❤الجزء 220❤
تنهد وهو كيشرب لكاس تالت حتى كيشوف مدير اعمالو راجل لعندو وقف وهو كيحل صدافات لوالا دقميجتو قاطعو قبل يدوي:عيااان وباغي رتاح ..باغي هاد ليلة دوزلي زوينة ..شوفلي وحدة خرا وهي مانعاودش نشوف وجها
مدير اعمالو:لا اسيدي راه كاينة غير...
قاطعو بنضر خلاتو يسكت ومشا نساحب يدير داكشي لي قال ليه
يحيى ناض ونزل للتحت باش يطلع للشومبر ديالو نهار داز ليه طويل كان عيااان بزاف وشحال مازهااا كيف لعادة..خدمتو واخدة ليه وقتوو كلوو عاطيها للاولوية..النسااا وزهو كيخليهم لاخر حاجة تاكيهنى خاطرو ويريكل شغالو ويحس براسو بصاح محتاج يفوج..كان كيتمشى تا وصل للكولوار لي فيه المصعد باش ايطلع للفوق للشمبر ديالو.....فنفس لكولوار وبالضبط فلحمام لي تماك..خرجات منو بعد ما ردات كاع لي فكرشهاا ..بتاسمات وهي كتشوف فلمراية مازال داك طاااقة متمكنة منهاااا لاعبة عليها مازال فيها ماتنشط مازال باغة تشطح وتغني وضحك بدات كتمايل براسها مع لموسيقى لي كتسمع من برى ..كانت واقفة حداها كتقاد فلعكاار بتاسمات وشافت فيها:ناشطة
مريم غير مبتاسمة فعالم اخور جاوباتها:بزاااااف انطير بالفرحة
يلاه اتجاوبها وهو يصوني ليها طليفون:الو...كيفااش. انا كنقاد مكياجي غير فالحمااام..لا مايمكنش..فين هو
قطع عليييها ولات كتغلييي مايمكنش هدشيييي هي تموت وتكون معاه كون يحساب ليها تبقة عاسة عليه تيسالي الاجتماع خرجات بالزربة خاص تهضر معاه..مع لخرجة شافتو غادي عيطات ليه بصوت مرتافع:يحييييييييييى
قلبها مشاا وجاااا مع هاد سمية كانت مبتاسمة وكتشوف فلمراية وملي سمعات هاد سمية بحاليلا عطاها شي حد سقلة بحاليلا رجعها للواقع داك الابتسامة ختافات تمتمات بهمس:يحيى
ماحسات براسها تاخرجات تابعة صوت
وقف ماتحركش قربات لعندو:يحيى انا
قاطعها :وصلك كلامي
هزات راسها باه
كمل كلامو:مانعاودش نشوف وجهك
بغة يمشي وهي تشد ليه فيديه:يحيى كونت كنقاد غا مكياجي والله علامن تسالي الاجتماع اناا..
قاطعها تاني:مابقاتش ليا لكانة ليك
زيرات ليه على يديه مايمكنش تفلت هاد ليلة معاه:يحيييى ماديرليش هكااا فوقما نبغي نكون معاك كتوقع شي حاجة وتخليني عفاك راه ماقصدت نخليك كتسنة
كيشوف فيها بجمود بحاليلا كيتسناها تسالي كلامهااا
كانت واقفة وكتشوف فيهم وسميتو كتردد فدماغها يحيى..يحيى..قلبها ولا كيضرب فلمية شوية وايوقف نطقات:هدا يحيى اااه يحيى جا عندييي
قربات لعندوهم وعنيها مانزلوش من عليه كتأملو بعنيها وكتمتم غا بيحيى
هضر وهو كينتر يديه من يديها :رقية هضرتي ماكانعاودهاش
رقية:صافي كنعتادر منك ايحيى وعمرها تعاااود
مريم نطقات وعنيها عليه:يحيى جيتيي
شاف فيها طلعها ومنزلها ماعرفهاش ولا عمرو شافها
مريم قربات لعندو سارحة فيه ومبتاسمة:مابغيتيهاش ياك جيتي لعندي انا .جيتي عندييي
رقية:شكا تقولي نتي بعدي لهيييه
يحيى تنهد شهاد ليلة عطاهم بالضهر وكمل طريقو وهي تغوت:يحيييييييى وقف عفاك ماتمشيش
دور وجهو مافاهم والو شكون هادي وكدوي بحاليلا كتعرفو حقق فيها واش من هدوك لي دازو فحياتو وماعقلش عليها ميل راسو كيطلعها وينزلها ..زوينة بزاف شعر طويل وزعر وعوينات ملونين بشرتها صافية وفورمتها مزيونة ..مايمكنش يدوز على وحدة بحالها ومايعقلش عليها..وقفات حداه وشدات ليه فيديه بكل حب :ماغاتخلينيش ياك يحيى اناا ماقدرتش نساك
