وصلو لغرفة الطوارئ
الطبيب:دخلي معانا..غير انضربولو يبرة المخدر ايترخة
هزات راسها باه ودخلو..كانت غير واقفة وكتشوف كيف الاطباء مزروبين شي كيدخل فشي ..ضربو ليه المخدر وشوية بشوية بدات يديه كترخة..جرات يديها عندها
الطبيب:يمكن ليك تخرجي دابة
رجعات اللور وهي كتشوف فيه..والاطباء ضايرين بيه خرجات وهي كترجف
طاهرة ودموع فعنيها:كيف وقع ليه
عائشة حاضنة يديها:ماعرفتش
نرجس:عاد كان بيخير..نتي لي غتكوني سباب
عائشة:ماشي انااا
نرجس:انا متأكدة نتي
عائشة يلاه اتهضر وهي تقاطعهم طاهرة:واش وقت هاد الهضرة صافي سكتو
بقاو واقفين كيتسناو
جات امونة ودينيس:اش وقع
طاهرة:بحالي بحالكم ..فين هو بدر غا غابر فعاوط يجي يوقف معانا..شفتو مرة وحدة فطبيب
دينيس:ماعرفتش اماما
طاهرة دوزات يديها على شعرها:ياربي ماخرج هدشي على خيير
شوية خرج طبيب:دابة راه مزيان..تحلو ليه لغراز شي لي خلاه يفقد الدم وتترتافع حراتو وينزل الضغط..عاودنة سدينا الجرح .ونخافضات حراتو..ومن دابة،سعتاين ايفيق..ماكانش عليه يتحرك ويخرج من طبيب خاص تردو لبال ومشة
طاهرة:ااحمد الله ياربي
عائشة:صافي اخالتي واش يمكن لي نمشي
طاهرة:من نيتك كاع هدشي لي واقع وباغة تمشي
نرجس:اصلا هي سباب غا خليها تمشي
طاهرة:بجووج غتسكتو وغتسمعو لكلامي ماشي وقت هدشي..عائشة جلسي
عائشة جلسات فبلاصتها..كيتسناو
داز الوقت وخرجات عندهم الممرضة:راه فاق يمكن ليكم دخلو تشوفوه
دخلو لعندو
طاهرة:يوسف خاص تديها فصحتك شوية ..يلاه فقتي من العملية لاش خارج
يوسف:ماوقع والو
طاهرة:غا كنتي اتموت ..يوسف هدشي مافيهش اللعب
يوسف تنهد:واش الواليدة ماكاتسالايش ماعنديش دماغ لهضرتك..
سكتات:صافي رتاح هنا ساكتة
نرجس جلسات حداه من جيهة لوخرا:خاص تنعس دابة
هز راسو باه
نرجس:خالتي غير سيرو انا انبقة معاه الممرضة قالت هدا الوقت لي خاص ينعس فيه
طاهرة واخة
تبعات الطاهرة باش تمشي تاهي وهو يوقفها صوتو: سيري انرجس ترتاحي عائشة اتبقة معايا
نرجس:لا غا خ..
