دااز الوقت
فاقت من النعاس ..علات راسها طلات على الحيط لي من زاج بدا الحال كيضلام الحال.ناضت جالسة نعسات هدشي كامل..قدات ليزار عليها وهي كتكسل نزلات من فوق النموسية ودخلات للحمام دوشات عليها وخرجات وقفات حدا لمراية كتشوف فداك ليمارا لي على جسمعها وكتفكر فداكشي لي وقع.دابة هاد طبايع واخة يشوفوهم ماعندها مناش تخاف ماشي بحال اخر مرة خافت مها تقولها ماالكي يحساب ليها ضربها شي حد وتبقة تسول حتى تعتارف..دابة يمكن ليها تقول ليهم طحت ولا عضاتني شي حاجة بلا ماتخاف ...هدا هو تفكيرها..تنهدات وهي مازال كتفكر.واخة تبعات الرغبة ديالها وستسلمات ليه .. ولكن باقي مانسات الرعب لي عيشها فيه ..ومازال ماسمحات ليه ..وماغاترتاح تا تردها ليه هي عطات وعد لراسها باش ماتخليهش يطغى عليها ومازال عند كلمتها ضربة بضرية ..ولكن هاد المرة خاص تلعبها مزيان حيت يقدر تجيبها فراسها وهاد المرة يقدر يقتلها بصاح ومايرحمهاش..بقات كتفكر شغا دير مالقات تاشي فكرة فبالها :فكريي اعائشة فكري
تنهدات فاش مالقات والو..ولكن ضاروري تلقة شي حاجة ..نشفات داتها وشعرها تاهو وخلاتو مطلوق باش ينشف دغية ..حلات لبلاكار تشوف شغا تلبس..كلشي غي سوميج دونوي ماكاين تاشي حاجة من غيرهم:هدا مالوو
شافتهم كاملين ماكايناش شي وحدة طويلة كلهم ضاروري الصدر عريان ولفخاد ..:من نيتو هدااا علاش مايجيبليش بيجامات
هزات وحدة لونها غوز لبساتها جاتها لاسقة وفيها فتحة فالجنب وااصدر مبندر ..لبسات صندالة ونزلات ماواكلة والو من لبارح اتموت بالجوع
الخدامة:بنتي كي بقيتي
عائشة: الحمد الله عفاك انموت بالجوع
الخدامة كتشوف فطبايع لي على صدرها وعنقها:واخة ابنتي
ومشات
عائشة:عفاك شي حاجة تحيد ليا هدشي لي فعنقي وصدري
الخدامة تلونات غا بوحدها:بنتي داكشي كيحيد راسو هنا مشيت نوجد ليك
عائشة:نبقة انا هكااا ..
جلسات فصالة وشعلات التلفازة على قنات سبايستون وتكونسونطرات مع السي كونان
الخدامة:ها الماكلة ابنتي
عائشة:شكرا
وبدات كتاكل وفنفس الوقت كتفرج ..سلات وتكات متبعة مع كونان الخدامة جمعات داكشي ومشات للكوزينة
طاحت الضلمة🌘
كانت شادة سبايستون متبعة سالي ...