رقية شعلات فيها لعافية قربات تا لعندها:شكااا تخربقيييي منين كتعرفييه ..يحيى مازال ماكملنا هضرتناا
قاطعها وهو هاز صبعو بمعنى سكتيييي وعارفة هاد الحركة شنو من موراها لازادت كلمة وحدة عضات على شفايفها وسكتااات اتموت بلفقصة وهي كتشوفها شادة ليه فيديه
مريم:سمحتي فيها على قبلييي وجيتي لعندي كنت عارفة انك ماغاتخلاش عليااا .تنا مانسيتتكش حاولت ومانسيتكش ماقدرتش
هي كتهضر وهو كيشوف فيها كيف كتميل شفايفها وكتشوف فيه بشوفات يحن لي مايحن ..مريم فهاد اللحضة كتشوف غير يحيى وصافي كتحس بحال روح رجعات ليها كلشي تخربق عليها لهلوسة اترات عليها..كملات كلامها وهي كدوز يديها على وجهو:ماغاتخلاش عليااا يااك
جاو جوج درجال ديالووو بغاو يقربو ليها باش يبعدوها عليه وهو يحبسهم باشارة منو بقاو واقفين
رقية بالانجلش:شكا تسناو بعدوهاا
هوما شافو فيه وفهمو شنو بغا.. قربو عند رقية:اجي معانا انسة
شافت فيحيى:يحيى شنو هدشي
وداوهاا وهي كتنتر منهم
ماجاوبهاش وماشافش تا لجيهتها تركيزو مع مريم لي شادة فيه وكتنطق سميتو بكل حب وهيااام وكيشوف فعويناتها لي كيبريو ماباغاش تبعد عليييه
حس بمدير اعمالو وقف عليه:راه..
قاطعو:وصلها للجناح ديالي
شاف فمريم :هي لولا اسيدي تفضلي معايا
زيرات عليه:ماتخلينيش عفاااك بغيت نبقة معاك ماتمشيش وتخلينييي
حطات راسها على صدرو:عفاااك
هز ليها راسها بأطراف صبعانو وكيشوف فعويناتها بقة شحال غارق فيهم وهمس ليها :واش كتعرفيني فايتلنا تلاقينا
هزات راسها باه :اه كنعرفك كتر من راسي
قوس حواجبو كيحاول يتفكرها او والوو :سبقيني للجناح هاني انلحق عليك دابة
مريم:واعدني اتجي
هز راسو باه وهو كيبعد عليها
مدير اعمالو:تفصلي معايا
مريم كتشوف فيه:غنتسناك
تبعات مدير اعمالو وهي كضحك فرحانة وكتهضر معااه:يحيى رجع ليااا
مدير اعمالو بتاسم ليها ..ماجاهش غريب هاد الاهتمام كامل حيت حضر على ماكتر من هدشي وشاف بعينيه جنس حواء شنو ممكن يديرو علييه..كان حاضيها تا ركبات فالمصعد هي ومدير اعمالو وتسد لباب ..كمل طريقوو يدير واحد المكالمة ويقاد شي غراض عاد يطلع للجناح ديالو
لفوق
دخلات للجنااح دورات وجها فاش تسدات من موراها لبال ماعلا بالهاش كاع فين هي ولا كيف داير هاد الجناح الملكي لي هي فيه تكات على حيييط بدا راسها كيضرهاااا بدات كتماصي بيديها وسميتو ماحيداتش من فمها:يحيى رجع لياا
دورات وجها شافت فالنموسية قربات ليها وتلاحت فوقها وغمضات عنيها كتمتم:اجييي دغيا عفاك
جالسة وكتحسب الدقايق الفرحة مكانتش قاداها ومتوترة كل شوية توقف تبقا غادية جايا فالجناح وكتردد .. : يحيى رجع لياا
وضحك بحدها وتدوي غا مع راسها
كان غادي فاتجاه الجناح بخطوات تابتة و ثقيلة و ريحتو الرجولية سابقاه فيدو الكونطاكت ديال طوموبيل كيلعب بيه وكيفكر فشي صفقات خدام عليهم هز راسو وشاف فباب لجناح عاد تفكرها قوص حواجبو مازال كيحاول يتفكر واش سبق ليه وشافها
