سمعو لباب تحلات
طبيبة:هااا الاب جا
دورات وجها بزربة وهي كتشوفو داخل بلا ماتشعر بتاسمات فرحانة ومدات ليه يديها:يووسف اجيي
قرب وشد ليها فيديها زير عليها وهو كيشوف لفرحة فعنيها همسات ليه:حاملة بتواام ايوسف
بتاسم وهو كيشوف فشاشة بقة حاضي شحال داك جوج دويورات كيتحركوو رجع شاف فعائشة وتحنة باس ليها يديها:مبروك علينا
هزات راسها باه وهي كتمسح دموعها باش تشوف مزيان ماساخياااش والابتسامة على وجها مامشاتش ومرة مرة كتهمس:وليداتي
دورات وجها شافت فيك كان مبتاسم وعنيه كتنقبل بينها وبين ساشة شافت داك الفرحة فعنيه..كانت اطيير بالفرحة احساس زوين يكونو عندك تويمين شي حاجة فشكل
هو مزير ليها على يديها وهو كيشوف شاشة فيها وليظاتوو جوج ماشي غا واحد ومنها هيي كيشوف علاقتهم كتزيد غتقوى واخة كاع داكشي لي وقع كيشوف ايام زوينة جاية فطريق تنهد ورجع شاف فيها شحال فرحانة وهدشي لي باغيي مابقاش باغي يشوف داك النضررة المكسورة فعنيها ..رجع باس ليها يديها وشاف فيها :
طبيبة بابتسامة:تفضلي معايا امدام عائشة
عاوناتها الممرضة باش تمسح كرشها وتنزل ..وقفات فبلاصتها كتلبس منطوها وهو مراقبهااا شافت فيه بعويناتها كيبريو وبتاسمتت ليه ودورات وجها على صوت الطبيبة:مدام عائشة غنأكد ليك خاص تهلاي فراسك فهاد الفترة عطي راحة راسك مزيااان الحمل ديالك راه مزيان خاص غا المقابلة وتبعي دواك دابة راه جوج درواح ماشي غا واحد
هزات راسها باه وحطات يديها على كرشها:صافي كوني هانية
طبيبة:من دابة 15ليوم رجعي باش نديرو فحص وتسمعي دقات قلب وليداتك
بتاسمات فرحانة:صافي واخة
وشافت فيوسف :سمعتيهاا انسمعوو دقات قلبهم
بتاسم ليها وهو كيهز راسو باه وقرب كيسد ليها صدافات المونطو وشبك يديه فيديها وشاف فطبيبة:نقدرو نمشيو
طبيبة كتشوف فيهم باعجاب شكال متواتين وشال واخة باين توتر فعلاقتهم:اه يمكن ليكم نفضلو ومبروك عليكم مرة خرا
عائشة:شكرا
وخرجو
عائشة غادة وكتهضر:عندي تويينز وينووووو غيكونو كيتشابهو فكلشي ولا بحالكم نت وخوتك ماكاتشابهوش
يوسف:ماعرفتش
عائشة:اممم انا بغيتهم يكونو توام فكلشي كيحمقوني توااام لي كيتشابهووو
وتنهداااات وهي فرحانة كون صابت دير بوق وتقول لكلشي راني حاملة بتوااام
هو كان غادي ومبتاسم وهو كيسمع كلامها ولي دازت من حداه كتبتاسم ليه ولا تقول سلام باش يجبد معاها الهضرة وتقول ليه انا حاملة بتواام .
تا خرجو لعلى برة شافت فيه وهي تفكر كيفاش ماسولش فيها هاد المدة كاملة بعدات يديها من يديه ووقفات ..دور وجهو وشاف فيها:مالك وقفتي واش كدرك شي حاجة
قرب لعندها حط يديه على كتافها:نرجعو عند طبيبة
عائشة ببرود:لا انا بيخير
هز راسو باه:ومالك وقفتي
عائشة :واالو واقلة عطلتك على شغالك
علا حاجبو وماجاوبهاش خلاها بلاكة وكمل طريقو لعند شيفور كيدوي معاه وهي واقفة كتشوف فيه غيكون كيقول ليه غير سير انا غنوصلهاا ..حتى كتشوفو جاي لجيهتها كتسناه ينطقها باش تقولو لا غنمشي مع شيفور ساعة معامن:لا حسيتي بشي حاجة ماشي هي هديك عيطيلي اتلقايني عندك شيفور ايوصلك وايجيب وحدة تقابل معاك دار
وشدها من دراعها غادي بيهااا وهي مصدومة حل باب طموبيل ركبها وسد لباب نزلات زاجة وقبل يمشي دوات بصوت مرتافع:مامحتاجاش لهاد لمرة سمعتيني قادة براسي وماتسنانيش نعيط ليك لا وقعات شي حاجة ..ولفت بخوتي وماما ضايرين بيااا
ورجعات طلعات داك زاجة:سووق سوق
