دخلو بربعة ونرجس شادة فيديدات هارون
ومبتاسمة..كلشي بقة غير كيشوف فيهم كانو مجموعين على الطبلة دلعشة الطويلة جامعة كاع الافراد العائلة ..
طاهرة بتاسمات وناضت ودموع مغرغرين فعنيها:بنتي نرجس
وعنقاتها :على سلامتك توحشناك
نرجس بعدات عليها شوية:تانا اخالتي ماتصوريش شحال
كلشي ناض كيسلم عليها بحرارة ويرحبو بيها ويسولوها على احوالها فرحانين بيها
فاتي شادة ليها فيديها:ماتصوريش شحال فرحانة يحسابلي ماغاتجيش
نرجس:مانقدرش مانجيش اصاحبتي فاتي كاملة اتزوجش ومانجيش نحضر
فاتي عنقاتها فرحانة:مرحبا بيك ماغاتمشي تاتحضري لكلشي
نرجس:ان شاء الله
دورات وجها وهي تشوف بدر وولدو واقفين
قربات لعندو:ماغا تسلمش عليا
بتاسم:كنتسنا نوبتي وصافي
فتح ليها يديه قربات وعنقاتو صديق طفولتها وفي متابة خوها ماتبدل والو واخة ماكانتش عارفة بدوك الاحاسيس لي كان عايشهم غا بوحدو ودابة مابقاوش قدر يتغلب على داك الاوهام لي كان عايش فيهم ويكمل حياتو مع زينب لي نساتو فنرجس وفداك الحب لي كان غيمرضو فحياتو .ودابة كيشوفها مجرد صديقة طفولتو فقط
بعدات عليه وتحنا كتبوس فالنسخة ديالو :كيحمق تبارك الله..الله يخليه ليك
بدر:امين
نرجس:فين هي زينب
كانت واقفة من جيهة لوخرا ونار لغيرة كتحرق فقلبها واخة عارفاه نساها ولكن كيبقة واحد نهار كان كيبغيها واي وحدة فبلاصتها اتقرص ..دور وجهو وشاف فيها دغية قرا افكارها وملاميحها بتاسم ومد ليها يديه:زينب اجي
قربات وشدات ليه فيديه بتملك مزيرة عليه..باش يطمنها ويبين ليها انه لماضي بقة مع الماضي وتفدن هز يديها وباسها:هاهي زينب مراتي وحياتي
نرجس بتاسمات وقربات سلمات عليها:زينب لاباس عليك
زينب:الحمد الله ونتي
نرجس:تانا بيخير والله يخليكم لبعضياتكم
وشافت فبدر:صراحة شحال ماشتو فرحان بحال هكا كنشوف الفرحة فعينيه وحتى شوفاتو ليك كيبينو شحال كيبغيك راكي محضوضة بواحد بحال بدر
حطات راسها على كتافو ويديها فيديه:عارفة داكشي علاش كنبغيه
نرجس بتاسمات ليهم ودورات وجها فاش سمعات صوت صغيور:ماما شكون هادي
عائشة:هادي خالتك نرجس كانت مسافرة عاد رجعات
جوهرة مبتاسمة:زوينة خالتي نرجس
نرجس بتاسمات:جوهرة ياك
عائشة هزات راسها باه
نرجس قربات وتحنات عنقاتها:كتحمقي تبارك الله
باستها على خدها:ماشاء الله عليك
جوهرة غير مبتاسمة
سمعو صوت الطاهرة:لعشا غيبرد تفضلو خليونا نتعشاو
كلشي شد بلاصتو والخدامات ضايرين بيهم كيديرو خدمتهم ...كل واحد فاش كيفكر شي فرحان وشي بالو ماهانيش ..كيهضروو ..العرسان كانو جالسين حدا بعضهم ..هي كتاكل عادي ماكاتحشمش فالماكلة وتاهو كياكل ومرة مرة كيشوف فيها ويبتاسم ماباغي يقول تاشي كلمة باش مايحرجهاش ودير بناقص من ااماكلة كاع..سلا العشى ووقف وفتح ليها الكرسي باش توقف
ليلى:فاتي سيري معاه يغسل يديه
شافت فليلى وتنهدات:واخة اماما
