💔الجزء 189💔
كان حدا البحر واقف ونضاضر فعنيه كوحل وكاسكيط على راسو ماكايبانوش مالاميحو مزيان متكي على طموبيل وسيجار فيديه وكيشوف لبعيد
حتى كيحس بشي طوموبيل وقفات حداه كانت ديال واحد من رجالو ضار بكامل جسمو لجيهة دطوموبيل نزل شيفور ونزل موراه الشخص المطلوب (يحيى)الفلسطيني نص دحياتو هنا كان فعمرو تسع سنين عاشها فالمغرب جا ليه من بعد ماماتو كاع عائلتو ففليسطين جابوه عمامو للمغريب وحطوه فالخيرية باش مايموتش تاهو ورجعو هوما لفلسطين دازو اعوام وساق خبار موت عمامو تاهوما فانفجار ..قرا مزيان ووقف على رجليه ماخلاش هدشي لي وقع ليه مصدر ضعف لا كان مصدر قوة ليه وحلمو الوحيد لي عايش فقلبو وكبر معاه من الصغر هو استقلال فلسطين .حلم اي مواطن عربي..شاف فااشخص لي اونفاص معاه فهموه مزيان علاش هو هنا وعارف اش خاص يدير ووافق بدون تفكير ..قرب لعندو وهضر بالدارجة مطلوقة ولكن كتحس فلهجتو بشوية ديال تغيير ..حتى شكلو والجمال لي عطاه الله مغاير على جمال لمغاربة..يوسف بقة كيشوف فيه :اتكون عرفتي علاش نت هنا
يحيى:وموافق
يوسف زول النضاضر وقلب لكاسكيط اللور وتواجه معاه:انا غنأمن ليك كاع الحماية لي غتحتاجها حتى يوصلو الاسلحة على خير ومن بعد اترجع لحياتك عادي وتاحد ما ايسيق لخبار كلشي مدروس مزيان جوج دسفن ايشدو الطريق فنفس الوقت .ولكن السفينة التانية انحاولو نخليوها تعطل واحد ساعة دلماكانة علامن الاسلحة يكونو خرجو من السفينة وكل حاجة مشات لبللاصتها عاد اتوصل داك الساع ااسفينة ديال السلعة.وفاش اتوصلو اتلقة تماك رجالي ومجموعة من خوتك الفلسطينين كيتسناوك ايكملو بالباقي
يحيى بتاسم:انا قادر ندير اي حاجة باش يوصلو هاد الاسلحة
يوسف بتاسم وحط يديه على كتافو:كنت عارف انك نت هو لي غنعول عليه
يحيى:بالفرحات عليا وشكرا حيت ختاريتيني
يوسف مسح على راسو وكمل كلامو:من دابة تلتيام غتنقل الاسلحة
يحيى:انا قدرت نقنع مدير الاسفار باش نختار الفريق لي ايشد معايا الطريق تلاتة دلمغاربة تايق فيهم وصحابي بزاف وتاهوما من النفس الضومين وتلاتة دلفلسطينيين يضحيو بحياتهم على ود فلسطين هدو كاملين على حسابي وكاع المعلومات عليهم صيفطتهم ليك مع واحد من رجال ديالك
يوسف:اه قريتهم ودرت البحت عليهم كاملين المهم الحد الان كلشي مزيان احم بقات حاجة وحدة
يحيى:شنو هي
يوسف:في حالة ما تعرف كلشي او وقعات شي حاجة
جبد من جيبو شي حاجة ومدها ليه
يحيى بقة كيشوف فداكشي لي فيديه وفهم كلشي بلا مايحتاج يشرح ليه..خدا داكشي وخباه فجيبو:كون هاني ازعيم
يوسق رجع دار نضاضر على عنيه :نخليك دابة واي حاجة تاصل بيا
ومد ليه الكارط دنمرتو ومشا
يحيى بقة واقف شحال وركب تاني مع شيفور لي جابو ومشا
فجيهة مغايرة
سلاو الاجتماع مع ااصحافة وخداو ليهم صور بجوج باش من غدا ايخرج الكطالوك ديالها الخاص بالازياء الرجالية..داز كلشي هو هداك مهدي مشا معاها فالخط وكيجاوب بكل طلاقة وبراعة لدرجة الصحافيين ماسخاوش من الحديت معاه وعن حياتو المهنية والشخصية وكيف طاح ليهم لبلان هو واكرام باش يخدمو بجوج...خرجو من قاعة التصوير
شافت فيه:شنو بان ليك نحتافلو بجوج
بقة كيشوف فيها
اكرام :كندوي معاك
مهدي:من نيتك ابنت العبد واش طالعة ليك السخانة
اكرام:عادي..نت ماعندكش عائلة معامن تحتافل وانا كدالك وكلشي مشغول .قلت علاش مانحتافلوش بجوج
مهدي بتاسم:وشكون ايخلص
جراتو من دراعو:زيد بلا هضرة خاوية
