عضات على سنانها وعاودات ليه كلشي:ولكن ماغاديش نسمح ليها والله تا ندمها
مهدي:مالكي كتبغي تردي راسك شريرة بالسيف..نتي اش دخلك فيهم نتي بعيدة عليهم
اكرام:هي خطافت رجال..داكشي لي وقع لماما ايوقع لنرجس
مهدي:اش وقع لماماك
اكرام:والو
مهدي:سمعيني لابقيتي هكا تاواحد ما ايبقة يحملك وكلشي ايتنفر منك..عيشي حياتك بحالك بحال اي بنت ونساي لماضي حيت ايخرج عليك..ونتي باقة صغيرة
اكرام عطاتو بالضهر:اصلا بلا والو تاواحد ماكايحملني
مهدي:بالعكس شوفي انا ديري لي درتي كتبقاي عزيزة بحال شي مشة كتقمش وماكاتأديش
ماجاوباتوش
قرب لعندها:عيشي حياتك الموصيبة ماتبقايش عايشة على الماضي وكدخلي فراسك فمشاكيل عباد الله
اكرام:ماشي سوقك
مهدي :هنا دويت غا بالادب
اكرام:كيفاش
مهدي:ايلا مابعدتيش من المشاكيل انتفاهم معاك بطريقتي
بلعات ريقها فاش تفكرات داك نهار
مهدي:اطونسيووو
وتم خارج وهي تعيط ليه:مهدي
دار وشاف فيها:غدة كاين واحد الحفل خيري اجي تحضر لا بغيتي دير شوية دلخير
مهدي:زعمة باش تعرضيني على حسابك والووو..عارضاني باش نجي نحط لفلوس
اكرام:صافي ماتجيش
بتاسم:وانا نقد نقول للقطة لا
صيفط ليها بوسة فلهوة وخرج..مباشرة دخل زيكو:حبيبتي مالك شوفي حالتك
اكرام:جيبلي حوايجي لي فلخزنة نبدل عليا هاد لحالة..
زيكو:واعاوديلي مالكي
اكرام:والو..علاش كان هنا مهدي
زيكو:على قبل لقاء مع صحافية على الازياء ديالك
ضربات راسها بيديها بالخف:اووف نسيت..تتصل بيها وعتادر منها حتى نجددو لقاء
زيكو:واخة مايكون غا خاطرك..نمشي نجيب ليك ماتلبسي
جلسات فلبيرو كتفكر وتفكر عضات على سنانها معصبة:واخة الحقيييرة
فالجيهة لوخرا
دخل للجناح لقاها جالسة فوق الفوطوي قرب لعندها:شنو هدشي درتي
عائشة شافت فيه:وايلا عاودات غتشوف ماكاتر ماغانبقة نسكت لتا واحد بغة يأديني هنا قلتها لك
بغة يهضر وهي تقاطعو..وقفات :ماتقول والو ايوسف عارفة شغا تقول اه انا بصاح ماكانفهمش فداكشي ديالكم وبنت الفقر وماعشتش فالخير وبرهوشة وطايشة و و و صافي فهمت وعائلتك زادت فهماتني ولكن كنواعدك غنصدمكم واحد نهار ايووسف ماغايبقة يقلل مني تا وااحد
يوسف قرب لعندها كتر :ماحدي انا عايش تاواحد ما غايقلل منك
نزلو دموعها:دارتها اكرام ماتصورش باش حسيت فداك اللحضة
عضات على شفايفها باش ماتبكيش:وتستاهل داكشي لي جاها مني وماندمتش وماغاندمش يلاه ..بردت جنوني فيها
وبتاسمات وسط دموعها فاش تفكرات اش دارت فيها:هههه غزة فيها يلات
بقة غير كيشوف فيها وهي كضحك بحاليلا ماشي هي لي كانت كترجف بالاعصاب
جرها من دراعها وهي مازالة كضحك .سكتات فاش حسات بيديه على خسرها كتحرك..حسات بوامد الرغبة فشكل وتو كيشوف فيها بديك الطريقة .عضات على شفايفها وهي كتحط يديها على صدرو ..جرهاتر وقرب لشفايفها..ختاصرات الوقت وحطات شفايفها على شفايفو وبادلاتو القبلة ..فكل تانية كتحس براسها ماقادراتش تقاوم كتر لدرجة هي لي كانت متحكمة كتر فالقبلة ويديها على عنقوو..حتى كيسمعو الدقان رجعات اللور
بغات تحل لباب وهو يجرها مازال ماسخة يلاه ايرجعو ينساجمو تاني وهوما يسمعو لجرس دلجناح..بعد عليها وهو كيتنهد حل لباب كانت طاهرة:شنو واقع
طاهرة:بغيت عائشة
ودفعاتو ودخلات
طاهرة:عائشة لا بغيتي تمشي معانا للجمعية يلاه
عائشة:لا اخلتي مابقيتش باغة نمشي غا خليني اصلا عييت والله
طاهرة:ماتديش على داك الهضرة كاملين كنا لتحت وعاد طلعنا
عائشة:صافي اخالتي كوني هانية
طاهرة:اكرام طبعها مفششة بزاف ابنتي ولسانها متبري. منها ونفنفس الوقت حساسة بزاف..بغيت تعتادر منك وتعتادري منها..
