دخلات للدار خاص توجد راسها للخطبة ديال دينيس
حطات يديها على كرشها وبتاسمات خاص تاكل شي حاجة بعدة على قبل لبي بي ..دخلات للكوزينة كلات شي حاجة خفيفة وغسلات يديها يلاه ادور وهي تحس بشي حد محاوط خسرها ودافن راسو فعنقها شكون من غيرو:توحشتك من صباح لدابة
بقات واقفة وهي كتحس بقبولاتو على عنقها:ماتصوريش شحال فرحان وانا كنشوفك كدوري فدار الروح رجعات ليا
قلبها لجيهتو:اتبقاي احس حاجة وقعات ليا فحياتي
كتشوف فيه مامولفاش هاد التغيير ملي رجعو ماجبدش ليها كاع لماضي ولا داكشي لي وقع بحاليلا عاد تزوجو بحاليلا هادا ماشي محمد لي عرفاتو اول نهار لي قمعها فليلة عرسهم بانه كيبغي وحدة خرا وانه غيطلقها ..ماشي محمد لي كان كيعايرها بالبنت لي كيبغي..تبدل فمراااا ولا واحد اخور حنين بزاف وكيعاملها مزيان وكيقلب على راحتها ولي فرحان بولدو لي فأحشائها ..واخة كتبغي تجبد معاه الصداع كيتفاداه ويرجع راسو هو الغالط ويعتادر منها ماكايخليلهاش الفرصة فين تجبد المشاكيل لي قالتها كيقولها واخة ..تبدل بزاف ولا راجل تحلم بيه اي مرة فهاد العلام ..تنهدات فاش باسها على راسها :واش محتاجة لشي حاجة
حط يديه على كرشها:ولدي محتاج لشي حاجة
هزات راسها بلا وهي كتشوف فعينيه
بتاسم:غيكون اسعد واحد حيت عندو ام واب بحالنا
امونة مابقاتش عارفة اش تقول ولا شنو دير هز يديها وباسها:ماتقولي والو ..وطلعي رتاحي باش فليل نمشيو للخطبة
هزات راسها باه وبعدات عليه طلعات لبيت تكات ترتاح شوية تنهدات براحة وهي كتمنة يبقة هدشي هكا علاقل غير على قبل ولدها
فجيهة خرا
كانت فالبيت متكية حتى كتحل عليها لباب :سارة
سارة شافت فيها:نعام ازاهية
الزاهية:خاص نبداو وجدو راسنا مابقاش بزاف باش نمشيو
هزات راسها باه:واخة هنا نوض
الزاهية:يلاه هي دابة راكي عارفة عصام ماكايحملش يتسنة
الزاهية:هنا نايضة
الزاهية خرجات وخلاتها مع افكارها هاهو غيتزوج ويعيش حياتو وهي شغا تبقة كدير .صافي داك الحب راه مستحيل وغير كتخربق ..خاص دفنو فلداخل ديالها حتى مايبقاش وتعيش تاهي حياتها..هزات الطليفون وكتبات:انا موافقة احمزة
بقات شحال كتشوف فالميساج وبتاسمات وصيفطاتو ناضت تشوف شغا تلبس من اليوم هي سارة وحدا خرا من اليوم اتبدة حياة جديدة وعصام ايبقة مع الماضي موراها
فجيهة خرا
كان هو ومهدي فمحل دالمجوهرات كان قدامهم بزاف دلبواطات كلهم الماس دلخواتم ومول لمحال مازال كيحط..وعصام ماعرفش اش يختار :وهدشي فشكل كلشي زوين
مهدي:ودابة فكنا ساعة وحنا هنا واخة كون كنتي اتخطب بنت الماليك ماديرش هكا
عصام:سكت اصاحبي خليني نشوف
رجع تاني كيهز فهدا ويحط فهدا ..وهو يختار واحد:هدا صافي هدا عجبني
مهدي:يتوب عليك..
