تنهد وهو كيشوف فالساعة لوحدة دلييل شاف فيها وهضر :بغيت نفهم حاجة وحدة كيف بغيتي هاد لحريرة مافهمتش كااع هادووو ماعجبوكش
عائشة:اااه ماعجبونيش ريحتهم خاايبة ماشي كيف بغيتها وشووف ولادك لي دايرين هاد لحالة ماتغوتش علياا الله يخليك
يوسف كيمسح على راسو عادرهااا وعارف الوحم لي ديرهااا وعاطيها لكاانة غا هي دغية كتشعل وتعطي شي هضرة لا علاقة ديماراا بلا مايجاوبها حيت ايصدقو فشي حاجة ماكايناش
دورات وجها وهي كتمتم:مخليني داوية بوحدي
تنهد بصوت مرتافع وهو كيمد يدييه ويجبد لباكية لاح واحد ففمو وخدا لبريكي شعلو نتر منوو نترة طوييلة هاد ليلة باينة طويلة وهادي لي حداه باش بلاه الله خاصهااا لويسكي باش يبقة مكالمي ماشي غا لكاروو..ساط دخان جيهة الشرجم
عائشة شافت فييه:لاااا ماخفتييش على لي بي بي كتكميي وانا حداااك
رما داك لكاارو من شرجم وشاف فيها:هاااهو
هزات كتافهاا :من لول ماديرهاااش
كيسووك وكيفكر شمن ريسطو مازال مامشاولهاااش ماكايجي فبالو غا الاوطيل ديال امين ..غير الاتجاه لييه مسافة طريق وكانو حداه ونزل ومشا حل ليها باب الطموبيل :نزلي نشوفو هنا عاود
نزلات وشدها من يديها وجرها معاه مامنعاتوش حيت بالها كلو مع هاد لحريرة لي فبالهااا ..دخلو لداخل ستقبلهم شاف ديال رسيبشن:مرحبا بسي زاعيم
سلم عليه
يوسف:بغيت شاف دلكويزين دابة
هز راسو باه:واخة اسيدي رتاح هنا نت ولمدام
جلسو فالفطوي كانو تماك
عائشة:شنو بغيتي دير
يوسف:اصبار يجي بعدة
شوية كان عندهم شاف دلكويزين لخاص بالاوطيل مشهور عالميا بوصفااتو والطبخ ديالو سلم عليه وتشارك معاهم الجلسة
شاف:اش حب الخاطر
يوسف شاف فعائشة:بغات لحريرة شرحي ليه كيف بغيتيها
عائشة شافت فشاف:ماعرفتش كنشم ريحتها ومداقها عندي فحلقيي جابلييي بزاف دلحريرات وتا وحدة ماعجباتي.
بتاسم:حاملة
هزات راسها باه
شاف:لمحيلي بشي حاجة وانا نعرف دوقك
عائشة بقات كتفكر ماعارفاش شغا تقولو:واحد النسمة فشكل وشي ريحة مختالفة ماعرفتش بحاليلا فايتة دايقاهاااا
كيشوفو فيها وكيتسناوها شغا تقول
عائشة:بحال سمن واقلة بحال لحامض مافهمتش بحال هاد نسمات مع لحار وهو ماشي حار بحاليلا ماشي بطحين مصيبينها حريرة خفييفة
يوسف علا حاجبو هادي شكا تقول
الشاف بتاسم:صااافي فهمت اش بااغة تسناي واحد ساعة دلماكانة تكون مجودة ابنتي وعلى الله تكون كيف بغيتيها
عائشة بتاسمات:شكراااا بزااف
وناض يمشي يقضي شغالوو
وهي شافت فيه:انعدبووه مسكين لا ماكنتش كيف بغيتيها
يوسف وقف ومد ليها يديه :نتي غير رتاحي ماكيهمش تاباقي
شدات ليه فيديه حيت اصلا شداها سخفة ووقفات جرها معاه دخلو للمطعم ديال الاوطيل كان خاوي من غير ناس قلال جلسو فطبيلة ختارها ..حطات راسها على طبلة راسها بدا كيضرهااا وقلبها تزمت كاع لي كلاتو رداتو واصلا ماواكلاش مزيااان ..بقة كيشوف فيها حط يديه على راسها وغطس صباعو وسط شعرها وبدا كيحركهم بشوية وهي مغمضة عنيها كتحس بداك لمسات ديالوو كيرخيوها تا لوجع دراسها بدا كيمشي ستحلاتهااا ..حتى متسمع طليفونو كيصوني بعد يديه من شعرها وحبد طليفونو وجاوب:الوو..مالكي الينااا..صافي خودي سوارت من عند شيفور انصيفطو ليك وطلعي لدار
وقطع علات راسها وشافت فيه
رجع طليفون لجيبو
عائشة بطنز:كوغا مشيتي شتيها مسكينة
يوسف: ماغانتسناكش تقوليهالي
عائشة:اه اما نت تمشي
يوسف تنهد:ماشي وقت هاد الهضرة
عائشة:مالي اش قلت اصلا ماشي سوقي شغلك هداااك وليتي حنين عاطيها سوارت دار واقلة غتبات فيها عرفتي حيد علياا هاد الموضوع ماكايهمنيش
يوسف ماجاوبهاش رجع جبد طليفونو وعيط لشيفور:اتمشي مور ليناا توصلها لعندي لدار وتعطيها سوارت
وقطع وشاف فعائشة مدورة وجها وكتلعب بصبعانها من ملاميحها عرف اش بيها نطق:تبلوكات ليها لاكارط باش كتحل باب دارها وطموبيلتها خاسرة وماعندها تاشي حد فالمغرب تمشي لعندو ومايمكنش نخليها هكاا
عائشة:واناا ماالي ومال هدشيي سير عندها لابغيتيي وواسيها مسكينة تبلوكاتلها لاكارط بقات فيا صراحة
تنهد عارف راسها شحال قاصح والهضرة ماغاتنفعش معاهاا ماجاوبهاش ..وهاد سكات ديالو هو لي زاد كمل عليها بدات كتعض فكمام لمونطوو شوية وتاكلو وهضرات بحدة:شتووو تعطل وكيعطلك تانت باش تمشي تشوف الانسة لينا.
