💫الجزء 221💫
فبلاصة خراا
كانو فالجردة كيتقهواو مع شميشة الجو كان زوين ربيع دخل والجو كيحمق..الجردة كلها ورد بجمييع الانواع ملونين ولفرشات كينقزو من لهنا لهناا..وجوهرة وهارون تابعينهم كيلعبو فرحانين..يوسف دار ليهم كاع داكشي لي بغاو ماخلاهم محتتاجين لوالووو عوضهم على كاع دوك الايام لي تفرقو فيهاا..
تكات ليه على كتفو وبتاسمات بتعب ولات كتعية كتقيل متكية فلفراش ناعسة قلتلها طبيبة ماخاصش تبقة تحرك بزاف وتعطي راحة لراسها..لحمل غادي وكيصعااب جابو ليها ممرضة تبقى معاها فالدار :حياتي عييت بغيت نطلع نتكة
باس ليها يديها ووقف وهزها بين يديه بتاسمات وباستو على صدرو
يوسف لي ولا واقف معاهاا فجميع الضروف كتلقاه فجنبها مخفف عليها عداب الحمل ..واخة كتعية شوية ولكن هاد الفترة دلحمل لي كدوز منها دابة هي احسن فترة كدوز منها مقارنة مع فاش كانت حاملة بهارون وجوهرة..نفسيتها مرتاحة بزاف فرحانة بهاد الحمل..طبيب قالها حالتك مستاقرة وقلبك بدا كيسترجع طاقتو..شنو بغات كتر وكلشي تصلح..غطسات راسها فعنقو وباستو تاحسات بيه حطها فوق النموسية..جراتو وهمسات ليه:نعس حدايا بغيتك تبقة معايا
بتاسم وهو كيدير ليها خاطرها تكة حداها وهي مخشية فيه ودغية نعساات وهو كيمسح ليها على شعرها حبو ليها نهار مور نهار كيزيد يكبر
بعد مرور شهوور
صوت غواتهاا مسمووع بالجهد...الزاهية حداها كتحااول تصبرها وتقنعها تمشي للطبيب:ابنتييي يلاه راه يخلط عليك للطبيب
عائشة ربي لي عالم بيها بالحريق كتبكييي وتغوت:لاا اماما ماغانتحركش تايجيييي سمعتينييي بغييت
يوسف اماما
الزاهية ناضت غادة جاية فلبيت خايفة توقع ليها شي حاجة رجعات صونات ليه طليفون طافي..قربات لعندها تاني وهاد المرة بلغوات:واااش باغة تحمقيينيي وايلا ماجااااش شغا ديريي
عائشة ولات كلها عرقانة ولحريق كينهش فيها عاضة شفايفها طيباتهم والممرضة لي مكلفة بيها فدار واقفة حداها كتحاول دير شي حاجة ولكن والوو:ماغاندولدش تايجييي سمعتينييي بغيتو يكوون معاياا..ماغاديش نتحرك من لهنا تايجي يووسف
وختمات كلامها بغووتة من القلب لحريق غادي وكيزيد:أأاأاااااااااااه ماما كنموووت
الزاهية شدات ليها فيديها ونزلو دموعها:ابنتي طاوعيني وسمعي لكلامي خلينا نمشيو للطبيب ها خوك جاي الله يخلييك راه قلبي غيوقف ونتي مريضة ماصالحلكش هدشي لا ليك للتوام لي فكرشك
عائشة دفنات راسها فالمخدة كتعض فيها ودموعها نازلين حارين على خدها:مانقدرش اماما فهميني بغيتو يكون معايا واعدتو نمشي انا وياه للطبيب..مابغيتش نكون بوحدي بحال دييما ماغانستحملهاااش