على برة
وقف الطموبيل نزل جبد ااسوارت وحل لباب ودخل..لقا الخدامة فوجهو غير سمعاتو جا .ستقبلاتو باش تمشي بحالها
يوسف:فين هي
الخدامة:راها فصالة كتفرج
يوسف:مزيان..شيفور برة غيوصلك
الخدامة :شكرا اسيدي
مشات لبسات عليها ومشات بحالها
هو كمل طريقو ودخل للصالة مضلمة من غير ضو التليفيزيون لي عاكس على وجها..بقة كيشوف فيها كيف متبعة مركزة كضحط فاش كيضحكو وكتغوبش فاش كيغوبشو..كي شي بنية صغيرة بحاليلا ماشي هي لي كانت معاه فلفراس فصباح...شعل الضو وهي تنوض طافجة شافت فيه ورجعات تكات:خلعتيني
يوسف قرب لعندها:ماغاتساليش من هاد الروسوم
عائشة هزات كتافها وعنيها على تلفازة:كيعجبوني
يوسف:اجي
عائشة ببرودة:علاش
يوسف هز تليكوموند وطفا التلفازة:اجي
تنهدات ورمات من فوقها لخدية كانت معنقاها وناضت:حراام علييك راه قرب يساالي غيي شوية عفااك
قربات لعندو مازال كطلبو:مابقاش بزاف غير شوية ونجي عندك عفااك
يوسف طلعها ونزلها لغوز جا معاها بزاف وكيلمع على جسمها بتوبو ديال لحرير مع ضارب فيها الضو ..وشعرها مطلوق باقي مبلول شوية..شكلها كان جداب
عائشة زادت قربات لعندو وكتهضر بطريقة شوية محلونة ولكن بعفوية:بغيت نشوف غي سالي شغا دير عفاك عطيه ليه
بغات تاخد تيليكومونض وهو يشدها ويجرها لعندو تا لصقات فيه:كوني كتسمعي للهضرة
عائشة بلعات ريقها وهي لاصقة فيه بغات ترجع لور وهو يشدها من خسرها:من نقولك اجي هي اجي
هزات راسها باه وهي كتحس بيديه كيتحركو بشوية على خسرها:واخة ..رخي مني هنا جيت
رخة منها ورجعات اللور كتقاد فسوميج
يوسف:وجدي لي شي حاجة ناكلها
عائشة:شنو غنوجد ماكانعرفش والله
يوسف جرها من يديها وداها معاه للكوزينة:الخدامة موجدة كلشي نتي غا وجديه اولا تاهادي صعيبة
عائشة:صافي واخة
بقة واقف حداها كتبغي تجبد شي حاجة لفوق ماكاتقدش حيت سوميج كطلع تا لفوق كتفوت فخادها..وهي ماخاصها صداع مازال كلشي كيضرها.شافت فيه:غير سير ترتاح انا غنجيب ليك
يوسف علا حاجبو:كمليي
بلعات ريقها شافت لماكلة سخنات طفات عليها بغات تجبد الطبسيل كاين لفوق ..تنهدات وتعلات على ريوس صبعانها كرهات راسها حيت قصيرة..حلات لبلاكار وهي كترجف بغات تجبد الطبسيل ولكن كان ايطيح ليها بقات شاداه على طراف صبعانها زادت كملات بحاليلا ناقصة ..حتى كتقفز فاش كتحس بيه موراها صددرو على ضهرها يحساب ليها ايجبد الطبسيل قبل يطيح ولكن خان توقعاتها..هزها تا وصلات للطباسل :كتفرجي فسنافير
عائشة:اه
يوسف:نتي وحدة منهم
عائشة غوبشات:ونت اش جابك للروسومات
يوسف:قادي طبسيل قبل يطيح بلا هضرة
قدات طباسل وخدات واحد:صافي
نزلها حطاتو فوق بوطاجين يلاه ادور وهي تلقاه موراها ..حط يديه بجوج على رخامة وهي فالوسط:مالك تالفة
بلعات ريقها:لا والو ..الماكلة غتبرد
وتحنات وخرجات من بين يديه وقلبها كيضرب فالمية ..تبدل بزااف شوفاتو كلامو كلشي مابقاش كي كان بحاليلا يوسف اخور ..قدات ليه الماكلة فطباسل وحطاتهم فطبلة:ها الماكلة واجدة
وخدات التليكومونض ومشات جلسات التفرج..حتى كتلقاه حداها جرها وطفا التلفازة:قلت لك سيري
عائشة:ياك وجدت ليك الماكلة
يوسف:وماقلتلكش سيري
عائشة:وشنو غندير
جرها معاه جلس وجلسات اونفاص معاه فهمات انه ماكايبغيش ياكل بوحدو :فوقاش انمشيو توحشت هارون
يوسف:غدا
عائشة:كون جبتيه معاك يبدل مسكين الجو ديما غير الدار
يوسف شاف فيها:سكتيي
