💔الجزء 184💔
وصلو للجمعية الخيرية
نزلات وفيدها هارون .كيضحك ويلعب بيديه وهو كيشوف ضواوات والصحافة كتصور عاجيو لحال
تجمعو باش ايدخلو وهي توقفهم كاملين طاهرة:تبتو ها لعار مانبغيش شي حاجة ماشي هي هديك سمعتوني
تاواحد ماجاوبها:واش كتسمعوو
امونة:صافي اماما راه سمعنا شغا يوقع كاع اناري
طاهرة:وزيدو ندخلو ليلى وجنات راهم لداخل
دخلو كانت لقاعة كبيرة وعامرة كلشي مجموع سيدات ورجال اعمال من مختلف الطبقات..كل واحد والهدف ديالو كاين لي جاي لهدف خيري باش ياخد الاجر..وكاين لي جاي لهدف التباهي قدام الصحافة وزعمة راني تبرعت ..الانضار كلها عليهم عائلة الزعيم بجميع افرادها داخلين وخصوصا على يوسف راجل جوج عيالات ..استقبلاتهم السيدة لي مكلفة بالاستقبالات رحبات بيهم وتبعولا لبلاصتهم لي موجدينها كانت ليلى وعماد كيتسناو:تعطلتو
طاهرة شافت فناصر:هوما لي تعطلو
ليلى شافت ففاتي:بنتي ماغاتسلميش عليا
فاتي شافت فيها وماجاوبتها..ليلى قربات لعندها وعنقاتها وباستها على خدها:كتبقاي بنتي لوحيدة لي صبرات لحماق ماماها لاعوام.عدريني ابنتي الله يخليك
فاتي غير كتشوف فيها ماقالت تاشي كلمة
دينيس':خالتي فاتي راه قلبها بيض ماكاتحقدش غا عزة نفسي وصافي
فاتي ضرباتها بالخف:سكتيييي
عائشة:واش ماجاش عصام
ليلى:راه جا ورجع مشا لدار واقلة ايجيب سارة
هزات راسها بأه ودورات وجها كتشوف فالقاعة كيف مزينة ومقادة وناس كلاس جالسين وسيرفورا منتاشريف فكل بلاصة..وموسيقة هادئة مناسبة الاجواء
نرجس شافت فيوسف:كيف جاك هدشي انا وخالتي لي شرفنا على هدشي
يوسف:مزيان
طاهرة:لا انا غا كنت كنتفرج نتي لي قداتي كلشي
نرجس:اهم حاجة ينجح هاد الحفل الخيري
شوية دخل عصام ومعاه سارة ومهدي
عائشة فرحات فاش شافتها مشات كطير لعندها سلمات عليها:مزيان ملي جيتي
سارة:ماكانتش غنجي الزاهية عيانة وقالتلي حشومة مايمشي تاواحد فينا
عائشة:ياك لاباس مالها ماما
سارة:لا راها بيخير غا شوية دلعية
عائشة:اه تانعيط ليها..
سارة:واخة..اصبار اصبار نشوف..لكلاس وداكشي جيتي زوينة
عائشة:عويناتك تانتي وتاك الحمر
سارة:هي لي لقيتها مستورة هههه
عائشة:ههههه هبيلة
قرب لعندهم عصام:عويشة دويبة
عنقات خوها:توحشتك
عصام:عليها كتسولي
عائشة:انا غا مع هارون ودار ..
