❤عشق وهيام❤
يوسف كيشوف فيهم وهو مبتاسم هدي هي عائلتو صغيرة لي كان باغيها تجمع ولي قدر يفديهم بروحو
عائشة بعدات وهي كتمسح فعنيها:نوضو تعشاو باش تنعسو غدا لقراية
هارون وجوهرة:واخة
وقفات ومشات للكوزينة وهوما تابعينها باغين يعاونوها وجدات داكشي خفيف وهوما كيستفو طباسل ولفراشط فوق الطبلة .وجدات ليهم ليباط كيف كيبغيو
عائشة:جوجو حبيبة عيطي لباباك يجي يتعشة
مشات كتجري عيطات ليه وجات هي وياه وتجمعو بربعة فوق الطبلة كيتعشاو
يوسف شاف فيها غا كتلعب فلماكلة:كولي
عائشة:مافيا لي ياكل والله حاسة براسي غنرد
يوسف:كولي وردي ماشي مشكل
عائشة:ماقادراش
يوسف:غنوكلك اناا لا ماكليتيش
هزات راسها باه بحال شي بينة صغيرة:صافي واخة وكلني
بتاسم وبدا كيوكلها وهارون وجوهرة كيضحكو عليها
جوهرة:هههههه ماما كتباني بحال شي بي بي صغيور
هارون:هههههه اه بصاح
عائشة كتهضر وفمها عامر:اصلا انا باقة صغييرة يلاه 23عام
يوسف هز منديل ومسح ليها فمها:دابة مزيان
بتاسمات وباستو على خدو:شكرااا
يوسف مد ليها كاس دلما ودوة ديالها:شربي دوااك
شربات دواهاا :يلاااه كل واحد يمشي لبيتو وينعس
ناضو كيتجاراو كل واحد مشا لبيتو
ناضت بغات تجمع الطبلة وهي تشدها الدوخة رجعات جلسات ..تحنة لعندها شاد ليها فيديها:ياك لاباس
عائشة شادة فراسها:والو غا دوخة
شافت فيه:عادي مع لحمالة كتوقع انجمع هدشي ونمشي نتكة
بغات تهز طبسيل وهو يشد ليها يديها:غير سيري انا انجمع
عائشة خرجات فيه عنيها:لااا من نيتك مايمكنش نخليك ديرها حيد انا دغية انسالي
يوسف:عائشة كوني كتسمعي للهضرة وسيري تكاي
عائشة:مانقدش ويلي
يوسف باس ليها يديها:انا لي مانقدش نخليك ديريها وانا كاين نتي غير رتاحي وتهلاي ليا فولادي صافي
بقات غير كتشوف فيه وقف ووقفها معاه:سيري نعسي رتاحي
عائشة:واخة ندمت وقلت للخدامة تمشي هاد ليوماين
ومشات جوج خطوات ووقفات ضارت كتشوف فيه كيف كيجمع طباسل وقرب للاماشين دلماعن ماعرفش يخدمها بتاسمات وهي مراقباه ماحسات براسها تا عنقاتو من ضهرو وباستو على عنقو:الله يخليييك ليااا
بتاسم وهو كيحس بيها بعدات وتحنات خدمات ليه لماشين وباستو على خدو وخرجات من الكوزينة مشات للبيت بدلات عليها لبسات شي حاجة خفيفة وتخشات فبلاصتها كتحس بدنيا كدور بيها تكات على ضهرها باش تمشي منها دوخة وردان بقات شحال حتى كتحس بيه تخشة حداها بتاسمات وحطات راسها على صدرو هو جرها عندو كتر شابك يديه فيديها
يوسف:شوية دابة
عائشة:اه مزياان
شوية شافو لباب تحلات حتى كيشوفوهم داخلين بجوج
جوهرة:ماما واخة نعسو حداكم هاد ليلة
هارون شاف فيوسف:غير هاد المرة
عائشة :اجيييو
ورجعات اللور باش يجيو هوما فالوسط مابغاتش تحرمهم من هاد اللحضة لي ماعاشوهاش فاش كانو صغار كل واحد فيهم عاش بعيد على واحد من واليديه..تخشاو وسطهم جوهرة من جيهت يوسف وهارون من جيهت عائشة مخشيين فيهم وفرحانين اول مرة ايباتو مع واليديهم بجوج
يوسف مد يديه وطفا الضو ونعسو فهدووء
جا نهار جديد
