بقة شحال جالس وهو يعلي راسو على شي صوت
كانت كتقلب فالساك :اوووف لبزطام درتو بيدي فسااك
لي معاها:قلبي مزيان
خوات ساك كامل فوق الطبلة وسيرفور واقف عليهم:هانتي شوفي
ماكان فيه لي يضحك ولكن بتاسم على هاد البنت ..خوات ساك فوق الطبلة وكلشي كيتفرج وحبات ديال لفوطات الصحية تلاحو فالارض وهي ماعلا بالهاش جمعات كلشي ورجعاتو لساك ..شافت فالسيرفور:غدا نجيب ليك لفلوس
سيرفور:شوفي امادموزيل شحال من واحد دار لينا هكا ومشا وماولاش رجع..والشاف منع علينا نسمحو بهادشي
تنهدات:وشنو لمعمول
سيرفور:تمشي وحدة فيكم تجيب لفلوس وترجع
رجعات شعرها لكحل وطويل اللور:دار بعيدة بزاف..ولكن ماشي مشكل نمشي ونرجع..بناقص من هاد الخرجة كاع كونا جالسين فالدار مهنيين
سمعات صوتها:صافي بلا ماتعدبي نعيطو لعصام يجي يخلص
سارة:عصام راه مشغول ..غا خليني نمشي ونجي
الزاهية:وراه بعيد اصاحبتي دوزي نمرتو
ناض وقرب لعندهم شاف فسيرفور وجبد الكارط باش ايخلص:ماشي مشكل كتوقع..جمع كلشي
الزاهية:لا شكرا ..دابة يجي ولدي يخلص بلا ماتعدب راسك
حمزة:ماشي مشكل عتابريني ولدك واخة بنتيلي باقة صغيرة..مافيها باس لا خلصت
بتاسمات:قلالو الناس بحالك شكرا
حمزة وهو كياخد الكارط من سيرفور:هانية ..حشومة تمشيو وتعدبو وانا هنا
وشاف فسارة:لاماكانش لي يوصلكم نوصلكم طاكسيات صعيب تلقاوهم
الزاهية:قلتهالها وهي بغات تعواج على هاد المطعم قالتي عاد حل وزوين نمشيو نفوجو .حنا وحلنا غا فلخلاص بقات غا فشكون يوصلنا
سارة:الزاهية ماتزيديش فيه لا عساك اخويا عيينا من دار وتلفازة نخرجو نفوجو شوية مافيها باس
حمزة بتاسم:ماشي مشكل ..سمحولي نوصلكم
الزاهية وسارة قد قد:لا
سارة:واخة
شافو فبعضياتهم:سيد باغي يوصلنا مانرضوهالوش فوجهو
الزاهية:علاش انعدبوه سير اولدي قضي شغالك
حمزة:ماعندي والو انمشي غير لدار وصافي ..
الزاهية:لي بغيتي اولدي ادير فينا خير
رجع اللور باش يدوزو:تفضلو
خرجو من المطعم ومشاو جيهت الطموبيلات
سارة حلات فمها على الرونج ديالو كحلة وعالية شافت فالزاهية وهمسات ليها:احح اقلبي
نغزاتها الزاهية باش تسكت
سارة رجعات همسات ليها:فايت ليا شايفاه واقلة فتلفازة حيت باينة فيه لاباس عليه
الزاهية:لعاار لما سكتي
سمعو صوتو:تفضلو ركبو
سارة سبقات الزاهية وركبات للقدام..الزاهية ركبات اللور وديمارا
سارة عجبها لحال ومرة مرة كتشوف فيه كيف كيسوك وعنيه على الطريق متبت..:عطيني عفاك العنوان
عطاتولعنوان وسجلو فج ب اس ..داز الوقت كانو حدا الدار
الزاهية:شكرا اولدي ربي يخليك
حمزة :ماشي مشكل
سارة:تسنة نطلع نجيب لفلوس ونرجع
حمزة:لا مايحتاجش ..
