هانا معاك فاش ماحتاجيتيني
نرجس:شكرا بزاف كنت محتاجة لشي حد يعاوني
كريم:صافي فوقاش ما بغيتي نتلاقاو ولا اجي عندي للشريكة نكون جمعت ليك شي دواصا على مجموعة من الاساتدة ختاري لي بغيتي ولباقي نفكرو فيه بجوج
هزات راسها باه كتحمسة:صافي واخة فاش يتقاد الضوصي عيطلي
كريم:صافي واخة
يلاه اتهضر وهو يصوني ليها الطليفون:الو فاتي...خرجت غا يضربني لهوا..صافي هاني جاية صافي
وقطعات:خاص نمشي خديت ليها الطموبيل
وقفات ووقف تاهو :تانا غنمشي
جا السيرفور بغات تخلص ولكن كان سبقها وجمع كلشي وخلص بتاسمات وخرجو بجوج حل ليها باب طموبيل
كريم جبد طليفونو ومدو ليها:قيدي ليا نمرتك
خدات الطليفون وقيدات نمرتها :هاهي
صونا عليها داك ساع باش تطلع عندها نمرتو
سلم عليها:نتشاوفو قريب ان شاء الله
نرجس:ان شاء الله وشكرا بزاف
كريم:العفووو
وركبات وسد موراها لباب وديمارات ومشات..بقا واقف تا ختافة اتارها عاد ركب تاهو فطموبيلتو وقلع
دازو يوماين
لتالت مرة كتعنق ماماها وصوت بكاهم مسموع الزاهية ماساخياش ببنتها صغيورة لي ديما كانت تحت منها ماكاتفارقهاش ودابة غتبعاد عليها لبلاد الغربة
الزاهية شادة ليها فيديها ومرة مرة كتبوسها:لما عجبكش لحال رجعي ماتزيديش تا دقيقة تماك لا قلقك شي واحد عيطي لخوك ولا ليوسف سمعتيني ماتبقايش ساكتة
مريم كتهز راسها غير باه وعنقات ماماها بالجهد
الزاهية:ماعرفتش علاش ختاريتي تسكني مع لبنات كون غير خليتيهم خداو ليك دار بوحدك ابنتي
مريم:مانقدش اماما نبقة بوحدي عارفاني كنخاف بعدة مع البنات انكونو موانسين
عصام من موراهم كيشوف فالساعة:وا طلقونا خلاص راه ماشي غتمشي ماغاترجعش الله يهديكم
دينيس كتمسح دموعها:مافقلبك رحمة خليها مع ماماها شوية
عصام:يااك انا مافقلبي رحمة
دينيس:اه
عصام جرها لعندو كيخربق ليها فشعرها:ايوا الله يمسخك امراتي راه حن مني مافيييش
دينيس:هههه صافي صافي غا رخي
رجع شاف فختو والزاهية:شنو غنبقاو هنا
مريم بعدات على مها:يلاه بسلامة اماما
وقربات عنقات ليلى ودينيس
ليلى:الله يرضي عليك ابنتي ويوفقك
دينيس:تهلاي فراسك وديها فقرايتك
مريم:واخة تانتي تهلاي فراسك وخويا
دينيس:هو لي خاص يتهلا فيا
عصام:قيدي عندك تاني مرة كتخرجي لعيب مافقلبي رحمة ومامهليش فيك
مريم بتاسمات:الله يخليكم لبعضياتكم
جرها من دراعها:امييين زيدي قبل تمشي عليك طيارة
وخرجو من دار جارها والزاهية تابعاهم تبكي ودعي معاها
مريم :فاتي ماغاتجيش
عصام:دابة نتلاقاوها فالمطار هي وعائشة ويوسف غا زيدي راه مشا لحال
دورات وشافت فمها ومشات كتجري عنقاتها:ماما كنبغيييك بزاف