كانت مخشية فبلاصتها ومراقباه كيلبس حوايجو ويرش العطر ديالو ماباغاهش يمشي معنقة لخدية وكتشوف فيه مقوصة حواجبها
شاف فيها وهو كيخشي طليفونو فجيبو :اتبقاي هكا
عائشة:راه يمكن ليك تخدم غا من دار شنو فيها لابقيتي معايا
بوسف قرب لعندها:باغاني نبقة حداك مانخرجش عارفة راسك شكا تقولي انا راه عمري بقيت يوماين فدار ماخرجتش كااع وماخدمتش تا ليك نتي
عائشة:ومعامن انبقة انا دراري راهم فلمدراسة ملي كيمشيو فتمنية كيرجعو تا لخمسة ونت اتمشي للخدمة علم الله فوقاش اترجع وانا انبقة فدار كيشي ديكور راه بزاف عليا تا لخدمة منعتيها عليااا شهاد اامرض
ودورات وجها لجيهة لوخراا ملي حسات بدموعها ايخونوها
قرب وجلس حداها وهو كيتنهد :شوفي فيا
هزات كتافها بلا ماتشوف فيه
شدها من دقنها ودورها لجيهتو:مال حسك
عائشة:ماماليش
يوسف:راه غنرجع ماشي غنمشي فمرا
عائشة بعويناتها دامعين:شنو فيها لاصبرتي وبقيتي معايا دغية طلعت ليك فراسك ووليتي باغي غير فوقاش تمشي ياك صافي فهمت سيري لخدمتك وانا غنبقة هنا
تنهد شهاد النفسية لمزفتة لي ولات عندها وهاد الوحم لي جاها علييه :عائشة شهادشي كتقولي شمن طلعتيلي فراس من نيتك راه اي راجل ضاروري يمشي يخدم راه ماعندها تا معنى نبقة متكي حداك نهار كامل لا خدمة لا ردمة نتي كتوحمي وانا كنتوحم معاك
عيات صابرة وهي تغلبها الضحكة وسط داك الدموع:ههههههههه
خربق ليها شعرها:راه هكا مالي كدبت
جمعات داك الضحكة ورجعات للبكة:لا ماشي هاكا اي راجل خاص فاش تكون مراتو حاملة راه خاص يبقة معاها ويدير ليها خاطرها فهمتي مراتو اهم من لخدمة
غمض عنيه كيتنهد هادي منين كتفهم:عائشة تبتي معايا شوية راه كنبغيك ومانقدش نعيش بلا بيك ولكن راه كاينة واحد الحاجة سميتها الخدمة عادية غنمشي وغنرجع ملي تسالا الخدمة بحال اي رجل فهمتي
عائشة:صافي ملي هكا تانا نخدم وها حنا متعادلين
يوسف قوس حواجبو:قولي هكا من لول هدشي علاياش كتقلبي ايوا بكي لا غا تبكي راك ماغاتحركيش من الدار عطي الراحة لراسك
عائشة:ايوا بقة معايا ماالك بغيتك تبقة حداياااا😭😭😭
يوسف شد ليها راسها بين يديه :وااا عائشة راك كتلعبيلي على الميموار دالعقل والمشكلة ماباغيش نخليك مقلقة خليني نمشي ودماغي هاني من جيهتك وعطي راحة لراسك ورتاحي مالك كتعكسي الامور لي سمعنا كنتناقشو على هدشي يضحك
عائشة:بالعكس غيحسدوك حيت مراتك كتبغيك وماباغاكش تمشي للخدمة ووحمها جاها علييييك
بتاسم وباس ليها راسها:وتانا كنبغي مراتي خاصها غا دير عقلها
تنهدات:دابة شنو غتمشي
يوسف:ضاروري نمشي
عائشة:صافي سيير بالحق ماتعطلش رجع دغياا صافي
هز راسو باه:كوني هاانية غير نسالي نرجع
عائشة دورات يديها مور عنقو:ايوا بوسني
بتاسم وهو كيقرب لشفايفها:كنموت علييك
ودخل معاها فقبلة طويييلة هادئة هي ماساخياش بيه وهو ماساخييش..بعدات بمشقة الانفس وهمسات ليه:سير لخدمتك
باسها بالجهد على شفايفها:هنا مشيت
ووقف كيقاد فحوايجو:تهلاي فراسك
وهز داكشي ديالو وخرج ..تكات وغمضات عنيها كتبغيييه وكتزيد تبغيه كل نهار
