كمل طريقو للصالة وهوما بين يديه حطهم بجوج وسلم على عائشة باسها على راسها :كي بقيتي
شافت فيه:بيخير
جلس بينها وبين دينيس:شتكم جامعين الكدوات
دينيس:اه
عصام شاف فيها ودور يديه على خصرها وهمس ليها فودنيها:فقتي قبل مني وهربتي
دينيس بتاسمات وشافت فيه:حيت عارفاك غير اتحل عنيك اتكمل داكشي دليل
بتاسم وباسها على خدها:غنعوضها بليل تاني .كتعرفيني كيعجبني لي بديتو فليل نكملو فصباح
دينيس:عصاام حشومة
ضحك وهو هاز راسو لفوق:الله يصبرني وخلاص
ليلى عيطات للخدامة وهي كتشوف فداكشي لي فوق الكبلة:وجدي الطبلة فالجردة كيف وصيتك
الخدامة:واخة
مشات قادات الطبلة وحطات لكاطو فالوسط مع شي تواشي
عائشة وقفات:جوهرة اجي نتي وسلمى غنحتافلو
بتاسمو وناضو كيتجاراو هي وياها سبقوهم للجردة ووقفو حدا طبلة كيشوفو فلكاطو مكتوب فيه هارون وفوقو شميعات ووحدة فالوسط على شكل7 ..تجمعو كاملين كيتقاسمو معاها هاد النهار كيشوفو فيها
مبتاسمة وكتغني هي وجوهرة اغنية happy birthay وكيطبلو بيديهم وسلمى متحمسة معاهم
عائشة شافت لقاتهم كاملين كيشوفو فيها تنهدات وعضات على سنانها كتصبر فراسها ونطقات:ما اتغنيوش معانا
دينيس قربات لعندها وعنقاتها:غادي يرجع ليك كوني هانية
قربات تا فاتي وعنقاتهم بجوج:هدشي كامل ايدوز
غمضات عنيها ماباغاش تبكي وتضعف واعدات راسها اتولي قوية وعمرها تبكي حدا شي حد عمر شي حد يشوف ضعفها لي دفناتو هادي شحال فقلبها كيبان حتى كتكون بينها وبين راسها زيرات على عنيها ماخاصش تبكي صافي عائشة ماتت هادا شحال ..هاد عائشة لي هي فيها دابة تولدات نهار فاقت من الغيبوبة همسات ليهم:صاافي البنات خليو هدشي وخليوني نحتافل بولدي
بعدو عليها كيمسحو فدموعهم
فاتي هزات واحد لعيبة كدار فالفم ودير صوت ديال عيد ميلادات وبدات كتغني:سنة حلللوة يا جمييل
دينيس بدات كتصفق:سنة حلللوة يا جمييييل
عصام قرب لعند عائشة وهزها وبقة كيدو بيهااا وهو كيضحك ويغني:سسسنة حلوة يا جميييل
شدات فيه لا طيح وهي كضحك وشعرها كيطير فالهوة:هههههه عنداك طيحني
نزلها ورجعو تاني لطبلة خالقين جو زويين وكيضحكو ويغنيو
عائشة:جوهارتي اجي نطفيو شمعة
قربات لعندها هزاتها وتحناو:طلبي امنية
غمضو عنيهم بجوج تمناو امنية ونفخوو على شميعة تحت تصفيقات عائلتهم الصغيرة
بداو كيقطعو فلكاطو وياكلو وكلهم عطاو لعائشة لكادو ..تامن عصام عطاها خرج قبيلة هو وسلمى على قبل لكادو
فهاد اللحضة دخلات وعلى كتافها ساكها كانت فسوايع قربات لعندهم وبتاسمات:كتحتافلو بلا بيا غفلتوني وانا فسوايع
عائشة:مريامتي قربي قربي
قربات لعند ختها وعنقاتها:كي بقيتي
عائشة:لاباس كي غادا مع لقرايا
مريم:الحمد الله مزيان
عائشة مدات ليها طبسيل فيه الحلوة:هاكي
خدات منها طبسيل كلات شوية وحطاتو وحلات ساكها جبدات منو كادو:ها لكادو ديالي
