الجزء 197💘
طاحت الضلمة
كانت ناعسة وخاشية راسها فالمخدة شاعلة ضو خافت فلبيت مازال ماكاتقدرش تنعس فالضلمة
تحل باب بيتها ودخلات وهي مبتاسمة كتشوف ماماها ناعسة كان من موراها هاز ليها ساكها ولكادويات لي جابو لهارون وقف فلباب كيشوف جوهرة كطلع فوق النموسية وتحنات باستها على خدها..غير حسات بيها حلات عنيها بشوية وبتاسمات وهي كتجرها لحضنها وتبوسها على خدها:جوهارتي جيتي
جوهرة:اه جابني خالو عصام
دورات وجها للباب فاش سمعات صوتو ناضت جالسة:ها امانتك بين يديك
بتاسمات ليه:عدبتك معايا
قرب وجلس حداها فوق النموسية:شمن عذاب الله يهديك
وحط يديه على حنيكاتها لحومر كيشوف فعويناتها باينة كانت كتبكي عاوداتلو الزاهية اش وقع:الواليدة باغة غامصلاحتك
نزلات راسها:خاصها تفهم اني ماغانقبل تاشي راجل كيفما بغة يكون يدخل لحياتي وماتبقاش تجبدلي لماضي
هز راسو باه:دويت معاها فهاد الموضوع ماغايتعاودش
هزات راسها باه وهي كتلعب فشعر جوهرة
مد ليها ساشية دلكادويات:جبتهم ليك عرفتك نسيتيهم
ووقف:يلاه نخليكم ..خليت سلمى كتسنة
تحنة باسهم بجوج على راسهم وخرج من دار ..عندو ضوبل ديال سوارت في حالة ماوقعات شي حاجة
جوهرة:ماما واخة ندير لبراسلي لي شريتيلي فيدي
عائشة:امم من الاحسن تايرجع هارون وديريه نتي وياه قد قد
بتاسمات متحمسة:صافي واخة
عائشة:خاص تنعسي احبيبة غدا اتفيقي بكري
جوهرة كتعنقها وتشبط فيها:لقراية عاود
عائشة:ااه يلا اجي تبدلي عليك وتنعسي
نزلو من النموسية ومشاو لبيت جوهرة عاوناتها تلبس بيجامتها
جوهرة:ماما هاد ليلة انبات معتك عفاك
تحنات وهزاتها:ااااي تقاليتي
جوهرة:ههههخ صافي كبرت
عائشة غادة بيها فلكولوار:ياسعدي ويافرحي بنتي اتبات حدايا
جوهرة كتشوف فماماها وهي مبتاسمة كتحماق علييها :اه
دخلو للبيت وتخشاو فالفراش حاطة ليها راسها على صدرها وكتلعب ليها فشعرها حتى كتسمع صوتها:ماما
عائشة:نعام اماما
جوهرة:فوقاش تانا ايولي عندي بابا وخويا .خاص يرجعو تعطلو.كلشي كيهضر على خوتو وباباه كنبقة ساكتة ماكانعرفش شنو نقول
عائشة تصنمات فبلاصتها بقات ساكتة عاد نطقات:نتي اصلا عندك باباك وخوك وكيبغيوك وايرجعو على قبلك شي نهار داك ساع اتلقاي ماتقولي
جوهرة:بصااح
عائشة:اه
جوهرة:عاوديلي على بابا عفاك
بقات ساكتة مالقات ماتقول
جوهرة:كيفاش تلاقيته وكيف كان .فاش كنتي حاملة بيا واش كان فرحان بيا ياكي
عائشة بلعات ريقها شهاد النهار لي مابغاش يسالي خلاص
جوهرة:ماما جاوبيني
عائشة تنهدات كتشوف مع جنابها كتفكر على اشمن سؤال اتجاوب .جاوبات على أسهلهم:-كان فرحان بيك بزاف كان باغي يشوفك كان ديما كيبوسك ونتي فكرشي ويحط يديه على كرشي كيتطمن عليك .كان كيقولي نتهلا فيك
سكتات فاش خانوها دموعها وكملات وهي كتمسحهم:كان كيبغيك ابنتي
جوهرة بتاسمات فرحانة:تاناكنبغيه وبغيت نشوفو ونعنقو نبوسو تانا
عائشة:حبيبة صافي نعسي باش تقدي تفيقي
جوهرة:سؤال واحد عفاك
عائشة:شنو هو.