فجييهة خراا
كانت جالسة فوق النموسية وهو حداها وفيديها جهاز كشف الحمل شافت فيه بنضرة مكسورة:مهدي واقلة عمري انحمل ويكون عندنا بي بي
مهدي حيد ليها من يديها داك الجهاز :لاش كديري هاد الحالة فراسك صافي نساي وقتاش ما جا لخير مرحبا وايلا ماكانش مكتاب لينا نديرو لولاد تاهي فيها خير
اكرام:غير كتقول هكااا غير ماباغيش تجرحني انا حاسة بيك امهدي باغي ولد تعوض بيه داك الحرمان لي عشتيه فحياتك بحالي تماما
مهدي :اكرام مانكرش باغي لولاد باغي شي ولد ولا بنت منك ولكن شغا ندير لا ربي ماكتبوش لينا هاا قولي
اكرام نزلات راسها:ماعندنا مانديرو
مهدي:ادن ماتفقصيش راسك انا لا بقيتي ليا غير نتي براكة عليا
اكرام شافت فيه:زعمة يقدر شي نهار تبغي تجيب شي بي بي من شي وحدة خرا ديرهاا
مهدي باس ليها يديها:ايلا ماكانش هاد الولد منك نتي ماعندي ماندير بيه سمعتيني
عنقاتو :عمرك تخلا عليااا امهدي عفاك
مهدي:امبووسيبل نتخلا على لفنون ديالي
هزات راسها باه وبعدات كتمسح فدموعها:كنتيق فيييك
وقف:يلاه نخليييك تعطلت
هزات راسها باه وناضت باستو على خدو:الله يعاونك
وخرج تنهدات وهزات طليفون عيطات للطبيبة:الو دكتورة
دكتورة:مرحبا مدام اكرام لاباس عليك
اكرام:الحمد الله ونتي
دكتورة:الحمد الله
اكرام:دكتورة ماشفت تاشي تغيير وداكشي لي قلتيلي راني متبعاه ماكاين لا حمل لا والو وبديت كنخاف ونفقد الامل عاود
الدكتورة:لا ماتفقديش الامل عادي راه يلاه بديتي طلبي الخير وماتقو ليش هكا ومايكون غا الخير ونتي مابقة عندك تاشي مشكل فالرحم ديالك خاصك غا الوقت صبري
اكرام تنهدات:هاني صابرة وموكلة أمري لله
دكتورة:ان شاء الله غتولي ام كوني هانية
اكرام:من فمك لربي
دكتورة:المهم اي حاجة انا على رهن الاشارة
اكرام:شكرا دكتورة
وقطعات معاها وهي كتستغفر الله وناضت توجد راسها تمشي لخدمتهاا
دازو سعات
كانت داخلة هي وخوها لدار من بعد ماقادو كاع الامور وغدا ايخرج ليها لباصبور ووريقاتها كاملين
عصام مدور يديه على كتافها وداخلين لدار:رتاحيتي دابة
مريم بتاسمات:رتاحيت
شاف فيها:وا حيدي هاد التغوبيشة لي على وجهك
شافت فيه:مامغوبشاش
عصام:عنيك فيهم شي نضرة فشكل بحال لحزن بحال شي حاجة ناقصة واقلة انا ماعارفهاش
نزلات عنيها كترجع شعرها اللور:لا ماكاين والوو اخويا
هز راسو باه:كنتمنى
دخلو للصالة سلمو وجلسو
الزاهية كتلعب ليها فشعرها:ماعرفت كيف غندير بلا بيك ابنتي ماياخياش بيك كوغا فكرتي
مريم حطات راسها على كتافها:تانا اماما ولكن خاص نمشي نيت تبقاي تجي لعندي وراه كاينين العطل نجي فيهم
الزاهية:ايوا الله يوفقك ابنتي
مريم:اميين
ليلى:كوغا حضرتي لعرس ختك عاد مشيتي ماعرفتش كيف درتو لهادشي
مريم:خالتي ماشي مشكل تانا ماكرهتش ولكن غيبداو الامتحانات فسيمانة جاية خاص نكون موجدة شي حاجة وواخدة فكرة
ليلى:الله يوفقك ابنتي هدا ماغانقولك
مريم:اميين
فاتي دخلات كانت فالخدمة سلمات على كلشي الا مريم وجلسات
مريم:مالي مابنتش ليك ولا شنو