قاطعها:الوليدة دي نرجس ترتاح
طاهرة:يلاه انرجس
مشات معاها وهي اتنفاجر بالاعصاب
عائشة بقات غير واقفة كتشوف
يوسف:سدي لباب
تنهدات ومشات سداتها..وجلسات فوق الفوطوي اونفاص معاه ...شوية تكات فاش عيات بلجلاس..تنهدات مامرتاحاش فوق الفوطوي
وقع الصمت حتى كيعيط ليها:اجي
عائشة:علاش
يوسف:قلت اجي
ناضت حيت عارفة لا ماجاتش غيجي هو..متهور بزاف وكيدير غير لي فراسو..وقفات حداه:هنا شنو بغيتيي
يوسف جرها لعندو من خسرها وزير عليها:دوي مقاد
عائشة:اااي قصحتيني
رخة منها:زيديلي خدية تحت راسي
دورات وجها وهي تشوف خدية هزاتها وقربات لعندو ماوصلاتلوش حيت قصيرة..طلعات شوية فوق النموسية ..هز شوية راسو وحطاتها تحت راسو ..نزلات عنيها لقاتو كيشوف فيها..بقاو شحال كيشوفو فبعضياتهم..حتى كتحس على راسها بغات تنزل وهو يجرها دور يديه مور ضهرها:خليك
عائشة بلعات ريقها:كيفاش
علا حاجبو:راني ماشي فوضع يخليني نديرها غا رتاحي
عائشة:وا خليني نزل
زرب عليها وتكاها حداه وحط ليها راسها على كتافو من جيهة لي صحيحة:نعسي هنا..لفوطوي غير ايعدبك
بغات تنوض وهو يرجعها:شكون قالك معدبة...ماباغاش نعس هكا رخي مني خليني نزل
يوسف زير عليها:كنقولك قصوحية راسك هي لي خارجة عليك
سكتات وترخات ماعندهاش ااجهد لي يتناقش معاه
دور يديه مور خصرها وجرها لعندو كتر ..بقاو ساكتين حتى كيحس بشي حاجة نازلة مع كتافو..عرفهم دموعها..طلع يديه وبدا كيمسح ليها على شعرها بشوية وهمس ليها:ماتبكيش
دفنات راسها فصدرو وهي كتبكي:ضلمتيني ايوسف بزاف..حرقتيلي قلبي على ولدي
طبع ليها قبلة على راسها:ماتفكريش فهدشي .ونعسي
بقات شحال كتبكي حتى كيحس بيها ترخات عرفها نعسات..غمض عينو تاهو ونعس
جا نهار جديد
كان لابس ومقاد ..ستقبلو زيكو:مرحبا بالبوكسور ديالناا ..كي صبحتي
مهدي ماحاملوش:بيخير
زيكو:اجي معايا ياك بعدة فاطر ولا نوجدو ليك احسن فطور
مهدي:وغا فكنا راه فاطر
زيكو قبح وجهو:من لهنا
دخلو لقاعة التصوير..لقا كلشي مجموع الا هي
مهدي:فين اكرام
زيكو:هاهي جاية اجي نعرفك على طاقم التصوير
مشا معاه عرفو عليهم واحد بواحد..شوية سمع صوتها:يلاه بلا كترة الهضرة خليونا نبداو
قالتها ومااشافتش تا لجيهتو بتاسم وهو كيقول مع راسو:هاانية
جلس فوامد لكرسي:شغا ديرو
زيكو:شوية دلماكياج
خرج فيه عنيه:من نيتك حيد عليا هدشي ولا نقلبو فوق راسك
زيكو:صافي صافي بلاش منو..نطراسيو ليك غا لحية ونقادو شعرك ولا تاهدي لا
مهدي رجع تكة:يلا دغية
قرب واحد طراسا ليه اللحية وطلع ليه تشاوك بطريقة زوينة وناض
زيكو:انبداو بهاد الكوستيم الكحل ..دخل لبسو وخرج نقادوه ليك
دخل لبس وخرج ضارو بيك كل واحد وشنو كيقاد ..شي لكول وشي ليدين وشي لفيسط وشي كيلبسو سباط وشي كيزيد يقاد ليه شعرو حتى سلاو
زيكو جامع يديه عندو:شهاد الدخامة والاناقة
شاف فاكرام لي كانت واقفة بعيد وكتفرج:شتي راه كنعرف نختار..