سارة حلات لباب ونزلات هي وزاهية:غير تسنة مايمكنش تمشي بلا فلوسك
وطلعات كتجري
بقة كيضحك وشاف فالزاهية:قلها ماشي مشكل يلاه بسلامة وديمارا ومشا
سارة نزلات:اووف مشا
الزاهية:ولد الناس
سارة تنهدات:وبوكوص كيحمق اوووف ..ياك ازاهية متواتية انا وياه
طاهرة:ههههه تستاهليه..صراحة عجبني ضريف ومأدب
سارة:احح دا قلبي معاه
وطلعو للدار
طاحت الضلمة
دخلات دوشات باش تخفف عليها..لبسات بيجامة ونشفات شعرها وجمعاتو سفنجة ..شافت فهارون مازال ناعس:نهبط نجيب قرعة دلما
وهبطات وصلات للصالة فكل خطوة كدير ضواو كيشعلو اوطوماتيك عجبها لحال بدات كتلعب كترجع اللور كيطفا وتولي ترجع للقدام يشعل..بقات كضحك:هههه زوينة هدي
نسات اش كانت باغة .ولات كتنقز من بلاصة لبلاصة وضو كيشعل ويطفا وكضحك وشعرها تطلق على ضهرها وهي ماهياش فهاد العلام حمقات داك الضو مسكين ولا بغات تعية...عاشت مع الاجواء ولا كيحساب ليها هي الاميرة فكوكب زمرد وعندها قوة خارقة كتشعل الضو وتطفيه كيف بغات..خصوصا وانه كل بلاصة فيها ضو بلون مختالف على لبلاصة لوخرا ..كان شعرها كيطير فسما مع خطواتها لخفاف ..حتى كتحس بشي يد محاوطينها ومزيرة ليها على كرشها وشي حاجة تقيلة لا صقة مع ضهرها غوتات ربي لي خلقها مخلوعة حتى كيحط ليها يديه على فمها شهقات مخلوعة شوية بشوية تغلغلات ريحتو فلداخل ديالها عرفاتو ..تنهدات وهي كتحس بيه جارها اللور تا شعل من فوقهم ضو حمر خافت ..دورها لجيهتو وتاقبلات معاه جات عنيه فعنيها..كان كيشوف فيها وفملاميحها وشعرها لمخبل وكتلهت بقوة تنقاز والضحك..صدرها طالع هابط ..طلعات يديها وبعدات شعرها على وجها وهو مازال كيشوف فيها نطقات بصوت هادئ عكس قلبها لي كيصرب بالجهد:باش عرفتيني هنا
يوسف ميل راسو على جنب وعنيه فعنيها وبنفس الهدوء:عرفت وصافي..يحسابلك ماغانلقاكش
عائشة بلعات ريقها:لا غير راك عارف
زاد قربها ليه:ماعارف والو قوليلي نتي
عائشة حاسة بيه شوية ويدخل فيها:خالتي قالتلك
يوسف :بغيت نسمع منك نتي
عضات على شفايفها وسكتات
زير ليها على خسرها حتى تآوهات بصوت مرتافع:آآآه
يوسف:دوي
عائشة:قلتي انكون مراتك دبصاح.وانا عطيت شروط قالتهم ليك خالتي
طلع يديه مع خصرها تا وصل لضهرها وشد شعرها جرو لعندو لتحت تا تهز راسها الفوق مقصحة قرب وطبع قبلة على عنقها ورخف عليها:قلت بغيت نسمع منك نتي
عائشة :شافت ليه فعنيه ..تسني ليا عقد انه ولدي يبقة معايا حيت ماعرفناش شنو ممكن يوقع من لهنا لقدام.وتعتارف بيا انني مراتك وهارون ولدك قدام كاع الناس..وصافي هدو هوما شروطي
يوسف متبع حركات شفايفها وهي كتهضر:اه وااشرط لي قلتي تا نكون انا وياك وتقوليه لي
عائشة :ماتفكرش تزوج شي وحدة من مورايا ماتزيدش التالتة واخة يوقع لي يوقع..وماتخوني مع تاشي وحدة ..نهار تبغي تزيد التالتة طلقني عاد تزوج بيها لا بغيتي .حيت ماغانستحملش نعيش داكشي لي عاشتو نرجس انا قلبي ضعف منها بزاف وماغايستحملش مانضمنش ليك شنو ممكن يوقع
وسكتات وهي مازال كتشوف ليه فعنيه وفردة فعلو طلعات يديها وحطاتها على صدرو كترسم رقم تلاتة بصبعها فوقو:فهمتيني تلاتة دشروط لي بغيت..ولدي ونت.وحياتي معاك
يوسف بقة غير كيشوف فيها ختاصر كلامو فقبلة حنين على شفايفها وبعد:ونتي غديري عقلك وتشدي طريق معايا وماتبقايش تسمعي لشي حد من غيري باش مانكونش قبيح معاك ونعاقبك ..
