ضحكات بصوت مرتافع وسط دموعها من القلب:ههههههههههه اويلي ربعة فين انزيدو
يوسف كيدووب على ضحكتها العفوية جمعها لعندو معنقهااا بالجهد:الله يخليك ليااا..شوفي ماغايكفيونيش معاك ربعة دلولاد ماغانرتاح تا نكملو فرقة دلكورة
عائشة غطير بالفرحة:هههههههه عارفاك ديرها وتقد بيها
كتافة بابتسامة..بقاو شحال هكا حتى كتنطق:خايفة على ختي مريم بزاف ايوسف حالها ماعاجبنيش كتبغيه بزاف ماعرفتش شغا ندير ماكانقدش نشوفها هكا كتعدب ومن جيهة فاتي ماعندها تاشي ذنب كتبغيه وكيبغيها
يوسف: يحيى ماشي غير كيبغيها راه شي حاجة فوق كيبغيها
عائشة:اوووف وشنو ندير قولي
يوسف:مريم خاص تخوي لبلاد تبعد عليهم حيت ماحدها كتشوفهم بجوج غتزيد غا تمرض باقة صغيرة وغتنساه
عائشة:ماعرفتش عصام ما ايخليهاش
يوسف:دابة ندوي معاه
عائشة:خاص نكون معاك
يوسف:ان شاء الله ماغايكون غا الخير وغتنساه وغتعيش حياتها
عائشة:ان شاء الله ياربيي
يوسف:كوني هانية ماتفقصيش راسك
هزات راسها باه
يوسف :ماجاكش الجوع
عائشة:بزااف اممم بغيت نفطرو برة
يوسف:هي لولا
ناضت من فوقوو:بصااح
يوسف:وانا نقدر نقول لاا
عائشة:كنبغييييك بزااف اندخل ندوش ونخرج دغياا نلبس عليا ونمشيو
هز راسو باه وهي ناضت هزات فوطة ودخلات للحمام
تنهد براحة على هاد التغيير لي وقع فعلاقتهم ومازال الخير للقدام..هز طليفونو دوز نمرة دواحد من رجالو يجيب ليه حوايجوو وداكشي لي غيحتاج وناض خرج من لبيت غسل وجهوو و مشا للكوزينة وجد قهوة كحلة يصحصح بيها وشعل كارو يفتح ليه دماغ...خرج للبالكون وطاس فيديه حتى كييسمع صوت الجرس نتر اخر نترة ورما لكاروو ومشا حل الباب خدا من عندو ساك فيه حوايجوو..ضاروري ياخد ليه دوش باش يرتاح..رجع دخل للبيت لقاها واقفة حدا لمراية لابسة روب لحمام وكتنشف فشعرها طوييل اامبلول بقة واقف شحال وهو يقرب لعندها حط يديه على شعرها وقرب كيستنشق ريحتو بتاسمات وهي مراقباه من لمراية حتى كتسمع صوتو:فخبارك كنحماق على شعرك وكلشي فييك
عائشة:بصاح
هز راسو باه وهو كيضورها لجيهتو:اه جاي معاك طويل هكا ماتقطعيهش
حطات يديها على صدرو:لا ماغايتقطعش
بتاسم ليها وهو كيشوف فيها منزل يديه من شعرها لعنقها وهو نازل بأطراف صبعانو تا وصل لفتحة دصدرها لباارز متحت الروب حس برجفتها من لمساتو جرها لعندو من كول الروب تا تضربات معاه دايب فشوفاتها وشكلها هكاا همس ليها:شنو دابة
بلعات ريقها خربقها بشوفاتو ولمساتو: قلتي انفطرو برة ياك
قرب وعضها على خدها:نصبر على حياتي ياك
هزات راسها باه وهي مقوصة حواجبها:ومايكون غا خاطرك من بعد
يوسف:شنو دابة كتغريني
عضات على شفايفها وهزات راسها باه
تنهد:الله يصبرني اري شي فوطة
ضحكات باستو بالخف على خدو وحلات لبلاكار وجبدات ليه فوطة:هاهي
خداها ودخل للحمام دوش وهي سرحات شعرها بالسوشوار وحلات لبلاكار تشوف شغا تلبس ختارت لبيسة زوينة دافية ومستورة قدات مكياج خفييف وتاها رشات عطرها وجلسات كتسناه..حتى كتشوفو خارج ملوي عليه فوطة بقات حاضياه كتمنضر فعضلاتو اامطراسيين ولوشام لي مرسوم باحترافية وشعرو لمبلول كيقطر على جسمو اامبرونزي الحرارة طلعات معاها ماحسات براسها تا وقفات عندو خدات ليه فوطة من يديه:نشف ليك شعرك انا