قبل يديماري كان يوسف حل لباب وتحنة لعندها دوة بواحد الهدووء :دابة كاين انا اعائشة دخلي هدشي فدماغك و راني مازال كنتسنى
وسد تاني لباب وخلاها عاضة على سنانها داك ساع ديمارااا شيفور ووصلها للدار
غير وصلات لدار دخلات لبيتها وتلاحت فوق النموسية كتهضر بحدها:كيتسنااني انااا نقولو اجييي ندويو لا كتحلم بالالوان اسي الزعيييم
ناضت جالسة:ورااه نتي لي قلتيلو خليني بحدي وانا ملي نكون مستاعدة نهضرو غنقولهالك
تنهدات:لااا والله لا كانت ليييه يا اما هو يا بلااااش
ورجعات تكاات:مزيااان هدشي لي بقة علااش مايجيش بوحدو ويقولي اشنو قررتي
هزات كتافها وهي كتحط يديها على كرشها وبتاسمات:وليداااتي انا هي ماماكم كنواعدكم اتعيشو مزيان غتولدو فجو زويييين ماشي بحال خوتكم
بتاسمات وهي كتخايل شكلهم ...عضات على شفايفها بالفرحة
وصل للشريكة دخل للمكتب ديالوو
دخلات لعندو وفيديها لقهوة ديالو :صباح الخير
يوسف:صباح الخير
قربات لعندو :جبت ليك لقهيوة لي كتعجبك
حطاتها قدامو هز طااس وشرب منو شوية تماما كيف كتعحبو هز ليها راسو بمزيان بتاسمات وهي مازال واقفة حداه متكية بجسمها على المكتب:بنتيلي راشقة ليك هاد صباح من شوفاتك اش واقع
هز راسو بلا وعنيه على لبي سي:والو
لينا زادت قربات وهي كدور لبيسي لعندها باش يشوف فيها هي:لا شي حاجة وخاص نعرفها
وتحنات لعندوو كتقاد ليه فلكول زعمات خصوصا فهاد الفترة ملي عرفات مابقاش كيمشي لعندها ومابقاش غادي جاي عندها كيف شحال هظاا قالت مع راسها صافي يقدر يكونو تافقو باش يتفارقو شهقااات فاش حسات بيديها شوية وايتهرسو بين يديه وهو كيحيد ليها يديها من عنقوو :ااااااااي
يوسف كيزيد يبكر:تادرتي عقلك ونتي ترجعي لهبالك بلا ماتخليني نفكرك فهضرتي
لينا:ااااي قصحتيني ايوسف
رخ عليها وهو كينتر يديها من يديه:خرجي
تقادات فااوقفة وتمات غادة وهي تحبس ودورات وجها وشافت فيه وهي شادة فيديها كضرها: لهاد الدراجة هي ساكنة فيييك
علا حاجبو ودار اشارة للباب تنهدات وخرجات كتسووط دخلات للمكتب ديالها وجلسات كتماصي فيديها وهزات طليفونها ووقفات حدا لمراية كانت تباك..وخنتشات تا جبدات تصويرة عائشة من طليفون ..بقات كتشووف فلمراية وتشوف فتصويرة دعائشة وشنو لفرق بيناتهم ...وشنو لي زايد فيها هييي مخليه يتشبت بيها ...تنهداات وهي كتقول مع راسها بحالها بحال اي وحدة زوينة مافبهاش شي حاجة متميزة زينهااا يقدر يلقاه فاي وحدة ويقدر يلقة ماحسن منها كاااع...شافت فراسها تهي زوينة بزااف وبقدر جدابة علييها كتر وكتلبس مزيان ومقادة ديمااا وقارية وواصلة ومتقفة وتسارات كاع العلام اشنو لفرق زعمة..ربع سنين وهي معاه وديما كتكون فأبهى حلة وعمرو عبرهااا ..ست سنين ديال لفراق راه الواحد ينسى مو وباه ماشي غا وحدة مزوج بيهااا وهو لااا غير رجع مشا لعندهااا ..غير شاف داك المشهد لي صوروه صحافة قرر يرجع ومايزيد تا نهار .عضات على سنانهااا :زعمة تكون ساحرة لييه
سمعات دقان خبات طليفون:تفضل
كانت سكريتيرة:جبت ليك لوراق لي كلبتي
لينا:واخة حطيهم
حطاتهم فالمكتب ومشات
لينا بلعات ريقها وهي كتسترجع انفاسها:صاافي الينا رجعييي لدماااغك
جلسات كتقرا دوك لورااق تنسي بيهم الوقت
نرجعو لعندو للمكتب
كان خدام على داك لبسي حتى كيشوفو داخل ماقالش تا سلام بقة واقف حدا لحيييط لي كلو زاج وكيشوف لبعيد
يوسف:مالك
يحيى شاف فيه:واش ماناويش تدوي مع عائلتها
يوسف قوص حواجبو هاد الموضوع مشا من بالو وقف :نسيت مشالي من بالي كاع هاد الموضوع