وشاف فمول المحال:جمعو لينا الله يحفضك قبل تبان ليه فالخوة
عصام هز واحد لبواطة فيه عقد دلالماس وحوالق عجبوه بتاسم وهو كيتخايلها لابساهم:جمع ليا تاهدا
جمع ليه كلشي وقادهم ليه فوابطات ملفوفين بشريط حمر شكلهم زوين.
وخرجو من المحل
عصام:لمن شريتي داك السنسلة
مهدي:ديها فخطوبتك
عصام ضفعو بيديه:ياااك
مهدي وهو كيضحك:صافي صافي
عصام:دوي
مهدي:لاكرام
عصام خرج فيه عنيه:بااابي
مهدي:هههه بابي
عصام:طيحاتك لمفششة
مهدي:من اول مرة شتها
عصام:ايوا شغا دير
مهدي:ماعرفتش يقدر ندير انا ويياك لاكط فنهار واحد
عصام:هههه أديرها ديال رجال
وركبو فطوموبيل ومشاو
جا ليل
طاهرة خارجة من الكوزينة كتشوف واش كلشي هو هداك وموراها وحدة من الخدامات كتوصيها ..شافت امونة داخلة:على سلامة
امونة:الله يسلمك
طاهرة:مشات الدوخة
هزات راسها باه:مشات دابة راني مزيان واش كاين فاش نعاونك
طاهرة:لا غير رتاحي..اجي نجلسو
جلسو فصالة:كيف غادة نتي ومحمد
امونة:مزيان لحد الساع كلشي هو هداك
طاهرة:تانا بانلي ندم بزاف وباغي يصلح علاقتو بيك
امونة:ايوا نتمناو..دينيس فين وصلات
طاهرة:راها فلبيت معاها لبنات والكوافورة
امونة:ايوا مزيان
شافوه داخل سلم عليهم وجلس حداهم
طاهرة:غبرتي هاد نهار
يوسف:كنت مشغول
طاهرة:باينة فيك عيان
يوسف:شوية وصافي..فينها عائشة
طاهرة:مانزلاتش نهار كامل شادة عليها فالبيت دخلت شفتها قالتلي عيانة
هز راسو باه مازاد تا كلمة ماعرفش شغا يدير معاها
نزلات وقربات جلسات حداه:على سلامة
شاف فيها:الله يسلمك
نرجس:نوجد ليك الحمام
هز راسو باه وناضت وناض معاها..شدات ليه فيديه فرحانة بعدة مابقاش داير فيها الشوفة دلبورود هادي يوماين وهو يعدب فيها ..طلعو للجناح قادات ليه الحمام ووجدات ليه حوايجو ودخل يدوش...دخلات لبيت تبدال لبسات تاهي عليها وقادات حيت مابقة والو ويوصلو ..لبسات سوميج طويلة فلزرق تا لتحت ركبة مع صديفات نازلين بنص كم لاصقة عليها شوية وصنيدلة ميني طالون وشعرها لمارو مفتوح دارت ليه جميعة على جنب مع ماكياج خفيف ناسب بشرتها لبيضة وعويناتها لخوضر جات كيوت ورشات عطرها..خرجات من بيت تبدال لقاتو واقف حدا لمراية كيرش لعطر ديالو قربات لعندو وتعلات على ريوس صبعانها كتقاد ليه فالكول :عارفة راسي غلطت واالغلاط ما ايتعاودش ايوسف غير ماتبدلش عليا عفاك
بقة كيشوف فيها مسح ليها على وجها بشوية:يلاه نزلو
بتاسمات خشات يديها فدراعو ونزلو التحت كان امين وجنات وحمزة فصالة سلمو عليهم وجلسو ..شوية نزل بدر تاهو مايمكنش مايحضرش للخطوبة دختو ..كانو مجموعين فصالة وكيهضرو ويتحتو
ناصر وحداه الطاهرة :مازال ماعرفنا والو وكمال ماوصل لوالو وانا راه ماغانرتاح تانعرف شكون هدوك حيت شكون عرف يولي يتعاود الهجوم
امين:راه بزاف دالاعداء كانو عندنا فيمن اتشك متلا من الاحسن نخليو هدشي هاكا حيت يقدر يكون بالغلاط وراه ماوصلنا تاشي تهديد
يوسف :عندو الحق ماعندنا لاش نكبرو الموضوع ونبحتو فشي حاجة ماكايناش
بدر:اه علاش اندخلو راسنا فشي حاجة لي يقدر ندمو عليها ..