هي فهاد اللحظة مشات جهة الباب حاطة يدها على البواني تعطل خافت يكون مشا وماغايرجع و فنفس اللحضة كان هو فباب الجناح يدو على الباب دوز الكارط ديال الدخول وحط يدو على البواني فتح ولقاها قدامو راسها واصل لصدرو نزل عينو كيشوف فيها بهدوء وكيحقق فملاميحها زوينين كتبان نقية بزاف على لبنات لي عرف ماشي ديال هدشي ولكن اش جابها ليه وكتعرفو مزيان ....هي ساهية حتى طلعات فيه عويناتها الكبار المرمشين كتشوف فيه بفرحة ولهفة وواحد لحنية فشكااال خلاتو يسها فيها .. وبصوت أحن كلو شوق : يحيى جيتي عندي
حط يدو على خصرها بلا مايحس شوفاتها وصوتها وحركاتها خلاوه يفقد الشعور جرها معاه دافعها لقلب الجناح و سد الباب باليد الاخره وهي كي الريشة بين دراعو وقفو فوسط لجناح على نفس الوضعية وهي غير كتشوف فيه بنفس النضرات راسمة على شفايفها ابتسامة زوينة
همس ليها وعنيه فعنيها:منين خرجتي ليا فهاد ليل مايمكنش نكونو تلاقينا ومانعقلش عليك دوي
هي غير كتشوف فيه دماغها فعالم اخور مامركزاش فكلامو لي كيهمها انه حداها كتشووف فيه يحيى الفلسطيني لي خدا قلبها وروحهاااا الهلوسة لي هي فيها خلاتها ترسمو بين عنيها وتخايلو فيه وتعيش داكشي لي قلبها وعقلها باغيينوو هدي هي لهلوسة كتخليك ترسم علامك بوحدك دير فيه داكشي لي بغيتي..ماجاوباتووش غمضات عنيها وتعلات على ريوس صبعانها حطات نيفها فوق عنقو كتستنشق ريحتو الرجوليه لي عشقاتها وتوحشاتها مازال لحد الان بين انفاسها من اخر مرة عنقها فلمطار حسات بحال الروح رجعات ليها همسات ليه وسط عنقو:ماتخلاش عليا ايحيى بقة معايا
وختماتها بقبلة دافية جات بعفوية منها حتى طلعات معاه هو الحراره من حركاتهااا بركات ليه على نقشة لحساسة خلات ليه احمر شفايفها تماك مطراسي ما حس براسو تا شد ليها راسها بين يديه قراب بزاف وانفاسهم مخلطين كيشوف فيها باغي يتفكرهااا ولكن والووو نطق:جاوبينيي كتعرفينيي وفين كتعرفيني شنو سميتك
مريم غير كتشوف فيه بتاسمات بغنج:انا مريم ديالك ونت يحيى ديالي رجعتي ليا وعمرك اتسمح فيا تاني
يحيى تلفاتو على لقبلة فين جات بغنجها وابتسامتها همس ليها:غتحمقي ديل مييي فهاد ليل
زاد بتاسمات وتعلات باستو على خدو على لحية ديالو سوداء القاتلة مواتية حروفو لكوووحل صارمة وسامتو قريبة بزاف ليحيى لفلسطيني وسامة عربية مية فلمية نفس الموصافات ديحيى عليها مشات فالخط معاه ..خلاتو يزيد يقربها ليه وكاع دوك الاسئلة تلاشاو فهاد اللحضة وهي قريبة ليه نزل عنيه لشفايفها علام اخوور وهي غير كتشوف فيه دوك شوفات لي كيزيدو يزعمووه قرب بشوية تا حط شفايفو على شفايفها وهنا دخل معاها فقبلة طويلة حنييينة بوحدو متحكم فيها هي مازال على وضعيتها مافاهمة والو من هدشي لي كيوقع بعد من شفايفها ماساخيش شاف فيها بعنين معسليين دايبين وهمس:ربي صيفطك ليا فهاد ليل وانا ماغانفلتكش
بلعات ريقها مازل كتحس سخونية شفايفو على شفايفهااا نطقات:شنو كدير
نزل لعنقها:داكشي لي باغاه وباغيه
غمضات عنيها شداتها التبوريشة وقلبها ولا يضرب فلمية همسات ليه:يحيى ماتخلاش عليا
رجع لشفايفها وقبل يدخل فالقبلة همس ليها:انا معاك
وجرها ليه كتر كيبوس فشفايفهااا لمدة طويلة حتى ستسلمات ليه كليااا فبالها هدا يحيى الفلسطيني ديالها رجع ليها ورجع ليها روح وهو فبالو وحدة لي غتونسو فليلتوووو جات برجليها تا لعندو