يوسف ببرود:باقي ربع ساعة
عائشة:واااو كتحسب فالوقت كاااع باش تمشي
يوسف مسح على راسوو عارفها باغة تلعب ليه على الميموار ديال دماغووو باش يتعصب وهو هدشي لي ماباغيش خاص دوز هاد ليلة على خير
عائشة:شتك بديتي تعصب
دور وجهو لجيهة لوخرا وهو كيبتاسم ورجع شاف فيها:واش ماكاتسالايش
يلاه اتهضر وهي تشوف شاف جاي وفيديه بلاطوو بتاسماات :هاااهوو جاا
شاف حط ليها لبلاطو قدامها :تفضليي ان شاء الله تكون كيف بغيتيها
عائشة تحناات شماتها وشافت فيه وهي مبتااسمة:واااو نفس ريحة
هزات لمعيلقة وعمراتها بلحريرة وشرباتهاا وبتاسمات فرحاانة:زوييينة بزااف تماما كيف بغيييت
شاف جر كرسي وجلس:بصحتك وراحتك ابنتي
بقات كتشرب فداك زلافة لكبييرة تا سلاتهاااا ..كان جايب جبانة عامرة بلحريرة:تزيدي ابنتي
هزات راسها باه عمر ليها ..وبدات كتشرب فيهاا تاني..ويوسف كيتفرج فيها وبلا مايحس ترسمات على وجهو ابتساامة
زاادت تالتة شرباتها تاهي حتى مابقاتش قادرة تزيد شربات لماا:شكراااا بزااف جات واعرة كيف بغييت ولكن كيف درتي لييها نفس لمداق لمختالف لي كنت باغة
شاف:ابنتي معاك شاف الخبرة ديال 40 عام كنفهم دوق لكليان بكلمة وحدة هدشيي بالتجربة ابنتي ..لحريرة لي بين يديك مامصيباش بطحين ..فعاوط طحين درت بطاطة ..طبعا كااع لمقادير دلحريرة فيها من غير طحين ستبدلتو بلبطاطة وهاد الطريقة كيديروها الناس دشمال بزاف.كتجي حريرة خفيفة وزوينة ..ومن بعد نسمتها ليك بالسمن ..ولحرور لي بغيتي درت ليبزار لحار كترت منو شوية ومن بعد عصرت ليك لحاامض فوقها
عائشة:تباارك الله عليك والله جات واعرة شكراا بزاااف
شاف:بصحتك ابنتيي
وشاف فيوسف:ومبروك عليكم يتربى فعزكم ان شاء الله
يوسف:شكرا
شاف وقف:سلملي على السي ناصر بزاف
وشاف فعائشة:غنصيفط ليك دابة مع سيرفور طاسة دلحريرة ديها معتك
هزات راسها باه:شكرا
بتاسم ليهم ومشا..حتى كيجي سيرفور وفيديه جبانة:تفضلي الالة
خداتها
يوسف خلص وشاف فيها:نمشيو
هزات راسها باه:يلاه
شدهها من يديها وخرجوو غير وصلو للطموبيل وهي تنتر يديها من يديها وهضرات:لا كنتي مزروب تمشي تشوف ضيفة ديالك ناخد انا تاكسيي
حل ليها لباب:ركبيي
عائشة:كندوي معاك نيشان.
