داز الوقت
نزل من الطموبيل وطلع لدار دختو ماعارفش لاش بغاوه يجي دق وحلات ليه عائشة سلم عليها ودخل وجدات ليهم قهوة وجلسو فصالة كيهضروو هو ويوسف عادي وعائشة مراقباهم عارفة خوها رافض فكرة مريم تقرا خارج لبلاد فمراا غير كيتجبد الموضوع كيسكتهم قبل يزيدو كلمة خراا كيقول تقرا قدام عيني حاضيها وماكاين ماحسن من بلادها حسن ليها ولكن عندها امل ملي يوسف ايدخل ...
عصام حط فنجان دلقهوة ديالو فوق الطبلة وشاف فيوسف:شنو تما قلتي باغيني فشي حاجة
يوسف :احم المهم بلا مانطول نجيك نيشان ..مريم خاص تمشي تكمل قرايتها على برة مافيها باس وراه تربية يديك ماعندك مناش تخاف وزيد عليها خبارها كلها اتكون عندنا يعني البنت اتكون مراقبة ومحضية ونت لابغيتي مرة مرة سير ضرب عندها طليلة
عصام:اه دابة هدي مريم لي ختارتك باش توسط ليها معايا ههههه ضارت عليهم كاملين بقيتي ليها غا نت
يوسف بتاسم:وغتردهالي فوجهي اعصام
عصام مسح على راسو:حاشة اخويا يوسف ..ولكن فهمني مريم باقة صغيرة على بلاد نصارة وراك عارف الوقت كيف دايرة اللهوما حداياا ولا لهيه بالي ايبقة معاها
يوسف:فهمتك وكيف قلت ليك اتكون مراقبة راه شادة والفادة اتوصل تا لعندك كلشي على يديناا ماعندك مناش تخاف
عائشة:اه اخويا مانخصرولهاش خاطرهاا صافي لقات انه مستقبالها على برى صافي تمشي ومايكون غا لخير حنا ما انخليوهاش بوحدها كل مرة ايمشي عندها واحد فيناا حتى تسالي قرايتها وترجع على خير ومريم راه عارفة الصح من الغلط كيف قال يوسف راه تربية يديك ماتحرمهاش من حلمها باش تقرا على برى
تنهد وهو كيشوف فيهم بجوج:دابة كتحاماو ولا شنو
يوسف:ايوا غا لابغيتي تردها فوجهنا بجوج
عائشة:بربعة شمن جوج
عصام هز كاس دلما يبلل ريقو:لواه خمسة تكايسيي
عائشة حاطة يديها على كرشها:وهاد جوج لي عندي هنا
عصام خرج فيها عنيه كانت اتوحل ليه تابقة كيكح عائشة بقات كضحك
عصام:لا لا تسناو شمن جوج الله يهديكم
عائشة:راني حاملة بتوام
عصام :حلفي
عائشة:والله
عصام وقف :لا لا نتونا بزاااف
شاف فعائشة:هادي هي ماكانحملوش خاص يطلقنيي وداك درامة والافلاام هااا
عائشة تزنكات وحمارت
يوسف جرها لعندو وعنقها:بعد لي من مراتي تقول لي بغات
عصام:اييه اسيدي تقول لي بغات وحنا عيشاتنا فمسلسل حزين كنقولو صافي لبنت شي نهار تموت لينا ساعة هي عايشة لحياة
عائشة خشات راسها فصدر يووسف حشمانة:عصااااااام صافي
يوسف بقة كيضحك:ههههههه قالتلك صافي مالك اصاحبي
عصام :هاهو ساااكت عمري نعاود نتيق بدموع نسا وهضرتهم وهوما معصبيين
داز الوقت وطاحت الضلمة
كانت جالسة فالصالة ومتكية على صدرو وهو مدور يديه على خصرها..وقدامهم وليداتهم بجوج جالسين فالارض فوق داك زريببة دافية .وكاملين كيتفرجو فواحد لفيلم ديال الاميرات والاشرار واخة هو ماعندوش مع هاد النوع دلافلام داير ليهم خاطرهم وكيتفرج ..غير سالا الفيلم وقفات جوهررة وشافت فيهم:بابا تانا بغيت نولي اميرة بحال هكا ويديرو ليا تاج فوف راسي ولي بغيتها تكون عندي ونكون زويينة بزاف وكلشي يتحنا لياا بحال هكاا
وتحنات بطريقة برستيجية كيف كيديرو الخدم للاميرات
بقاو كيضحكو جرها لعندو :نتي اصلا اميرة ولي بغيتيها ديالك وزوينة حسن كاع من دوك الاميرات
جوهرة:بصااح ابابا
يوسف:اه
جوهرة:امم انا بغيت تكون عندنا بحالهم دار كبييرة بحال دجدو ناصر فيها الجردة فيها الورد بزااف نبقة نلعب وسطهم والحرس فكل بلاصة اووو اممم اصبار ويكون عندي بيت بحال الاميرات كبير بزاف كبر من هدا لي عندي فيه ليي غووب مستفيين وداكشي كلو لي بغيييت ابابا
عائشة:علاه هدشي لي عندك ما عجبكش
جوهرة:زوين ولكن بغيت بحال الاميرات بابا قالي انا اميرة ياك ابابا
يوسف:اه
جوهرة:ادن خاص يكون عندي هدشي
يوسف مسح ليها على راسها:مايكون غا خاطرك هادشي كلو غيكون عندك وحسن كاع نتي غا طلبي وباباك ينفد