قاطعها يوسف:عائشة ماغاتعتادر من تاشي واحد
طاهرة شافت فيه:انا كنحاول..
رجع قاطعها:صافي الوليدة الموضوع تسد
طاهرة تنهدات:عائشة هبطي تكملي فطورك خاص تاكلي مزيان فهاد الفترة
هزات راسها باه اصلا مازال فيها الجوع
هبطات هي وياها لتحت ووجدو ليها فطورها
داز هاد النهار وجا نهار جديد
نزلات من طوموبيل هي وياه ..كانت بايتة فالاباغطومو ديالها كون ماجاش موراها ودار ليها خطرها عمرها ترجع لهاد الدار
ناصر شاف فيها:كيف تافقنا الموضوع يتسد
هزات راسها باه:واخة ابابي
ودخلو ..طاهرة غير شافتها ناضت عنقاتها:خليتي دار خاوية
اكرام:باينة
طاهرة:كتبقاي بنتي لعزيزة
ورجعات عنقاتها
عائشة غسر شافتها تزات هارون باش تطلع
طاهرة:وجدي راسك ابنتي مابية والو لحفل الخيري
هزات راسها باه وطلعات للبيت..كلشي ناض كيوجد راسو ويلبسو ويقادو
عائشة من بعد ما قادات ماكياج خفيف وسرحات شعرها سامبل طويل وقفات كتشوف شغا تلبس هو قبل يخرج حدرها باش ماتلبس شي حاجة معرية تنهدات ..حتى كطيح عنيها على واحد لكومبليزو باج هزاتو بتاسمات عجبها ..دغية لبساتو ولبسات معاه صباط طالون كحل عااي.وقفات حدا لمراية عجبها راسها جات كلاس وسامبل ومحتارم لايق لهاد الحفلة الخيري..لكومبليزو جا ملبوس عليها مع شعرها طويل سامبل جات زوينة .هزات ساك صغيور دارت فيه عكار وطليفونها وهبطات التحت كان كلشي واجد لابسين مقادين
طاهرة:ايوا فينهوما هادو تعطلو
سمعو لكلاكسون برة :زيدو
خرجو كان يوسف وناصر وبدر
طاهرة غير شافت بدر شهقات فاش شافت شي وحدة راكبة معاه:شكون هديك
كلشي بقة كيشوف بفضول
بدر نزل الزاج:هنا سابقكم
ماخلالهمش الفرصة فين يسولو وكسيرا ومشا
طاهرة ركبات مع ناصر وهي مصدومة:شتي لي شت
ناصر:شت
طاهرة:لهجب تا نوصلو وندير ليه ستنطاق
بتاسم عارف طاهرة لا دارت فراسها شي حاجة
كانت واقفة وفيديها هارون ماعارفاش فين اتركب خصوصا فاش شافت نرجس مع يوسف
دينيس نزلات زاج دطوموبيل ديالها كانت معاها امونة وفاتي:زيدي تركبي شكا تسناي
يلاه اتركب وهي تحس بيه جرها :زيدي قدامي
ركبها اللور هي وهارون وزاد..
