ااجزء 166💔
دازو ساعات
عماد؛نتشاوفو فدار
عصام:واخة
عماد ركب فطوموبيلتو وتبعو عصام بطوموبيلتو تاوقفو حدا الدار نزلو ودخلو لداخل
كانت فالكوزينة كتشوف لغدا فين وصل وكتوصيهم يكون كلشي هو هداك فرحانة بزاف ولدها ايجي يتغدة .جات لخدامة:لالة ليلى راه جاو
ليلى بتاسم:واخة واخة شوفي جبدي لكيسان لوخرين وحطو داكشي مقاد
مسحات يديها وخرجات كانو فصالة مشات نيشان لعندو ماحسات براسها حتى عنقاتو وزيرات عليه:على سلامتك اولدي
علات راسها وشافت فيه عنيها دمعو:ماتصورش شحال فرحانة شكرا بزاف حيت بغيتي تجي تغدا معانا
عصام غير ساكت
جراتو من يديه :اجي جلس ماتبقاش واقف اتكون عيان يلاه جيتي فصباح ومشيتي لنادي
شافت فعماد واقف وكيشوف فيهم وهو مبتاسم:عماااد ماكانش عليك تخليه يخدم خاص يرتاح
عماد:قلتهالو هو راسو قاصح
شافت فعصام:ماخاصكش تعيي راسك اولدي
عصام هز راسو باه
ليلى:تشرب شي حاجة باردة ياك
عصام:لا بلاش
ليلى ناضت:انجيب ليك سي حاجة باردة الصهد اتكون عطشان
بغات تمشي وهو يوقفها صوتو:قلتلك بلاش مابغيتش
شافت فيه :واخة لي بغيتي
رجعات جلسات حداه وهي غير ساكتة وغاتكلو بعنيها ومبتاسمة الفرحة باينة فعنيها
عصام هدشي جايو فشكل غير حاني راسو كيشوف فالارض كيلعب بصبعانو حتى كتدخل فاتي حلات لباب وهي تشوفو قدامها بقات واقفة شحال حتى كيفيقها صوت عماد:فاتي
عصام على راسو وشا فيها.نزلات عنيها
كملات طريقها:هنا فبيتي
عصام:أفين أفاتي
فاتي شافت فيه :غير هنا
بغاتوتمشي وهو يوقفها:ماغاتسلميش عليا
كانت مترددة مشات لجيهتو وقف مدات يديها وهو يجرها ويعنقها ضربها الضو هو عارف داكشي لي عناتو مع مها شاف كلشي بعنيه انها ليلى كانت كتقلب عليه وهملاها هدشي خلا فاتي تأتر بهدشي..كانت كتبقة فيه ودابة بغة يبين ليها انه ماجايش ياخد بلاصتها
بعد عليها خربق ليها شعرها:وليتي دوزي وماتعبريناش
فاتي كتقاد شعرها لي خربقو:غا عيانة
رجع خربق ليها شعرها:لي بحالك كيعية
ليلى كتشوف فيهم وهي مبتاسمة كتشوف فوليداتها قدامها حسات بروح رجعات ليها