فاتي:نتي سكتي راني شادة راسي بالسيف باش مانوضش ونعطيك شي جوج صقلات تايضور وجهك لجيهة لوخرا
مريم:علاش ماليي
فاتي:نتي سكتي راني شادة راسي بالسيف باش مانوضش ونعطيك شي جوج صقلات تايضور وجهك لجيهة لوخرا
مريم:علاش ماليي
فاتي:كتسولي بوجهك حمر كيفاش ماغاتحضريس لعرسييي دوي
مريم:وغا فهمني راه نتي خاص تقوليلي سيري راه قرايتي وخاص نمشي ليها وراكي عارفة هدشي كتر منيي
فاتي تنهدات:ماجاتك لقراية غا مع عرسييي ختي الوحيدة لي خاص توقف معايا اتمشي بااز لوجهك
مريم ناضت وجلسات حداها:تانا ماكرهتش والله باغة نشوفك عروسة ونفرح لييك بحال اي اخت لختها ولكن مانقدرش
وسكتات فاش خانوها دموعها فعلا كانت متحمسة تشوف ختها عروسة وتوقف معاها ولكن ماشي بهاد الطريقة خاص تبعد
فاتي :صافي صافي غا ماتبكيش واش باغة تبكيني معاك سكتي
وعنقاتها:مانبغي غا مصلاحتك وقرايتك هي لولا عرسي غيدوز فليلة اختي
مريم همسات ليها:سمحيلي
فاتي:اناري مسامحاك من قلبي غا حبسي من لبكة
مسحات دموعها وبعدات:اتبقاي تجي لعندي ياكي
فاتي:اكييييد نجي انا ويحيى غا تهناي
مريم بدون شعور:لاا غا بوحدك
فاتي:علاااش
مريم بلعات ريقها وقلباتها ضحك:كنغير على ختيي هههه ايبقة لاسق فينا وانا بغيتك بحدك ناخد راحتي مع ختي
فاتي:ههههه بدينا من دابة
مريم:هانتي تشوفي
دينيس:دوي يا الخائنة
فاتي شافت فيها:مالكي
دينيس:ختك الوحيييدة وانا فين فالموضوع
فاتي عنقات مريم:نتي غا بنت خالتييي
دينيس ضرباتها بالمخدة:واشوفي شكون يمشي معاك للكوافيرة نهار عرسك
فاتي:الكوافيرة اتجي تا لعندي ابب غا رتاحي
دينيس:امم شوفي شكون يبقة معاك فاش تشدك داك ااخلعة
فاتي شافت فيها بنص عين:صراااحة غنحتااجك تانتيي ختييي اجي حداياا اجيي
ناضت وجلسات حداهم وعنقاتهم بجوج وكلشي كيضحك على هبالهم
فاتي سمعات طليفونها كيصوني:بعدو بعدووو
ودفعاتهم بجوج تاغوتوو وخدات ساكها وبتاسمات فاش شافت سميتو فشاشة طليفون ..دينيس طلات وهي تقرا سميتو:اممم لبنت صافي طاحت وصلتي لسطاج اللخر
وقفات وهي كدفعها:شكا تخربقيي
ومشات كتجري طالعة فالدروج نيشان لبيتها باش تجاوبو بقاو كيضحكو من غير وحدة لي حانية راسهااا ولات باغة غا فوقاش تخوي هاد الدار وهاد لبلاد كاملة باش تنسااه وترجع كيف كاانت
لفوق
غير دخلات للبيت تلاحت فوق النموسية تنهدات بالجهد عاد جاوبات:الو
بتاسم:العمير ديالي وروح يحيى
عضات على شفايفها وهي مبتاسمة غمضات عنيها ماغاتقدش تجاوبو على هدشي ومستحيل تقولو حبيبة ولا حياتي مازال خاص تولف
شافها طولات بلا مايشوفها عارف كيف غتكون دابة :رخي من شفايفك وحلي عنيك
حلات عنيها باازربة:كيفاش
يحيى:ههههه كيف سمعتي علاش دغية كتولي حمرة
ناضت وقفات حدا لمراية كتشوف فوجها بصاح حمرة بتاسمات:حيت ماشي اي واحد كيأتر عليا كلامو
بتاسم:سعداتي
وكملو كلامهم لساعات كيعرف كيفاش يخليها تتأقلم معاه وتهضر وتعاود ليه كيف داز نهارها وشنو وقع ليها وهو كيتصنت ويعاود ليها تاهو ..هادشي ماشي صعيب حيت بجوج كيبغيو بعضهم فضروري ماغا طير لبلاكة شوية بشوية