مارخات من ماماها تا جرها عصام وركبها فالطموبيل وديمارا نيشان للمطار دخلو لداخل نزلوو كانت عائشة هي ويوسف ووليداتهم كيتسناوهم
يوسف:تعطلتو
عصام:راك عارف ضاروري من لبكة وشهيق صخفوني
عائشة جرات مريم وعنقاتهاا راه صغيورة
راها لمفششة ديالهم :حبيبة غنتوحشك بزااف
مريم مزيرة على ختها:تانا اختي بزاف
عائشة بعدات عليها وشدات ليها راسها بين يديها :ديها فراسك وفقرايتك ضمني مستقبالك وخوي راسك من هدشي صافي ركزي فلقراية سمعتيني
مريم:واخة اختي كوني هانية
عائشة باستها على راسها:كنتيق فيك وعارفاك ادوزي من هاد شي حيت غير سحابة ودايزة ومراهقة غيدوزو ليام اتبقاي ضحكي على راسك
مريم تنهدات مالقات ماتقول ليها ماحدها مازال كتبغيه ومازال مانساتو راه محال يجي فبالها انها شي نهار ضحك على راسها ولكن هي متأكدة ماجاوش وقالو ليها هاد ااهضرة حتى راهم مأكدين وغدير بكلامهم وغتحاول تنساااه واخة صعيبة عليها
بعدات على ختها فاش سمعو صوت طموبيل وقفات حداهم
عصام:ها فاتي ويحيى جااو
قلبها مشا وجاااا من كلام خوها لدرجة ماقدراتش دور تشووف حتى سمعات صوت فاتي
فاتي:خفت نلقاك مشيتي وماسلمتش عليك
ضارت لعندها وعنيها جاو عليه هو ماشي على ختها كان كيشوف فيها وهو مبتاسم ديك الابتسامة لي كدوبهااا عضات على سنانها باش مايطيحوش دموعها سهات وهي كتشوف فيه نسات راسها كااع بحاليلا اتشوفو لاخر مرة اخر نضرة واخر لقاء ماحسات براسها تا عنقاتها فاتي:ماعرفتش كيف غندير نولف بدار بلا بيك القطيطة ديالنا صغييورة ديال الدار
مريم غمضات عنيها وعنقاتها تاهي:غتولفي نتي غتنسايني كاع راه ولا عندك راجل لي ينسيك فدنيا وما فيها
قالتها من كل قلبها
فاتي بتاسمات وبعدات عليها:ماشي بحال ختي غنتوحشك والله
مريم:تا انا اختييي انتوحشك بزاااف
فاتي شادة راسها باش ماتبكيييش:شوفي بربي وترجعي بشي نقطة ماشي هي هديك نفرشخ ليك هاد الرجلييين لي كيطيرو وغاديين يكملو لقراية على برى ها ودني منك
مريم بتاسمات:لا ماتخافيش غنجي بنقطة زوينة
فاتي رجعات عنقاتها:كنتيييق فييك وعارفاك قدهاا
بعدات عليها فاش سمعات صوت يحيى:خليني نسلم عليها تانااا
فاتي بعدات وهي مبتاسمة..يحيى قرب ووقف اونفاص معاها وهي معلية راسها كتشوف فيه وقلبها كيضرب فالمية مبتاسم ليها حتى كيجرها وكيعنقها حسات بداتها فشلات عليها وهي كتسمع دقات قلبو فودنيها وكتشم ريحة عطروو تغلغلات ليها فالاعمااق وداك الدفئ لي غطا جسمهااا غمضات عنيها ماساخياااش بيه ماكرهاتش يوقف الوقت وتبقة هكااا هي وياااه زيراات على عنيها فاش نزلات دمعة حارة من عنيها تبعاتها وحدا خرا حتى ولاو شلال من عنيها هزات يديها وعنقاتو تاهي بالجهد عاضة على سنانها خايفة تقول شي حاجة
