دخل لسويت بلكارط الاحتياطي حيد تجاكيط ورماها فوق اقرب كنبي كانت حداه ..بدا كيحل صدافات لقميجة وهو يحبس فاش شافها خارجة من شمبر دهارون شافت فيه وفعينيه لحومر ..قربات لعندو كتشوف فيه:مالك
هز راسو بلا ونسا لقميجة وحيد ساعتو كلشي مقنطو فهاد ساع
عرفاتو ماشي هو هداك قربات وهمسات ليه:كلشي غيدوز مزيان ايوسف كلشي فصفك والمغريب...
قاطعها بصوت تقييل:مابقة كيهمني والو من غير نرجع ليها
بقات ساكتة كتشوف فيه عرفاتو سكران وشي حاجة معصباه حطات يديها على صدروو نيشان لصدافات كملاتهم بلحلان بشوية :اش واقع
همس ليها :اي واحد ايقرب ليها انقتلوو لا غنمحييه من الوجود
طلعات يديها لكتافو ونزلات ليه القميجة تاطاحت فلارض بقة بصدرو لعاري :وايلا كانت نساتك ودابة كتبغي داك المجاهد كيف قالو الصحف وقلبها عمر بواحد اخور
شدها من دقنها وزير وقرب وجهو من وجههاا وهضر وهو عاض على سنانو :غنعاااود نخرجوو من قلبهاا سمعتينيي هي مايمكنش تبغي شي حد من غيريي انا صافي رجعت واي حاجة ديالي انرجعها
رخف عليها وهو مازال شادها من دقنها...طلعات يديها تا دوراتها مور عنقو:صاافي تكالمة ايوسف تهدن
بقة كينهج بصوت مرتافع وبشوية نزل يديه من دقنها
لينا ماقدراتش تقاوم هاد الكمية الهائلة درجولة لي قدامها بدون سابق انداار جراتو من عنقو وتلاحت على شفايفو كتبوس فيهم ماحسات براسها تا دفعهاا وتزدحات مع لحيط وطاحت فالارض مطيحة معاها مجموعة ديال ديكورات كانو فوق واحد الطبلة.
وقفات مخلوعة فاش شافتو جاي لجيهتها لسقات فلحيط جامعة يديها لعندها كتسنة شي دقة ضرب يديه مع لحيط قدامها تاغمضات عنيها يحساب ليها دقة اتجي فيها حلات عنيها فاش شدها من شعرها وزير:كنقسم ليك الييينا من غيرها ماغا تحلالي تا وحدة .. ست سنين وانا حارم راسي من نسا على قبلهاا .فبلا ماتحاولي حيت المرة جاااية غندمك ..ويدي غتسبقنيي وماغايفكك مني غير لي خلقني
هزات راسها باه وهي مخلوعة كيهضر وهو عاض على سنانو كيغلييي حرارة انفاسو حرقاتها فوجها
بعد عليها:خرجي
مازادتش معاه الكلمة وخرجات طايرة
بقا واقف فبلاصتو كيهدن راسو وهو كيهمس:ماااشي وقت الاعصاب ايوووسف
مسح على راسوو هز فوطة ودخل للحمام خاص يبرد..وقف تحت رشاش بما باارد بزاف كيهبط عليه ماحاسش بيه مقارنة بالحرارة لي شاعلة فيه ..نص ساعة وهو تحت لما ماهواش فهاد العالم دماغو عندها مابقاش قادر يبقة بعيد عليها مازال صافي صبرو تقادة
خرج من لحمام لبس عليه وتلاح فبلاصتو عيان غمض عنيه فلبلاصة نعس
غير خرجات من عندو وقفات فالكولوار حاطة يديها على قلبها كيضرب بالجهد ماقدراتش تسيطر على راسها قداموو ماقاوماتووش ولي زاد عصبها كيف كيهضر عليها وكيف متشبت بيها واخة دازو سنين ..مازال طامع في رضاهااا لهاد الدراجة وحدة بحالها قدرات تسيطر على تفكير واحد بحال يووسف