عصام بتاسم:وزايدة واحد اخور
تزنكات وحشمات:احم ايوا كتاب
عصام:نتي بعدة هانية
عائشة:الحمد الله اخويا
عصام:داكشي لي بغيت
مهدي:ختي عيشة مبروك لولد تاني
عائشة:عائشة امهدي ماشي عيشة الله يخليك
مهدي:هههه من الجملة كاملة سمعتي غا عيشة..ناري نتوما لبنات خطار
عائشة:ههههه كندققو فكلشي
مهدي:كي عيشة كي عائشة الله يجعل غا صحيحة وسلامة اريلي نشوف هاد الزاعيم صغير
مدات هارون وشدو كيلعب معاه
عائشة:سير راهم كيسولو عليك
شاف فجيهتم وتنهد ومشا
سلم عليهم ووقف حدا ليلى وعماد خاشي يديه فجيابو
ليلى حطات يديها على لكول دسوميج ديالو وقداتها ليه:الله يحفضك من العين اولدي
عصام بتاسم:لواه لواه ماتزيديش فيه
ليلى:مالك ولدي غزال شوف غير كيف كيشوفو فيك الناس
دور وجهو ورجع شاف فيها:هي ليوم ايخطبوني من عندك هههه
ليلى:ههههه نت غا ختار
عصام:غا ختاري بلا مانوصيك فالزين
ليلى:ههههه حمق غا تسنة تقاد الامور وغندور بيك
كتافة بابتسامة ودور وجهو وجات عنيه فعينيها..سمعات كاع هضرتهم ..تغرغرو عنيها بالدموع..نزل عنيه من عنيها فاش شاف داك اللمعة دعينيها:الوليدة فوقاش ايبدة هدشي
ليلى:بلاتي يزيدو يتجمعو الناس
عصام:واخة
شاف ففاتي كيف شادة طليفون وكتلعب فيه قرب وخداه ليها من يديها:عطينا شوية دلوقت
فاتي:وا نكمل غا المساج اناري
رجعو ليها كملات لمساج وخشاتو فساك :هنا اش بغييتي
خربق ليها شعرها:هكا ناس كيهضرو مع خوهم
فاتي بتاسمات:خويا لعزيز لاباس رتاحيتي
بتاسم:اه دابة مزيان
بقات كضحك وشداتها حديت هي وياه
كانت واقفة هي وسارة كيدويو..سمعات صوتو وضارت لعندو مبتاسمة:حمزة
حمزة كيشوف فيها وهو مبتاسم :نورتي الجمعية
سارة:منورة بناسها
حمزة:لاباس عليك
سارة:الحمد الله ونت
حمزة:الحمد الله
وقرب وهمس ليها:كنعيط ليك ماكاتجاوبيش
عضات على شفايفها:ماكانكونش حدا الطليفون فاش كتصوني
حمزة:وماكاتعرفيش تولي تصوني وتقطعي نرجع نعيط ليك
سارة:اه دابة درتيهالي فبرلي
حمزة:واخة فيك
كتافات بابتسامة وعائشة غا كتفرج
حمزة:مرت الزاعيم لاباس
عائشة:الحمد الله ونت
حمزة:تا اناا
عائشة دورات وجها فاش شافت شي ومدة كتهضر معاها:نتي هي عائشة مرات يوسف الزعيم
عائشة:اه
بتاسمات:انا صحافية نقدر ندير معاك لقاء
عائشة يلاه اتجاوبها وهي تحس بيه حاط يديه على خسرها:حنا فحفل خيري ماشي اللقااءات
الصحافية:مجرد اسئلة عادية وصافي
وبتاسمات:كتعرف تختار اسي الزعيم غزالة مراتك التانية وباقة صغيرة ماكرهتش نعرف قصة زواجكم كلشي عندو فضول يعرف
يوسف ماجاوبهاش جر عائشة وخلاها بلاكة
عائشة:مالك درتي ليها هكاك
يوسف:خليك بعيدة على هدشي دصحافة
عائشة:صافي انمشي عند سارة
جرها تاني:ماتحركيش من حدايا سمعتيني
تأففات عوتاني الحكام والزمت وماحاملاش تبقة حدا نرجس واكرام حيت ماضمنش راسها شنو ممكن دير ايلا جبدوها..دورات وجها بان ليها لعاصير:يوسف
