💔 الجزء 178💔
طلعات داكشي للبيت ووقفات حدا لمراية هازة الكسوة بين يديها كتشوف واش اتجي معاها عاجباها بزاف..بتاسمات وحطاتها فبلاصتها ملي سمعات صوت لكلاكسون..مشات كتجري للبلاكون كان عصام موصل سارة والزاهية ومريم دارت ليهم باي باي بيديها ..نزلو وعصام كسيرا ومشا..هبطات لعندهم عنقاتهم وهي فرحانة ..جلسو فصالة:مزيان ملي جيتو بكري
سارة كدور عنيها عل دار:ماقديتش نصبر ..هي الزعيم صافي طاح
عائشة:بحال داكشي
سارة:احح اقلبي لعقبالي
عائشة:تاحاجة مابعيدة
سارة:هههههه ماتديش عليا عارفاني كيف دايرة ..اجي شنو درتو مع نرجس
عائشة:ماعرفتش والله
سارة:صافي نساي عليك
عائشة شافت فالزاهية:مال عصام مشا
الزاهية:قالك عندو شي شغال حتى يجي هو وصحابو
عائشة:مزيان ..اجيييو نوريكم يوسف شنو شرا ليا
تبعوها وهي فرحانة طلعو للبيت
فبلاصة خرا
خرجات من لبيت وهي مصدومة طاهرة تابعاها:نرجس سمعيني ابنتي
نرجس كتهز راسها بلا ودموع نازلين من عنيها ..حاسة براسها اتنفاجر ..شوية بشوية بدات كتشهق بلبكا حطات يديها على فمها ووقفات كتبكي..طاهرة حطات يديها على كتافها:والله ماغاتبدل شي حاجة يوسف غيعرف يعدل بيناتكم..نتي كتبقاي مراتو اللولة ..غير،فهميني هارون باقي صغير ومحتاج لعائلة علاش انضلموه بطلاق واليديه ويكبر هكا بعائلة مشتتة ..
نرجس شافت فيها وبصوت باكي:وأنا أخالتي..يوسف راه راجلي تزوجت بيه وانا فرحانة انكون انا هي مراتو وماغاتشاركني فيه تاشي وحدة ..صبرت المرة اللولة ورجعت كيشي حمارة كنقول مانخسرش راجلي..ولبنت باقة صغيرة..ولكن شوفي اش وقع شوفي لكلاخ ديالي فين وصلني ..انا كنتسنة هدشي يسالي ونتوما يلاه بديتو..حرااام عليييكم اخالتي حرااام
وسكتات وكملات بكاها ..طاهرة تنهدات بقات فيها ونرجس تاهي بحال بنتها مابغاتهاش تأدى
سمعو صوتها من موراهم:دابة عاد كتبكي فاش كنت كنقولك داك اللفعة راه كتخطط لشي حاجة كنتي كتقوليلي سكتي بعدي منها هي ماشي هكاك..اابنت باقة صغيرة..ايوا هنتي وقفتي على هضرتي.وماشي بعيد تخليه يطلقك ويصيفطك عند باك..راه داك لبرهوشة عارفة راسها شكا دير
طاهرة خنزرات فيها:سكتييي..شكا تخربقي..تحركي من قدامي
اكرام:لا اماما تانتوما فيكم الحق ..نرجس شنو دنبها غا قوليلي وتعاطفتو مع البرهوشة ونسيتو نرجس..