كملات طريقها ولا عندها فضول تلاقة بيها وتعرف عليها وتشوف هادي لي داير عليها هاد الحالة كاملة..دخلات للشمبر ديالها وسدات عليها
فنفس الاوطيل
كان فلبالكون واقف .الشمبر ديالو جاية فالقمة كتبان ليه كاع لمدينة وضواوات وشانطيات من لفوق ..كيفكر نهار اتحرر هاد البلاد كيف غتكون ..تنهد ماكرهش قبل يموت يشوف بلادو محررة ويتحقق حلم واليديه وجدادو لي ماتو وضحاو على بلادهم ..رجع لنفسو بالتفكير عندو دابة31 عام ومازال ماستاقر فحياتو تنهد اولا مازال مابقة البنت لي باغي..بتاسم فاش جات فبالو ست سنين ظازت وصورتها مازال فلميموار ديالو ابتسامتها العفوية وفضولها لي كيبان عليها .فين اتكون وصلات زعمة تكون تزوجات ست سنين راه عمر يتبدل فيها لي مايتبلد..تنهد ورجع دخل للشمبر وتكة فبلاصتو خاص ينعس غدا ايقلعوو
نرجعو للمغرب
عائـــــــــــــشة
ملي رجعات للدار وهي جالسة فوق النموسية وجامعة رجليعا لعندها وتصاورو فوق النموسية منشورين كتشوف فيهم وعنيها دامعين..تصاور لي كانت كتاخد ليه شحال هداا من طليفونها..خرجاتهم وولات كل مرة كتشوف فيهم وكتخايل شكلو كيف غيكون وهو كبير ..كل مرة كتخرج بشكل اخوور حتى كتبغي تحماق وتجمعهم ..بقاو ليها غا صورو وهو صغير باقي بي بي ..تنهدات بتعب ..من صباح وقلبها كيرفرف هزات راسها لسمة وتمتنات بشفايف كيرجفو مع دمعة حارة نازلة من عنيها:ياربي بغيت نشوفو ..ياربي ماخليني نعنقو ونشم ريحتوو باش ترجع فيا الروح..ياربي ماتحرمنيش منو
نزلات راسها وهزات تصويرة فاش كان داهم يوسف لبارك فيه العاب دراري صغار .وحكاتو فواحد اللعبة وصوراتو..بقات كتبوس فديك تصويرة تا فزكاتها بدموعها حضناتها فصدرها:ياربييي
سمعات صوتها من برا :مامااا هانااا جيت
مسحات دموعها دغية وقدات راسها ..تحلات لباب ودخلات كتحري ترمات فحضنها:ماماااا سمعتييي بابا وخويا ايرجعوو قالعالي خالو عصام
عصام مان واقف فلباب كيشوف فحالة ختو..هزات راسها وشافت فيه قراا بزاف دلحوايج فعنيها .عارف شحال صعيبة عليها نطق وهو كيمسح على راسو:غدا فصباح ايكونو فالمغرب تسرب الخبر من شركة طيران قطع ليهم الاوطيل هاد النهار ..دنيا مقلوبة
ماجاوباتوش حطات يديها على شعر بنتها وشافت فيها وبتاسمات
جوهرة وهي مبتاسمة:انا فرحانة بزاف غدا ما انمشيش نقرا ياك انمشيو نشوفو بابا وخويا
ضربات راسها بيديها بشوية:اااا هوما غيجيو عندنا لدار ايعيشو معانا ياك اماما
عائشة غير مبتاسمة ليها ماباغاش تخسر ليها فرحتها وهي مزالة صغيرة ومابغاتش عاود تقول ليها شي اجة مستحيل ديرها هداك الراجل صافي مابقات عندو تاشي بلاصة فحياتها:حبيبة سيري بدلي عليك واجي صافي