مهدي:باش نعرف وكان
خرجو من شركة التصميم الخاصة بيها .جراتو للطموبيل ديالو وشافت فيه: حل ليا لباب
مهدي:ماديريليش داكشي دلافلام والاميرات مالك ماعندكش يديك
عقدات حواجبها:ياااااك...راه فكل عيد ميلادي كنبغي نحس براسي اميرة
مهدي:علاه اليوم عيد ميلادك
هزات راسها باه
مهدي:حلفي
اكرام:والله
مهدي:ايوا عيد ميلاد سعيد وعقبال لالف عام واخة عارفك من النوع لي يموت ومايتكمش ليها وجها المهم خمسين عام وموتي عجباتك هادي
ضرباتو على دراعو:مهدييي
بقة كيضحك وحل ليها باب الطموبيل ودار ليها داك الحركة لي كيديرو للاميرات يديه مور ضهرو وتحنة شوية:تفضلي الالة
ضحكات وهي هازة جناب دلكسيوة ديالها:شكرا
شد موراها لباب ومشا ركب حداها وديمارا
كانو شادين الطريق
اكرام:بغيت نمشيو لشي بلاصة على دوقك
شاف فيها:هي لولة
بقاو غادين تا وقفو حدا واحد المطعم عجبها شافت فيه:زوين بزاف من برة
هز راسو باه ونزل قبل منها وحل ليها لباب نزلات وهي مبتاسمة شد موراها لباب وفتح ليها دراعو :تفضلي الالة
خشات يديها فدراعو ودخلو للمطعم ختار ليهم سيرفور طابل معزولة شوية على البشار ..هضر مع سيرفور ورجع جلس
اكرام كدور عنيها على المطعم عجبها بزاف كتحماق على بحال هاد الاماكن كلاس شافت فيه:عجبني المطعم بزاف زوين
مهدي:مايكونش زوين بحالك..بعدة شحال اتكملي
اكرام:21عام
مهدي:تبارك الله ..كتزيدي غتزياني
كانت كتشوف فيه والابتسامة ماحيداتش من قبيلة هزات راسها باه :ونت فوقاش عيد ميلادك
بتاسم:اليوم تانا
شهقات:واش بصاح
هز راسو باه:اه ليوم انكمل 26عام
اكرام:واااااااو هدشي زويييين على صدفة شحال زوينة
مهدي:اه هادشي عندو واحد المعنى
اكرام:اينا معنى
مهدي شد ليها يديها وجرها لعندو باسها:اننا بجوج متواتين مع بعضنا وعندنا بزاف دلحوايج مشاركين
جرات يديها لعندها وتزنكات فوجها ..بتاسم:اشنو غنتغداو
اكرام :امم ماعرفتش..اه تشهيييت لا زانيا شحال ماكليتها
مهدي دار اشارة للسيرفور:جوج لازانيا وشي حاجة معاها على دوقك
سيرفور:هي لولا
اكرام:كتعجبك تانت لا زانيا
مهدي:عمري كليتها
اكرام:كون ختاريتي تانت شي حاجة كتعجبك
مهدي:لا كنتشابهو فكلشي مابغيتش نخرج على هدشي
بتاسمات فرحانة بقات غير كدوي وتعاود ليه ويعاود ليها نسات شخصيتها الانانية .ولات انسانة عادية وهي معاه كان ملاحض هدشي وغادي معاها فالخط وكيتصنت ليها باغيها تبقة ديما هكا. عاودات ليه على طفولتها وزبايل لي كانت كدير وعيد ميلاداتها كيف كانو كيدوزو المهم مابغاتش تسكت:هههههه عرفتي ماعرفونيش كاع فين تخبيت حتى جا بابي من الخدمة لقاهم مخلوعين وبوحدو لي عرف فين غيلقاني
سكتات فاش حسات بواحد الغصة على قلبها:لقاني فبيت ماما الله يرحمها داك البيت ماكانوش كيدخلولو ولا يخليوني ندخل ليه من نهار ماتت ماما فيه وهو مسدود ولكن انا فاش كنلقة الفرصة كندخل ليه ونجلس فيه ونبدا نهضر ونعاود ليها اش وقعلي بحاليلا كاينة معايا وكتسمع لي وبعض المرات كنتخايلها كتسمع ليا وفاش كنحط راسي على المخدة فين كانت كتنعس كيجيب ليه الله متكية على صدرها لدرجة كنبدة نسمع دقات قلبها .فاش كبرت وهموني بهاد البيت لي انا فيه انه هو بيت ماما حيت طلبت نبقة نعس فبيت ماما لي ماتت فيه..ماما طاهرة مابغاتش وهي تبدل لبيت وتقولي هو هدا يحساب ليهم صغيرة ماغانعرفش وانا عارفة كلشي
نزلات دمعة من عنيها:توحشت ماما وبابا بزاااف مازال مالقيت شي حاجة لي تبرد ليا لعافية ديالهم فقلبي امهدي .توحشتهم