شاف فيها:مالك
شافت فسيرفور:العاصير
دار ليه اشارة بيديه جا لعندهم مد ليها كاس..شرباتو فدقة:اصبار تسنة
حطات لكاس وزادت كاس دلعصير تاني:صافي سير
مشا وهي بدات كتشرب فلعصير شوية بشوية ..ويوسف واقف كيدوي هو وناصر على الجمعية
طاهرة:سمحولي هاني جاية
مشات عند بدر لي واقف هو وزينب:اهلان بسي بدر لي كنشوفوه مرة فلعام فين كنتي غابر
بدر:غا مع الخدمة الوليدة ماتزيديش فيه راه كنجي لدار
طاهرة:كتجي ليها بحال شي ضيف وتخرج
بدر:دابة تولي تشوفيني بزاف غا تهناي
طاهرة شافت فزينب:سمحيلي ابنتي لولاد كيدوخو مرحبا بيك
زينب:شكرا اخالتي
طاهرة:ماعرفتينيش على هاد لغزالة
بدر:هدي زينب
طاهرة:زينب زوينة تبارك الله.،احم مامولافاش نشوفك مع الجنس اللطيف شرحلي شنو نوع هاد العلاقة
بدر :هههه
طاهرة:زينب مادريهاش مني قلت الصواب ولكن جاتني عجيبة
بدر:الوالدة زينب اتكون مراتي ان شاء الله
طاهرة خرجات فيه عنيها:كيفاش..مراتك..مافهمتش كيفاش وعلاش ومن ايمتى...ونت ديما فاش كنقولك زواج كتهرب كي درتي ليها
بدر:حيت ماكنتش لاقي لي تناسبني وزينب لقيت راسي مفاهم معاها
طاهرة:تقدم ملحوض..المهم ماشي وقت هاد الهضرة واجيو شوية وايبداو
تبعوها
اكرام كانت هازة كاس فيديها حتى كيوقفها صوتو:ها القطة
شافت فيه وفهارون لي فيديه:جيتي
مهدي:جيت
اكرام:ايوا مزيان
مهدي:كي بقيتي
اكرام:الحمد الله
وبغات تكمل طريقها وهو يوقفها:اجي فين غادا
اكرام:اش بغيتي
مهدي:شو كي كدير..سيري بغينا نقولولك غا جيتي زوينة
بتاسمات:عارفة راسي زوينة
مهدي:غا بغيت نرفع ليك المعنويات من بعد النتفة لي خديتي لبارح ماتزيديش فيه
اكرام:انا،لي حمقة دايرة فيك راسي
مشات وهو كيضحك شاف فهارون:شتي لبنات كومونيات لما عطيتيهمش علاياش كيقلبو كيضسرو زيد هادي عندك
هارون غا كيشوف فيه مافاهم تا لعبة
كلشي تجمع فاش سمعو الهضرة فالميكرو باش غيبداو
طاهرة بتاسمات وهي كتسمع سميتها كلشي بقة كيصفق عليها طلعات للمنصة جيهت لميكرو باش تعطي لكلمة ديالها حيت هي لي مترأسة هاد الجمعية كتهضر بكل تقة والابتسامة على وجها..هدشي ولا عندها فيه خبرة ولفات بهاد الاجواء:كنشكركم على تلبية الدعوة ديالي وكنرحب بناس جداد لي نضامو لهاد الجمعية باش يدعموها ويساندوها وطبعا الناس لي قدام معانا وواقفين معانا من شحال هدي..ماتصوروش شحال فرحانة وانا كنشوفكم حاضرين معايا وان شاء الله ربي يزيدها فميزان حسناتكم..حيت شحال من عائلة محتاجة لينا..وشحال من طفل صغير متشرد وحنا عاوناه..وشحال من ام عازبة كتعاني..وام ارملة ..وبزاااف لي ديال القضاية كتعالجهم الجمعية ديالنا ..ومانساش عائلتي لي حاضرة معانا كنحماق عليكم