فاتي:تفضل
مشات قبلو وهو موراها حتى وصلو للكولوار حدا لافابو غسل يديه وهي حاضياه كتشوف فيه مازال مامتيقة صافي غيولي راجلها وهي مراتو تنهدات براحة بصوت مسموع شاف فيها:مالكي
حسات على راسها وهزات فوطة:لا والو تفضل
بغة ياخد الفوطة وهو يقيص يديها بغات تبعد يديها وهو يشدها:يديك باردين
فاتي:لا شوية
بتاسم وهو كيشوف فلخاتم دلخطوبة لي فيديها قرب وباس يديها من فوق الخاتم وجرها لعندو :كنتسنى النهار لي تولي فيه مراتي ومكانك يولي معايا
بلعات ريقها وهي كتحس بلحرارة طالعة معاها لسانها كيتبلوكة فهاد الحالات مامولفاش بالرومانسية ديما كانت دايرة حدود بينها وبين الجنس الخشن ..يحيى متفهمها وعارفها كيف دايرة وهدشي لي عاجبو فيها هكا كان باغي مراتو تكون..واكيد مع الوقت غيوليو قراب من بعضهم كيف قلوبهم تماما..رجع باس ليها يديها ماساخيش بيها وبعد عليها كيمسح فيديه وهي مراقباه كتحس بقلبها كيضرب فلمية ..رجعات خدات منو لفوطة علقاتها فبلاصتها
يحيى:نمشيو
بلعات ريقها:تسنة شوية هاني جاية
وقلبات الضورة طلعات كتجري فدروج وهو مراقبها دقايق وكانت حداه هازة فيديها واحد لبواط نطقات واخة كانت مترددة:هادي ليك فاش مشيت للمول شفتها وعجباتني
بتاسم وهو كياخد لبواطة حلها وهو يلقة ساعة زاد بتاسم عجباتو بزاف كيعرف هاد الماركة دساعات غالية بزاف ..داك ساع حيد الساعة لي داير .ودار ساعة لي عطاتو
فاتي:عجباتك
هز راسو باه:بزاف شفت الاشهار ديالها
فاتي كتافات بابتسامة:نمشيو
يحيى جرها بالخف وباسها على خدها وبعد ويديه فيديها كيحس برجفتها بتاسم وهو كيشوف وجها كيف ولا حميمر وكترمش بعنيها رجع ليها شعرها اللور ودوى:تنا غنمشي دابة تهلاي فراسك
فاتي:باقي لحال
زاد بتاسم:ماسخيتيش بيا ولا شنو
حنات راسها وهي كتهز راسها بلا
باس ليها تاني يديها:مازال اتجمعو وعمرنا نتفارقو داك ساع
شافت فيه وهي مبتاسمة:ان شاء الله
بعد عليها لا يزيد يتهور كتر وهو دايب فابتسامها:مشينا
فاتي:مشينا
رجعو للصالة لقاوهم كيتقهواو واصوات حديتهم كيتسمعو وصوت تقرقيب لكيسان ولمعالق باش كيحركو لقهوة مسموع ..ولبريهشات كيلعبو وينقزوو قدامهم
يحيى ويديه فجيابو:احم انا غنخليكم باش نمشي
ناصر شاف فساعة وجمع الوقفة وهو كيحط كاسو دلقهوة فوق الطبلة ومد يديه للطاهرة لي شدات ليه فيديه ووقفات معاه:تاحنا خاص نمشيو مشا لحال
كلشي وقف لي غيمشي ولي غيبقا
يحيى قرب سلم على عصام وعماد :فرحان بزاف حيت قبلتوني نكون واحد من هاد العائلة
عماد ضرب ليه على كتافو :لينا الشرطبعا تكون منا اولدي
عصام:تهلا لينا غا فبنتنا
يحيى بتاسم:كون هاني من هاد الناحية
وشاف ففاتي وقرب ومد يديه سلم عليها باليد والابتسامة على وجهو:تصبحي على خير
فاتي:تصبح على خير
يحيى نساحب بهدوء من بعد ما سلم على كلشي ومشا بحالو ..شوية بشوية بدات كتخوة الدار