هزات راسها باه وهي كتميل شفايفها وتهضر:ولكن شي حوايج كنديرهم بدون ارادتي غير هكاك كجيو ماعرفتش علاش
يوسف:بحال قبيلة ااضو كنتي اتسوطيه
بتاسمات:عجبني
يوسف بعد عليها:الانتحار وداكشي..شنو قصتو
عائشة بلعات ريقها:لحضة غضب وصافي
يوسف:مانبغيش داكشي يتعاود اعائشة لموت ماكانلعبوش بيها ديري اي حاجة الا الانتحار
هزات راسها باه وبتاسمات:خفتي عليا
شاف فيها وهز حاجبو:خفت على هارون يبقة بلا مو
خرجات فيه عنيها:والووو واش كتحس
وتمات غادة:فين غادا
عائشة بتاسمات:نجيب ليك ماتاكول
يوسف:مابغيتش
عائشة:لا دابة انا مراتك خاص نكون كندير هدشي كامل
قربات لعندو وجراتو من يديه:جلس هنا
جلس وشاف فيها:هنا جاية
ومشات كتجري الكوزينة صخنات لماكلة وقداتها وجابتها حطاتها حداه وجلسات:صافي كول
يوسف:نتي لي طيبتي
هزات راسها بلا:لا ماكانعرفش بزاف فطياب
يوسف:خاص نتي لي طيبي
عائشة كتلعب بصبعانها:نرجس كطيب ليك
هز لفورشيط وبدا ياكل:اه
عائشة:صافي تا انا انتعلم
ماجاوبهاش كمل ماكلتو ..اصلا ماكلاش بزاف..حط الفورشيط وشرب لما
عائشة:مزيان ..دابة انوجد ليك الحمام اجي معايا
جراتو من يديه وهو غا مسايرها حلات واحد لبيت ودخلو..مشات لبلاكار حلاتو:هادو حوايج عمي ناصر اتلبسهم هاد ليلة
وجدات ليه حوايجو ودخلات للحمام قداتو وخرجات:تفضل
وبتاسمات ليه مدات ليه لفوطة ودخل وهو كيشوف فيها..داز الوقت خرج من لحمام مالقاهاش فالبيت ..شعل كارو وخرج للبالكون عمرو عرف انه عندهم هاد الفيرمة ..قبيلة سمع الطاهرة كتهضر مع عائشة..عرفها شعلات الطليفون دار ج ب اس وعرفها فين هي..وجا لعندها..طفا لكارو وخرج من البيت هبط كيقلب مالقاهاش رجع للبيت هز طليفونو وصونا عليها
فالجيهة لوخرا جاوبات وهي مبتاسمة:بصحة الحمام
يوسف:فينك
عائشة:فبيتي انا وهارون
يوسف:اجي دابة
عائشة عضات على شفايفها:لا ماغانجيش ماخاصش نعسو فبيت واحد
يوسف:من نيتك
عائشة:اه حتى دير داكشي لي قلت ليك
يوسف:دابة فينك
عائشة:ماغانقولكش تصبح على خير
يوسف:بربي وتقطعي اعائشة
تكات فوق النموسية وهي مبتاسمة:راه فيا النعاس ايوسف
حل باب لبيت وخرج:دابة ماغاتقوليليش فينك
هزات راسها بلا بحاليلا كيشوفها:لااااا أح هههه
بتاسم بلا ما يحس..وهو كيتمشى فالكولوار حل اول باب حداه ما لقة والو:عرفتي ونشدك
عائشة:غتعية ايوسف
رجع حل باب لبيت اخور او والو ..:باني اعائشة
عائشة كتشوف فهارون:لا
يوسف حل كاع لبيوت ومالقاهاش والمشكلة ماحافضش هاد الفيرمة وماعارفش اشنو فيها ..بتاسم وحل ج ب اس وهي تبان ليه فيه ..فالفوقي وتم طالع فالدروج:اخر مرة انقولك فينك
عائشة:ماغانقولكش
بقة غادي مع الكولوار كان واحد البيت معزول جاي مقنت لاماكنتيش حافض الدار ماتعرفوش..بتاسم فاش وقف حدا لباب
عائشة:يووسف صافي ستسلمتي...يووسف جاوب..يوسف ..صافي نعستي يلاه بونوي
يلاه اتقطع وهو يحل لباب تدصمات فاش شافتو قدامها طاح ليها الطليفون من يديها