الزاهية هزات طليفون كتصوني تانيييي وتحاول كتر من مرة هو عارف هاد الايام لي غتولد فيهم اتكون واقعة شي حاجة
ولات كتبكي خايفة على بنتها لي كتشربل حداهااا ومريضة ملفوق وتواام صعيبة عليهاا
فالجيهة لوخراا
كان واقف كيودعهم من بعد ما سلا الاجتماع ديالو فواحد الاوطيل داز على خير تنهد وهو كيشوف فالساعة ماخاصش يتعطل عليها هي ووليداتو..ولاو ضاروري يتغداو مجموعين فدار فجو عائلي زوين..قشع طليفونو فوق الطبلة هز الفيسط ديالو لبسها بالخف وقرب خدا تا طليفون بغة يتأكد واش ماعيط ليه حد وهو يتفاجأ طليفون طافي يبغة يشعلو عطاه باه مديشارجي..تنهد محتاج للطليفون فأبيل..دارو فجيبو وخرج من الاوطيل ركب فطموبيلتو وبرونشاه يتشارجا وشعلو عاد ديمارا باش يمشي للدار..شوية بدا يوصل ميساح مور ميساج.مابغاش يحبس خفف السرعة وشدو بين ييده كتر من 100ابل من عند عائشة وعاد عصام والزاهية ..فدقيقة رجع صونا ليه الطليفون جاوب داك ساع غمض عنيه وهو كيسمع لغواتها والزاهية كتبكيي وتقولو اجي دغية..قطع وزاد فالسرعة..ماعرفش كيف دار ولا فوقاش وصل للدار..نزل كيطييير.دخل للدار وطلع نيشان لبيت صوت غواتها كاسر الدنيا غير دخل زاد فالبكة..كتبكي وتشهق:حساابليي ماغاتجييش ايوسف خفت بزاف حتى هاد المرة ماتكونش معايا
اازاهية بالغوات:يووسف هزها خلينا نمشيو للكبييب دغية الله يخليك
قرب لعندها شدات فيه وعنقاتو كتبكي وكلها كترجف والوجع متمكن منها مسح ليها على راسها:شششش هاني جيييت سمحي ليااا ماكانش خاص نخليييك هاني معاك
هزات راسها باه مابقاتش قادرة تزيد تهضر..غوتات بالجهد فاش ضربها الضو لكرشها بلحريق:اااااااااااااه يوووسف مابقيتش قادرة
قلبو كيمشي ويجيي معاهاا باسها على راسها وهزها بااخف وخرج من اللبيت والزاهية تابعاه بالساك هي والممرضة
فالطبيب
غير وصلو ستقبلاتهم طبيبة لي مكلفة بيها ومعاها ااممرضات ..حطوها فالبياص شادة ليه فيديه وكتغوت ..بقاو جرينها وهو غادي فجنبها..شوية صوتها بقة كينخاافض حتى سكتات عنيها بداو كيتقلبو وبدات كترخة..طبيبة كتقيص ليها اانبض ديالها شافت فالممرضة:عيطي لطبيب دلقلب ديالها داابة جري
يوسف حبس وجرها:كيفاااش اش واقع
طبيبة:نبض ديالها نخافض بزااف خاص يجي طبيب ديالها يحضر معانا سمحلي اسيدي ماخاصش نتعطلوو
مابغاش يرخي منها:سمعيني كنعرف مرااتي مايوقع فيها والووو
طبيبة:غادي.ندير كتر مافجهدي يكون خيير
يوسف تحنة كيشوف فعائشة مزال شادة ليه فيديه باس ليها يديها وراسها وهمس ليها:هنا معااك اعائشة كتسمعنيي انا كنتسناك هنا نتي وولادي..ماتخليش شي حاجة توقع لييك ..انا هناا معاااك حتى نفرحو بولادنا بجوج سمعتيني
حلات عنيها بشوية وهمسات ليه:كنبغيييك..
