الجزء25💞
دينيز:بربي لهاد خوك كيسالي معايا
عائشة:غا حيديه من بالك عندو حبيتو
دينيز:ربي ربي
عائشة:والله ولكن ماتستاهلوش
دينيز:انا لي نستاهلو ياكي
عائشة:وفين غيلقة بحالكي
دينيز:ههههه ويلي نسينا راسنا زيدي ندخلو
دخلو لدار كانت طاهرة جالسة فصالة .عائشة سلمات وجلسات
طاهرة:دابة وقت الفروض خاص تزيرو راسكم
عائشة:ضاروري راه دابة جينا نراجعو شوية
طاهرة شافت فدينيزز:ايوا ركزي وخلي لبنت تاهي تركز فلقراية انا عارفاك سوقك خاوي لقراية بعسدة عليك
دينيز:ياك اماما والله حتى باغة نقراا
طاهرة:هنا غنشوف
دينيز:وصافي كلمة وحدة.يلاه اعائشة نطلعو لبيتي نحفضو
ناضو وطلعو لبيت
دينيز:اجي نساريك فبيتيي
سراتها فلبيت وراتها كلشي حتى من حوايجها ..عائشة حمقها لبيت فيه كاع داكشي لي كتبغي اي بنت
عائشة:كيحمق بيتك
دينيز:ايوا اجي عيشي معانا والله مانكره
عائشة كدور عنيها على لبيت:وانا كرهت ..المهم اجي نراجعو شوية
جبدو لكتوبة ودفاتر وجلسو فوق النموسية كيراجعو.دينيز بزاف ديال دروس مافاهماهومش.وعائشة كتشرح ليها وتعاونها تفهم ..من بعد عاد بداو فالمراجعة..دينيز مرة مرة كتمل وكتبغي تجبد شي موضوع لا علاقة بلقراية ولكن عائشة كتبتهاا وتبزز عليها لقراية .داز الوقت وهوما غرقانين وسط لكتوبة..شافو فساعة
دينيز:نااري نسينا راسنا 4دسوايع بزاف علينا
عائشة:اووف تانا عييت
دينيز:نجمعو علينا هاد لكتوبة ونجيبو شي حاجة ناكلوها . امم شنو بان ليك بيتزاا هوت
عائشة:واخة لي كان
هزات طليفون وطلبات بيتزا هوت باش يجيبوها ليها تا لدار
دينيز حلات لبلاكار وجبدات شي حوايج:لبسي عليك هادو خفاف تجينس ايكون قنطك
عائشة دورات ديك لحوايج فيديها عجبوها:واخة
ناضت دخلات لبيت تبدال لبسات عليها كان شورط فلكحل قصير بزاف ومزير عليها وفوقو تيشيرط فزيتي مكتوب عليه بلكحل كيجي قصير مبين لكريشة ..خرجات ووقفاات كتشوف راسها فلمراية عجبها لحال شافت لماكياج بجميع الانواع وغا لماركات:مبلية بالماكياج