بقاو كيصفقوو وهي كضحك..رجعات كملات كلامها:مانطولش عليكم ونبداو فالتبرعات ديالنا..وغنبدا مني انا
جبدات شيك من ساك ديالها وكاميرا كتصور ومعكوسة صورة ديالها على شكل فيديو فشاشة كبيرة من موراها باش كلشي يشوف
طاهرة:مبلغ قيمتو 500مليون ..ماشي خسارة فناس لي محتاجين لينا
بداو فتصفيقات ..ورجعات كملات كلامها ملي قربات لعندها وحدة فيديها صندوق مفتوح فيه بزاف دشيكات ..هزات واحد وشافت فليلى:هدا التبرع دلاخت ديالي ليلى 500مليون
طلعات ليلى لعندها على التصفيقات باش تعطي لكلمة ديالها حيت تاهي مترأسة لجمعية:كيف قالت ختي ماشي خصارة فناس لي محتاجين لينا..الحمد الله ربي كرم علينا وعطانا من عندو علاش لي ماغانتقاسموش النعمة لي عطانا ربي مع الناس لي محتاجين لينا لفلوس كتمشي وتجي كتبقة فالتعامول طبعا
وختمات كلامها بابتسامة ..ونفس الشي تصفيقات
طاهرة رجعات تاني للميكرو وبتاسمات ولميكرو قدامها:راجلي لعزيز ناصر الزعيم كيف ديما كنلقاه فجنبي ومساندني فاي حاجة كندير الله يخليك ليا .كنبغيك من هاد المنبر
تسمع صوت تصفار وتصفاق وناس كيضحكو
طاهرة وهي كضحك:مالي نكدب
لعيالات ولبنات كيغوتو ويقولو لااا
طاهرة كتشوف فناصر كيف كيشوف فيها وهو مبتاسم.رجعات كملات كلامها:كيتبرع لينا بمبلغ مليار ديال الدرهم .شكرا ناصر الزعيم
تصفيقات 👏👏👏
طاهرة كملات باقي التبرعات وشاشة كتسجل شحال دلمبلغ وصلو ليه تحت انضار ناس لي حاضرين..داز كلشي..تا من يوسف ..عصام ..امونة حمزة..عماد..حمزة..امين..جنات..وبدر..ولي بغة طلع عطا الكلمة ديالو ولي مابغاش كتافة بالمشاهدة
طاهرة وفيديها شيك تاني من يوسف:تاني شيك من ولدي يوسف باسم هارون ومراتو عائشة جوج دلمليار
عائشة شافت فيوسف وبتاسمات وهي كتصفق بيديها ورجعات كتشوف فطاهرة لي مازال كيوصلوها تبرعات خرين داز الوقت ..حسات بالعية..نساحبات بهدوه ومشات للحمام رجعات ليها تاني الردة ..ردات وغسلات فمها كتلهت بقات واقفة شحال حتى سترجعات انفاسها وحلات ساك قادات العكار وخرجات من الحمام وهب تلقات قدامها:جعفر
جعفر:مالقيتش الفرصة فين ندوي معاك
عائشة كتشوف واش كاين شي واحد:فوقاش جيتي
جعفر:قبيلة
عائشة:غيشوفنا يوسف ماخاصني صداع
جعفر:بغيت نقولك داكشي لي طلبتي كلو تنفد والشركة ولات ديالك
بتاسمات:بصاح
هز راسو باه:وفلوسك فتحت ليك كونط بسميتك سري فيه كاع فلوسك..وفاش اتبدا الشركة فالخدمة كاع الارباح ايدوزو للحساب ديالك
عائشة:شكرا بزاف .وخلي هدشي بيناتنا
جعفر:كوني هانية..حاجة وحدة خاص تجي مرة مرة باش تأكدي حسابك فالبنك باش مايتبلوكاش
عائشة:نت مايمكنلكش تكلف
جعفر:لا خاص مول لكونط لي يحضر ويوقع
هزات راسها باه:واخة
وتنهدات ماعارفاس شغا دير مع يوسف لخروج ودخول كلشي غيكون فراسو:المهم تانشوف كيف ندير
شهقات فاش سمعات شي صوت من موراها:عائشة