ناصر لي فراسو فراسو تفكيرو كيديه ويجيبو بزاف دلافكار كيلعبو ليه فدماغو هو راه قديم فهاد الضومين وكيفهمو مزيان شي حاجة ماشي هي هديك وماغايرتاح تا يعرفها :نبدلو الموضوع ماشي وقتو
سمعو لكلاكسون كلشي وقف عرفوهم وصلو ..حلات الخدامة لباب واستقبلاتهم امونة وطاهرة ونرجس وجنات سلمو عليهم وجلسو فالصالة كيرحبو بيهم وكياخدو منهم الورد ولكاطو والحلويات لي جابو
نطلعو لفوق شوية
كانت فلبيت هي واكرام وفاتي واقفين كيشوفو فيها كيف جات
اكرام:ايييه مشا فيها السيد في خبر كان ابب جيتي زوينة
فاتي:تكايسي ليا على خويا
دينيس واقفة حدا المراية وكتشوف كيف جات بقفيطين باج ملبوس عليها بحال الحوتة ومفتوح من لتحت وكلو منبت من الصدر باحجار شواروسكي كيلمعو وحزام فالوسط ديالها منبت من نفس الاحجار لي على الصدر مع مكياج مناسبها وشعرها دايرة ليه بوكلي مطلوق جامعة شوية منو ببروش كيلمع .جات زوينة بزاف
دينيس:شكراااا لييكم ولعقبا ليكم
اكرام:اميين
دينيس:عائشة كاع مابانت ليا صيفطت ليها الخدامة ومابانش حسها
فاتي:راكي عارفة الوحم
دينيس:عارفة ولكن هاد النهار مهم خاص تحضر
فاتي:دابة تنزل راه عصام خوها مايمكنش ماتحضرش
طلعات الخدامة باش تجيب ليهم لخبار هضرات وهي مبتاسمة:راهم وصلو
دينيس قلبها ولا كيضرب فالمية:حتى عصام
بقاو كيضحكو عليها
فاتي:ههههه لا عصام تا لغدة عاد يجي
ضرباتها دينيس بالخف:هههه ماضحكوش عليا راه كنحس بتبوريشة شاداني من صبعي الصغير
كملوها هضرة وكيحاولو يبعدو عليها التوتر
لتحت
شافها ماناوياش تنزل وكلشي كيسول عليها وكيقولو ليهم هاهي اتنزل نساحب بهدوء وطلع للجناح..دخل شافها فوق النموسية متكية ومغطية بليزار مافاهمش شهاد الحالة ولات فيها ..قرب لعندها تا وقف اونفاص معاها شافت فيه ورجعات نزلات عنيها ملي شافتو مقوص حواجبو ..سمعات صوتو:تهزي
ماجاوباتوش
بصوت حاد:قلت تهزيييي
شافت فيه ببرود وحيدات عليها ليزار ونزلات من النموسية بلا ماتدوي معاه دازت من حداه وهي تشدها الدوخة دغية شدهت بديه حطات راسها على صدرو كتحس بدنيا كدور بيها:عائشة واش لاباس
هزات راسها باه
يوسف :نمشيو لطبيب
حلات عنيها وشافت فيه:لا انا بيخير هدشي عادي
بعدات عليه وهي كتقوي راسها ودخلات للحمام ردات باش عاد ترتاح غسلات وجها مزيان وشافت فلمراية تحت عنيها ولاو زورق ووجها ولا شاحب وهدشي لي فكرشها عياها ..حطات يديها على كرشها خايفة تاهو تفقدوو ..كيتعدب معاها بزاف ومستحمل هاد المشاكيل لي ولات فيه..خرجات من لحمام لقاتو مازال واقف..يلاه ادخل لبيت تبدال وهو يجرها لعندو:زدتي فيه بزااف اعائشة
شافت فيه بنفس البرود:خليني نبدل عليا
