الجزء 158💔
وخرجات وهو بقة حاضيها
وقفات كتسنا الشيفور حتة كتشوفو خارج ركب فطوموبيلتو الرونج روفر داز من حداها نزل زاجة:واش محتاجة لي يوصلك
عائشة:لا شكرا غيجي دابة شيفور..صافي هاهو جا
ومشات ركبات معاه نيشان لدار نزلات ودخلات لداخل لقات ليلى وطاهرة سلمات عليهم تفكرات هارون شافت لخدامة :فين هو هارون عفاك
الخدامة:راه مع دينيس فالجردة
مشات عندهم للجردة
دينيس:جيتي
عائشة:اه نتي ماقريتيش
دينيس:اليوم روبو
عائشة جلسات مدات ليها الولد شداتو بين يديها وبقات ساكتة كتشوف فيه
دينيس:مالكي
عائشة:والو
دينيس:ماعجبكش الحال هنا
عائشة:لا ماشي هكا
دينيس:ومالك ماشي هي هديك
تفكرات لبارح:والو ماكاين والو
دينيس:واخة فكرتيني
عائشة:فاش
دينيس:خالتي ليلى موجدة واحد الحفلة فاعلة تاركة لعصام بغات تفرح بيه خاص نوجدو راسنا
عائشة :بصاح اتكون ششي حاجة زوينة
دينيس:وياه بعد غداا
عائشة:ايوا مزيان نفوجو شوية
بقاو جالسين كيهضرو حتى كتعيط ليهم الخدامة للغدا غسلو يديهم وجلسو يتغداو ماشافتش كاع لجيهتو كتاكل فصمت
ليلى بتاسمات وشافت فدينيس:ماناسياش وعدي ليك
دينيس:اينا وعد
ليلى:نسيتي كنتي كتقوليلي غنلقاو تاجدين وداك ساع نزوجك بيه
دينيس تزنكات حنات راسها وهي مبتاسمة تفكرات عصام
اكرام:دابة جاتك اللقوة كنتي فارعا لينا راسنا بيه انتزوج بيه انتزوج بيه
طاهرة:دايرة فيها حشمانة
عائشة:ماغايلقاش ماحسن منها
يوسف :كانت غير كضحك ماتكبروش الموضوع
دينيس شافت فيه كانت شوية واتقولو لا ولكن غا حشمات حنات راسها وكملات مكلتها
عائشة مسحات يديها وشافت فطاهرة:خالتي انا خاص نخرج دابة
طاهرة:فين ابنتي
عائشة:مافهمتش واحد الدرس مهم ودرت مع الاستاد نتلاقاو فواحد الكافي يشرح لياا خاص نمشي دابة
طاهرة :مافيها باس قرايتك هي لولا
عائشة:نطلع نوجد راسي