يحيى:وديرني فبالك دابة
يوسف بتاسم وهو كيضربو على كتافو:كي جاك الحب
يحيى مسح على راسو بشبه ابتسامة:فشكل
يوسف هز راسو باه:كيخربق ياك
يحيى:بزاف
يوسف هز طليفونو ودوز شي نمرة:الو عصام..الحمد الله ونت..بغيت نشوفك من دابة ربع ساعة لا كنتي مسالي..صافي مزيان نتلاقاو تماك
وقطع وشاف فيحيى:وهنا قضيت لغراض عماد مسافر ولكن خوها بحال باها
يحيى عنيه ولاو كيبريو بالفرحة:الله يحفضك
يوسف:هنيااا يلاه نخليك نمشي نطرق مسمارك
يحيى بتاسم:ورد علياا عاود سير وخليني شي سيمانة كنتسنة عاد جاوبني.يوسف بتاسم وهو كيلبس تجاكيط ديالو:بحال والوو بناتنا راه ماشي رخاص علينا
يحيى:ياااك
يوسف:كيف سمعتي
يحيى بلا مايشعر نطق:تستاهل هي
يوسف:هههه طحتي
وخرج وخلاه مبتاسم
يحى تنهد :مابقاش بزاااف وتكوني معايااا
داز ااوقت فجيهة خراا
كانت جالسة فصالة هي وليلى كيتقهواو
ليلى:ماوليتيش شفتي عائشة كيبقات لاباس عليها
الزاهية ماعاودات ليهم والو على الحمل :لا
ليلى:ماموالفالكش ازاهية ..مولفة تسولي فيها وتعيطي ليها تجي ولاحضت هاد ليام ميكتي ياك لاباس اش واقع
الزاهية:والو اختي ليلى غا هي خايدة مع الخدمة وانا عيانة
ليلى مابغاتش تضغط عليها:ايوا يكون خير
الزاهية شافت فمريم جالسة بعيد عليهم وكتشوف فطليفون وساهية:هيييه نتي
مريم ماشي فهاد العلام
الزاهية بصوت مرتافع:واااا مريم
مريم قفزات:نعااام اماما
الزاهية:بغيت غا نعرف مالك فهاد ليام غا ساهية ولا شادة داك الطليفون وحالة فيه فمك
مريم تقادات فالجلسة وهي كتخرج من لباج لي فيها تصويرتو وتخبي طليفون:والو غا الانستغرام اماما
الزاهية:ايوا مانعرف
ليلى:عادي ازاهية طليفون كيلهي وياخد الدماغ خصوصا هاد الانستقرام لا دخلتيلو بحاليلا داخلة لشي علام اخور
مريم:قوليهالها اخالتيي
الزاهية وهي كتشرب من قهوتها:بنتي وانا حافضاهااا
مريم:وصافي اماما ماتزيديش فيه
الزاهية كتهز راسها بأحياااني علييك
دخلات وفيديها ساك دصبور ديالها جاية من النادي :اهلييين بالحلوين
سلمات عليهم وبقات واقفة
الزاهية:جلسي ابنتي تقهواي
فاتي:لا اخالتي خاصني ندوش عاد نتقهوة معااكم
الزاهية:ايوا طلعي ابنتي
ليلى:اجي نقولك
فاتي:نعام اماما
ليلى:زعما فهاد الخدمة لي كتقيلي غادة جاية ليها وفهاد نادي لي كتقيلي مقابلاه ماتلاقيتي تا شي بوركابي عجبك ولا عجبتيه يجي يدق بابنااا هااا
الزاهية:ههههههه نعلي شيطان اليلى
ليلى:هههههه ايوا شتها غا صاقرة
فاتي قبحات وجها:داكشي غا تبرهيش ماعنديش معاه اماما وانا هداك لي باغاه ماشي من داك النوع لي كنتلاقة فالخدمة ولا فنادي دوقي فشكل
ليلى:ايوا شغا نقولك ابنتي الله يعطيك شي واحد على لكانة
الزاهية:لي يستاهلها ومايكرفسهاش
بتاسمات فاش جا فبالها:اميين
على هضرتهم دخل عصام:تيتيز مجموع هناياا
بتاسمو ليه قرب وباسهم كاملين على راسهم وحلس وسط الزاهية وليلى:شكون بحالي كندخل لدار كنلقة غا تيتيز بجميع الانواع
ليلى باستو على خدو:راه نت لي بوكووص
عصام:فين هي مراتي وبنتي
الزاهية:راهم لفوق اولدي
هز راسو باه وهو كيشوف فاتي:شنو عندك دابة
فاتي:والو لاش خاصني غندوش
عصام:وسيري دوشي وغير تسالي هبكي هنا كنتسناك بغيت ندوي معاك
هزات راسها باه:واخة
وطلعات وهو وقف:نمشي نشوف مراتي وبنتي توحشتهم
مريم:ايوا عاد تفارقتي معاهم فصباح كيقيلو حدا وجهك
ضربها بالمخدة:اش عرفك نتي فالحب ديها فخوزعبلاتك
شدات داك المخدة وعنقاتها:اااه
وتنهدااات كتقول مع راسها لهلا يوريك