عائشة بتاسمات وخداتو من عندها وحطاتو حدا خوتو
مريم تحنات كتبوس فجوهرة:لقطيطة دخالتها توشحتك
جوهرة باستها تاهي:تا انا
هزاتها كتلعب معاها ويتجاراو فالجردة ومعاهم سلمى
عائشة كتشوف فيهم وهي ميتاسمة مريم كبرات وزيانت عندها دابة 17لعام ماكاتشبهلهاش بزاف هي زعرة عليها وشعرها مارو مفتوح ومقطعاه لنص ضهرها وعوينات عسلين زينها بوحدو كتشبه لباهاا تاهو كان زعر وبشرتو بيضة
رجعات شافت فلكادويات تنهدات وهي كتطلب من ربي يجمعها مع ولدها باش ترجع فيها الروح وتلاقة جوهرة مع خوها هارون..كتعاود ليها عليه ديما باش تزرغ فقلبها حبها لخوها باش لا كتاب ورحع شي نهار تبغي خوها وماتنفرش منو ..كتقولها مسافر وغادي يرجع شي نهار كل مرة كتسها بشي سبب فاش كتسولها فوقاش ايرجع خويا..ولي كتسالي معاها فاش كتسولها على باباها كتبقة غير كتخربق ..ماحدها كتكبر ودكائها كيكبر معاها هي فواحد السن لي محتاجة لباباها تا فالمدرسة كيجي شي حفل وكيطلبو الاب يجي مع ولدو ولا بنتوو كتبقة عليها كلشي ايجيب باباه الا اناا ..ديما عصام لي كيمشي معاها ولا بدر بعد المرات ..خايفة بنتها تعقد من هدشي عليها كدير مافجهدها باش تعوضها ..هزات راسها فسما فاش بدات شتا كتنقط شوية بشوية جهادت دخلو كاملين كيجريو لداخل وهوما كيضحكو خرجات لخدامة جمعاه داكشي
داز الوقت من بعد ما تغداو
عائشة:جوهرة حبيبة اجي
جوهرة:هانا ماما
عائشة:وجدي راسك نوصلك لداك جدك ناصر
بتاسمات فرحانة:بصااح
عائشة هزات راسها باه:اه
عصام:خلي انا نوصلها
عائشة:لا غا خليني بغيت نشم شوية دلهوة
هز راسو باه مخليها على راحتها تاواحد ماكايبغي يضغط عليها .عارفين اش داز عليها مع الوقت قوات راسها براسها انشاغلات مع شركتها وماشاريعها دارت بلاصتها فعالم البورصة كاع داكشي لي مرات منو ولي داز عليها فرغاتوو فخدمتها وأسسسات داتها قوات راسها ووقفات على رجليها بوحدها ماعاونها تاشي حد كانو مساندينها فقط معنويا كتلقاهم فجنبها فاش كتحتاج لطاقة الايجابية واخة تبدلو فيها شحال من حوايج ولات منعازلة وكتخبي داكشي لي فقلبها كداوي راسها براسها مابقاتش كتشكي عليهم من داكشي لي كيدرها ولا كتبكي قدامهم فاش كتوصل ليها العضم ولات لا علاقة بعويشة لقديمة لي كانت كتجرح كتبدا تبكي وتقلب على سي صدر حنين يواسيها لا هي دوزات كاع هدشي وسلات منو داكشي مافادها فوالو من غير خسرات كلشي..ولات عايشة على ود بنتها وعلى امل يرجع ليها ولدها هادو هوما جوج حوايج لي مخلينها متشبتة فالحياة وماتنهارش .وماتستسلمش لمرض لي صاب قلبها فكل مرة كتجيها جلطة فقلبها كتقاوم ورتجع توقف وكأن شيئا لم يكن عائشة صافي تعلمات تكون قوية وولات يتضرب ليها الف حسااب مع الناس وفعالم البزنس
عائشة ناضت باش يمشيو لبسات لبنتها مونطوها وهزات ليها ساكها وخرجو وهي شادة ليها فيديداتها