عائشة:ماتديش عليها غير كيأترو عليها الرسومات والافلام غدا تجي عندك تقولك بغيت نولي طبيبة وشري ليا لوبيطال عامر بالاطباء هههههه
يوسف:هههههه نشريهلها تاحاجة ماتغلا عليها
جوهرة:لاااا بغيت نكون اميييرة وعندي قصر الاميرات مابغيتش طبييبة يلااه
عائشة:راك بنتي وكنعرفك غا اجي تجلسي
جوهرة:كندوي مع بابا
عائشة:ياك الويلة
جوهرة عنقات يوسف وبعدات عائشة وجات وسطهم:بابا قالي انا اميرة ادن انا اميرة
عائشة :ولاش واخدة ليا بلاصتي
جوهرة:بابا ديالييي بوحدي
عائشة:ياك المرضية
جوهرة :اه
عائشة:هنا غنبدا نغير عاااود عطيني راجليي
جوهرة:لااا راجلي انااا
عائشة شقلبات فيها عنيها ويوسف تفرشخ بالضحك وزاد عنقها:ههههههههههههههه هادي بنتي حبيبة باباها
عائشة:راجلك تي حيدي شمن راجلك
جوهرة كتزيد تشبت ب باباها:لاااا بابا راجلي ديالي بوحدي
عائشة شافت فيوسف:عاجبك هدشي لي كتقوول كضحك
يوسف مازال كيضحك:ههههههههه راجلكم بجوج صافي
عائشة قبحات وجها كتشوف فيهم بجوج :جوهرة هدا باباك ماشي راجلك سمعتيني انا هي مراتو وهو راجلي
جوهرة طلات عليها بعويناتها:لا انا مراتو وهو راجلي وبابا بجوج سمعتيني
يوسف :ههههههههههه رضى ابنتي
عائشة ضرباتو على كتافووو:كضحااااااااك هدشي ماكايضحكش اجي نتي لهناا
بغات تجرها وهو يبعدها:خلي بنتيي حدايا تقول لي بغات
عائشة جمعات يديها عندها كتشوفها كيف معنقاه وهو كيبوسها على حنكها ويفشش فيها ومازال كتقولو باباتي هو راجلي وانا الاميرة ديالوو وهو داير ليها لخواطر ويقول ليها اه ..حسات بالدموع اينزلو ليها من عنيها مافهماتش علاش هدشي كااامل راه عااادي وهديك بنتها لي كتحماق علييها وباقة صغيرة ولكن الدموع لااااش عيات تصبر راسها ولكن دموع كتروو وبداو ينزلو ووجها تزنك ..دور وجهو وشافها فداك لحالة بقة غير كيشوف بتاسم وشاف فجوهرة:دابة وقت الملكة ديالنا
جوهرة:شكون الملكة
يوسف:اي اميرة كتكون عندها ماماها لي هي الملكة ديال القصر
جوهرة بتاسمات:اااااه ادن ماما هي الملكة وااااو ونت الملك لي هو بابا راجل الملكة لي هي ماما
يوسف:تماما برافو علييييك
نزل جوهرة وجر عائشة لعندو وعنقها:واجمل واحسن ملكة فهاد العلام
وباسها على راسها ونزل يديه لكرشها:الملكة ديالي اتر عليها الوحم تا ولات تغير من بنتها ..يوسف الزعيم راجل مرا وحدة لي هي عائشة
عائشة دفنات راسها فصدرو كتر وكتر كتستنشق ريحتوو وهمسات ليه:كنبغييك
بتاسم وباسها على راسها:وانا كتر منك
بتاسمات وسط دموعها وهزات راسها شافت فيه:هاد الوحم جالي عليك وغيخرج عليااا شوف كيف كنبكيي
مسح ليها دموعها وباسها على عنيها:لي جات منك مرحباا كلي ديالك
تنهدات ودورات وجها وجرات لعندها جوهرة وعنقاتها:لحبيبة دماماها والاميرة ديالي عارفاني شحال كنبغيك
جوهرة:اه وتانا كنبغييييك بزاااف بزاف بزاف كتر من هاد العلام كامل اماما
عائشة باستها بالجهد على خدها:كنموووت عليها يا ناااااس
ودورات وجها تشوف هارون مالو ساقر كان باقي جالس فبلاصتو كيتفرج شافت فتلفازة داير فيلم مريكاني مافيوزي ماكاين غا لفرادة ولقتيلة ومكونسونطري معاه شافت فيوسف :شووف ولدك
شاف فيه وبتاسم
عائشة:هدا باينة طالع لجدو وباه مافيهاااااش
يوسف:هارون
هارون شاف فيه بهدوء:نعام اباابا
يوسف:اجي لهنا
هارون دار بوص للفيلم وناض عندو:هنا
يوسف:كيعجبوك المافيات
هارون:اه بزااف
يوسف:باغي تولي مافيوزي
هارون:لا
يوسف: وشنو باغي تولي فاش تكبر
هارون:باغي نولي بوليسي
يوسف:ولاش كتفرج فلمافيات تفرج بعدة فافلام بوليسية
هارون مسح على راسو:نقولك علاش
يوسف:قول
هارون:كنتفرج فالمافيات باش نعرف كيف كيفكرو ونفهم الخطط ديالهم وشنو كيديرو باش ملي نولي بوليسي غنقدر نفكر كيف كيفكرو وتجيني ساهلة نشدهم باغي نكون بوليسي كبير ونشد لمافيات كاملين ونكون قوة منهم وذكى منهم ..نت قلتيلي داك نهار الاجرام والمافيات خايبين وانا ختاريت نكون بوليسي باش نحارب الاجرام والمافيات