اكرام:بداو التصوير
زيكو:اجي معايا وقف هنا ..وخشي هاد ليد فجيب وليد لوخرا خليها مطلوقة..خرج صدرك ..تكلدم علينا..ووقف جنب وشوف اونفاص للكاميرة..بابتسامة،خفيفة
دار داكشي لي قال
زيكو:هكااااا تماما الله يرضي عليك
ورجع اللور:يلاه صور
المصور صورو كتر من صورة باش يختارو من بعد لي حسن
من بعد لبس حاجة خرا
زيكو:اتشد هاد سيجار...راه غالي اتنتر نترة طويلة وتسوط غا بشوية حنا بغينا فصورة يبان دخان خارج من فمك..وشوف خاص تبان لماركة دسيجار ..حيت ضاروري
داكشي لي دار
داز الوقت
زيكو وهو كيسفق بيديه:سترااحة ادراري
مهدي تنهد:واخيرا
شافها داخلة للمكتب تبعها وهو مبتاسم دخل وسد لباب:ايوا يا الخائنة لي كتبغي راجل قد باها مزوج وبولادو باغة تشتت العائلة
خرجات فيه عنيها:ماشي سووووقك ..خرج عليا
قرب لعندها وهو مازال مبتاسم:ملي عرفت هدشي راه عمرك تحلمي نبعد عليك..كيعجبني نحصل على شي حد شي حاجة،ونبقة شاد فيه
اكرام: واش مسالي ماعندكش عائلة تمشي تقابلها..ماعندكش حياتك تديها فيها..بنت ليك غا انا
مهدي:بحالي بحالك ماعنديش عائلة لا ام لا اب ...ادن مسالي تماما
بقات كتشوف فيه شحال وهي تنطق:ايوا سير شوف شنو دير فحياتك..حيت انا ماغاتصور مني والو
مهدي:ههههه غا كيجيب ليك الله..راه لقيت فين ندوز الوقت ونتسلة وماغانرتاح تا ديري عقلك وتبعدي من هدشي لي مالايقش ليك
اكرام:مااااشي سوووووقك سمعتيني
مهدي يلاه ايهضر وهو يدخل زيكو:مهدي تفضل معايا سلات البووز
صيفطلها بوسة فسما وخرج
زيكو:مالك احبيبتي
اكرام:والو
زيكو:ايوا يلاه راه تابعانا الخدمة
اكرام بقات كتفكر:اممم زيكو اجي نقولك
زيكو:شنو
اكرام بتاسمات:............
زيكو مبتاسم:هدي خبار زوينة
اكرام:وازيد نكملو شغالنا
خرجو وكملو تصوير تا سلاو
اكرام شافت فزيكو وغمزاتو:ها حنا فقاعة الاجتماع نشوفو التصاور تا تلحقو علينا
مهدي دخل لبيت تبدال وبقة زيكو كيجمع فالازياء حتى كيشوفو خارج بتاسم وقرب ليه:كي جاك هدشي
مهدي وهو كيسد صدايف:مزيان
زيكو حيد ليه يديه:انا نسد ليك صدايف
مهدي شاف فيه لقاه كيبتاسم واحد الابتسامة كيعرفها مزيان قفز فاش حس بيه كيحرك ليه يديه على صدرو..هز يديه تا لسما وجمع معاه بكروشي صيفطو لسما سابعة..عاد طاح فالارض..تحنة وشنق عليه:شكا دير يا ولد العااهرة..زمل عليك الضمير ولا شنو
زيكو حاس براسو غيموت وهو قاجو والضربة دوخاتو
مهدي جمع معاه بصقلة:من،نيتك جاي ليا اناااا..كيفاس تجرأتي ديرها يامسخوط الواليدين..ناري قودتيها معايا من لمزيان
زيكو كيهضر بصعوبة:علاه نت ماشي شاذ
خرج فيه عنيت:غنفرشخ لمك داك الفم ونوريك شااذ..انا راجل على مك
زيكو:صافي رخي مني خنقتيني وقع سووء تفاهم
مهدي:شكون هدا لي وسوس ليك دويييي
زيكو بلع ريقو
مهدي ضرب فالارض:دويييي
زيكو:اكرااام..اكرام..والله تا اكرام لي قالتلي نت شاذ جنسيا ومخبي هدشي..وانك ماعندكش مشكل..عليها زعمت
رجع جمع معاه بصقلة: نت تقتي بييها يا لحمااار..غا حل عنيك مزيان واش بنت ليك زامل
زيكو هز راسو بلا وهو مخلوع:لا لا راجل..والله تا راجل سمحلي عفاك
مهدي:عرفتي شغا دير اتهز واتمشي بحالك وياويلك وعرفتك عيطتي ليها وقلتيلها راه عرفت..نتبعك تا لقلب داركم..ونعلقك من رموشك
زيكو:كون هاني
رخة منو وناض كيطير مشا بحالو
متدي ناض وقاد حوايجو:هنا غنورييك زامل شكا يسوة..