كان واقف على برى كيشوف كل واحد كيركب فطموبيلتو وكيقلع غادي بحالو
ناصر نزل الزاج دطوموبيل:ماغاتمشيش
يوسف :كنتسنى عائشة وغنمشي
طاهرة دلات راسها من جيهت ناصر:تصالحتو صافي
يوسف:نص نص
طاهرة:كيفاش نص نص
يوسف:قلع الوليد من بعد وتعرفي التفاصيل
ناصر بتاسم وهو كيضور الساروت:تصبح على خير
طاهرة بصوت مرتافع:غييير بشوية على البنت تهلا فيها
بتاسم وهو كيمسح على راسو وجبد باكيتوو يعدل لمزاج علامن تخرج
لداخل
طلعات لفوق حلات الباب لقاتها فبلاصتها قربات لعندها وجلسات حداها :ختي
مريم:اممم
عائشة:صافي سلاو كلشي مشا
مريم:مزيان
عائشة كتلعب ليها فشعرها:يلاه تمشي معايا باتي عندي
مريم :غا خليني اختي بغيت غا نعس
عائشة يلاه اتهضر وهي تسمع اصواتهم ولباب كتحل..دورات وجها كانت فاتي ودينيس ونرجس
فاتي:قالولي مريضة
مريم هزات راسها كتشوف فيها:لا غا عيانة
فاتي جلسات حداها وشدات ليها فيديها:ويليي شوفي وجهك كيف صفر وعنيك منفوخين مالك ياك لاباس
مريم:لا والو غا شربت لحليب راكي عارفة ماكايوافقنيش بقيت غا كنرد
فاتي:ااااه نسيييت علاش شربتيه اصاحبتي
مريم:صافي ماشي مشكل
فاتي:اصبار نعيط لعصام يجي يديك لطبيب
مريم:لا لا مافيا والو مايحتاجش فصباح نولي بيخير
فاتي:متأكدة
مريم:ااه
سمعات صوتها:على سلامتك امريم
هزات راسها وهي تشوفها:نرجس
نرجس بتاسمات:اه كي بقيتي
مريم:الحمد الله ونتي
نرجس:بيخير
مريم:على سلامتك
نرجس:الله يسلمك
دينيس جلسات تاهي:ايييه ماشفتييش فاتي وعريس لغفلة كيف كانو
تفكرات شي حاجة:اجيييي فكرتيني بقيتي نتي وياه فالمكتب شنو قلتو وشنو درتوو هضري
تفكرات شي حاجة:اجيييي فكرتيني بقيتي نتي وياه فالمكتب شنو قلتو وشنو درتوو هضري
فاتي تلاحت فوف النموسية متكية على ضهرها وهي مبتاسمة:الحب اختي الحب ناري داك بنادم مامنوش جوج كيحممق
دينيس:يااك المرضية هي جبتو شي واحد لداخل
ضرباتها بالخدية:تفوو عليك ماشي لداك اادراجة..عرفتي تاهو كيحس بنفس داكشي لي كنحس من جيهتو تاهو تسناني سنيين وفرحان بزاف حيت غنتزوجو زدت رتاحيت
مريم زيرات على ليزاار وعاضة على سنانها كاتمة دموعها حتى كتحس بيديه عائشة على شعرها شافت فيها الوحيدة لي فاهماها
فاتي بدات كتعاود ليهم داكشي لي وقع فلبيرو من صداقها من كلامو ومن العقد لي عطاها والساعة لي عطاتو كلشيي ..كتهضر ومن صوتها تعرفها فرحانة
دينيس :الله اربيي باينة كيحماق عليك صراحة سيد غزال عمري شفت بحالو فالزين ماشاء الله وضريف ومأدب ورومانسي من لفوق اححح قلبي لا يتحمل
فاتي:توحويح لاش هااااا جمعي راسك سيد راه ولا بمراتو لي هي انا
دينيس:هههه عشنا وشفنا فاتي كتعنب
فاتي:كنبغيه البنات والله زدت ليوم تأكدت اني مانقدش نعيش بلا بيه ولا نكون لواحد غيروو
شافت فعائشة ومريم:ماعاودتش ليكم على قصتي معاه.