سكتات وحطات يديها على حناكها وهي حاضياه كياكل ..كيستخدم الفورشيط والموص بطريقة كلاس ..عجباتها ماكلتو اول مرة اتشوفو كياكل:انا ماكانعرفس ناكل مزيان بالفورشيط والموص واحد النهار مشيت انا ولبنات لواحد ريسطو ..كلهم عرفو ياكلو بيهم الا انا جيت نقطع الدجاج ..طيرتو فالسمءا بقة كلشي كيضحك عليا هههههههه
سكتات فاش شافتو ماضحكش وغير كيشوف فيها :ولكن كنعرف نغمس ههههه
نفس الشي ما ضحكش:راه غا قنطت
وسكتات هو مازال كيشوف فيها
عائشة:مالك
يوسف هز منديل مسح يديه وفمو:يلاه نعسو
عائشة بلعات ريقها:غير سير انا غنجمع هدشي
جرها من يديها:من نقول الهضرة ماتعانديش
تنهدات وطلعات معاه
غير دخل للبيت حيد التيشيرط وشاف فيها
عائشة رجعات اللور خافت
يوسف:وجديلي مانلبس
هز فوطة دخل للحمام
تنهدات براحة حلات لبلاكار كتشوف ليه شنو يلبس تفكرات .نرجس لي كانت كدير هدشي..سهات..زعمة نرجس ديما كيدر معاها هكا..كيبوسها وينعس معاها ويضحك ليها..وتجلس حداه فاش يبغي ياكل وتوجد ليه اش يلبس ..تنهدات:وانا مالي
خدات ليه سيرفيط صيفية..شورط وتيشيرط وبوكسر حطاتهم ليه..ومشات جلسات ..حتى كتشوفو خارج من لحمام بالفوطة على خصرو
دورات وجها فاش شافتو ايحيد الفوطة ماحشم منها ماوالو ..ماقدراتش كاع تولي تشوف لجيهتو ..حتى كتسمع صوتو:اجي
شافت فيه:انا
يوسف تكة فوق النموسية:لا انا..اجي
ناضت ومشات لعندو:غنعسو ياك
شاف فيها ومد يديه:لا غنفيقو
عائشة:ماغنديرو والو ياك
ماجاوبهاش جرها لعندو حط راسها على صدرو :نعسي
ومد يديه طفا الضو مابقات كتقشع والو:يوسف كنخاف من ضلام شعل شي ضو عفاك
تنهد:خافي ونتي بوحدك دابة انا معاك
عائشة دفنات راسها فصدرو:واخة هكاك كنخاف
دور يديه على خسرها وزاد جرها لعندو:ودابة
تشبتات فيه مزيان:مازال والله حتى مانقدرش شعلي غا ضوو ديال لفيوزة راه خافت
تنهد وتهز شعل ليها الضو خافت ورجع التكة هاد المرة بعد عليها بقات كتشوف فيه وجرات دراعو تخشات فصدرو وهزات يدييه ودوراتها على خسرها وغمضات عنيها حسات بيه زاد جرها لعندو ..ونعسو
نهار جديد 😈
من بعد ما تغداو كانو جالسين فصالة كيشربو لقهوة
حتى كتجي لخدامة:مدام .شي ناس ضياف عندنا امدام
الطاهرة شافت فناصر:شكون..دخليهم للصالة لوخرا ها حنا جايين
طاهرة:شكون ايكون نوض نستقبلوهم
ناض معاها طاهرة:مرحبا بجليلة واخيرا نورتينا
سلمات عليها
جليلة:هدا ولدي اسامة اتكوني كتعرفيه هو لي قرا عائشة بنتكم وهدا الزوج ديالي
تسالمو ورحبو بيهم وجلسو فصالة كيهضرو فالمواضيع العادية حتى كتدخل جليلة في صلب الموضوع:ختي طاهرة لي نطوولوه نقصروه.ولدي شاف بنتكم وعجباتو وجينا نطلبوها على سنة الله ورسوله
طاهرة بتاسمات:مرحبا .ياك دينيس
اسامة:لا عائشة
طاهرة تصدمات:قلتي عائشة
جليلة بتاسمات:اه ولدي من نهار شافها وهو يدوي عليها ..شحال وانا تابعاه يتزوج وماكايبغيش حتى كيفرحني فاش بغة بنتكم للزواج ماتصوريش شحال فرحت
طاهرة بتاسمات ليهم مجاملة :مرحبا اختي مرحبا
وبدات كتفكر اش ادير فهاد الروينة .تقولهم البنت صغيرة وماباغاش التزوج ولكن لاكان ولدها ايطلقها علاش تزطم ليها فرزقها..ايلا كان باغيها راه ايبغيها بضروفها وبولدها..تنهدات حارت اش دير
على برا
وقفات الطموبيل حدا الدار نزلات فرحانة:توحشت هارون
ودخلات كطير باغة تشوفو وهو موراها:خالتيييي..
سكتات فاش شافتهم قدامها..يوسف وقف حداها كيوشف تاهو
جليلة بفرحة:ها العروسة جات
#بناتي حد هناااا..اش بانلكم ..توقعاتكم
