داز الوقت
كانت جالسة هي ومها من بعد ما عاودات ليها كاع لي وقع ليها
الزاهية مسحات ليها دموعها:مسحي عليا دمووعك واش اتبقاي غا كتبكي وتخلي كلشي يضيع من بين يديك..ولادك بجوج وراجلك وغاضيعي تانتي..لبكة والحزن والغمة ماعندهن باش يفيدوك دابة لي عطا الله عطاه..توكدي ونوضي شوفي شغا ديري راكي قادرة ترجعي هارون بسميتك وتعيشي هانية..قادرة تغلبيهم كاملين..ماضعفيش ابنتي ماربيتكش هكا
عائشة:وايلا ما قدرتش اماما
الزاهية:اتقدي عارفاك اتقدري نوضي غسلي وجهك ووقفي على رجليك ..ورجعي حقك بيديك..الراجل راه ماكايتغلبش..كتغلبو حاجة وحدة الحيلة .ونقطة ضعفو تحني فيه ويشوفك كطيعيه..يقدر داك ساع يتنازل على كلشي ويولي عبد بين يديك
الزاهية:واش سمعتيني اعائشة
عائشة غير ساكتة
الزاهية:عائشة بنتي جاوبيني عااااائشة
فاقت طافجة من نعاس..عرفات راسها كانت غا كتحلم شافت فهارون ناعس حداها باستو ونزلات من ناموسية كتفكر فالحلمة..دخلات للحمام غسلات وجها بقات شحال كتشوف فراسها..لقات انه الحلمة بحال شي اشارة ليها لبكة ماعندو باش يفيدها..لابقات هكا كلشي ايضيع ليها..مها عندها الحق..خرجات من الحمام على صوت الطليفون..بتاسمت وجاوبت:الو ماما
الزاهية:بنتي كي بقيتي تشوشت عليك ملي مشيتي ماعيطتي وماكاتجاوبيش
عائشة:راني بيخير اماما كوني هانية
الزاهية:واش مأكدة
عائشة:اه اماما..بغيت نقول ليك شي حاجة
الزاهية:الله يسمعنا خبار الخير
عائشة:انا حاملة
الزاهية بتاسمات وهي طلقها بواحد التزغريتة:يويو يوييو مبروووووك ابنتي مبروووووك وانا كنقول مال البنت مقندشة وغا شاعلة هادي فلتاتلي مبروك ابنتي فرحت ليييكم
عائشة:الله يبااارك فيك اماما
سمعات سارة كتزغرت وتقول لها مبروك بقات شحال كتدوي معاهم من بعد قطعات..تنهدات وناضت دوشات وخرجات لبسات عليها كسيوة حمرة سامبل لتحت الركبة وشعرها طالقاه على طولتو مع عكار حمر بارد ومسكارا جات كيووت❤..وشافت فهارون فاق ..بقات كتلعب معاه وتبوس فيه بدلات ليه تاهو وهبطو للتحت..لقات لبنات وطاهرة جالسين جلسات معاهم
شوية ناض هارون يبكي:انطلع نرضعو
الطاهرة:لا ابنتي الحليب ديالك مابقاش صالح ليه ابدا .ولا بحال السم..حيت نتي دابة حاملة..خاص نفطموه ونولفوه رضاعة
عائشة شافت فهارون بقة فيها:وايبقة يبكي بزاف اخالتي
طاهرة:عادي ماديريش فبالك..انا غنعاونك فيه اريه لي وجيبيلي الرضاعة
فبلاصة خرا
كان سايك ااطموبيل الفيراري ديالو بالجهد حتى وصل للبلاصة المطلوبة..بتاسم ونزل فاش شافو واقف بطوموبيلتو..قرب وتعانقو عناق رجولي كتسمع داك دا الضربة على الكتف.بعدو:كي بقيتي
شاف فصدرو:الحمد الله..ونت
حيد نضارو:تا انا مزين..بدر ديما بيخير
يوسف بتاسم:ايوا مزيان..شنو درتي فداكشي
بدر :الاسلحة والمعدات الحربية فأمان ولكن داك الهجوم ايوسف
يوسف:انا غنتصرف كون هاني..نت رد لبال غا للاسلحة ابدر ورد لبال لراسك
بدر:واحد الحاجة
يوسف:شنو هي
بدر:جعفر متوكل داخل فالمافيا الاسرائيلية
يوسف:كنت عارف ولكن راه مجرد حشرة وسط المافيا ..ماغايعطيوه تا راس الخيط هو غير كينفد الاوامر
بدر:هو راه ففترة قصيرة قدر يكسب التقة ديالهم..يقدر مع الوقت يقولولو شكون حنا
يوسف:فاش غيجي داك الوقت انكونو حنا دمرنا كلشي
بدر:باش كتعجبني التقة في النفس
ضاروري:راه واضحة ..دابة خلينا فالمهم انمشيو للديبو وندرسو الخطة مزيان
بدر:واخة
ركبو فالطوموبيل ومشاو
💔الجزء 182💔
وصلو للديبو لكبيير
نزل وخوه تابعو ..دخلو .ووقفو اونفاص مع داك الكم الهائل دلاسلحة بجميع الانواع..والمعدات الحربية الضخمة ..