طاهرة خرجات فيها عنيها وهضرات وهي عاضة على سنانها:تحركي من قدامي
اكرام:هنا غدا
وطلعات لبيتها
نرجس:عندهاا الحق ..انا لي سكت وسكت وسكت وغير كنشوف بعيني.انا لي ضيعت راجلي بيدي وخليتو ليها كون من لول تعاملت معاها كي لحمير ماكانتش ادير هدشي
وجلسات فالارض كتبكي:الله يااخد فيكم الحق
طاهرة تحنات لعندها وعنقاتها:صافي ابنتي ماديريش فراسك هاد لحالة
نرجس بلغوات:راااااه راجلييييي ..حاسة براسي انحماق حراام عليييكم حراااام
وناضت :انا غنقتلهااا ماغانخليهش ليها
وتمات هابطة فدروج كيشي حمقة وطاهرة تابعاها ..حلات لباب وهي تلقاه فوجها ..بقات واقفة وهي ضربو على صدرو:قولتيييلي كيبغيني وماغايسمحش فياا ..قولتيلي ماغايديرش فيا هدشي..قولتيلي كتعرف خووك..كنكرهكم كاااملين
بقة غير واقف وهي كضربو على صدرو تا عيات كانت اطيح وهو يشدها ..هزها بين يديه
طاهرة:جيبها لجناح دغية
طلعها للجناح حطها فوق النموسية..طاهرة مشات تجيب لما..بقة جالس وكيشوف فيها كيف عرقانة ودموع نازلين من عنيها وكلها كترجف..بعد شعرها على وجها ماباغيش يشوفها هكا..يكفي غير هو لي يتعدب لاش تاهي..جات طاهرة رشاتها بلما ..حلات عنيها غير شافتهم رجعات تاني للبكة :خرجوو علياااا مابغيت نشوف تا واحد خرجووو
طاهرة خرجات هي وبدر..وخلاوها كتبكي ربي لي خلقها
كانو خارجين
طاهرة:من الاحسن تبقة بوحدها.دابة ماخاصها تشوف تا واحد حتى يهضر معاها يوسف هو لي ايعرف يتعامل معاها خاص يفهمها انها كتبقة مراتو كيف كانت وهدشي ماغايبدل والو
امونة:راني بلوكيت سيسطيم ديال الجناح.باش الخدامة مرة مرة طل عليها
طاهرة:مزيان
تنهدات:المهم زيدو نمشيو ناصر كيتنسنة
يلاه ايخرجو وهوما يسمعو صوتها:تا انا غنمشي
شافو فيها لابسة وهازة شوينطة صغيرة:مالكم كتشوفو فيا
طاهرة:سمعيني ا اكرام ماخاصنا صداع
اكرام:ياك اماما وليت دابة كنجبد الصداع
طاهرة تنهدات:زيدي دابة
وخرجو ركبات طاهرة هي وأمونة مع ناصر
وفاتي ودينيس مع اكرام ومشاو نيشان للفيرمة
فالجيهة لوخرا
كانو جالسين حدا لبحر كيهضرو ويتحتو
سارة:الله ياختي على فيرمة كتحمق..معزولة على العلام
عائشة:وياه بزااف
سارة:ماعاودتلكش على واحد البوكوص
عائشة:عاوديلي نسمع
سارة عودات ليها كاع داكشي لي وقع:اووف ومشا وخلاني ..عرفتي على ركبة فداك الطموبيل..بحاليلا راكبة فطيارة
عائشة:وماديتي لا نمرة لا سمية
سارة:تا لعبة..بحال شي حلم هههه
عائشة:ايوا ماتعرفي تولي تلاقايه
سارة:تانتي منهم عداد زعمة غيتزوج بيا ..اجي نتي ماغاتبدايش توجدي راسك
عائشة:بلاتي من دابة وانا نوجد
جات الخدامة:السي ناصر ومدام الطاهرة وصلو
ناضو مشاو ستقبلوهم
طاهرة كانت جالسة وكتشوف فدار وفدروج فصالة ..وفالخرجة لي كتدي للاسطبل هزات كاس دلما وشرباتو وشافت فعائشة :وجدتي شي حاجة
عائشة:يوسف صيفطلي شغا نلبس
طاهرة بتاسمات:ايوا هنتي كاع ماناسيك
اكرام:ايوا هي جات معاها..ولوخرا مسكينة حابسة راسها فلبيت كتبكي
كلشي شاف فيها
اكرام ناضت:نمشي نشوف لبيت لي غنعس فيه ونستف حوايجي
طاهرة:احسن ماغاديري
شافت فعائشة:ماديريش فبالك
الزاهية:النوض نطل عليهم فالكوزينة
طاهرة:انا جاية معاك
دينيس:تهزي وريني هدشي لي شرة ليك خويا
عائشة بتاسمات:اجيييو
تبعوها لبنات كاملين للبيت
دينيس:خويا عندو الدوق لعفريت ..شحال زوينين..غيجيو معاك كيحمقو
عائشة غير مبتاسمة فرحانة بزاف ..
داز الوقت
كانو مجمعين فصالة حتى كيسمعو الكلاكسون..
عائشة:ايكون عصام
دينيس ناضت كطير :انا نحل لباب
عائشة تبعاتها حلو لباب وهوما يشوفو امين وجنات وحمزة..وقفو كيستقبلوهم..سارة من موراهم:حيدو نشوف ..طلات وهي تصدم هدا شكا يدير هنا..حساب ليها غا كتحلم ولكن نفس الرونج نفس طولة نفس تبوكيصة ..:هاهوو
عائشة شافت فيها:شكون
سارة:والله تاهو هداك لي عاودت ليك عليه
عائشة:واش حمزة متأكدة
هزات راسها باه وهي كتشوفو جاي فتيجاههم..سلم على دينيس بالوجه وسلم على عائشة ووصل لعندها وهو يوقف تاهو مستغرب:هدي نتي
هزات راسها باه
مد يديه سلمات عليه:صدفة زوينة هدي
سارة:اه بصاح..عائشة راه ختي
بتاسم:بصاح
سارة:زعمة بحال ختي
حمزة:مرحبا
سارة:شكرا
كملو سلام ودخلو للصالة دغية دار بدات كتعمر وكتر الكلام وصواني دأتاي ولعاصير غادين جاين
فهاد الوقت كان كلشي مجموع حتى من ليلى وعماد جاو من سفر نيشان للفيرمة
عماد:قريتو الجرائد
ناصر وامين شافو فيه وكمل:نتوما ضاربين دنية بركلة
امين:علاش شنو واقع
عماد:لبارح كان واحد الوفد ديال الدولة كلو اسلحة واجهزة حربية..كلشي تسرق من بعد ماتعرضو للهجوم ..الشرطة الدولية كيبحتو فهدشي..حيت غالبا هادشي لي تسرق غيمشي لاسرائيل ..وهدشي تدخلات فيه تا امريكا قالك اسيدي هي ماعندها تاشي دخل..وهدشي ماكايخصهاش..بحاليلا ماشي هي لي مساندة اسرائيل..