ركبو فطموبيل وديمارت نيشان لدار الزعيم طريق كاملة
وصلات حدا القصر ووقفات طموبيل بعيد عليه بقات واقفة شحال كتشوف فلباب دلحديد لكبيير تنهدات وهزات الطليفون دوزات نمرتها بقا كيصوني حتى كتسمع صوتها:خالتي طاهرة انا برة شي واحد يخرج موراها..واخة
وقطعات كتشوف فدار من على براا من نهار خرجات منها ما ولات رجعات ليها ولا حطات رجليها تماك. وعمرها تولي دخل ليها صافي كرهات كلشي فهاد الدار غتفكرها فكاع لعداب لي دازت منو اتفكرها فولدها واللحضات لي دوزاتها معاه..اتفكرها فداك الشخص لي طعنها فقلبها واتفكرها فيامها معاه..صافي هو ولا جزء من لماضي كرهاتو وكرهات نهار لي عرفاتو فيه طعنها طعنة خايبة خلا كاع دوك الاحساسيس زوينين لي كانت تحسهم من جيهتو يتبدلو لكره وعمرها تسمح ليه ..شافتها خارجة وهازة لمضل على حساب الشتا وواحد من رجال تابعها تنهدات كون غير صيفطات لخدامة وماجاتش هي..قربات لطموبيل حلاتها وركبات شافت فعائشة:كي بقيتي ابنتي
عائشة:الحمد الله اخالتي ونتي
طاهرة:الحمد الله
جوهرة دلات راسها وسطهم وعنقات طاهرة:لميييمة ديالي
طاهرة جراتها وحطاتها عندها وباستها:لقطيطة ديالي توشحتك ابنتي
جوهرة:تانا
طاهرة:كلشي كيتسناك فدار توحشووك
وشافت فعائشة عارفة هاد النهار ايدوز عليها خايب كلهم حضرو العداب لي دازت منو همسات ليها وهي كتشوف فجوهرة وتلعب ليها فشعرها:لحد الان ماعرفناش فين هوما يوسف مامشاش فين تافق هو و ..
قاطعاتها:خالتي مابغيت نسمع عليهم والو..ولدي غيرجع لي شي نهار ربي كبير .اما لا ماكانش مكتابلي نولي نشوفو غنموت وانا كندعي فيه عمري نسمح ليه
شافت فيها:غنموت وقلبي مغبون على ولدي بسبابو
طاهرة كتشوف فيها حاسة بيها:حاسة بيك حيت تانا ولدي لي غابر عليا وماعارفة عليه والو من نهار مشا وهارون حفيدي
عائشة تنهدات ودورات وجها كتشوف فطريق ماجاوبتهاش سكتات
طاهرة:ماغاتنزليش
عائشة:لا اخالتي
طاهرة:واخة..جوهرة غنزلو احبيبة
خدات ساك جوهرة وحلات لباب وقبل تنزل شافت فعائشة:كنبقاو تا حنا عائلتك ودار دارك مرحبا بيك فاي وقت
جوهرة:ماما نزلي معانا عفاك
عائشة باست ليها يديداتها صغيورين:حبيبة مايمكليش دابة نرجع موراك فليل
جوهرة :واخة
ونزلات مع طاهرة مغطيين بالمضل بقات حاضياهم تادخلو ..ديمارات وقلعات بطموبيل ماعندها تاشي وجهة غير غادة وشادة طريق وشتا كطيح ولجو بارد مخدمة تدفأة وكتشوف فطريق كيف مبلولة بغات تبقة بوحدها وتجلس مع راسها توااسي راسها براسها تا تبرد بوحدها ..شحال وهي على نفس الحال
وقفات حدا واحد لكافي كتعجبها حيت فيها الهدوء كيجيو ليها غا الاشخاص لي كيبغيو الهدوء
دخلات وطلعات اللفوق جلسات حدا واحد لحيط كلو زاج كيطل على شاريع كتشوف شتا كتصب وطموبيلات غاديين جايين وقف عليها سيرفور:اش حب الخاطر الالة
شافت فيه:قهوة بحال ديما
بتاسم:هي لولا ومشا
