مريم غير كتبكي بحرقة ماقادراش تدوي
كارلا قطعات ليها فقلبها عرفات انه شي حاجة خايبة هادي:عاوديلي عفاك خوي قلبك
مريم غير كتبكيي وعاضة على لخدية بسنانهااا حاسة براسها اتنفاجر
كارلا بدات تبكي معاها:صافي عفااك ماتبكيش قلبي ضرنييي صافي ماديريش هاد الحالة فرااسك
مريم بالدارجة بصوت باكيي:فووقاش انسااه اربييي قلبي كيتقطع
كارلا شدات ليها فيديها مافاهماهاش شنو قالت:ماتبكييش عفاك قوليلي ماالك
مريم كتهز راسها بلا:بعديي مني عفااك خليني بوحدي
كارلا:ماكنفهمكش شكا تقوولي
مريم بالانجلش:بعدييي مني ماباغاش ندوي
كارلا زيرات ليها على يديها:لا عاوديليي ماتبقايش هكاا عفاك
مريم كتافات غا بالبكة علاش كيزيدو يفتحو ليها جروحها ..زيرات على قلبها كيضرها بزاااااف ..كارلا مابغاتش تضغط عليها قربات وعنقاتها وخلاتها على خاطرهااا دقايق وهوما هكا تا حسات بيها ترخاات بعدات عليها حساب ليها نعسات غطاتها ويلاه اتنوض وهي تسمع صوتها هضرات بالانجلش:كنبغيه بزاف اكارلا وهو غيتزوج بختي وبعد غدا عرسهم حاسة بقلبي كيتقطع بغيت غير ننساه
كارلا بقات غير كتشوف فيها صعيبة بزاف
مريم:انا سباب انا لي غير شفتو اول مرة دغية بغيتو ودغية عطيتو قلبي ودخلتو لحياتي وبديت نتبعو فين ما مشا ونصوني عليه غير باش نسمع صوتو وكنحلم بشي حوايج ماغايوقعووش
تنهدات بتعب:وهو ماعارف تاحاجة من هدشي فقلبو ساكنة ختي لي كيبغيها وغيتزوج بيهااا وانا كي شي حمارة كنتعدب على شي حاجة درتها بيدييي انا نستااهل انا مكلخة ومتهورة وبرهووشة
كارلا نزلو دموعها حاسة بيهاا :صافييي قلبي هاد الصفحة وغتنسايه غتانمي فرصة بعيدة عليهم وحيديه من قلبك
مريم:جاتني صعيبة كنحس بقلبي لي غيخرج ماشي هو
كارلا:ماصعيبة غا البدية مع الوقت غتولفي واتلقاي راسك نسيتيه
وسكتات وكملات:تانا كنت كنبغي واحد كان كيعتابرني فقط صديقة ونهار قلتلو كنبغيك ضحك علياا وقالي نتي صديقتتي لا اكتر وحيدي هدشي من بالك جاتو ساهلة يقولها ولكن ماعرفش راه طعنيي تعدبت بزاف ولخايبة نهار رتابط مع صاحبتي لي كانت عارفاني كنبغيه ..كنت انحماق طعنوني فقلبي لدرجة فكرت فالانتحار وتراجت كنت كنموت وانا كنشوفهم بجوج لدرجة وليت كنتعاطة للمخدرات تا وليت مدمنة عليهم حتى لنهار تزوجو هنا صافي خيابت دنيا فعينيي ومافكرتش ومشيت شربت واحد جرعة زايدة من واحد دوة خطير فضلت نموت على نشوفهم بجوج ولكن الحمد الله عتقوني ومشيت الطبيب نعست فيه سيمانة دازت عليا جحيييم ضيعت عماين دلقراية ..مع الوقت لقيت راسي غا كنخربق وانني انا لي انضيع فكرت مزيان وفقت من داك الغلاط لي كنت دايرة ..قلت انا باقة صغيرة ولحياة مازالة قدامي صافي خويت دماغي منوو وركزت على حياتي ورجعت لقرايتيي دابة صافي نسيتوو تماما لدرجة تلاقيتو وماتحرك فيا والو لداخل عرفت راسي تغلبت عليه ونسيتو ..تانتي غتنسايه كوني متأكدة القلب فاش كيمل بوحدو كينسى
مريم بقات غا كتشوف فيها
كارلا شدات ليها فيديها:تقي بيا غتنسايه
وقربات باستها على خدهاا:كوني هانية
مريم تنهدات:عييت اكارلا
كارلا:دابة ترتاحي
مريم هزات راسها باه
كارلا غطاتهاا :نعسي ورتاحي
مريم هزات راسها باه وغمضات عنيها بغات تنعس وترتااح..دغية داتها عنيها ونعسات
بعد مرور اياام
كتأكد واش كلشي هو هداك ماناقص والو شافت فوليداتهاا لابسين ومقادين وفرحانين ايسافرو لفلسطين مجموعين
عائشة كتلبس منطوها وتقاد فشعرها حتى كتسمع دقان حلات لباب كان شيفور :مدام عائشة ااسي زعيم كيتسنا لتخت
عائشة:واخة
وافت فلولاد:يلاه نهبطوو
جرات ولادها وهبطات والشيفور تكلف بالشوانط..