ناصر:وماعرفوش شكون لي خون هاد الوفد
عماد:لا ..كيقولك مافيا روسية ..ومنها مغاربة حيت مايمكنش ..يدخلو للمغرب بهاد السهولة ويهجمو بلا عوائق على الوفد ..راك عارف صعيبة
امين:ونت مازال كتبحت فهادشي دلمافيا..هدشي سالينا منو شحال هدا
عماد:ايلا عقلتي انا ساليت منو قبل منكم ..هاد الخبر راه داير ضجة تدخلات فيه دول عربية،كتيرة كيطالبو باش الاسلحة ماتوصلش لايسرائيل ..ويشدو هاد المافيا
ناصر:انا متأكد انه هاد الاسلحة والمعدات الحربية مازال ماخرجاتش على المغرب..الخبر نتاشر بالزربة ..دابة غيتبتو حتى تهدن الاوضاع عاد غيكملو المهمة
عماد:يقدر
حمزة كان فوق العود كيتمشة بيه جيهت لبحر ماكاينش لي كيجي لهاد الفيرمة وماكاتعجبوش..قرب لعندهم ونزل وهو شاد لجام بين يديه:شحال تبيع هاد الفيرمة
ناصر بتاسم:واخة تجيب لي مال دنيا مانبيعهاش
حمزة:رديتيهالي فوجي اسي الزعيم
ناصر:مرحبا بيك فيها فأي وقت غا باش نبيعها لا
حمزة:ايوا على خاطرك
ندخلو لداخل
خرجو تاني كيتجاراو فاش سمعو لكلاكسون هاد المرة كان عصام..
عائشة كانت مبتاسمة حتى كتشوف جعفر
عصام قرب وسلم عليها هو ومهدي:لاباس عليك
بعدات عنيها على جعفر:الحمد الله اخويا
عصام:هدا صاحبي جعفر ..اتكوني كتعرفيه
هزات راسها باه:مرحبا
سلم عليها وهي مافاهمة والو اش جاب جعفر لعصام
دخلو لداخل..هاد نهار غا ديال تسلام خخخ..
عائشة:تعطلتو يحسابلي ماغاتجيوش
عصام:كان عندنا شي شغال تا نقولك عليه غيعجبك
عائشة:بصاح قولي دابة
عصام:صافي قلت ليك تا لمن بعد
دينيس كانت جالسة وكتشوف فيه دور وجهو وهو يبتاسم:لاباس عليك
بتاسمات تاهي:الحمد الله ونت
عصام:تانا بيخير
بقة كيشوف فيها وهي دور وجها
الزاهية شافت فجعفر:ديما كيدويلي عليك عصام مرحبا بيك اولدي معانا
جعفر:شكرا..دابة عصام ومهدي ولاو كتر من صحابي
مهدي وقف:وانوضو نضربو دورة ولا اتخليونا جالسين بانلي هدشي زوين
الطاهرة:خودو راحتكم..عائشة خرجيهم لجيهت لبحر فين كاين عمك ناصر
عائشة:واخة
وناضت وهوما تابعينها بقة جعفر معطل تا بادو بغات تمشي وهو يشدها من دراعها:نتي مازال كتيقي فيه من بعد كاع داكشي لي دار ليك
تنترات منو:شكا تقول
جعفر:راكي عارفة علاياش داوي..هو غير كيتفلة عليك وغتندمي ..راه غيعدبك اعائشة
عائشة:ونت اش دخلك فينا دخل سووق رااسك وبعد منااا
جعفر بتاسم:مازالة برهوشة اعائشة
سمحات فيه وخلاتو واقف:سيري مصيرك طيحي بين يدي
وتبعهم لجيهت لبحر
مهدي شاف من لبعيد واحد سياج كبير عبارة عن دائلة فيه كتر من 10 دلعودان .بقة كيسفر:هدشي مجهد اعمي هاد العشية غدوز زوينة
جعفر وعصام شافو فيه وضحكو عارفينو ماكايتسالاش