ناض وقرب لعندها تحنى مسح ليها دموعها:الله يرحمهم شتي باش تقدري تعيشي هانية تفكري انهم ديما معاك ساكنين هنا فقلبك ماشي لعافية لي كتحرق فيك..تفكريهم وترحمي عليهم وسيري زوريهم فالقبر ولكن ماديريش هاكا ماتحقديش خليك بحال هكا انسانة مسالمة موتهم راه مكتاب عليهم تاشي واحد ماعندو يد فموتهم ولا كان سباب ..ربي بغاهم داهم وكاملين انموتو ..عيشي حياتك ديما كنقولها لك نتي دابة حية ومتأكد ايبغيوك تغتانمي حياتك فالحوايج زوينين وتكوني فرحانة ماشي تمتلي دور وحدة شريرة وحقودة هكا عمر العافية لي فقلبك اطفى ..جربي وغتشوفي
شافت فيه:كنحاول والله ديما كنتقاتل مع نفسي كنعيش واحد ااصراع داخلي ايحمقني كنلقة راسي كنهضر بوحدي باغة نتبدل ونعيش حياتي ولكن واحد الجانب فيا ماباغيش..ماعرفتش ماكانلقاش لي يعاوني ويفهمني كيعاملوني على اساس وحدة مفششة خاص غا لي يدير ليها خاطرها ويلبي ليها طلباتها صافي هدشي لي باغة ..ماكانلقاش لي يعاوني امهدي
مهدي بتاسم وباسها على راسها:انا نعاونك ومن اليوم انا معااك
اكرام:حلف
هز راسو باه:كنقسم ليك انبقة ديما فجنبك
اكرام:ما اتخلاش عليا لا طلعت ليك فراسك بتصرفاتي
مهدي:لا عمرك طلعيلي فالراس
ماحسات براسها تاعنقاتو كانت محتاجة لبحال هاد الشخص لي يفيقها من داكشي لي فيه لي يفهمها ويوقف معاها ويساندها ولي يكون مختالف لي يعاندها ومايديرلهاش خاطرها
بعدات عليه بشوية وشافت فيه:بغيت نتبدل والله
مهدي:وغا تبدلي وعد مني
هزات راسها باه وهي مبتاسمة
رجع لبلاصتو فاش جابو ليهم لغدا تغداو فأجواء زوينة بجوج محتاجين لبعضهم بجوج يتامى وغيحسو ببعضهم ..داز الوقت سلاو الغدة وكانو كيدويو حتى كيسمعو صوت لموسيقى هادئة 🎻🎺
دارت وهي تشوف فرقة موسيقة كتقرب لعندهم وسيرفور جايب لكاطو فيديه فيها شميعات وشمعة كبيرة فالوسط ملونة بالالوان..جمعات يديها لعندها وهي مبتاسمة شافت فيه :وييينووووو
حطو ليهم لكاطو فالوسط والفرقة الموسيقة واقفين حداهم على انغام سنة حلوة يا جميل .فرحات بزاف وهي كتشوف سميتها وسميتو على الحلوة . جبدات طليفونها وعطات للمصوير يصورهم بجوج..شافت فيه ووقفات:اجي نتصورو قرب لعندها حط يديه على خسرها وهي حطات راسها على كتافو وبتاسمو والحلوة قدامهم خدا ليهم كتر من صورة ..وتا فاش قطعو الحلوة وناس لي كان قراب ليهم صفقو عليهم كانو بجوج فرحانين بزاف كلاو الحلوة وفرقو على ناس لي حداهم ..
اكرام :شكرااا بزااف فرحت والله
مهدي:تستاهلي كتر كون عرفت من قبل نوجد شي حاجة حسن
اكرام:لا عييت من نفس الروتين عيد ميلاد ديما كيتوجد على قبل وكلشي موجود ..احسن عيد ميلاد هو هدا بغيت نقول عيد ميلادنا
مهدي:انبقاو نحتافلو بيه فكل عااام انا وياك
هزات راسها باه
مهدي شاف فيديه فساعة:مشة الوقت خاص نرجعو هاد نهار لخطبة دعصام ودينيس
بتاسمات:اه غادي تحضر ياك
هز راسو باه:ضاروري
شد ليها فيديها ومشا خلص وخرجو ركبو فاللوطو ووصلها لبارك لطموبيلتها نزلو وحل ليها باب طموبيلتها قبل تركب باستو على خدو:شكرا بزاف
مهدي:اااح اقلبي عاوديها
رجعات باستو على خدو وهي كضحك:عيد ميلاد سعيد وكنتمنى ليك ديما تبقة فرحان وعمرك تبدل تبقة هكا
مهدي:عمري نتبدل
بقات كتشوف فيه شحال :احم يلاه نخليك
ركبات فطوموبيل بقة واقف تا ديمارات ومشات ودارت ليه باي باي بيديها ..بتاسم دوز نهار زوين ركب فطوموبيلتو ومشا تاهو