خلاها على راحتها تهزات على ريوس صبعانها باغة توصل ليه حتى كتحس بيه حط يديه على خصرها وهزها تا وصلات لشعرو:مزيان دابة
بتاسم:اه مزيان
بدات كتنشف ليه فشعرو وهو مراقبها حتى كتنزل عنيها لعنيه غمزاتو:مالك
يوسف:كنشوف فممتلكاتي
بتاسمات وهبطات داك لفوطة لصدرو وبدات كتمسح ليه داك نقيطات دلماا بشوية ودوز يديها على عنقو بشوية وهي مراقبااه ومبتاسمة كتلعب ليه على الوتر الحساس
يوسف:شنو دابة نساليو من هاد ااخرجة
عائشة دورات يديها على عنقو وبصوت محلون:لااءح
نزلها وجرها لعندو تلاح على شفايفها كيبوس فيهم ومزير على خصرهااا كيطفي واحد ااجزء من داكشي لي شاعل فيه ..بعد عليها وهوما كيلهتو بجوج:خليني نلبس عليا لا نغير رأيي
رجعات اللور كتشوف فيه وتضحك :وااخة
هزات ساكها ومنطوها وخرجات كتجري وتضحك
بتاسم ولبس عليه وخرج لقاها كتسناه:مشينا
هزات راسها باه وشبك يديه فيديها وخرجو من دار بجوج فرحانين
شبك يديه فيديها وباسها وخرجو من دار فرحانين
مشاو جيهت الطموبيل وهي توقفو:مانمشيوش فطموبيل عفاك
يوسف:علاش
عائشة:بغيت نتمشااو ونتسراو على رجلينا وكلشي يشوفك معايااا بغيت كلشي يعرف اننا بجوووج
بتاسم ورجع سوارت الطموبيل لجيبوو:زيدي الالة
ورجع شد ليها فيديها جارها معاه كيتمشاو وسط الناس وكلشي كيشوف فيهم شحال متواتيين وهو مرة مرة كيبوس ليها يديها قدام كااع الناس..وكلشي كيشوف فعنيهم شحال كيبغيو بعضياتهم ..مشاو لريسطو على لبحر كيف بغات هي وجلسو فلاطراس مع الجو زوين واخة البرد كاينة شميسة مناااسب هاد الاحاسيس زوينة لي كيعيشوهااا ..كانت حاطة راسها على كتافو وكتاكل وعنيهم على لبحر ..
شاف فطبصيلها:كمليه باش تشربي الدوة
عائشة:برااكة علياا صافي شبعت
بعد عليها :لا خاص تكمليه
وبدا كيوكلها بيديه وهي بحال شي بنية صغيرة مدلية شنافيفها كتاكل بالسيف عليها :يووسف براااك عفاك
يوسف :دوة خاصو لماكلة وعاد ولادي بجوووج خاص ياكلو اتزيدي شوية نرجع ندوموندي ليك حاجة خرا
حلات فمها كتاكل:صافي صافي هنااا شوف
بتاسم:هكاك
سلات ماكلتها وعمر ليها كاس دلما:شربي دواك
جبداتو من الساك وشربات دواها ورجعات تكات على صدرو:كنحس براسي مزيان بلا دوة ونت معايا.باس ليها راسها:وغتولي حسن كاع من دابة الفوق
بتاسمات
ومن لبعيد كان كيشرب قهوتو ومراقبهم بتاسم وهو كيحط الطاس ونطق:كنضن الزعيم عرف بقيمتك دابة
تنهد وعنيه عليهم كيشوفها شحال فرحانة:تستاهلي تكوني بيخير
وناض خلص وخرج من داك الريسطو عيط للسكريتيرة ديالو سمع صوتها:صباح الخير مسيوو كريم مجاهد
كريم:صباح الخير بغيتك تقاديلي واحد الحاجة دابة
السكريتيرة:هي لولا
كريم:تلغي ليا الشراكة لي فالمشروع لي خدامين عليه دابة كنضن الزعيم غيشري الاسهم ديالي وجدي ليا داكشي لي خاص يتوقع وصيفطيه للمكتب دالزعيم
السكريتيرة:واخة اسيدي كلشي اتلقاه واجد
وقطع وهو مبتاسم حل باب الطموبيل وركب ..ديمارا ومشا للشريكة يكمل شغالو
لجيهة خرا