بدر:هدشي كامل كان غيكون دابة فيد اسرائيل تهاجم بيه فلسطين..
يوسف:الخونة لي فالدولة ديالنا ميعاونوهم فهادشي وعاطينهم هاد الكمية لكبيرة
بدر:المشكل ماشي هنا..حيدو التهمة من عليهم ولسقوها للمافية لي سرقاتهم بأنهم سرقوهم باش يصيفطوهم لاسرائيل..يوسف دابة نت فنضر الناس خونة،ومافية ارهابية ..الدولة والمافية الاسرائيلية كيقلبو عليك ولي لقاك لول اتتموت على على يديه..كضحي باش نبقة ديما انا بعيييد
يوسف كيشوف بجمود فدوك الاسلحة:كيفما نفدنا كاع دوك المهمات انفدو تا هادي..وانفدو الخطة لي تافقنا عليها
بدر:ماعرفتش ولكن صعيبة شوية
يوسف:فين عمر شي حاجة جاتنا صعيبة
بدر بتاسم:هادي سبعسنين وتاحاجة ماصعابت علينا
يوسف:تاهدي بحال كاع دوك العمليات لي نفدناهم
يوسف سكت وكمل من بعد ماجبد السيجار ديالو وشعلو:خاص هاد الاسلحة يوصلو لفلسطين
بدر:هدشي لي غيكون..راني مازال كنبحت ولقيت واحد السفينة خاصة بالتجارة المساحة ديالها كبيرة بزاف تهز هاد الحمولة وتبقة المساحة خاوية..لي غيسوك السفينة ومكلف بيها من اصول فليسطينية تربة فالمغرب وعاش فالمغرب وقرا فالمغرب..وحاجة خرا
يوسف:شنو هي
بدر:الوليد لي كان تكلف بكاع المصاريف ديال قرايتو..ماكانضنش غيرفض.. ماعندو تاشي عدر..الدولة ديالو محتاجة لهاد الاسلحة غيقد يضحي باي حاجة باش يوصلو..وغيعاونا بزااف
يوسف:والسلعة لي كانت اتهز فهاد السفينة انا نتكلف بيها باش توصل للبلاصة المطلوبة..نت هنا كتسالة المهمة ديالك..اتزيد تعطيني المعلومات واترجع اللور
بدر:من نيتك..بدينا بجوج انكملو بجوج .
يوسف:بدر مايمكنش بجوج..واحد فينا خاص يبقة بعيد ..لاوقعات شي حاجة مانمشيوش فيها بجوج..
بدر :يوسف علاش ديما كتخليني موراك..ماغانخليكش الضحي برااسك باش نبقة انا كنتفرج
يوسف ساط لكارو:ومايمكنش نزيدو بجوجنا واحد فينا خاص يبعد
بدر:هاد المرة انا لي غنفد
يوسف:مستحيل..نت ماكايعرفك تا واحد ابدر .ماكاين لاش يعرفوك
بدر:وااش حمق ..
يوسف ببدرود:بدر انا لي دخلتك معايا لهاد العلام ..وانا لي غنتحمل المسؤوبية
بدر:مادخلتينيش انا لي بغيت ندخل..
يوسف:نت اتبقة مراقب الاوضاع من لبعيد محتاج ليك نت لي كنتيق فيك وايكون بيناتنا تواصل..حتى نساليو.ماشي وقت المغانة ديالي انا وياك..دير داكشي لي قلت لك
بدر:وشغا دير مع الاسرائيليين لي كيطالبو بالاسلحة وكيهددو بلي ايلا مارجعتيهمش..ايقتلوك نت وعائلتك
يوسف:انا غنتكلف ضربة بضربة..ولي غايكيهم مني قوة من دامشي لي دارو..خلينا نمشيو دابة
خرجو من ديبو كل واحد ركب فطوموبيلتو وشدو طريقهم
كان سايك وكيفكر كيفاش تا دخلو لهاد العلام..كان فعمرو 21 فاش كان راجع من برة..لقة واحد لبرية حدا لباب بسمية الزعيم..هزها ودخل للدار طلع لبيتو وحلها..شاف شي تصاور داباه وامين وعماد واحمد وروبي..صور مختلفة مع شي مافيات اتناء الاجتماعات..وبزاف ديال الضواصا ..ورسالة مكتوب فيها بأن هدشي ايوصل للبوليس واتعاود تفتح لقادية من جديد حتى القضية دياسين وانه عندهم علاقة بداكشي لي دار وكلهم ايمشيو فيها..حتى من الاملاك ديالهم اتحجز حيت من تروة مافيوزية .وباش ماتنفدش هدشي..الزعيم خاص يرجع وينفد العمليات المافيوزية..قرا العنوان فين خاص يجي..وخبع البرية وفكر مزيان..ناصر دار كاع هدشي على قبلهم .عائلتو عايشة هانية وكلشي هو هداك ..ناصر رمى كاع لماضي مور ضهرو..مابغاش يحط باه فهاد الموقف..خرج من دار ومشا للمكان المطلوب ..نزل من الطموبيل وبقة،واقف شحال حتى كيخرج عندو واحد مسلح دار ليه اشارة باش يهز يديه لفوق وقرب فتشو وخدا ليه طليفون..ودخلوه للداخل وسط واحد الصالة حتى كينزل عندو واحد فربعينات من عمرو وقف حداه وهو مبتاسم:حنا بغينا الزعيم صيفطلنا ولدو.