يوسف خنزر فيها وهضر بصوت قفزهاا:ماتلعبيلييش على الاعصاب اعائشة خليني مهدن راه نتعصب ومانعجبكش ركبيي دابة
ركبات وهي كتسوط زدح موراها لباب بجهد وركب تاهو وديمارا
وصلو للطموبيل وهي تنتر يديها من يديه وهضرات:لا كنتي مزروب تمشي تشوف ضيفة ديالك ناخد انا تاكسيي
حل ليها لباب:ركبيي
عائشة:كندوي معاك نيشان.
يوسف خنزر فيها وهضر بصوت قفزهاا:ماتلعبيلييش على الاعصاب اعائشة خليني مهدن راه نتعصب ومانعجبكش ركبيي دابة
ركبات وهي كتسوط زدح موراها لباب بجهد وركب تاهو وديمارا
طريق كاملة وهي ساكتة كتشوف فطريق ومرة مرة كطل عليه كتلقاه سايك بهدوء تنهدات لينا عندو فدار وهو فين ايبات اكييد فدارو..يعني ايباتو بجوج فدار..ساطت بالجهد وهي كتنزل زاج يضرب فيها لبرد ..رجع طلع زاجة اوطوماتيكموو من عندو شافت فيه:انا جاني الصهد لاش طلعتيها
يوسف بهدوء وعنيه على طريق:غتمرضي اعائشة
بغات ترجع تنزل زاجة بعناد لقاتو بلوكا سيسطيم من عندو تنهدات وضارت بكامل جسمها لجيهتوو:نزل زاجة انا صهدت نمرض مانمرضش هداك شغالي
شاف فيها ورجع شاف فطريق:نعلي شيطان وديري عقلك
زادت قربات ليه باغة نضغط على لبوطون باش كينزل زاج بعنااد:لااا بغييت زاااج ينزل
يوسف عارفها اش باغة دير:عائشة قلت ليك نعلي شيطان
مالت لجيهتو كتر وبغات تغفلوو وتضغط على لبوطون ولكن معامن زرب عليها وشد ليها يديها وجرها لعندو بكامل جسمها وعنيه فعنيها كان قراب بزاف تا تخالطات انفاسهم:باغة تلعبي ولا شنو
عائشة كتشوف فعنيه وبلعات ريقها:لا
زاد قربها كتر وكتر حتى لامس نيفها نيفووو:هدشي لي بان ليه سخن عليه لحال
عائشة كتشوف شوية وشفايفهم يتلاسقو :شوف فطريق ايوسف
يوسف:لا طريقي هي نتيي
عائشة:مابغيتش نموت
نزل عنيه لشفايفهااا وهضر:نموتو بجووج
بغات تهضر وهو يسكتها متحكم فيهاا تماما دافية وحنيينة ..حتى كتقفزز من صوت لكلاكسووون بالجهد دفعاتوو:يوووووسف
دور وجهوو وبالخف غير الاتجاه
عائشة حاطة يديها على قلبها وهي كتلهت:بغيتييي تقتلناا
كمل سوقاان وهو مبتاسم:نتي بغتي تلعبي وهدا هو لعبي انااا
سكتات ماجاوباتوووش عارفة شحال لعبو خايب
وصلو للدار شافت فيه :دابة يمكن ليك تمشي لعندها
يوسف ميل راسو:بحاليلا علمك الله
عائشة علات حاجبها:اه حاسة بييك على اعصابك خاصك غا فوقاش تمشي لعندها
يوسف هز راسو باه:نكمل سهرة تماك
خرجات فيه عنيها:ايوا شكا تسناااااا
وحلات داك لباب وفيديها جبانة دلحريرة ونزلات وزدحااات داك لباب بالجهد تاتزعزعات طموبيل وتمات غادة بخطوات مزروبين معصبيين وكتمتم:قالك يكمل سهرة سييير يعطيكم غبارة بجوج ومانبقااش نشووفكم
بلعات ريقها فاش تغرغرو عنيها بالدموع عضات على شفايفها:دابة لااش لبكة اصلا نتي باغة تفارقي عليييه يمشي ولا يموت كااع
ودخلات للعمارة ركبات فالمصعد وطلعات للدار دخلات وزدحات الباب بالجهد موراها.دارت داك لحريرة فتلاجة ورجعات للصالة.بقات واقفة كتحس بداتها كترجف ايكون مشاااا دابة لعندهااا هدا هو لي باغي يرجع لييها ويجمع العائلة ..حيدات مونطوهاا ورماتو فوق الفطووي بقات غادة جاية كتخايلهم بجووج :صااافي حيديييه من بالك
غمضات عنيها حابسة دموعها ولكن غلباتها دميعة وهبطات على وجها دغية مسحاتهااا كيزد يكمل عليها وحمهاا ..سمعات صوت لخدامة:ياك لاباس امدام
عائشة:والوو غا سيري كملي نعاسك
الخدامة:واخة
ومشات