طبيبة:سمحلي اسيدي راه تابعانا مازال نزيدو نشوفو واش اتولد عادي ولا قيصري
وجراتهااا هي والممرضات الغرفة العمليات..بقة واقف كيشوف فلباب تسدات مسح على راسو بتوتر ماعارفش اش يدير تكا على الحيط اونفاص مع لباب دالعمليات..مراقبو بصمت من غيير داك الضجيج لي فقلبو كيضرب بالجهد لدرجة كيسمع صوتوو ..تنهد بااجهد ماكيقدش تا يتخايل انه توقع ليها شي حااجة
الزاهية وقفات حداه كيسمعها كتدعي وتطلب من الله يفكها على خير ويحميها ويحفضها هي وولادها بصووت باكي
يوسف بهمس من كل قلبوو:أمييييين
مانتابهش لعصام ودينيس والطاهرة لي جاات عنيه مفيكسين على غرفة العمليات ماكايرمشش ..كيشوف وساكت ودماغو خدام ..طاهرة من صباح وهي تدوي معاه ماجاوبهاش فتالي شدات ليه فيديه:ولدي كتسمعني
شاف فيها :نعام ااوليدة
طاهرة:كلشي غيدوز بخيير ماتخافش
هز راسو باه :اه ماغايوقع ليها والو اصلا ماعندو ما يوقع
وتحرك من حداها غادي جاي فلكولواار
لداخل
علقو ليها سيرو والاجهزة ديال نبضات القلب والاوكسيجين على نيفهااا..دخل الطبيب كيدير ليها فحص ويتأكد من حالتها
طبيبة:ماخاصش نزيدو نتعطلو ادكتور توام غيوليو فخاطر وسقية طرطقات قبيلة..لا كانت اتولد عادي نضرب ليها شوكة تصحى وتفيق وايلا كانت اتولد قيصري نبداو دابة اش بان ليك
طبيب:صافي ضربي ليها بنج نصفي لجسمها وبداي فالعملية هاني معااك حالتها مستاقرة ولكن ماتصلاحش تولد ولادة عادية حيت قلبها ماغايستحملش ..نبضات قلبها ستاقرو دابة
طبيبة:صافي واخة
وشافت فالمساعدة ديالها :نبداو
ضربو ليها لبنج لنصف جسمها لتحتاني
عائشة كتحل عنيها وتسدهم تنهدات وهزات يديها وحيدات لاوكسجين:عفاك مايوقع والو لولادي
طبيبة شدات ليها فيديها:كوني هانية
هزات راسها باه وهي كتشوف فالسقف مغطين ليها نصفها لتحتاني باش ماتشوف والو..فايقة ولكن ماكتخ
حسش بنصها بالتحت فين كيديرو فلعملية كتمنى مايوقع والو لوليداتها طبيب دلقلب مراقب نبضاتهاا شاف فيها وبتاسم:كلشي مزيان ماتخافيش
هزات راسها باه ماقادراش تدوي
داز الوقت
مازال غادي جااي من حدا غرفة العمليات التوتر قدا عليه ماباغيش يفكر فدوك الاحتمالات الخايبين مركز فحاجة وحدة انها غتنوض على خير واازاهية والطاهرة كيدعيو ربي يعاونها..حتى كتخرج عندو ااممرضة شافت فيه:السي يوسف
شاف فيها بلا تاشي كلمة
ااممرضة:أجي معايا عفاك
الزاهية بخوف:اش واقع ابنتي ماتخلعينيش
قبل تدوي الممرضة كان دخل هو لدااخل طااير
وقف كيشوف داكشي لي قدامو
دخل طاير ووقف كيشوف فداكشي لي قداموو
صوت بكاهم فارع الغرفة بقا شحال كيشوف فداك الجوج صغيورين..سهااا نزل عنيه لعندها كانت كتشوف لجيهتو وعنيها مغرغرين بالدموع همسات ليه:يووسف
قرب لعندها شد ليها فيديها وباسها من جوج جيهات ورجع باسها تاني على راسها بكل حب وهمس ليها :الحمد الله على سلامتك
عاد رجعات فيه الرووح
عائشة:اناا فرحانة بزاف ايوسف شوف ولادنا جوج وليدات
بتاسن وهو كيشوف الممرضات شادينهم مدوشين ليهم ناضين ..قرب لعندهم كيشوف فيهم احساس تحرم منوو جوج مراات..عاشو مرة وحدة وماكتابش يفرح بيه مع ولدو واليد..خدا من الممرضة ولدو كيشوف فيه وهو مبتاسم باسو على راسوو بشوية خايف يأديه وشاف فالممرضة لوخرا:ارهلي
عطاتو ولدو التاني هزو فاليد لوخرا باسو تاهو بكل حب وهو فرحان كيشوف فيهم مامتيقش هادو ولادو ..شاف فيها:شحاال صغار
هزات راسها باه:قرب لعندي
قرب لعندها وتحنا لعندهاا حط ليها فوق صدرها واحد فيهم شداتو بيد كتبوس فيه..وهزو وحط تانييي باستو تاهو..وبدات كتبكيي
يوسف حط يديه فوق كتافها:ششش لاش لبكة
عائشة:الفرحة ايووسف..وليداتي بيخير وراجلي معايا شنو بغيت كتر..اول مرة انجرب هاد الاحساس..اول مرة انولد وأنا فرحانة وانستقبل وللدي وانا فرحانة بيهم..اول مرة اتحضر معايا وانستقبلو ولادنا بجوج...