جوهرة:واش ملي غيرجعو غيعيشو معانا هنا فدار ياكي بابا وخويا
عائشة:جوهرة مشا لحال
هزات راسها باه:واخة ماما
وغمضات عنيها وهي دافنة راسها فصدرها شوية بشوية تا نعسات وخلاتها فايقة كتفكر تا داتها عنيها تاهي
جا نهار جديد
فاقت مع سبعة نيشان شافت فيها ناعسة كي شي اميرة بتاسمات وناضت دخلات للحمام دوشات بالخف وخرجات لاوية عليها اافوطة خدمات التدفئة فدار كاملة
وشافت فجوهرة تحنات كتبوسها فخدها باش تفيق:جوهارتي فيقي خلاص توجدي راسك باش تمشي للمدرسة
جوهرة كتكسل:غي شوية اماما عفاك
عائشة:براكة عليك نوضي خلاص بحرة تفطري على راحتك
بعدات عليها لغطة ووقفاتها:يلاه
جوهرة كتحك فعويناتها:واخة
جراتها معاها لبيتها:دخلي للحمام غسلي وجهك وسنيناتك علامن نوجد ليك حوايج
داكشي لي دارت وجداتهم ليها وخرجات كتمشة فالاباغطومو ديالها مابغاتش شي دار كبير ولا فلة كانت اباغطومو زوينة بتصميم كلاس كتكون من جوج طوابق لفوقي فيه تلاتة لبيوت ولتحت لكوزينة وصالة كبيرة مقسمة على جوج كل جيهة بفراش واتات مختالف على جيهة لوخرا وحمام ..مع الوان هادئة وديكورات خفاف فاش كملات قرايتهاوفمدينة خرا وحسات براسها قادرة تقاوم رجعات تاني وبدات حياتها .دخلات للكوزينة وجدات لفطور وحطاتو فوق الطبلة ومشات لبيتها تلبس عليها باش تاهي تمشي لخدمتها ..من بعد ماسلات وقفات كترش عطرها وتقاد فشعرها وتماصي شفايفها من العطر لموف غامق لي دايرة مواتي لبودي لي فنفس اللون كتافات بالمسكارا فعويناتها ..هزات مونطوها لكحل وخرجات لقاتها جالسة فطبلة كتسناها بتاسمات ليها وقدات ليها لحليب بشكلاط :يلاه ابنتي فطري دغية دابة وهو جا طرونصبور
جوهرة هزات راسها باه وبدات تفطر..وهي كبات القهوة ديالها لكحلة كتشرب منها وتاكل شوية على حساب الدوة حيت ماكايعجبهاش تفطر فصباح بكري
سلاو فطورهم مع صوت الطليفون لي مركب حدا لباب عرفات طرونصبور وصل
ناضت بالزربة هزات ساكها ولبسات لميني بوط ديالها لعالي .ولبسات لجوهرة مونطوها وشكارتها وخرجو وهي كتلبس مونطوها فطريق
نزلو التحت ودعات بنتها وهي واقفة كتشوفها كتركب فطرونصبور ودير ليها باي باي
تنهدات وقلبات دورة هبطات للبارك ركبات فلوطو ديالها
نيشان للشريكة
مسافة طريق وكان حدا شريكة ستقبلها سكيرتي حل ليها لباب-:صباح لخير مدام عائشة
بتاسمات ليه وهي كتنزل-:صباح الخير
مدات ليه سواىت كموبيل يانصطاليعا ويرجع يطلع ليها سوارت للمكت
دخلات بخطوات تابتين ونضرات واتقين كتمشة والابتسامة على وجها ولي كيشوفها كيوقف ويقول ليها صباح لخير تا طلعات للمكتب ديالها دخلات وحيدات المونطو وجلسات فالمكتب ديالها اول حاجة دارت هزات طليفون:شنو درتي ..صافي ما ترجع تاتكون أمنتي ليهم كلشي ووصلها للجمعية ووصيهم يعلموها اش دير صافي..
وقطعات على صوت دقان كانت سكرتيرة:صباح الخير مدام عائشة
عائشة:صباح النور
دخلات:جيت نفكرك فالاجتماع لي عندك من دابة ربعة دسوايع لي غيتجمعو فيه كاع الشركاء دلمشروع الجديد
هزات راسها باه:اه مزيان وجدتي ليا الملف
هزات ليها راسها باه وهي كتحطو قدامها:هاهو امدام
عائشة:صافي شكرا
وخرجات وخلاتها مع الملف