يوسف ببرود:ماصيفطني حد وداك لبرية وصلات ليدي انا وبقات عندي
زاد بتاسم:وعلاش
يوسف:داكشي لي بغتيه من الزعيم انا لي غنفدو .خليه بعيد
بقة كيشوف فيه وفالحدة لي فعنيه والصرامة لي على وجهو .وماماتبانش عليه ولوة نقطة صغيرة دلخوف تماما كيف كان الزعيم..ضرب ليه على كتافو:مرحبا بولد الزعيم لهاد العلام..ولكن اي غلط او تمرد ماتلوم غا راسك
يوسف بعد ليه يديه على كتافو وعنيه فعينيه:ومن ليوم هدشي بيني وبينك
هز راسو باه:بيني وبينك...باينة فيك دكي ماغانلقاش معاك صعوبة غتحضر معانا للعماليات اتشوف بعنيك وغتعلم بوحدك..اتعلم راسك براسك..حيت عارف مامحتاجش للي يعلمك بحالك بحال باك تعلم غا بعنيه
يوسف كيشوف فيه بجمود
كمل كلامو:بتداءا من غدا اتشارك فواحد العملية ..متحف فيه كتر من 100 تحفة اترية قيمتها فوق 15 لمليار..حسبها فدماغغك..اتلقاه رقم خرافي بالنسبة لميات تحفة بنفس القيمة
يوسف:حاجة وحدة تاواحد مايعرف اانني ولد الزعيم
بتاسم:كو هاني..اجي معايا
تبعو ودخلو لواحد لقاعة فيها كتر من 20 راجل .كان اجتماع لافراد المافيا على الطريقة لي غيهجمو على المتحف بدون اي مشاكل..بقاو واقفين بعيد..وكيتصنتو للحوارات ونقاشات لي كتدور بيناتهم..كان مركز معاهم
وكيتصنت ..فهم كاع الخطة..هو من صغرو مولوع بشي حاجة دلفرادة والمافيا..ديما كان كيلعب مع دراري البوليس ولمافيا ...وكان ديما كيتفرج فأفلام مافيوزية..
شاف فيه ونطق:الخطة فاشلة
شاف فيه تاهو:كيفاش
يوسف:الهجوم على المتحف بنهار وعامر بناس والحراسة كتكون متشدة فداك الوقت ..خصوصا غيكون المزاد العلاني..البوليس بجميع الانواع ايكونو حاضرين اي هجوم ايكونو موجدين ليه
أكرم:وبالليل نص ديال التحف ايكونو تباعو ومشاو شغا نربحو حنا من مور هاد الهجوم بليل..حنا بغينا المبلغ كاامل
يوسف:التحف كيبقاو تا ليوم تاني فصباح عاد كيوصلوهم لماليهم ..هدشي باش معروف هاد المتحف..وحاجة خرا بالليل كاع داك الفلوس لي جمعو من المزاد ايكونو مازالين فالخزنة ..يعني المبلغ لي حسبتيه ضوبلو على جوج
أكرم بقة غير كيشوف فيه :كي درتي عرفتي هدشي على المزاد
يوسف:تاحاجة فلعالام ماكاتخفة عليا
بتاسم:صراحة نت هو الشخص المناسب..غتمشي بعيد بهاد العقل لي عندك
ورفع صوتو:بدلوو الخطة
كلشي شاف فيه:كيفااش
أكرم:خطة فاشلة..حولو الهجوم لليل..عرفو شحال ديال الحرس كيكونو بليل والطريقة لي كيتناوبو بيها ..الكميرات كلشيييي..
بقاو غير كيشوفو غوت:تحركوووو
الخطة كاملة تقلبات وبدلو كلشي