بتاسم ليها ومد واحد للممرضات وتحنى باسها على راسها :وغنربيوهم بجوج تا يكبرو انبقة معاك ديما
هزات راسها باه وهو كيسمح ليها فدموعها
طبيية:انديوها للغرفة ديالها سمحلي اسيدي
هز راسو باه وتحنى تاني باسها على راسها وجروها نقلوها للغرفة عادية
داز الوقت
فالغرفة
كانت متكية ماخاصهاش تحرك مع العملية ...وكلشي مجموع عندها فالشمبر كيباركو ليها فرحانين..وهي يديها فيديه مابغاش ترخي منو دار كرسي وجالس حداها ووليداتهم فالكوشة قدامهم وهارون وجوهرة واقفين حدا لي بي بي بجوج كيشوفو فيهم ويهضرو ويقارنو بيناتهم فرحانين..هي عاجبها الجو لي هي فيه كلشي هو هداك ماناقصها تاشي حاجة تنهدات براحة وهزات يديه لفمها وباستها شاف فيها وبتاسم بتاسمات ليه تاهي
همسات ليه بتعب:شنو انسميوهم
شاف فوليداتو :شنو بغيتي نتي
عائشة:لي بغيتي بغيتك نت تسميهم هارون وجوهرة انا لي سميتهم
بقة كيشوف شحال عاد نطق وكلشي كيتسناه شغا يسمي:عمران وفهد
عائشة بتاسمات :شحال زوينييين
شافت فلي بي بي:عمران ..فهد..باباكم لي ختار ليكم السمية
دخلات الطبيبة:سمحولي ولكن خاصها ترتاح
كلشي ناض سلمو عليها ومشاو
زيرات ليه على يديه:خليك عفاك
طبيبة:اه كاينة نموسية فتح داك الفطوي وبات مع المدام
وقربات كدير ليها فحص وبتاسمات:كلشي هو هداك خاص غا ترتاحي..وبلاتي واتجي الممرضة تاخد ل بي بي باش ترتاحي
هزات راسها باه:شكرا
خرجات وخلاتهم
وقف كيلعب مع عمران وفهد فصبيعاتهم وكيبتاسم شاف فيها:لمن كيشبهو
عائشة: مازال ماباين والو
يوسف ميل راسو:بحاليلا كيشبهولي
بتاسمات:اه غدي يشبهو ليك
قرب وباسها على راسها :نعسي ورتاحي
هزات راسها باه:خليك معايا عنداك تمشي
جلس تاني فوق لكرسي وشد ليها فيديها:هاني معاك أحياتي
غمضات عنيها ونعسات براحة
داز هاد النهار وجا نهار جديد
بالضبط فأمريكا
جالسة فالجردة اونفاص مع البحر كترتاح من بعد مافاقت بكري كدير رياضة ..شافت فوحدة دايزة من حداها حاملة وكرشها كبيرة سهات وهي كتشوف فيها ماحساتش براسها فاش حطات يديها على كرشها كتفكر نهار طيحات الجنين شحال كانت محطمة ودوك ليام شحال دازو عليها خايبين حتى قالت صافي ضاعت وعمرها اترجع كيف كان..تنهدات كانت اتكون كرشها تاهي كبيرة بحالها..رجعات تنهدات صافي داكشي نساتو ورجع من الماضي دفناتو فأعماق قلبها ..قدرات تخرج من داك الازمة وترجع توقف على رجليها خوات دماغها من بزاف دلحوايج..نقدات راسها وقرايتهاا.