ودخل للاجتماع عادي بحاليلا ماواقع والو..شافت فيه ..لقاتو مبتاسم وكيدوي مع المصور عادي
نمشيو لطبيب
قبل تلاتة دسوايع
دخلات الممرضة وهي تلقاها ناعسة حداه ويديه مدورها على خسرها..خرجات مبتاسمة
تلاقاتها وحدة من الممرضات:مالكي رجعتي
الممرضة:ناري كون تشوفي شكلهم شحال زوين..زعزعولي المشاعير..منعسها حداه فوق نموسية واخة مريض..ولبارح مابغاش يرخي ليها من يديها واخة غايب وحالتو حالة حتى ضرب ليه طبيب المخدير عاد رخة منها..اححح اقلبي شحال زوينين
الممرضة:وينوو هدشي زوين..خليني نشوف
وحلو لباب بشوية وطلو عليهم ورجعو سدو لباب:كيتي ياناا..نمشي نضرب دورة علامن يفيقو
داكشي لي دارت
لداخل
حلات عنيها لقات راسها ناعسة على صدرو ملي نعسات لبارح ما ولات فاقت..هزات راسها وشافت فيه ناعس..حيدات يديه بشوية على خسرها وناضت..يلاه اتنزل وهو يحل عنيه:فين غادا
عائشة:انمشي نشوف شي حاجة ناكلها
جرها لعندو:دابة يجيبو ليك لهنا
تنهدات:يوسف ماتخنقنييش
يلاه ايهضر وهوما يسمعو الدقان
نزلات بالزربة:دخل
دخلات الممرضة:صباح الخير
عائشة:صباح النور
الممرضة قربات لعندو:سمحلي ندير ليك فحص ونبدل ليك الفاصمة
هز راسو بات..فحصاتو لقات كلشي هو هداك..بدلات ليه لفاصمة من بعد ماعقمات لجرح
عائشة كانت جالسة وكتشوف داك الجرح ..روع ليها قلبها دخلات للحمام وردات ..غسلات وجها وخرجات..لقات الممرضة مزال معاه كتقاد سيرو
نساحبات وخرجات من الشومبر مخنوقة..هبطات لتحت كان فيها الجوع..طلبات شغا تاكل ..وجلسات جابو ليها وفطرات ..عاد رتاحت من لبارح ماكلات والو..ناضت باش تطلع لفوق..بقات كتمشة فلكولوار وهي معدتها تقلب تاني..دخلات لاقرب حمام حداها وردات كاع داكشي لي كلات..خرجات شادة فماعدتها ..ودوخة شداها بقات كتمشة حتى وقفات ماقدراتش تكمل..مابقة كيبان ليها والو وهي طيح على طولتها تجمعو عليها ناس جاو الممرضات هزوها ودخلوها لغرفة الفحص..
داز الوقت حلات عنيها .لقات طبيبة حداها:كي بقيتي
عائشة:مزيان..اش وقع ليا
بتاسمات:والو راك بيخير..غير لبيبي فيه لبسالة..مبروك عليك راك حاملة
شافت فيها وهي مصدومة:.ك..ي..فاش
طبيبة:اه راكي حاملة
نزلو دموعها من صدمة كتقول مع راسها ماشي وقتو ياربي ماشي وقتو
طبيبة:يا لابااس
عائشة ناضت جالسة شدات ليها فيديها:عفااااك ماتقولي والو لتاواااحد الله يخلييييك
طبيبة:قوليلي شنو واقع
عائشة:مانقدش نقولك ولكن ستريني الله يخليييك .عفاك
بقات كتبكي..طبيبة بقات فيها:صافي كوني هانية ماتخافيش
عائشة رجعات تكات وهي كتبكي ماعرفاش هادشي منين كينزل عليها
