مشاو وهي رجعات جلسات فبلاصتها
اكرام حاطة راسها على كتاف ناصر:بابي ليلة خايبة ياك
هز راسو باه
اكرام:ماعرفت هاد النحس منين جاي
قالتها وهي كتشوف فعائشة
الطاهرة:هدشي مكتاب ماشي نحس
اكرام:ماعرفت..بابي جاني النعاس يلاه نمشيو
ناصر:نوضو نمشيو تاحنا
عائشة عارفة اكرام كتقصدها هي ولكن ماشي وقتو
كلشي ناض باش يمشي بحالو
دينيس:انا غنبات مع فاتي غير خليوني
يلاه اتجاوبها الطاهرة وهوما يسمعو صوتها
فاتي هازة الشانطة ديالها:انا لي غنمشي نبات معاكم مابقالي ماندير فهاد الدار
عماد قرب لعندها:زدتي فيييه
ناصر:صافي غير خليها ماشي وقت الهضرة دوز هاد الليلة ويكون خيير
عماد سكت ماقال والو ..وناض كاكلشي خرج باش يمشيو بحالهم
على برة
عائشة:خالتي طاهرة انمشي معاك نتي وعمي ناصر
طاهرة:اه ابنتي جيتي معانا اتمشي معانا..اكرام نتي سيري مع يوسف ونرجس فاتي اتركب معانا
اكرام:لا انمشي مع بدر ..خليو الحيبان يمشيو بحدهم لاش اندخل سوسة وسطهم (قالتها وهي كتشوف فعائشة)
طاهرة فاهماها:النعاس أتر عليك
اكرام وهي غادة:ههه مالي كدبت
كلشي ركب ومشاو لدار
عائشة غير وصلات طلعات كطير لبيتها
دينيس عنقات فاتي:اتنعسي حدايا ابب
فاتي:لا كنتي اتبقاي ساكتة
دينيس حطات يديها على فمها:من دابة
لفووق
عائشة :يمكن ليك تمشي تنعسي.شكرا
الخدامة:هدا واجب امدام
وخرجات عائشة تبعاتها تسد لباب بساروت مالقاتوش قلبات والو زدحاتها:تفووووومايكون غا داك الحيوان ولكن فوقاش دارها
تنهدات وشافت فهارون ناعس:نت لي وتاك النعاس
وقفات حدا لمراية مسحات المكياج وحيدات الكسوة وهي حاضية مع لباب يلاه اتجبد شي بيجامة وهي تقفز فاش سمعات الحراكة حدا لباب..مشات كتجري لحمام وطلقات رشاش مجهد زعمة راها كدوش بقات واقفة شحال كتسنة لباب تسد ولكن والووو..طفات لما وقربات للباب حطات راسها عليه كتسنا ..سمعات شي خطوات..عرفات انه خطواتوو كيمشي بحر كات تقال وتابتيين..داز الوقت وقع الحس والهدوء حتى خطواتو مابقاوش مسموعين ..شوية هوووووب كانت اطيح فاش تحلات لباب..قلبها بغة يسكوووت..كانت طاهرة..زربات خدات فوطة لواتها عليها