هزات راسها باه :بغيت فوقاش يجي غدا دغية
باستعا على خدها:سيري احبيبة
ناضت ومشات كتجري لبيتها
شافت فخوها وهمسات ليه:بغيت ولدي اعصام
قرب لعندها وتحنة لعندها:غدي يرجع ليك اختي
بنفس الهمس حاسة بقلبها كيطير:بغيت نشوفو اخويا
عنقها وهي حطات راسها على صدرو كيحس بجسمها كلو كيرجف وكتنفس بالزربة :كلشي غيكون مزيان
عائشة:ماغايبعدوش عليا مرة خراا ماغاديش نسمح ليه مابقيتش عائشة لي كيعرف
هز راسو باه وهو عارف هاد الرجوع غتجي من موراه واحد الحرب ببن هاد الجوج ماغاتسالاش
بعد عليها:نتي غير تهلاي فصحتك وفقلبك ومايكون غا خاطرك
عائشة:غنولي بيخير فاش غيتجمعو ولادي بجوج قدام عيني
هز راسو باه:داكشي لي غيكون وانا غنوقف معاك
هزات راسها باه وهي كترجع شعرها اللور بيدين كيرجفو فكرة اتشوف ولدها خربقاتها
وقف:هنا مشيت لا حتاجيتي شي حاجة عيطي لي
هزات راسها باه :واخة
باسها على راسها ومشا
تكات على لخدية لي موراها كتشوف فتصاور هارون..جمعاتهم وخشاتهم فواحد الثندوق مخبعاه قبل تسدو حات عنيها على جوج تصاور هزاتهم بين يديها..كانت واقفة حدا لمراية وهو مدور يديه على خسرها ودافن وجهو فعنقها كانت صورات داك اللقطة..هزات تانية كان ناعس وخاط هارون فوق صدرو..هزاتهم بغات تقطعهم وهي تحبس ..شافت فيهم تاني وعضات على شفايفها غيجي لوقت لي اتحرقهم قدام وجهوو باش يتبخروو كيف غادي يتبخر من حياتهاا ويخرج منها ..رجعاتهم لبلاصتهم وخبات الصندوق وناضت تقلب على بنتها دخلات لعندها للبيت لقاتها جالسة فوق النموسية جلسات حداها:مالك ابنتي
جوهرة شافت فيها وهي مبتاسمة: فاش نفخنا على شميعات وقلتيلي نطلبو شي امنية عرفتي شنو طلبت
عائشة هزات راسها بلا:شنوو
جوهرة:طلب من ربي باش يرحعلي بابا وخويا فاقرب وقت..وربي حقق لي امنيتيي
عنقاتها وهي كتمسح ليها على شعرها ..كيفاش حرمها منو ومن حنانو طول هاد سنين كيفاش تخلا عليها وتبرا منها وهي باقي ماتزادت كيفاش طوعاتو نفسوو ..وهي باغة تشوفو وكتحلم بيه ..مايستاهلهاش ومايستاهلش كلمة بابا من فمها .خلاهم ومشا عايش حياتو مع مراتوو وهارون لي حرمها منو وحرمو هو من مو ...مابغاتش توسخ صورتو قدام بنتها حيت هدشي أيأتر فبنتها هي لولا مابغاتش تطعن بنتها فقلبها كيف تطعنات هي ..
جوهرة:ونتي اش طلبتي اماما
هزات ليها راسها لعندها:طلبت يرجع هارون فاقرب وقت
جوهرة بابتسامة:وبابا تاهو ياكي
عائشة بقات غير ساكتة
جوهرة:طلبنا نفس الشي اماما انا غنطيير بالفرحة
بتاسمات ليها وهي كتشوف داك الحماس والفرحة فعنيها كيبريييو همسات ليها:الله يخليك ديما فرحانة ابنتي
جوهرة:كنبغيك بزاف اماما
عائشة:تانا كنحماق عليك
بقات شحال معاها فالبيت وجوهرة كتهضر غير على خوها وباباها حتى نعسات.
