الجزء 171💔
حلات عنيها ورجعات شداتهم كتحس بواحد الهدوء فشكل رجعات حلاتهم مازال مامستوعبة والو..كتشوف كلشي بيض دورات وجها بشوية تنهدات ورجعات دوراتو لجيهة لوخرا .كلشي بيض فبيض..نزلات راسها شوية لابسة لبيض ..بدا قلبها كيضرب بالجهد فاش بدات كتفكر..هزات راسها تاني كتأكد ماكاينش من غير لبيض ..ماقدراتش دير تاشي حركة من غير دموعها لي نزلو حارين هي دابة ميتة صافي ماتت .روحها فسما دابة..ولات كلها كترجف بالخوف..همسات بصوت خافت:ماما
بدات كتنفس بالجهد بصوت مسمووع:ماما
رجعات نطقاتها بصوت باكي:ماما انا مت
ناضت جالسة كتشوف فراسها حطات يديها على وجها كتأكد من راسها:انا مت..مامااا انا مت
بعدات ريدوات لي نازلين من لفوق بويض ونزلات حفيانة كتشوف مع جنابها وعلى فمها كلمة وحدة:اناا مت..انا ميتة
حطات يديها على كرشها وهي كترجف ضغطات شوية ..ماحسات بوالو لا بحريق لا بتاحاجة ..نزلو دموعها وهمسات وهي كتهز راسها بلا:انا بصاااح مت..هو قتلني.صافي مت انا
مسحات دموعها بالزربة:ياربييي شنو هدشي..صافي مت
دورات وجها بشوية فاش سمعات شي صوت..كان صوت لباب كيتحل..بقات مركزة تا تا تحلات لباب نزلات عنيها كتشوف فرجلين هداك لي داخل..بقات طالعة بعنيها وقلبها كيضرب شهقات فاش شافت فيديه ل4ردي دغية شافت فوجهو ..زيرات بيديها على سوميج لي لابسة وهي كتهز راسها بلا ودموع شلال فعنيها ما قدرات تنطق والو .داكشي لي وقع كيتعاود قدامها ..كيقرب ليها ولفردي فيديه وفكل خطوة كيدير فتيجاها قلبها كيبغي يوقف معاها
عائشة بصوت كيرجف بالخوف:ماا..تقتلن.يش..بعد مني
وقف وهو مصدوم نزل عنيه كيشوف داكشي هابط مع رجليها لحفيانين ..باالت فحوايجها من شدة الخوف..بقة غير واقف كيشوف فيها كيف كترجف وما قادراش تحرك وكتشوف فيه بخووف وكتبكيي..ومزيرة على سوميج لي لابسة..والبول ناازل مع الارض.منضر قاسي بزااف ..بغة يقرب وهي تغووت:بببعد منيييييييييي
نزل عنيه ليديه ..نسا انه كان هاز لفردي وطالع للبيت باش يخبيه فبلاصتو ماحسابليهش ايلقاها فايقة خشاه دغية مور ضهرو ..وقرب لعندها فاش شافها غطيح زرب عليها وهزها بين يديه وهي كتغوت ربي لي خلقها حتى كيمشيلها الصوت:بعد منيييي ماتقتلنييييش عفااك..يوووسف ماتقتلنيييييش...ماماااااااا عتقنينييي..مامااااا...عصاااااام
دخلها الحمام وهي ربي لي عالم بيها غير كتفكر انه داكشي لي عاشتو ايرجع يتعاود كتبغي تحماق ..طلق الرشاش بما دافي وخشاها وسطوو وهي كتبكي وتشهق وتغوت خايفة بزااف..حاسة براسها اتحماق..مابقات فاهمة والوو ..واش كتحلم ولا ميتة ولا بصاح..ولا حماقت ديال بصاااح..لي كتعرفو انه هدا لي معاها ايقتلهااا ..كضربو على صدرو ولما دافي نازل عليها مامخليهاش تشووف ....عيات كضرب فيه تا حسات بالسخفة فقدات الشعور لدرجة ماحساتش بيه فاش حيد ليها السوميج وبدا كيدوش ليها ..ترخات بدات كتشوف فبلاصة وحدا عنيها ولاو حومر جمرة ودموع مازال مابغاو ينشفو ...هو بعد عليها حيد تيشيرط لي لابس بالخف ودخل الفردي لواحد لمجر تماك وشاف فيها كيف غير ساكتة جامدة ما على وجها تاشي تعبير كتشوف غير فالارض هز فوطة ولواها عليها..وقرب لعندها ضرب ليها بشوية على وجها:عائشة واش كتسمعينيي