عض على سنانو وهضر:لابقيتي هكا غير تحملي داكشي لي غيجيك حتى كنقول درتي عقلك وكنلقاك غير مازدتي فيه
عائشة:شغا دير فيا كتر من هدشي لي انا فيه
تنهدات وهمسات ليه:خلي هاد ليلة دوز على خير الله يخليك و الله ماعندي الجهد لي يهضر بسيف باش واقفة
غمض عنيه معصب كيحاول مايتهورش حيت كتلعب ليه على الاعصاب رخة منها وحل لباب وخرج وزدحو بقات واقفة شحال ودخلات لبيت تبدال تشوف شغا تلبس
نزل لبيت دينيس دق وحل لباب ودخل غير شافتو وقفات ..قرب لعندها وتحنة باسها على راسها:خاص تنزلي
هزات راسها باه شد ليها فيديها ونزل هو وياها حسات بواحد التوتر فشكل لدرجة ماقدراتش تعلي راسها وتشوف فيهم سلمات وماشافتش حتى فوجهم ..فاش وصلات ليه علات راسها بغات تشوف فعنيه باش تزيد ترتاح..تنهدات براحة فاش شافت الفرحة فعنيه قفزات فاش كلشي بدة كيضحك..كلشي سمع تنهيدتها .عضات على شفايفها ورجعات اللور ولات حمرة مزنكة جلسات حدا ناصر وهي كتلعب بصبعانها
ليلى:شتي ابنتي من نهار خلاقيتي وانا كنقول دينيس لتاجدين ايلا رجع وربي كمل بالخير وها حنا عندك كنطلبو فيك ليه
طاهرة:ربي كبير والحمد الله على هاد الساعة
عماد:احم ندخلو فالموضوع حيت جاني جوع ولعاصير تقل عليا بغينا لمعقوول هههه
بقاو كيضحكوو
ليلى:لي ضاربك ضاربك على كرشك
عماد كمل كلامو بجدية:ايكون لينا الشرف لا قبلتو بولدي تاجدين لبنتكم دينيس بالفرحات علينا تكون عروستنا
ناصر حط يديه على كتافها وبتاسم:وانا بسعدات عليا نعطيك بنتي لعزيزة ولكن كيبقة الري ديالها..شنو قلتي ابنتي
دينيس هزات راسها وشافت فيه مباشرة لقاتو مبتاسم وكيشوف فيها عضات على شفايفهاوبتاسمات:موافقة
بداو كيصفقو ويضحكو وطاهرة كتحتول تزغرت هي وليلى وناض شي كيسلم على شي فرحانين
كانت واقفة حدا الدروج وكتفرج تنهدات وقربات لعندهم ...وقفات كتشوف فخوها وهي مبتاسمة:مبروك
عنقها:الله يبارك فيك مالك مانزلتيش
عائشة:مع الدوخة راك عارف
بتاسم ليها:الله يفكك على خير
دارت سلمات على الزاهية وسارة
سارة:مالكي وجهك صفر
عائشة:مع الوحم
سارة هزات راسها باه وهي كتشوف فحالتها كي دايرة دبلانة و تانقطة دلماكياج مادايراهت ولابسة لباس عادي وجامعة شعرها لفوق باهمال
عصام وقف حدا دينيس سلم عليها بالوجه:مبروك
بتاسمان:الله يبارك فيك
هز ليها يديها وباسها عاد ركب ليها لخاتم بقات كتشوف تا دمعو عنيها بالفرحة:ماتصورش شحال انا فرحانة
عصام:وانا كتر منك
دينيس:الحمد الله
مدات ليه ليلى البواطة حلها وضار مور ضهرها كيلبسها العقد وهي اطير بالفرحة وحيدات لحوالق لي دايرة وركبات لي جاب ليها من بعد دارت ليه تاهو الخاتم كلشي بارك ليهم وكلشي فرح ليهم