كان كيتسناهم حدا طموبيل غير شافهم حل ليهم لباب على قبل لبرد محرك مزيااان خصوصا نص دليل هدا 3 دصباح ..بحراا فصبااح يصبحو ففلسطين
ركبوو
عائشة:مالك تعطلتي
يوسف:قاديت مع هصام شي تواشي
هزات راسها باه:ايكونو تاهوما فالمطار
يوسف:سبقونا قبيلة
جوهرة طلات عليهم:ماما ..بابا..فرحانة بزاف اول مرة انسافرو مجموعين
عائشة باستها على خدها تاهي فرحانة:انبقاو ديما مجموعين ابنتييي
عمن بعد ما كانو صافي وتجدين قلع نيشاان للطائرة الخاصة ديالو فبلاصتها
مسافة طريق وكانو حداهاا
قربو رجالو لي تماك حلو ليهم باب طموبيل وبداو يهزو شوانط ويطلعوهم للطيارة
قرب وشد ليها فيديها كانت كانت مبتاسمة
يوسف:يلاه
هزات راسها باه وزيرات ليه على يديه وشافت فدراري سابقينهم
ودقاايق وقلعاات طياارة
كلهم غير وصلو للاوطيل لي حجزو فيه طلعو نعسوو حيت وصلو فصباح بكري
حلات عنيهااا على صوت نرجس :لالة لعروسة فيقي تبعنا شلا مانديرو
فاتي كتكسل:خليني نزيد غا شوية مالك كطيري
نرجس:افيييقييي الموصيبة راه اليوم عرسك اناري
فاتي ناضت جالسة كتأفف: هاهي فايقة
نرجس:انهبطو نفطروو ومن بعد انشوفو شغا نديرو اوكي
فاتي دخلات نيشان للحمام غسلات وجها ولبسات فوق بيجامتها تجاكيط:يلاه
نرجس:من نيتك اتهبطي هكاااا
فاتي:ونتي من نيتك باغاني نزوق على صباح هكا غنهبط
نرجس:الله ياربي مشا فيها يحيى خانو معاك
فاتي:زيدي خلاص
نرجس:الله يصبرك اخويااااا هدا ماغانقولك
وخرجو ركبو فالمصعد ونزلوو لايطاج لي فيه ريسطوو فين ايفطروو ..غير دخلو بانو ليهم كاملين مجمعين فطبلة وحدة طويلة وسيرفورا ضايرين بيهم غير شافوها كلشي بتاسم ليها:ها لعروسة فاقت
بتاسمات ليهم:صباح الخير
ليلى:اجي ابنتي جلسي تفطري
جلسات وبدات كتفطر وهي كتسمعهم كيتناقشو على امور العرس
طاهرة شافت فيوسف:عائشة ماغاتنزلش تفطر
يوسف:عيانة غير ناعسة تاتفيق
طاهرة:ياك لاباس
يوسف:والو غير مع السفر
الزاهية كانت كتشرب من قهوتها عيات صابرة وهي دوي :خاص تفطر فالوقت وتشرب دواها خصوصا فهاد الفترة
شاف فيها وهي تقلب وجها لجيهة لوخرا
يوسف:ايوا ماغانعرفوش حسن منك فهادشي طلعي ودوي مع بنتك وشوفي اش خاصها
الزاهية شافت فيه :لا راك داير جهدك ماخليتيلي ماندير
ماجاوبهاش وشرب من قهوتوو كيشوف فوليداتو كيلعبو قدامو
كلشي هز راسو فاش سمعو صوتو :صباح الخير
قرب سلم عليهم كاملين حيت هو سبقهم لفلسطين يقاد امور العرس قبل يوصلو
عصام:جلس
يحيى وعنيه عليها:لا جيت غا نشوف كيف وصلتو ولا محتاجين شي حاجة
عماد:لا كلشي مزيان ماتخممش
هز راسو باه وهو كيشوفها منزلة راسها ماشافتش فيه كاع حشمانة من داك الحالة لي هي فيها بيجامة وشعرها مخبل وبالطوفة فرجليها :فاتي بيخير كيف وصلتي
هزات راسها فيه بصعوبة:الحمد الله ونت
يحيى بتاسم:تانا اجي بغيت ندوي معاك
فاتي:دابة
يحيى:اه
دينيس كتنغزها:تي تهزيي
نرجس قربات لودنيها:دابة عاد حشمانة من هاد الحالة فاش كنت كنقو...