خدات الباك بنقطة مزيانة خلات خوتها وعائلتها يفرحو بيها ودابة عندها العام اللول فلافاك يلاه بدات ..عرفات راسها كانت غبية ولكن قدرات تخوي قلبها من يحيى راجل ختها..وتحقد وتكره يحيى لي كمل عليها فديك ليلة..كتكرهو واخة ماكاتعرفووش وحلفات لا ولات قلبات عليه ومابقاش عندها فضول تشوفو او تلاقاه حيت مايستاهلش..حسات بشي حد جلس حداها ومد ليها قرعة دلما خداتها وشربات منها:تعطلتي
بتاسم:طريق كانت عامرة
بتاسمات وهي كدور وجها وتشوف طموبيلتو جديدة:مبروووك شحال زوينة
وقف ومد ليها يديه:نوضي
ناضت تابعاه وهو جارها:جووون بشوية
حل ليها باب طموبيل ركبات وركب تاهو كانت اخر ماكاين فلبورش ..ركب تاهو وكسيرا بالجهد وهي كضحك فرحانة حلات الشرجم وخرجات يديها منوو كيضرب فيها ريح بالجهد مع السرعة لي غادي بيها هو...حتى كيوقفو حدا واحد الكافيتيريا..نزلو
جون:كيف جاتك
مريم:واعرة بزاااف
بتاسم:فاش تكملي 18 لكادو ديالك وحدة بحالها حمرة كيف كتعجبك
مريم:اممم فوقاش انكمل 18
خربق ليها شعرها:زيدي ندخلوو
دخلو لقاوها كتسنى سلمو عليها وجلسو
كارلا:شفتي طموبيل
مريم:شفتهاا كتحمق..اااه نسيت ماقلتش ليكم
شافو فيها بمعنة شنو
مريم:ختي عائشة ولدات لبارح
وجبدات طليفون كتوريهم فتصاور توينز
كارلا:كيحمقوو شحال كيووت
مريم:ااه
كرلا:ياك هي بيخير
هزات راسها باه:اه راها مزيانة
شافت فطليفون كيصوني ابل فيديو من عصام جاوبات داك ساع وغوتات وهي كتشوفو داير لكاميرا على توينز وحداهم عايشة:وييييينوو كيحمقووو بزااف مبروووك اختي لبارح ماما صيفطاتلي تصاور بليل وقالتلي اتكوني عيانة وناعسة
عائشة:الله يبارك فيك..وي راه نعست كنت عيانة
مريم:يتربى فعزكم ان شاء الله ..يوسف مبرووك
يوسف:الله يبارك فيك
قلبات لكاميرا لجون وكارلا:هاهوما بغاو يباركو ليكم
باركوو ليهم ..بقات شحال كدوي مع عائلتها من بعد قطعات
مريم تنهدات خاص تحضر للسبوع هدي تسع شهور مارجعات للمغرب تا فاش نجحات مابغاتش ترجع كانت مازال مدمرة وماقادرة تواجه تاشي واحد..جات عندها عائشة ويوسف زاروها..من بعد جا عصام والزاهية ودينيس شافوها..ولكن مايمكنش تزيد تهرب خاص ترجع تاخد واحد تلتيام تحضر وترجع عاود لقرايتها..اصلا هي دازت من ديك الازمة وولات قوية
شافت فيهم:صافي غادي نحضر
كرلا:اصلا خاص تحضري
مريم:وغادي تمشيو معايا
كرلا:اصلا باغة نشوف اامغرب كيف داير
مريم:مرحبا بيك
شافت فجون:حتى نت
جون:صافي غنحضر تانااا
بتاسمات فرحاانة..عائشة خاص ترتاح من لوالادة عاد ايديرو ااسبوع