كانت فبيتها متكية من لبارح ماخرجات من لبيت ماقادراش تخرج وتشوف ولا تسمع شي حاجة تكمل عليها الجرح باقي جديد واي حاجة تقدر تزيد تكمل علييه..مراا تبكي ومرة تسكت وتبقة تفكر وتخلي دماغها بوحدو لي خدام كتقلب على شي طريقة تنساه بيها ولكن كاع الطرق فاشلين هو راه ايكون راجل ختهاا اتشوفهم كيعيشو حياتهم فجميع المراحل وبوحدها لي اتعدب ..دفنات راسها فالمخدة كتبكي نزلو دموعها حارين ..حتى كتسمع لباب كتحل دلبيت دغية مسحات دموعها ودارت راسها ناعسة
فاتي:مرييييم فيقييييي عفاااك غدا انضربو لاااكط راني مخلوووعة ماعرفتش علاش مزرووب
مريم لا رد
تلاحت تكات حداها كتهضر:دابة لا ضربنا لاكط من حقو يقيسني قبل العرس ياك..امممم فهمتو ولكن والله لاكانت ليه من غير العرس ماغايشوف والو..والعرس وشوف تشوف
شافت فيها لقاتها مغمضة عنيها:وااا زبل داوية معاك اجي عطيني شي حل
مريم:فاتي فيا النعاس من بعد
فاتي كتحيد من عليها لغطا:زدتيي فيه نوضي نعاود لييك
نوضاتها بالسيف ومريم كتقاد فشعرهااا ماحاملاش راسهااا هضرتها كتزييد تكمل عليها لي هربات منو طاحت فييه
فاتي:هو قالي خودي راحتك لامابغيتيش لاكط نضربوه غدا ماعندوش مشكل ولكن انا حسيت من كلامو باغي نضربوه غداا مابغيتش نخسر ليه خاطرو كيف غدا كيف من بعد ياكي
مريم دورات وجها لجيهة لوخرا:لي بان لييك
فاتي:معامن انا كنتشاور معاك زعمة..ماجاتش نقولو لا ياكي
مريم:وصافي ديري لي بغيتي
فاتي:انضرب حسسسك انم تخليني نخسر الهضرة ينعل بو هدا لي جاي يتشاور معاك
مريم تنهدات:حيت نتي لي اتزوجي بيه ما شي اانا
فاتي:ومالي قلت ليك نتي لي اتزوجي بيه غا سولناك اولا شنو بان ليك تكوني شريكتي هههه زوينة
مريم بقات كتشوف فيها شحال:وتبغي زعمة تجيك عادية نكون مراتو التانية
فاتي:وشنو فيها راه ختي ماشي شي وحدة غريبة ندموه على النهار لي بغة يتزوج ههههه
مريم:كنهضر معاك دابة نيشان تجيك عادية نكون مراتو التانية
فاتي شافت فيها شحال:بغيتي الصراحة
مريم:اه
فاتي:مانبغيش يحيى كنبغيه وست سنين وانا كنحلم بنهار لي انتجمعو فيه هو ماشي اي واحد فحياتي...مانقدرش نتحمل شي وحدة تشاركني فيه..زواجنا عن حب ماشي تقليدي ادن امبوووسيبل نقبل بيك ولا بغيرك باش تكوني مراتو التانية
مريم بقات غا كتشوف فيها
فاتي:خلعتك ياك
مريم بلعات ريقها
فاتي:ههههههههههه عارفة راسي شريرة فبحال هاد الامور ..ودابة اش بان ليك
مريم نزلات راسها:ضربي لاكط حسن ليك
فاتي يلاه اتدوي وهو يصوني ليها طليفون بتاسمات كان هو شافت فمريم:هاهو كيصوني اندير ليك لهوط باغلور
مريم نزلات راسها:ضربي لاكط حسن ليك
فاتي يلاه اتدوي وهو يصوني ليها طليفون بتاسمات كان هو شافت فمريم:هاهو كيصوني اندير ليك لهوط باغلور ...الو
يحيى:شنو كدير حبيبتي (قالها باللهجة الفلسطينية)
عضات على شفايفها:والو كنفكر فداكشي لي قلتي لي
يحيى بجدية:اي حاجة بغيتها بخاطرك فجميع الاحوال انضربو لاكط غير بغيت تولي مراتي فأقرب وقت مابقيتش قادر نصبر
فاتي:ولكن بشرط
يحيى:أ ماهو
فاتي:احم زعمة ما تقربليش زعمة داكشي....