فاتي قاطعاتها:سكتووني
وناضت تابعاه وهوما كيضحكو عليها
خرج لاتيراس دلاوطيل ووقفات حداه كتلعب بكمام لكاب لي فوق لبيجامة:هنا ياك لاباس
شاف فيها طلعها وهبطها مزيان وبتاسم
فاتي وترها:احم راه غير فقت مزروبة
شد ليها يديها لي كتلعب بيها وباسها:فجميع حلاتك زوينة وكتعجبيني
بتاسمات تاهي :زعمة عادي فاش نتزوجوو مرة مرة تشوفني فهاد الحالة حيت شي مرات كيطلعلي دم كنولي غا ندبز
قوس حواجبو:علاه دابة طالع ليك الدم
فهماتو زعمة قصد ليوم عرسهم خاص تكون فرحانة هزات راسها بلا:لا ماشي هكا راه حتى فاش كنكون متوترة وخايفة
خربق ليها شعرها:ماعندك مناش تخافي كلشي ايدوز مزيان
هزات راسها باه وهي مبتاسمة
يحيى:وانا قابل عليك كيفما نتي الالة
وقرب وباسها على راسها وبعد :بخصوص العرس كيف قلت ليك بغيتو يكون ففلسطين بلادي وختاريت الحارة ديالي القديمة فين تودلت وفين تربيت وسط جيراني لقدام بغيتهم يشاركوني فرحتي دابة راه بداو فتجهيزات حنا العرس عندنا ففلسطين كيدوم لاسبوع كامل ولكن ختاصرناه فنهار واحد للوقت لي مزاحمنااا
فاتي:صافي ماعنديش مشكل لا كنتي فرحان تانا انكون فرحانة
بتاسم ليها:والله تكنبغيك
نزلات راسها شد ليها تاني فيديها وباسها:انخليك دابة عندي مايتقضة غادية تجي عندك واحد.سيدة اتعاونك فتجهيزات صافي
هزات راسها باه
سلم عليها ومشا خلاعا واقفة مراقباه ومبتاسمة تنهدات براحة ودخلات للداخل والابتسامة مافارقاتش وجها
ديينيس كن حسابناا هو لي ايخليك ضحكي فوجهنا كون جبناه على صباح بكريي
فاتي ضرباتها بالمنديل:ماغاتسكتييش نوضوو معايا باش نمشيو عند لمركز تجميل
ناضو معاها وكل واحد ناض يقضي شغالووو
لفوق
خرجات من الحمام ملوية عليها فوطة من بعد ماخدات دوش خفيف وحاطة يديها على كرشهااا صبحات كترد ودوخة
تحل لباب ودخل كيشوفها كتمشة بشوية جيهت نموسية حتى تكات باينة فيها عيانة جلس حداها وشد ليها فيديها :مالكي
عائشة: والو غا شوية دوخة هنا غنرتاح
يوسف تنهد وهو كيسمع اادقان ايكونو جابو ليها لفطور لي طلب ليها حل لباب خدا منهم شاريو دلفطور ودخلو ليها جلس حداها:خاص تفطري باش تشربي الدوة راه مشا لحال
قبحات وجها:عفاك خلي بلاتي والله ماقادرة خاطري مروع
شدها من دراعها وجلسها:ضاروري تاكليي شوفي وجهك كيف ولا
عرفات راه ماغايسمعش ليها وستسلمات ليه مخلياه كيوكلها بيديه وهي حاطة راسها على كتافوو حتى سلات ومد ليها كاس دلما مع دوة ديالها شرباتو ورجعات تكاات
يوسف :شعرك فاازك غيضربك لبرد ومالابسااش
عائشة بصوت عيان:خليني عفاك شوية غير علامن ترسا ليا لماكلة فكرشي راه لا هزيت راس غنرد
تحنة لعندها وباسها على راسها مخليها على خاطرها جر عليها لغطا وغطاها وناض
عائشة:فين غادي
يوسف:غير فلبالكون علامن ترتاحي
هزات راسها باه وغمضات عنيهاا