عائشة:ونتي خليتي لينا شي وقت باش نعرفو
فاتي بتاسمات:هنا نعاود لييكم تا نرجس ماعارفة والو المهم سمعو سمعو
عاودات ليهم كلشي وحتى على لكاس لي باقي عندها لحد الان ..وحتى لكلام لي قال ليها هو انه ست سنين كاملة وهو كيتسناها وتمنى تكون مازال ماتزوجات .. تنهدات:والحمد الله ربي كبير حقق لينا داكشي لي بغينا ودابة غنتزوجو
عائشة شدات ليها فيديها وبتاسمات حيت فاتي ماعندها تاشي دنب فهادشي لي وقع لمريم :الله يكمل عليك بالخير وتعيشي هانية نتي وياه
فاتي امييين
فاتي قفزات على صوت ميساج وصل لطليفونها غير شافت سميتو بتاسمات ودخلات قرات لميساج مكتوب فيه:اسعد نهار فحياتي هو هدا ..لبنت لي سكنات فقلبي هادي سنين اتولي مراتي
دينيس طلات على الطليفون وبدات كتقرا فالميساج بصوت مرتافع: اسعد نهار فحياتي هو هدا ..لبنت لي سكنات فقلبي هادي سنين اتولي مراتي.... وينووو هدشي زوين بزاف والله تستاهلي كل خيير افاتي
فاتي غير مبتاسمة وكتقرا فداك الميساج وتعاود قلبها ايطير بالفرحو
دينيس:جاوبيه
غاتي:شغا نقولو
دينيس:قوليلو حتى انا فرحانة بزاف وكنتسنى نهار نتجمعو فدار وحدة فاقرب وقت
فاتي:لا اويلي يقولك هادي مزروبة
نرجس:هههههه لا ..كتبيلو تا انا فرخانة بزاف والله يكمل علينا بالخير
فاتي:اه هادي عندك
كتبات داكشي لي قالت ليها نرجس وصيفطاتو ورجعات شافت فلبنات:والله تا فرحانة البنات بزااف عمري حسيت ببحال هاد لفرحة
دفنات راسها فالمخدة فاش خانوها دموعها عضات على شفايفها كاتمة شهقاتها لا يغلبوهاا..كتحس بقلبها كيتقطع كيضرها بزاف لحرارة طلعات معاها فهاد اللحضة وهي كتسمع لكلام فاتي وكيف كتعاود ليهم على قصة حبهم ..وكتقولهم شحال فرحانة..هي لعكس ديالها واصلة لقمة الالم وحاسة بروحها اتخرج
فاتي وقفات:نمشي نبدل علياا
دينيس شافت فمريم:اه ونخليو مريم ترتاح
نرجس:اه باينة عيانة بزاف
فاتي جرات نرجس:اتباتي معايا ياكي
نرجس:اكييييد
بغيت كولشي لي مدارتش تقييم للتطبيق ادير تقييم 5 نجمات باش نزيدو اجزاء اليوم