ضحك بالجهد:ههههههههه
فاتي:مالك
يحيى:ماتخافيش انا باغي كلشي يمشي على حسب التقاليد كيف كتقولو بالمغربية بحلاوتها
بتاسمات:صافي ماعنديش مشكل غدا يكون لاكط
يحيى:ان شاء الله نهار لكبير عندي
فاتي:حاجة خرا نديرو العقد بلا والو غير فمكتب العدول ونجيو بحالنا
يحيى:واخة نعوضوها فالعرس ان شاء الله
فاتي:ان شاء الله
يحيى:تا نهضر مع الوليد ديالك فالتفاصيل
فاتي تكات حدا مريم:واخة امم شكا دير دابة
يحيى:كنفكر فيك
بتاسمات:فاش كتفكر
يحيى بتاسم تاهو:خليني ساكت حسن
عضات على شفايفها فهماتو:احم مزيان
يحيى:ونتي
فاتي:والو كندوي معااك
يحيى:فخبارك واحد الحاجة
فاتي:شنو هي
يحيى:-احسن حاجة وقعات ليا فحياتي هي نتي
بتاسمات:فخبارك واحد الحاجة
يحيى:شنو
فاتي:كنبغيك
وقطعات ليه فوجهوو كضحك خلاتو مبتاسم عارف ماغتقدش تزيد تهضر من مور هاد الكلمة
فاتي حاطة يديها على قلبها وشافت فمريم:اول مرة نعرف انه الحب زوين صراحة كنت كنقول الحب غير كيعدب ويمرض لقلب ماعندي لاش نحب ولكن يحيى فشكل يستاهل لي يبغيه وانا عطيتو قلبي من اول مرة شتو حب من اول نضرة
مريم كتافات بابتسامة
فاتي:نوض نقضي شغالي
وخرجات وخلاتها كتقاوم دموعها غير سمعات لباب تسدات نهارت كتبكي وهمسات:تانا عطيتو قلبي من اول مرة شتو تانا بغيتو من اول نضرة ولكن انا ماعنديش الزهر لي عندك...علااااااااااااااش اربي علاش
دفنات راسها فالمخدة كتبكييي بحرقة
داز الوقت طاحت الضلمة
دوزات هي وياه نهار كامل برة دار ليها خاطرها كيف بغات ماخلاو تاشي بلاصة مامشاوش ليهاا..كانو فالطموبيل حدا لباب حتى كيشوفو عصام ومعاه جوهرة وهارون سلم عليهم:ها امانتكم في حفض الله معشيين ناضين
يوسف شاف فوليداتو وبتاسم:الله يحفضك
تحنا باسهم بجوج وهوما فرحانين:بابا انمشيو معاكم ياك نت وماما
شد ليها فيديداتها:من ليوم بلاصتكم معانا بجوج
هارون:واش انبقاو مجموعين
يوسف:اه
عصام مبتاسم كيشوف الفرحة فعين عائشة ويوسف فهم الفلم بلا مايسول:يلاه نخليكم تصبحو على خير
ومشا دخل بحالو
ركب دراري اللور وركب تاهو وسد لباب
عائشة ضارت لجيهتهم عنقاتهم بجوج:توحشت وليييداتي بزااف
جوهرة:تانا اماماا بزاف
هارون:واش اتبقاو معانا بجوج ديما ياك اماما
عائشة:اه
هارون:فدار وحدة ياك
عائشة:اه فدار وحدة
بتاسمات وهي كتشوفهم كيضحكو فرحانين
شافت فيوسف كيديماري الطموبيل ومدات يديها وحركات اطراف صبعانها على وجهو ميل وجهو وباس صبيعاتها وديمارا
رجعات هبطات يديها لعنقو كتحرك صبعانها بشوية شاف فيها ورجع شاف فطريق ونطق:كتقلبي عليا
بتاسمات وهي منزل يديها من عنقو لصدرو كرشوو تا وصلات لجيهت سمطة دسروال وحبسات
ضحك بالجهد وشاف فيها:صبري قليل اعائشة كتعرفيني
قربات ليه وحطات راسها على كتافو كتلعب فصدرو:تانا صبري قليل
بتاسم وهو كيبوس راسها:ها حنا انشوفووو
زاد فالسرعة نيشان للدار ويديه فيديها ووليداتهم من موراهم كيهضرو ومرات كيغنيو ومرات كيدابزووو ويضحكو فرحانين بماماهم وباباهم
وصلو للدار
كل واحد حيد صباطو حدا لباب
عائشة:يلاه وقت النعاااس غدا لقراية ومشا لحال
جوهرة و هارون:وااخة
وصلات معاهم للبيت بدلو عليهم وكل واحد تخشا فبلاصتو وخرجات كتقلب عليه مابانش ليها يلاه اضرب الدورة وهي تحس بيه جرها نيشان للبيت يلاه اتهضر وهو يحط شفايفو على شفايفها وينطق:توحشتك
بتاسمات بغات تاني تهضر وهو يسكتها بقبلة دافية ويديه كتحيد فاامونطو تا رماه فالارض ونزل يديه لتحت كيحل ليها سنسلة دسروال بعد عليها شوية حط يديه على خسرها وبدا كينزلو ليها بشوية وهي غير كتشوف مخلياه يدير لي بغة عوناتو حيدوو بقات بسليب طلع باطراف صبعانو مع رجليها تا صل لعندها وهنا جرها تاني كيلتاهم فشفايفها ويبوس فيهم بحال شي حد عطشان جراتو من لكول لعندها وولات تاهي متحكمة فالقبلة مستمتعة
